تدريب السياقة بالكويت

[زهرة س]

سلام بنات
شخباركم

ادري ان موقع موضوعي غلط
بس تحيرت ماعرف وين احطه
وارجو من الاشراف تغيير مكانه

بنات
انه بحرينية وساكنة بالبحرين طبعا
وعندنا بالبحرين صعوووبة بشكل غير طبيعي في ان احصل مدرب سياقة
يعني صارلي فوق السنتين ادور كلهم يقولون فل وزحمة ومايقدرون ولا يعرفون متى يمكن يكون عندهم مجال
وحدي محتاااجة الليسن
فقررت اجي اتدرب بالكويت اذا ممكن

فما اعرف
اذا ممكن ان اتدرب عندكم لاني مو مقيمة هناك لدراسة ولا شي

ممكن احد يسال لي

لان احنا في البحرين عادي سعوديات يجون يدربون حتى وهي مو ساكنة بالبحرين

واذا تخبروني هل هي مدارس خاصة
والا مثلنا مدرسة وحده حكومية
وفي مدة جم اقدر ادش تراي يعني عقب جم ساعه يعني بالتفاصيل
اذا في مدربين او مدربات تمدحونهم

وماتقصرون

 

[زهرة س]

مافي احد ممكن يفيدني بنات؟؟

 

[Queenleo]

انا تدربت على مكتب خااص الله ماكثرهم
تارسين الجرايد
وومتى مابغيتي تدشين التراي تروحين وتحطين موعد مو شرط مده معينه
في نااس عمرهم ماتدربوا بس كانوا يسووقون بالبر وومع اهلهم بالفريج سيده دشووا التراي
بس سؤالج الاول ماقدر افيدج فيه والله

 

[زهرة س]

ماقصرتين يالغالية

لو احد يعرف او عنده فكرة
او وحدة من البنات اهلها يشتغلون بشي من ذي الخصوص تخبرني

يعطييكم الف عافية

 

[حلزونه]

شوفي حبيبتي احنا بالكويت نتصل على مدربات من جنسيات عربيه يكونون تابعين حق شركه خاصه تاخذج من المكان الي ساكنه فيه ساعتين او كيفج والساعه ب 10 دنانير وتوديج مكان التدريب ولمن تخلصين ترجعج

وعندنا مكان اسمه الشركه الكويتيه لتعليم القياده هاذي نفس مدرسه تتدربين فيها واهما على حسب قدرتج يحددولج جم ساعه تحتاجين تدريب بس سعرهم شوي غالي وتدريبهم داخل المدرسه مو بالشارع المدربات يدربونج بالشارع

والشركه تعلمج حتى العلامات الي بالشارع كل وحده تدل على شنو

وهذا موقعهم اذا تبين تشوفين

http://www.kmc-kw.com/arabic/services-ar.html

والله يوفقج

 

[زهرة س]

ماقصرتين حبيبتي حلزونة
انا سؤالي المهم واذا ممكن تعرفين لي
هل هم يدربون مو كويتين ولا مقيمة حتى لدراسة او شغل
يعني اذا هذا الشي اوكي واجد زين وانحلت ازمتي
ماتعرفين شكثر معاناتي

بارك الله فيش

 

[q8dvd2000]

اي اختي يدربون غير كويتين
بس ضروري يكون عندك ليسن سواقه

 

[حلزونه]

ماقصرتين حبيبتي حلزونة
انا سؤالي المهم واذا ممكن تعرفين لي
هل هم يدربون مو كويتين ولا مقيمة حتى لدراسة او شغل
يعني اذا هذا الشي اوكي واجد زين وانحلت ازمتي
ماتعرفين شكثر معاناتي

بارك الله فيش

:eh_s(10):اي اتوقع يصير بس تطلعين استماره من وزارة الداخليه حق التدريب لازم اسأل فيها واردلج خبر

 

[عيون الشيخ جابر]

يازهره طبعا يدربونج عادي سواء كويتيه او لا

وانا براي اول ما تجين الكويت تلقين بجريدة الاعلانات متدربات وايد والساعه 10 دنانير احسن لج من الشركات لانها

وماعليج خوف ان شاء الله

تعاالي نوري الكويت وحياج انتي بين اهلج وناسج فدديتج

 

[زهرة س]

ياريت والله يا حلزونة
تكسبين فيني اجر

عيون حبيبتي تسلمين النور نورش
المشكلة
ان قريت في منتديات غير ان مايصير لاني لما راح اجي بس لفترة تدريب وبرجع
ماراح اسكن فترة طويلة او مقيمة هناك اشتغل مثلا
بعضهم مثل ماقلتي ان ممكن للخليجي
وبعضهم يقولون مايصير لان مافي سبب ان اخذ الرخصة من الكويت دام عندي بالبحرين مدرسة تدريب
تووهقت بصيح ياريت والله تسالون لي بالتفاصيل

 

[زهرة س]

اختي q8dvd
احنا في البحرين بصعوبة تحصلين مدرب
عدد المدربين محدود
مو مثل عندكم ما شاءالله
احنا تخيلي مدرسة وحدة فقط حكومية للتدريب مافي غيرها لا مكاتب ولاشي ماسووه خصخصة للحين
وتدريب البحرين كلها مواطنين مقيمين خليجيين
وبالهواش مع المدربين ما تحصلين عندهم مجال
صار لي فوق السنتين مو محصلة بتخرج وانه بعدي
ومايصير ادخل تراي من غير تدريب مدرب مرخص عندهم يختم ويوقع
فما عندي ليسن
وابغي يااااارب الله يسهل اخذ الليسن عندكم
بعد اكشخ فيه قدام البنات
ليسن كويتي حق يحترون ان انه غيرD:

 

[~.ąvȍƈaȚ.~]

غريبه !! ليش ما عندكم ؟؟

المفروض في شركات خاصه أو مدربين خاصين

استغربت وايد

بس أتوقع عادي دام انج خليجية لأن بالكويت وايد قوانين يعاملون الخليجي كمعاملة الكويتي عكس العربي الغير خليجي

خصوصا ان الليسن عندنا نقدر نستخدمه بالخليج يعني في اتفاقيات و اتوقع في شروط معينه مثل الشهادة الجامعية يمكن او الاقامة ما أدري

و انشالله يصير بس مو متأكده منهاا بصراحه

انشالله تقدرين و سئلي فيهاا اكثر

 

[Polandya]

اي عادي اذا الهندي يدربوونه لووووول
المهم الكااش

 

[أإلع ـشق دلع ـهـأإ]

اي عآدي حبيبتي يدربونج !!

في أرقآم حق تدريب السيآقه تجيج مصريه تدربج .. ومدت التدريب باليوم يمكن ساعتين .. والساعه من 8 الى 10 ..

يعني تدقين ع المصريه تحددينها مكانج وتجيج وتدربج وبسسسس

للآسف مآعندي رقم وحده تدرب سياقه ..

أتوقع راح يفيدونج البنآت ..

وموفقه

 

[سمو ذاااتي]

في خوش مدربه كويتيه وتعرف بنظام المعاملات واغلب بناتها اهي طلع لهم لاستماره

اذ تبين رقمها حياتي ادزه لج خاص


ولامانه انسانه ذووق وراقيه وطيوبه وبالها وسيع انا لي موضوع كنت متوهقه وابي مدربه عشان محد يقولي دعايه لووول وعطتني رقمها وحده من العضوات بالمنتدي ولي يومج هذا كل ماذكرت هالعضوه ادعيلها فديتها : )

تعالي نورينا فديت بنات البحرين :*

 

[freakiya]

انا بعد شوي بييني المدرب
بس استغربت من كلامج ما اتوقع عندنا مدرسه !!
المهم المدرب ساعتين ب٥ و مدرسه ساعتين ب١٠
و تسوقين بالشارع عادي حددي الوقت اللي يناسبج سواء الصبح او بليل و عادي
خالتي عندها شركه مالت التعليم اسالها لج
بس اتوقع عادي خو بس تدريب و لا بتاخذين الليسن من هني ؟

 

[زهرة س]

Avocatشكرا يالغالية ماقصرتي
والبنات بعد مو مقصرين معاي
تسلمين

مشكورة بولندية حبيبتي

العشق دلع ها
تسلمين حبيبتي
شكرا لش

 

[زهرة س]

سمو ذاتي

ارسليه اختي ماعليش امر
يارب الله يسهلها ويوفقكم جميعا بنات
فديتش انتي يالغالية وفديت الكويت كلها على راسي

 

[زهرة س]

Freakya
اي اختي
ابغي اخذ الليسن عندكم
يعني مباشرة مع التدريب
ياريت والله لو تسالين لي خالتش او المدرب
عن سالفه ان خليجية عادي تحصل ليسن كويتي من غير اقامة بالكويت؟؟
موفقة وان شاء الله بتنجحين من اول تراي

شكرا جميعا ماقصرتون بنات

 

[miss_jamsheer]

شوفي طلعيلج الاستماره وتعالي الكويت تدربي عندي وحده تهبل والله بالساعتين تاخذ 20 بس بنت اختي توها يابت وحده بالساعتين10
انتي طلعي اليسن وتعالي تدربي مااعتقد تحتاجين ار من3 او 4 موات