بقولكم قصتي تكفون ادعوالي والله مظلمة

[الشيخه غرور]

من صجج بالعنته الرياييل ترس الديره

واهو مافي خيررر

الي ما يبييج مره سبع صخرات وراه

اخر همج خل يولي هذا مو مال زواح مو جديين

الله يعوضج صددقيني خيررررره 

 

[Nmnoum]

يا قلبي قولي الحمدالله و الشكر ., ماتدرين يا قلبي أكيد في حكمة من هالموضوع
أكيد في خيره لج

 

[فدوووو]

حبيبتي عادي خليه يولي انا كنت تقريبا زيك بس انا ملكت عليه وبعدين اكتشفت انه مدمن وامه عوبه حييل

الحمد لله ربي فكني منهم واخذت زينه الشباب الحين عمري 25 سنه ويوم تطلقت 21 سنه تخيلي

الله يرزقك اللي احسن منه بوااايد قولي امين

 

[بشوررة]

الله يرزقج ويعوضج خير

 

[عروس الزين]

لا ي حيااتي لا تصير بخاطرج فديتج
وترا كل اللي صار لج خيره من الله سواء كان الرفض منهم او منج
كوني على ثقه ان الله كاتب لج اللي احسن منه

 

[miss_whitemocha]

الله يهديج وايد كبرتي الموضوع..
أولا هي كانت خطبة.. يعني مجرد تعارف و واحد يشوف الثاني و يشوف إذا قادر يتقبله أو لأ.. يعني ما هو كلام رسمي عشان تروحين و تجهزين نفسج حق العرس الله يهديج كأنج ما صدقتي..
ثانيا ما فيها شي لو شافج بحضور أهلج و تعرف عليج..ما فيها انتقاص لكرامتج أو إهانة لج.. أغلب البنات ينخطبون بهالطريقة..
يعني حرام تدعين على أهله و خواته لأن اللي صار وايد طبيعي بس ردة فعلج اللي مو طبيعية صراحة..
ثالثا كون أهله شافوج و عجبتيهم ما يعني بالضرورة إنج تعجبين ولدهم.. هم ارتاحولج و هو ما ارتاحلج و الراحة من الله مو بالغصب..
وااااااايد هولتي بالموضوع الله يهديج​

 

[ازمه وتعدي]

انا اقول ربي يحبك اللى صارت السالفه قبل تملكين وتجيبين عياااال منه

من حظك اللى اافتكيتى منه

اللى اهله يفرو عقله اللحين قبل الملكه شنوو تتوقعين حياتج بعد العرس فى بيته ؟؟؟

والشوفه الشرعيه ربي ما حللها كذااا

تشوفينه ويشوفك صار قبول تم العرس ماااااصار كلن بطريقه وماا تندمين تاااالى

الله يعوضك باللى احسن منه

ياارب
​

 

[- BambeNo -]

خيره حبي
الله يعوضج بواحد أحسن منه ..

 

[قآنون كيفكـ!!]

قال تعالى ((وان تحبوآ شيئا وهو شر لكم ..

حمدي ربج خيرة لج باذن الله ..
تفائلي بالمستقبل وخلي عندج حسن ظن بالله
وان شاء الله تجهيزج للي يستآآهلج ..

الله يوفقج ~~

 

[أميـِـِره]

الحمدلله اللي صار هالشي قبل الملجه
قولي الحمدلله و الله يعوضج بواحد احسن منه

بس حسيت انكم غلطانين لانكم شارين الاغراض من قبل الملجه
بس تأكدي ان كل ششي خيره لج

 

[pinkoosha]

خيره, النضره الاولى حلال,, تطمني
الله يرزقج على قد نيتج يارب

 

[والله مظلومة]

الحمدلله عسى الله يعوضني بواحد ابرك منه واحسن منه يارب العالمين بنات انا كبيرة بالعمر اواخر العشرينات
يعني شسوي ابي افرح عيشوني وهم 3 شهور حسبي الله ونعم الوكيل

 

[{جوليت}]

الله يعوضج ويرزقج بواحد احسنه منه ويسعدج بالدنيا هذي
لاتحاتين كل شئ بهدنيا قسمه ونصيب
وراح يجي اليوم اللي راح يجيج ولد الحلال وراح تشوفين نفسج احلا عروس
ولاتخلين اللي صار يأثر على نفسيتج
يمكن الله كاتبلج خيره مع واحد ثاني​

 

[قطوة@@]

الله يعوضج خير

و اكيد شايف بلبسج و حجابج .. و عادي حووبي هذي نظره شرعيه مافيها شي من حقه يشوفج

و هذا قول الرسول عليه السلام و هو اشرف الخلق "انظر إليها فإنه أحرى أن يؤدم بينكما".

و خيره من ربج ما خذيتيه

 

[(حكاية قلب )]

الله يعينج ويرزقج بولد الحلآل

 

[الـــغـــلآ]

لآ تدعين على خوآته و أهله مآ تدرين حرآم لو أخوج يسوي نفس الشي ترضين يدعون عليج !
قولي الحمدلله و ربي يعوضح أحسن منه

 

[فيونكة_وردية]

والله نفس سالفتج بس انا مع الام مو الولد ما طلعتلها اول مره محنا فرجه الزياره الاولى تعارف وبعدين الشوفه كا اطلع لناس مانعرف فصلهم وساسهم المهم عصبت الام يت عقب فتره عشان تشوفني وطلعت ما طولت والله انها بس بتنتقم ومن كلامها
تعرفين شنو انكسر قلبي وتضايقت حسيت كانني سلعه او بضاعه طبعا شعوور حده بااايخ وحز بخاطري

بس الحمدلله صادف رمضان العام وكنت ادعي من قلب لين توفقت بسيد سييييدهم والحمدلله ماشاء الله تبارك الله صارت ظروف معاي بس هم تيسرت وصدقيني ماتتصعب الا عشان الله يبي يسمع دعائج وتتيسر

الله يهون امورج استغفري وكثري دعاء وصلي قيام ليل لو ركعتين عقب العشا والله يوفقج ياارب ويسرلج امورج

 

[pasion]

حبيبتى الى صار عااادى وماشوف فيها ظلم لج او للولد واساس الزواج القبول

بس يمكن انتى تسرعتى وحسبتى الموضوع خالص وماعاد بتفكيرج غير العرس

والتجهيز..استعجلتى والمفروض ما تفكرين بتجهيز وغيره الا بعد الملجة

خلى ثقتج بربج اولا وبنفسج ثانيا كبيرة ورب العالمين قادر يعوضج بأحسن منه

وحرام لا تدعين على خواته مالهم ذنب​

 

[Basho0o0ory]

يا بنت الحلال هذي خيرة والله كاتب جذيه
لا تحرين روحج وتدعين عليهم أستغفري مو زين تدعين عليهم وعلى بناتهم
أدري انج محتره ومنقهرة بس أحسن شئ تقولين حسبي الله ونعم الوكيل لا تدعين عليهم
وعسى ربي يفرحج ويرزقج باللي أحسن منه
تصدقي وادعي ربج بالزوج الصالح

 

[أحبج يمه]

يارب يعوضج خيير