بقولكم شراح اسوي حق طلعة الاربعين وساعدوني

[دآنة آلرشآيده]

انا توي طآلعه من آلربعين
سويت تشقير جسم وبعدين حمام بخار
وبعدهآ حفيت وغيرت بحواجبي عرضتهم
صبغت شعري بني على عسلي فاتح واللون عجيب
قصيت شعري بس ماسويت كراتين لان شعري مايحتاج نآآعم

فصلت عبي ودراريع وبدل
وبجايم وجناط وساعات وشحاطات

وطالعه من الشر ان شاء الله

 

[رسلان العجمان]

أنا ياطويلة العمر
سويت تقشير للجسم والوجة
وبعدها بعشر ايام سويت حمام مغربي
وحف وبدكير ومنكير
وصبغة شعري بني ضارب لنحاسي
وقصيتة دقرادي قصير
ويوم طلاعتي تمكيجة وسويت شعري
وطلعت جني عرووووووس
هههعععع
الفال لكم
و

 

[Roty]

رد : بقولكم شراح اسوي حق طلعة الاربعين وساعدوني

مشالله حلو شغلكم

مشكورين علا مروركم

 

[Mednight Rain]

رد : بقولكم شراح اسوي حق طلعة الاربعين وساعدوني

البنات ماقصروا

up
up

بس الكيراتين ما يعطي مفعول سحري يعني شوية نعومة وتروح ما يفرد الشعر حييل
وانا عروس سويته وصبغت الحين شعري دمار :eh_s(11):

ابر النضار مدتها مؤقتة 10 ايام وتروح بس تعيطي نضارة ولمعة للبشرة

 

[Roty]

ميد نايت بالعكس ينعمممم ويفرد لان تدرين لازم علا طول نتسبح وانا ماعندي وقت خصوصا عندي عيال

والابر مادري عنهم

 

[ملوكـه]

up
up

 

[فراوله زوجي]

حبيبتي الكيراتين يفتح الصبغه ديييييروا بالكم سوي الكيراتين بعدين صبغي
واحلاا شي هيفاا ستايل اللي جدام سيتي سنتر السالميه
وعندج فوزيه النقاشه نقشها جنه تاتو
وسوو البرافين لجسمكم
وسلامتكم
وطالعين من الشر ان شاءالله

 

[shak!shoka]

شنو البرافين ؟؟


انا بولدي يحليلي ما كثرت ما افهم !
حمام مغربي و شيره بدكير منكير ، استشوار ! و صبغت اسود من غبائي صج اني مغبره و ما قصيت عشتوا ابيه يطول !

اييييي ونقشت حنه كان احلا شي بالموضوع النقش

بس عجب ريلي الحمدالله


وبالثاني باذن الله باهتم اكثر و انشالله خير ههههه

 

[ملوكـه]

شنو البرافين ؟؟


انا بولدي يحليلي ما كثرت ما افهم !
حمام مغربي و شيره بدكير منكير ، استشوار ! و صبغت اسود من غبائي صج اني مغبره و ما قصيت عشتوا ابيه يطول !

اييييي ونقشت حنه كان احلا شي بالموضوع النقش

بس عجب ريلي الحمدالله


وبالثاني باذن الله باهتم اكثر و انشالله خير ههههه

بالعكس الصبغه السوداء
اهيا اللي ماتروح موضتها
شوفي اغلب الممثلات والمذيعات
صابغين اسووود

 

[♥ ݤليے ﻁﻔووله ♥]

حياتي انا عن نفسي بفترة الاربعين ابي اسوي اقل شي 3 مرات حمام مغربي وكل اسبوع تشقير مره ويوميا سبوح بخلطة صوابين بسويها ولازم تدهن بجلسرين وليمون لزوم الزباده والبياض وبحط حرتي بالاكل والادوبه الي تسنع الرحم وماراح ارحم روحي بسوي رياضه السرير عشان الكرش وبلبس المشد الاندونيسي يمدحووونه حييل وطبعن يوم وترك ماسك للوجه والشعر بس ماني حاطه حنا لاني بصبغ وبقص وابي انظف ضروسي واطق ابر حق شعري واذا سمحت ميزانيتي بسوي جلسة ليزر حق الشيسمونه لانه واااو وليزر هم حق الهالات السوده الي قتلتني الفتره هذي وحدي حاقده عليهاا =(( وقبل طلعتي بيومين بحف وبسوي بديكير ومنكير وبرافين ان شالله اني فدتج واكون ماقرقت وايد والله يقدرني اسوي كل هذااا الي قلته لاني شكله بفخهـآآ نوومه الاربعين كله من التعب هع

 

[N.U.N.A.A]

الله يسهل علينا و عليج
اول شي لازم الصبغ بعدين الكيراتين لان اذا سويني كيراتين مايصير تصبغين الا بعد شهر
و ثاني شي الكيراتين يبيله اسبوع على الشعر بعدين تغسلينه ليش ماتجربين شي نفسه اسمه ريلاكس مدته بس ساعتين و تغسلينه و انتي بالصالون و نفس نتيجه الكيراتين
و بالتوفيق أنا شكلي بصف وياج و بسوي نفسج بس وين تصبغين شعرج أنا خاطري لون واحد بني فاتح او اشقر
*

 

[beauty rose]

عن نفسي ما صبغت شعري ولا مره و متردده اصبغ
ودي و خايفه يطلع مو حلوو
و ان شاء الله بسوي باقي الاشياء اللي كتبتيها

بس عادي الوحده اذا قيصريه تسوي مغربي ؟؟

 

[Roty]

حبيبتي اذا قيصريه لاتسوين مغربي انا بصراحه ماسويت

وحبوبه انا اصبغ شعري بصالون جمعيه الشعب عند امل واهيا اللي سوتلي كيراتين تسلم ايدها

 

[السيدة الصغيرة]

شوفو حبايبي اول شي بنص الاربعين سوست غمازات لان حبيت اغير من شكلي حيل
وبعدها صبغت شعري بني على عسلي لون واحد ودرجته على طوله لاني احب الشعر
طويل ورحت الصالون سويت برنامج العروس كامل
بس نفاسي هذا محتاره شصبغ

 

[عضـــــوه]

واي بدعتوااااااااااااااا


بس كتبوا الاماكن الي فادتكم

مثلاً دانة الرشايده والصعيريه برنامجكم عجبني وبحطه براسي

بس لو تحطون اسامي الصالونات يكون حيل حيل احسن

،،،،،،

وتبيض الاسنان وليزر البشره وييييين ؟!؟

جزاكم الله خير ماقصرتوا وربي يهنيكم حبايبي

 

[تبطي عظم!]

سوي حمام مغربي قبل الشيره علشان الشعر الي تحت الجلد كله يطلع

الكيراتين والصبغ ماعندي فكره اذا يصير بنفس اليوم

وحده من رفيجاتي تمدح صالون شاتمون حق الكيراتين ~

شوفي انا مفكره اسوي الاتي لووول

تنظيف بشره عند لابرجوازي

تبييض اسنان عند فرجينيا

حمام مغربي اخر اسبوع بنفاسي وقبل طلعتي بيوم حمام ملكي المعطر عند لابرجوازي سويته بعرسي وااااو شوي عليه

بديكير ومنيكير وبرافين

تشقير جسم

نقش على الظهر << اغراءء لوووووول

شعري الصبغ + القص + الكيراتين << فكره قاعده ادرسها لاني خايفه من هالخطوه لان بصيلات شعري تعبانه واخاف ماتتحمل الصبغ والكيراتين

بغير ستايل غرفتي مشتهيه اللون العنابي بشكل مو طبيعي

بشتري ستاره عنابيه وكفر عنابي ومفرش للتسريحه والكوميدينات + ابجورات كلاسيك

وطقم للحمام عزج الله كله عنابي اما قميص هالليله ابيه اوف واايت كأني عرووس ~

 

[yasmeen_q8]

اي عادي تقدرين تسوين كيراتين عقب الصبغ على طول بس مو قبله لان الصبغ يتلف الشعر والكيراتين يعالجه والاحسن من الكيراتين الحين الميلك شيك

 

[{ ليت ظني كآن صآيب }]

موضوعج حلـــو و مفيد

انا بصبغ وبقص

تشقير ثم حمآم ملكي ثم شيره

بسوي حواجبي نيو لوك

و بحط حرتي بالسوق

و بسوي تنظيف اسنآن في تيجان لان طول فتره حمالي لثتي تنزف

و سالفة النقش خاطري فيهاا بس متردده

ودي اخليها حق مناسبه ثانيه

و ودي اسافر صرآحه لان جد محتاجه اغير جووو واذا ما سافرت بحجز فندق ميسوني روووعه

و لايطوفكم المطعم الايطالي اللي بهالفندق .... !


\


اي نست ودي اطق خدود بس خايفه ومتردده

 

[تبطي عظم!]

ليت ظني

السووق اااااااه يالسوووق كل شي بخااطري اشتريه والبسه

حدي اشتقت للبديات والشورتات وهالسوالف الحين كل لبسي نفانيف حوامل حاطه حرتي فيهم

صج حلويين بس تشتاقين للبس الثاني الله يقومنا بالسلامه ونلبس كل شي بخاطرنا

 

[^_^يالي احبه^_^]

اول شيره بعدين حمام مغربي وبعدين اصبغي شعرج وسوي كراتين بعدها