حساسية الأسنان بعد التلبيس ..

[دلال.]

بنات عفية ساعدوني :eh_s(2): ..
أنا سويت تلبيس حق أسناني " أشوه إنه مو كلهم " .. بس اللي سويت لهم تلبيس .. صايرين حساسين
وايد ذبحوني :eh_s(16): .. رديت حق نفس الدكتور اللي سوالي التلبيس مو مصدقني .. و يقعد يتعبث
يعني يكون بيحل المشكلة .. و اهوا ما يسوي شي ..
عفية أبي أراجع حقهم و أبي هالمشكلة تنحل ..

 

[منتظرة الفرج]

ماادري شنو مشكلتك بس ممكن ماشال العصب زين افضل شي روحي لدكتور ثاني وثالث لحد ماتعرفين العله والله يعينك

 

[دلال.]

اهوا مو عصب .. تلبيس .. يعني برد الضرس ولبسه ..
مشكورة حبيبتي تسلمين والله ماقصرتي

 

[ام شريفه]

انا نفسج استعملي معجون سنسوداين للأسنان الحساسة

 

[شموخ نثيه]

حساسية الاسنان اتوقع من العصب لان لما برد لج الضرس مابرده عدل
لان اذا البرد مو عدل تحسين بحساسية الضرس حاولي تروحين ويشيل لج العصب

 

[zain-alq8]

عند اي دكتور مسويته لانه انا جذي لبست ضرسين واحس للحين يعوروني

 

[دلال.]

ام شريفة .. جربته بس مفعولة ضعيف ..


شموخ نثية .. المشكلة لمن قلت له عن العوار سوالي أشعه و قالوا ماكو شي لا عصب و لا تسوس .. : ( ..


زين .. سويته بدار الشفا عند بهبهاني ..

 

[احب الكاكاو]

في جنجر جيل عطوني ياه بعد التلبيس يحرق بس وايد خف التحسس باسناني

 

[دلال.]

من وين آخذه ؟ .. و شلون استعماله و طعمه ؟ :/ ..

 

[شموخ نثيه]

حاولي تشربين شي بارد وشوفي راح تحسين بالعوار بس لاتدعين علي لان راح يعور واايد مو شوي اذا حسيتي بعوار يعني عصب
ومرات موشرط يكون العوار من التلبيس يمكن السن الي يمه بس انتي علبالج الضرس نفسه
وسلامتج وبشري شنو يصير وياج

 

[Ranoon]

الله يعينج ماعندي اي فكره
يس حابه اعرف عن التلبيس ...

 

[دلال.]

شموخ نثية .. انا عرفت إنهم حساسين من هالحركة .. تخيلي الحين كله لمن اشرب شي بارد لازم يكون بعود : ( ..
و كلمت الدكتور بعدها بأسبوع و ماصدقني .. لمن رحت له سوالي أشعه وقال مافيهم شي .. حطالي ماده على الأسنان طعمها جنه
حلاو و قال نطري نص ساعه و يصيرون احسن .. ماصار شي :/ .. والحين صار لي 4 أشهر ..
باجر بروح مستشفى السيف و أشوف شنو يقولي الدكتور ..




رنون .. والله انا ماكنت اعرف شي عن التلبيس حتن ماكنت رايحتله كنت رايحه اسوي حشوه .. بس الدكتور نصحني فيه .. و رديت
البيت افكر و عقب بديت معاه ..

 

[^^ROSE^^]

انا لاحظت ان هالشي صار حق وايد من اللي سووا تلبيس فخفت وانا احتاج تلبيس بس خايفه يصير فيني جذي

اذا رحتي السيف قوليلنا شيصير الله يعافيج ناطرتج
ومنو عندهم زين؟ شايفه شغلهم؟

 

[نور مغليها]

آنا سويت تلبس بالاول كآنوآ حساسيين حيل وراسي كآن يعورني منهم ولاعت جبدي
وغير الدم الي يطلع لما افرش ‘ بس آلحين لا رآح صار عادي حتى سـألت الدكتور قالي هذا طبيعي لأنهم تلبيس والشي الثاني مو نفس الاسنآن الطبيعيه يعني فتره معينه وتروح \ واهوا الصج فتره وراحت

 

[دلال.]

روز .. انا رفيجتي مدحت لي عادل العصفور قالت وايد زين .. بس للأسف اهوا الحين مسافر .. فحجزت عند محمد ذياب و رحت له ..
كـ بداية حسيته فاهمني .. و عطاني مضمضة و جل حق اللثة لأنها صايرة وايد حمره .. و قالي حاولي تشربين شي بارد " نفس ماقالت
لي شموخ نثيه خخ " بس عشان يعرف بالضبط وين العوار أكثر شي عشان يسحب العصب ..



نور مغليها .. لا مو لدرجة صداع و دم لا لا .. بس حساسين وايد يعني لمن أشرب شي بارد أحس خلاص الضرس تيمّد و بينكسر من
البروده ..

 

[شموخ نثيه]

حتى اذا شربتي شي بارد تحسين بالم بس ماتدري اي واحد بالضبط
اذا ماخف الالم ويارب يخف
واذا ماخف لما تروحين له قول حق الدكتور يحط لج الهوا يشوف اي ضرس فيهم اذا حسيتي فيه يعني اهو بس حاولي اكثر من مره يحط له الهوا علشان تعرفين ان الضرس
لان مرات تحسين بالم من العصب وتقول هالضرس ولما تروحين يقولج لا مو هذا الي يمه بس انتي تحسين بهذا
وماتشوفين شر يارب وطمنينا عليج

 

[^^ROSE^^]

دلال
عادل العصفور وايد زين بس هو جراح فك
قالتلج رفيجتج ان يسوي تلبيس؟
ولا بتروحيله حق فحص؟

 

[دلال.]

حتى اذا شربتي شي بارد تحسين بالم بس ماتدري اي واحد بالضبط
اذا ماخف الالم ويارب يخف
واذا ماخف لما تروحين له قول حق الدكتور يحط لج الهوا يشوف اي ضرس فيهم اذا حسيتي فيه يعني اهو بس حاولي اكثر من مره يحط له الهوا علشان تعرفين ان الضرس
لان مرات تحسين بالم من العصب وتقول هالضرس ولما تروحين يقولج لا مو هذا الي يمه بس انتي تحسين بهذا
وماتشوفين شر يارب وطمنينا عليج

إي والله قاع احاول اتحسس هاليومين .. لأنه قالي حاولي حتن لو عوروج بس تركزين على الألم وين أكثر
شي .. تصدقين انا ودي اكشت فيهم واسوي ضرسي ابيه يحشيه .. بس المشكلة خايفه يحوشهم الماي
البارد مال التنظيف لانه جد راح اتعب وايد من العوار .. وقلت له مايبين بالأشعه ؟ يقول لا .. الحساسية ماتبين :/ .!
الشر ماييج حبيبتي تسلمين والله :eh_s(17)::eh_s(17):

 

[دلال.]

دلال
عادل العصفور وايد زين بس هو جراح فك
قالتلج رفيجتج ان يسوي تلبيس؟
ولا بتروحيله حق فحص؟

إي أنا رفيجتي تعالج فكها عنده .. وقلت له أخاف ماله شغل .. تقول لا اهوا مو شرط حق الفك ..
عادي مادري ماجربت أدش له .. لأنه هالأسبوع قالت لي مسافر فعشان جي اضطريت حجزت عند
دكتور ثاني ..