تعبت وابغي مساعده

[كحيله الطرف]

السلام عليكم ورحمه الله وبركاته....كيف الحال اعضاء ؟؟؟عندي مشكله وابغيكم تساعدوني انا عندي التهاب لثه ونزيف شبه يومي خاصه لما اقوم من النوم واللثه مرتخيه والسبب الرئيسي في ذلك عملي تنظيف لثه وخربت لثتي وصارت اطلع ريحه وبقدت الثقه وقرت ماأتكلم مع احد الا من بعيد وانا بنت يمكن احد يجي يخطبني وبعدين يقولون هالمشكله مالها حل الا تسوين تنظيف لثه كل ست شهور مع العلم اني سويت تنظيف لثه ومن رابع يوم تقريبا رجعت لثي تتعب والصراحه احس اني اراح ارفض الزواج بسبب هالمشكله معقدتني حيل وتعرفون المتزوجين لابد انهم يتكلمون وهم قريب من بعض وانا ماأقل بسبه التهاب لثتي والريحه الي تطلع منها ...ساعدوني شسويوالي عندها علاج لاتبخل علينا ...ولكم مني اجمل تحيه

 

[ام فواازي]

استخدمي غسول سنسوداين حيل حلو للثه نصحني فيه د بدر الانصاري وللحين استخدمه من 9 سنين
هذه صورته

 

[منو انت]

راجعي دكتور مختص والحمدالله الطب تطور حيل تبين نصيحه وسهله جربي كل يوم تغسلين بماي وملح سويهم مضمضه والله ان سر اسنان الخدم

 

[كحيله الطرف]

مشكورين ماقصرتوا وجربت الماء والملح صح تخف الريحه بعدين ترجع من جديد وانا ابغي اقضي على هالمشكله والي متعبني اكثر ان لثتي منتفخه ومرتخيه حيل تحسينها محشيه دم شسوي ياناس ساعدوني صارت فيني عقده من لثتي وريحتها

 

[كحيله الطرف]

وكل ماأقوم الصبح من النوم الاقي دم في فمي وماأدري شسالفه وأول ماأضغط على لثتي باأصبعي يطلع منها دم

 

[عطر النسيان]

وكل ماأقوم الصبح من النوم الاقي دم في فمي وماأدري شسالفه وأول ماأضغط على لثتي باأصبعي يطلع منها دم

الله يعينك هونيه وكل شي يهووون
روحي للدكتور مختص وشرحي له حاولي تفهمين منه شنو المشكله في اللثه لاتستخدمين اشياء بدون استشاره الطبيب لان يمكن يزيدها مويعالجها فيه ناس نفس المشكله وسحبو االدم من اللثه
لانه زايد يمكن يكون معاك نفس المشكله
​

 

[مارشميلو..]

حبيبتي مافي شي ماله علاج ومشكلتك مو هذيك الصعوبه
روحي دكتور زين وثقه

 

[منووله مشعل]

راجعي دكتور مختص والحمدالله الطب تطور حيل تبين نصيحه وسهله جربي كل يوم تغسلين بمعجون اسنان بدون الفرشه لان الفرشه تحكك اللثه​

اول ماتصحين تمضمضي بماي وملح وبعدها معجون من غير فرشه حطي المعجون باصبعج وفرشي اللثه بس بشكل دائري وخفيف بدون ضغط​

وبعدها ب10دقااااايق تقريبا اعلجي نعناع طبيعي او علج نعناااع اوحتى علج ريحته حلووة​

وعسالله يرزقج الزوج الصالح وتصيرين له قره عينه يارب​

سووري عالاطااااااله​

تقبلي مروووري​

 

[كتكوته امي]

تمضمضي بمره نقعيها بماي وتمضمضي وكل يومين بدلي البطل وحطي في بطل ثاني ماي ومره

تقوي اللثه وتشدها وروحي سوي تنظيف لثه وعلاج ثاني غير التنظيف شوفي شنو يقولج الدكتور

 

[فـدوه]

لاحول ولاقوة الا بالله, ياربي يشفيج و نفرح فيج عروس ياااارب

انتي لا تقعدين و تفكرين و بس, لازم تروحين دكتور اسنان و سالي منو احسن العيادات و الدكاترة و بإذن واحد احد بتلاقين الحل.

الله معاج

 

[انا لحبيبي .]

الله يهون عليكي يارب العالمين ،

افضل شي تروحي لدكتور ولاتستخدمي اي شي بدون استشارة الطبيب ، ممكن يضرك بحالتك هادي

 

[Tom ♥ Jerry]

,


واي حسبي الله عليهم الي خربوو لثتج !
حبيبتي روحي عند الدكتور بدر الي استضافوه مره بالمنتدى .،
وآيد زين و شاطر ، ومآكو مشكله مآلها حل
الي قالج انه مشكلتج مآلها حل هاذا جذاااب ،

الله يشفيج يارب !

 

[كحيله الطرف]

الله يعينك هونيه وكل شي يهووون
روحي للدكتور مختص وشرحي له حاولي تفهمين منه شنو المشكله في اللثه لاتستخدمين اشياء بدون استشاره الطبيب لان يمكن يزيدها مويعالجها فيه ناس نفس المشكله وسحبو االدم من اللثه
لانه زايد يمكن يكون معاك نفس المشكله
​

خوفتيني بس ان شاء مايكون فيني ومشكةربن على النصايح فعلا احس احنا فهالمنتدى نفس الخوات نحل مشكلات بعض وربي لايحرمني منكم يالغالين

 

[كحيله الطرف]

ان شاء الله بحاول ابحث من احسن دكتور لثهرفي قطر ومشكورين جميعا ماقصرتوا معي جزاكم الله خير دنيا وآخره

 

[جنوبية وأفتخر]

الله يشفيك .......

 

[كحيله الطرف]

اااااامين

 

[سكوتي بذوقي]

روحي عند دكتور متمكن وشاطر

الله يشفيكِ يارب

 

[Queenleo]

انا كنت جذي اول ماقعد من النوم مخدتي متروسه دم
بس سويت تنظيف والحمدالله اختفى
ودكتوري يقول اذا في دم لازم يطلع لانه فااسد
وانتي تفرشين اسنانج بحركه خفيفه عاللثه دائري من غير تجريح
خلي الدم ينزل
ووروحي لدكتور شاطر يسويلج تنظيف
يمكن الي رحتيله جرررح باللثه ووصار عندج التهاب

 

[FeShinGoOo]

شربي مره او مضمضي فيها وايد زينه

 

[رقـة الاحسـآس]

حبيبتي الله يكون بعونج

قبل لا اقولج استخدمي المضمضه الفلانيه والا غيره
اهم شي تروحين لدكتور شاطر في اقرب وقت و تشرحين له معاناتج بالتفصيل
كل شي له حل ان شاءالله
لان انتي محتاجه علاج اولا وبعدين ايي الاهتمام اليومي

استخدمي معجون سنسوداين للاسنان الحساسه و كذلك المضمضه مالته
مضمضه لسترين تعجبني بس ماعرف اذا بتنفع في حالتج
فافضل سنسوداين
استعملي فرشاه ناااعمه
ونظفي بنلطف جدا عشان ما تتعور لثتج
ولا تنسين تنظيف اللسان

وخذي مصاص نعناع و لبان نعناع بدون سكر
وخليهم معاج خذي منهم ع فترات متفاوته عشان تكونين واثقه من نفسج