مات قطو ي وبيموت الثاني

[منوره99]

مشكورين بنات علي مروركم وكلامكم إللي يطيب الخاطر
وتحسفت ومايفيد الندم ألحين وإللي صار صار ماأقدر أغيره والحمدالله علي كل حال
وقطاوتي للحين قاعده أعالجهم ثلاثه يوميا قاعده آخذهم لدكتورهم ويعطيهم كل واحد فيهم ثلاث إبر وإن شاءالله يتحسنون واحد منهم متخوفه حيل إنه يموت والعلم عند الله

 

[كويتية222]

طمنينا عليهم >>> تحب القطاوة

عطو قطاوتكم لحم مطبووووخ عربي افضل شي >>> خبيرة قطاوة من وانا صغيرة

 

[منوره99]

والله كان يكفي انها تاخذه البيطري وكنت حاطها عندها فلوس تحت الحساب وقلت لها يمكن يحتاجون شي
علي العموم توبه أعطيهم لأحد إلا واحد أثق فيه
والله يعطيها العافية وحده من الأخوات تطوعت تاخذهم عندها إذا صار لي نفس الموقف مره ثانيه وماتبي شي غير الاجر

 

[منوره99]

هلا اختي كويتية
ومشكوره علي السؤال
علي كلام الدكتور طمني أثنين زينين لكن الابيض قالي للحين تعبان وقالي باجر الجمعه أوديهم له كلهم يبيي يتأكد إن الفايروس راح منهم والابيض قالي للحين مورم لسانه وعطاني له حبوب بيضه ياخذ نص حبه الصبح ونص حبه بالليل والله يقدم إللي فيه خير إن شاءالله
وإن شاءالله بجرب البيض بسلق لهم ووكلهم باجر الصبح
وبعد بوكلهم اللحم لكن أتوقع أمي راح تذبحني

 

[كويتية222]

تنقصيلهم لحم من غير ما تدري الوالدة لكن مطبوخ اذا تعافوا ان شاء الله شوي شوي وكليهم ترى النيئ بيخليهم مغلوثين بس يبون
البلعة لازم مطبوخ ويييه ذكرتيني وانا صغيرة كان عندي قطو حده ذكي وغريب الطبايع اذا نام على ظهره تمره الوالدة ربي يسلمها تقوله بسبس نام عدل يرد وينام ع يمبه يعني يلم البتاعات شوي
وكنت اصعد الدور الاخير والتلذذ بالكتكو مالي بعيدا عنه ما تصدقين يسمع صوتي وانا ابطل جيس الكتكو واكل طيران الاقيه جدامي يتم يحن ويحن لغاية ما يخلص الكتكو مالي كله ​

 

[منوره99]

ماشاءالله كان فاهم عليج الله يخلي لج قطاوتج يارب
أضحكج قبل شوي قاعده علي الكمبيوتر وبيدي كان برد بو ذهب كنت مندمجه قاعده أكتب رد علي موضوع وماأحس الا أحد حاذف البرد من إيدي وقاعد ياكل فيه العيار القطووو الابيض مريض لكن بعده شيطان

 

[عود ومسك]

الله يشافيهم ان شاء الله
ترا القطاوه ياكلون كل شي بس بعض الاكل مو زين لهم..قطوه اختي قبل تاكل توفي ههههههههه تسحبه من حلجها
وهم البرد لما بنتي تاكل برد يمدون ايدهم يبون ياخذونه منها لان فيه حليب وسويت شويه فا يستانسون عليه..

واختي كويتيه انا اختلف معاج بموضوع اللحم
لان اللحم يكبر القطو بسرعه
يعني تكبر بنيته بسرعه وكثرته مو زينه لهم
بس البيض والله يا منوره كان عندي قطوه قبل سنتين صار فيها فطريات وببطنها دود (شرية الخساره) كان الكل حاط عينه عليها
وصرت اوكلها بيض لا تشوووفين صحتها شلون صارت سبحان الله
من عقب هالقطوه وانا اوكل قطاوتي الصبح بيض لمدة اسبوعين يمتنون ويصيرون شحلاتهم بس الخايسين من يبلغون يهونون عن البيض
بس اهم شي انه يقوي مناعتهم كان الذكر عندي والله العظيم الدكتور يشهد بصحته حتى لما كنت اطعمه ما كان يصخن نفس باقي القطاوه وشعرررررررررره يللللللللللللللللللللللللمع وما يطيح بس الله يرحمه اندعم عند باب بيتنا
وطبعا دجاج البيت هم عطيهم منه يعني لا يكون اعتمادنا كله على الدراي فود انا عندي قطاوتي الكبار النثيه الكبيره وولدها ما ياكلون اكل بيت يبطون جبدي حتى لما اجوعهم ماكو فايده فيهم والباقي ماشاء الله حتى السباغيتي ياكلونها معاي ههههههههه
فا اكتشفت ان اكل البيت يقوي مناعتهم اكثر من الدراي فود والوت فود

 

[دموع الظلام]

قلبي عووووووووووووورني

 

[رحيل المرافيء]

ويه عبالي عندج سالفة
اوادم قاعدين يموتون وانتي قطاوتج
صج فراغة ماكو شغل

 

[كويتية222]

واختي كويتيه انا اختلف معاج بموضوع اللحم

لان اللحم يكبر القطو بسرعه

يعني تكبر بنيته بسرعه وكثرته مو زينه لهم

اذا اهو قطو ومتعود ع اللحوم فما يضره صدقيني وفعلا القطو البيتوتي ياكل كل شي يطبخونه اهل البيت يعني تركوا عنكم دراي فود وشغل العنجليز خلكم ع العربي والمجابيس
​

 

[ام ناصر 2009]

للرفع

 

[Sparkle]

ويه عبالي عندج سالفة
اوادم قاعدين يموتون وانتي قطاوتج
صج فراغة ماكو شغل

:eh_s(10): وشدخل هذا بهذا

موماكو شغل تربية الحيوان من أحلى شىء صديق طول العمر وترا يحسون لو كان مربيهم مريض أو زعلان ما شفتي شكثر حيوانات ناقذين مربينهم؟ ,,يمكن ما كان\ولا كان لج تجربه ويا الحيوانات بس لا تعممين

صاااحبة الموضوع دربالج من أحد يسوي روحه بيطري ولا تخافين مهما تتحسب راح ينقلب عليها لان ظلمتج ودعوة الظالم مستجاااب عورتي قلبي والله بس كفاايه خفتي عليهم ووديتهم حق أحد يهتم فيهم وطلع عكس من ما توقعتي

 

[عود ومسك]

اذا اهو قطو ومتعود ع اللحوم فما يضره صدقيني وفعلا القطو البيتوتي ياكل كل شي يطبخونه اهل البيت يعني تركوا عنكم دراي فود وشغل العنجليز خلكم ع العربي والمجابيس ​

ههههههههههههههههههه ايه والله يا زين المجابيس تخليه يربرب

انا ما اقولج يضره بس كثرته مو زينه
نفس السمج مو زين لهم عشان شعرهم بس ما يضر انه مره بالاسبوع او كل اسبوعين ياكل مره

 

[منوره99]

ويه عبالي عندج سالفة
اوادم قاعدين يموتون وانتي قطاوتج
صج فراغة ماكو شغل

السلام عليكم
إختي اذا ماتحبين الحيوانات مشكلتج مو مشكلتي وتقولين أوادم قاعده تموت اختي لكل أجل كتاب وهذا يومهم لابيدي ولا بيدج موتهم وشدخل موت الاوادم بموت الحيوانات وأصلن شدخل موضوع الاوادم بموضوعي انا حاطه موضوعي في المكان والقسم الصحيح وهدفي من الموضوع كان واضح من البداية أنبه البنات لايغلطون غلطتي وشكلج انتي معترضه علي حكم الله بموت الاوادم في النهاية ماأبي أطولها معاج كلنا عباد وخلق الله سواء انسان أو جن أو حيوان أو جماد أو جبال أو أو أو والحيوان إللي مو عاجبج روح ومحاسبه أنا وغيري قدام رب العالمين يوم الحساب عنه وماتدرين يمكن يكون سبب هذا الحيوان في دخول الانسان الجنه ويكفي ألحين مسوين جوووو في البيت تشوفين ضحكة الصغير قبل الكبير
واذا ماعندي سالفه وشايفه الموضوع تافهه ليش تردين عليه من الاساس ماأقول إلا الله يهديج ويهدينا معاج

 

[منوره99]

نرد لموضوعنا

بنات جربت اليوم وعطيتهم بيض لكن ماحبوه حبايب قلبي فديتهم متعودين علي أكل العنكليزززززز

وبعد موراضي دكتورهم يطعمهم يقول ترجع لهم صحتهم وبعدين يطعمهم يمكن بعد اسبوع

 

[عود ومسك]

ايه ماراح يطعمهم لين يتشافون ان شاء الله من المرض
وجم عمرهم اللي عطيتيهم بيض؟
اذا كبار ما راح يحبونه لان شي غريب عليهم
حطي معاه حليب شويه <<سوالف انجليز هههههههه

 

['3αd̝̚συя `•]

عود ومسك
شلون طريقتج بالبيض لهم

ومنوره
ياحياتي مايشوف شر واللي صار صار
اهم شي اخذتي تجربه ياقلبي ولاعاد توثقين بحد الا تعرفينه عدل
وحسبي على من كان السبب والله يشافيهم لج حبيبتي ​

 

[عود ومسك]

[QUOTE='3αd̝̚συя `•;27161008]

عود ومسك

شلون طريقتج بالبيض لهم ​

ومنوره
ياحياتي مايشوف شر واللي صار صار
اهم شي اخذتي تجربه ياقلبي ولاعاد توثقين بحد الا تعرفينه عدل

وحسبي على من كان السبب والله يشافيهم لج حبيبتي ​

[/QUOTE]


اسوي بيض مقلي بس اخفف الدهن لما يستوي البيض اصب فوقه حليب بارد او حليب بودر اذوبه بالماي واخليه يطبخ شويه بس واشيله وهم ارد احط حليب عشان ابرده لهم
وساعات بيض مفيوح وهم اوقات احط بيض وجبن سلايس
ابدع هههههههههه
بس والله
فاد قطاوتي الكبار لو ما خوفي من العين عليهم جان حطيت صورهم
يالله ان شاء الله الكتنز يبدون ياكلون واغثهم بالبيض

 

[منوره99]

هلا والله وغلا بالموجودين

إختي عود ومسك اعمارهم الأبيض ذكر عمره أربع أشهر ويومين وعندي نثيتين كملواا الثلاث أشهر وتسع أيام

وماشاءالله وتبارك الرحمن الله يخليج قطاوتج يارب

 

[دنيا جديدة]

الله يصبرج
قدر الله وماشاء فعل استهدي بالله