ياعروس تعالي اخبرج تجربتي ويا الليزر :)

[ميرة بوظبي]

​

دايم اتيني استفسارات من البنات عن موضوع الليزر .....

حبيت احط لكم تجربتي مع الليزر ........

بديت اسوى ليزر في وجهي من سنتين في مركز طبي و استمريت عندهم لمدة سنة ونص وماحصلت نتيجة كان نوع الجهاز الترا لايت وهذا الجهاز يناسب البشرة البيضاء والشعر الخفيف لانة يشقر الشعر ويطيح عقب يظهر مرة ثانية بس اخف .... والعشر جلسات من نوع الاضاءة الاترالايت تعادل جلسة وحدة من الليزر

وعقب وقفت مدة ست شهور ما سويت شي فيها غير الحلق بالموس ........ بس طلع الشعر نفس ماكان ........
وصراحة تندمت لاني لعبت بوجهي على الفاااااااااضي.... وعقب سويت في مركز كايا للعناية بالبشرة أكيد عندهم في الكويت

في شهر مارس 2009 رحت وخذت اشتراك فول بادي ( جسم كامل ) وكلفني 33 ألف درهم " ماعرف كم يطلع بالكويتي" .....

طبعاً بحط اسم الجهاااااز ( اندياج) وهذا افضل اربع انواع من انواع الليزر ويناسب تقريبا كل انواع البشرة

بصراحة انا انتظمت في الجلسات كنت اسوى جلستين شهريا في كل جلسة أسوى نص الجسم والجلسة الثانية أكمل الجزء الثاني
الجهاز ما يعور بس احيانا يسبب وجع خفيف اذا كانت الدورة الشهرية قريبة يعني ما انصح اي وحدة تسويه اذا حست ان الدورة بتيها لان الجسم يكون وايد حساس ....

واللي بتسوى ليزر لازم تعرف إنها بس بتستخدم الشفرة لان اليزر يقتل البصيلة الموجودة في الجسم وفي حالة انتي ا ستخدمتي مكينة او حلاوة بتتخلصين من البصيلة بنتفها وهذا ما بيفيدج لازم تحافظين على البصيلة الميتة علشان ما يظهر الشعر ...

المناطق اللي حسيت فيها بالفرق هي الباط والنصف الريل و البكيني ....

وما انصح بنزع شعر الرقبة لانة خفيف مثل الوبر وعملية الليزر لشعر الرقبة تزيد من طولة

اما باقي المناطق الوجه ( اذا كان الشعر خفيف ما نصح حد يسوى لانج ما بتحصلين هذيج النتيجة) اكتفي بالتشقير او الخيط احسن,,,

تحتاجين اكثر من 7 جلسات للتخلص من الشعر ....... واللي يقولج غير جذية لا تصدقينة ...

تقريبا تحتاجين اقل شي 5 جلسات منتظمة علشان تحصلين نتايج وعقب تحتاجين جلسة كل شهرين او ثلاث اشهر ....

انا قبل ما اسوى الليزر شافتني دكتورة ونصحتني فيه وعقب سوولي فلبينيات ومغربيات بس صراحة شغلهم نظيف هي تحلق لي بموس مع جل وعقب تحط لي املا في المنطقة الخاصة وتسويلي ...

وما تسمح لج تستعملين الجهاز بروحج لان عملية الليزر عبارة عن حرق البصيلة بالنار المطفي وهذى العملية تحتاج إلى طبيب او شخص لدية خبرة باستخدام الجهاز


وحالياً عندهم جهاز جديد اسمة سبرانو
وهذا الجهاز جربته وهو جهاز يعمل مع الهواء البارد ودرجة الالم هو وايد أقل..

بس بخصوص الشفرة لازم تحلقين علشان كل جلسة والشعرة نفسها تطيح ماتطلع لج غيرها الانادرا ومن تنضرب بالليزر مرة ثانية بترجع تطيح..

واللي عندها استفتسار بحاول اجاوب لها عليه...

والفترة اللي حملت فيها وقفلت الليزر فرجع الشعر يطلع لي شوى بس كنت اشلة بالموس فقط ... وعقب فالشهر الرابع تقريبا طاح الشعر مرة ثانية كله ... ورجع جسمي نفس ماكان بدون شعر...

وبعد ماولدت قالوا لي اذا بعدج ترضعين لازم تصبرين 6 شهور بعد الولادة وعقب ترجعين تسوين الجلسات مرة ثانية...

بكتب لكم عدد الجلسات اللي سويتها للحين
الوجهه تقريبا سويت 18 جلسة 10 جلسات في مركز طبي و 8 عند عيادة كايا بس للحين يطلع شعر خفيف

الايد والريل سويت مايقارب 5 جلسات والنتائج حلوة

الباط من الجلسة الثانية كانت النتيجة روعة وللحين سويت مايقارب 5 جلسات

البكيني من الجلسة الثالثة اختفى كل الشعر وطلع لي خفيف واحلقة شهريا بالموس ويبين مثل الحلاوة .. ناعم ونظيف...

إن شاء الله اكون فدتكم ،،واللى عندها سؤال أنا حاضرة..​

 

[al7anona]

خوش تجربة
يعطيج العافيه

والليزر وايد مريح وافكر قريب اسوي ريولي

 

[beren saat]

الله يهنيـج بالنتيجه

وما قصرتي على عررض تجربتج حيــآتي

انززين سؤؤال جـم لازم درجه الحراره اول جلسـه يفضل 12 أو 16 ؟؟؟​

 

[قطوة@@]

يا حلاه الليزر نظافه و نعومه و بيااض

و ما تحاتين الشيرة

شكراا على تجربتج

 

[ميرة بوظبي]

الله يهنيـج بالنتيجه ​

وما قصرتي على عررض تجربتج حيــآتي ​

انززين سؤؤال جـم لازم درجه الحراره اول جلسـه يفضل 12 أو 16 ؟؟؟​

الحرارة تحددها الدكتورة على حسب لون جسمج ونوع شعرج..

يعنى السمراء تختلف حرارتها عن البيضاء

والشعر الفاتح تختلف درجته عن الشعر الغامق..

انا في البداية كانت الحرارة 45 وكانت ترفعها لين وصلت 65 اخر الجلسات

 

[ميس هارودز]

الليزر حلو وصار اساسي بس وبيله دوم كل ست اشهر عوده لان اذا تركتي كل شي بيرجع كما كااااااان

 

[طيبتي اكبرةهمي]

الله يوفقكي وتسلمين على عرض تجربتكي

 

[ميرة بوظبي]

الليزر حلو وصار اساسي بس وبيله دوم كل ست اشهر عوده لان اذا تركتي كل شي بيرجع كما كااااااان

لاعزيزتي ما يرجع الشعر .. بس في شعيرات خفيفة علشان جي افضل انج ترجعين تسوين كل ست اشهر ..

أنا صار لي سنتين ما سويت ليزر لاني حملت وعقب كنت ارضع والحين حملت مرة ثانية ..

وللحين الشعر مايرجع بس فيه شوىه شعيرات تطلع من فترة لفترة ..

 

[هزني الشوق؟]

مكشورة يا الغلا على عرض تجربتج حمستيني لليزر

 

[البــااارده]

تجررربه روعه

ريحتيني الله يريحج دنيا واخره

لاني ابي اسوي وخايفه بس انشالله ببداا

بس بالنسبه للبكيني يعور مع المخدر ولا لا ؟ لاني ولا مره جربت الحلاوه صراحه اذا يعور ماتحمل العوار ):

 

[!! Ba6a 7lwa !!]

يعطيج العافيه على نقل تجربتج اللي افادتنا وايد

 

[مسك اسود]

موضوع مميز ومفيد
شكرا حبوبه على مجهودج

 

[* ياعين أبوووي*]

عووووافي............