تقريري المختصر لتركيا

[سفيره الكويت]

اول سفره لي لهالدوله كنت متخوفه شوي بس الحمد لله استانسنا فيها وطلعت دوله حلوه وسياحيه وسمعت رفيجاتي يمدحونها فقلت

اتوكل على الله واروح لها

الدوله :تركيا

الطيران :القطريه

المده:15 يوم

تنرانزيت بقطر ساعتين

الرحله: اسطنبول_ بورصه _ابانت_ اسطنبول

درجه الحراره:24


طبعا زهبت الجنطه وتوكلت على الله ورحت المطار مطار الكويت

اهم شي حطيت الاكل والماي والاندومي وهالاشياء معنه هناك قطيتها ماحتجتها البقالات

ماتخلص

ورحنا من الكويت لقطر تررانزيت بعدين من قطر ليه اسطنبول قدموا لنا وجبات بالطياره

تسلينا على ماوصلنا بالتي في مالهم





بينت هني اسطنبول

ركبنا الباص ورحنا للفندق وتهاوشنا وياهم غرفهم معطينا اصغر الغرف واحنا ماخذين من

الكويت غرف اكبر طبعا حاطه انا على الفندق اكس قبل لا ايي لانه وايد يذمونه جلال اغا

اول يوم ارتحنا وثاني يوم بدت اول رحله والتقطت الصور واليكم اسطنبول الجميله

رحنا ريف اسطنبول وكلينا بمطعم بس مو ذاك الزود اللي بالمدينه احلى

بس المكان حلو بصراحه واحنا ناكل الدجاج يحوم حولنا واشكالهم حلوه

بعدها توجهنا للسوق المصري

المخرب على المكان الزحمه الشديده بهالمكان وفوق هذا اللي يبيعون كل واحد يتلج لمحله

اليوم الثاني رحنا جزيره الاميرات

ركبنا الحنطور وقعدت اصور

سامحوني في كثير من الصور ماقدرت انزلها عموما

بعد جزيره الاميرات قعدنا يوم راحه بعدها رحنا لبورصه وكانت رحله طويله وشاقه

من الباص ليه العباره وبعدين ركبنا الباص وطريج ساعتين الى بورصه

يعني 4 ساعات او 5 الرحله كلها بس طبعا اللي يسلي الطبيعه بالطريج

تسمى بورصه بالمدينه الخضراء

هذي صوره للعباره

وصلنا بورصه الجو مايختلف عن اسطنبول جو جميل

فندق الميرا

فندق فخم وجميل جدا وراقي

وهذي الحديقه القريبه من الفندق لونا بارك

اليوم الثاني رحنا الجبل واليكم المناظر

اكلنا فراوله وتوت وفاكهه جميله من الجبل

طبعا من اشهر الاسواق سوق المسقف ورحت مجمع الفوط مجمع جميل وحلو

اليوم الثالث الرحله الى يلوا لمده نصف يوم

يلوا حاره ومنطقه فقيره لكنها تشتهر بالحمامات السباحه الحاره

خذيت صوره للمكان

ردينا بورصه وماكملت رحلات تمشيت جنبنا بالمجمع والمحلات والحديقه

وبعدها تزهبنا للذهاب الى ابانت وكم كنت متشوقه لها من كثر ماكنت اسمع عنها

واليكم تصويري لها لتحكمو عليها

طريج طبعا 5 ساعات يمكن مع الاستراحات

..نطروووني اكمل :eh_s(22):

 

[سفيره الكويت]

هني قربنا من ابانت وهذا منظر التقطته

طبعا مافيها رحلات منتج تاخذ فيه راحه واسترخاء ووايد شياب كويتين وسعوديين

وخلييجين ماخذين راحه واستجمام بهالمكان وفعلا مكان حلو وجميل

هذا فندقنا والغرفه صغيره حيل بس الله كريم قزرناها لوول بس للامانه المكان يستاهل

درجه الحراره تقريبا 18

وبما ان مافيه مطاعم الحمد لله الفندق عطانا بوفيه فطور وبوفيه عشاء والصراحه اكلهم

روووعه هالفندق

قعدنا يومين نتمشى المكان هادي ورومانسي حده بعدين رحنا اسطنبول

الطريج 5 ساعات تقريبا الى اسطنبول بالباص

ودعنا ابانت ورحنا اسطنبول


طبعا بالطريج رحنا استراحه وخذينا من محل لبن تركي بارد وكان لبن فرش وحلو حده

بعدها وصلنا الفندق طبعا كنت تعبانه وايد وقتها الفندق حلو وفخم بس عيبه كل شي

بفلوس مثل النت وفيه بعض السلبيات عليه وصعوبه الوصول للسوق نظرا انه المكان جبلي شوي

فندق اكوارد

واخر يوم كنت طالعه استكشف واودع لوول مسوين مهرجان على البحر

العاب ناريه والمنظر حلو كان والجو روعه

كانهم قاعدين يودعوني


:eh_s(22):

وبث وسوري على القصور :eh_s(2):
[/SIZE]

 

[law love]

تركيا تشووووووق و شرحه عليكم بالعافيه

 

[Joy Designs]

عليج بالعافية والحمدلله على السلامة

 

[البلهاء]

:bbbiu:الحمدلله ع السلامه تركيا تقريبا فيها شبه من سووووريا ..

 

[غلا،،]

الحمدالله عالسلامه

شوقتيني اسافر لها .


يسلمووووو عالتقرير

 

[$حبيبة عبودي$]

عليج بالعااااافيه ..
تقرير حلو وصغير مع اني احب التقارير الطويله ..
بس استمتعت معاج ..

 

[سفيره الكويت]

تركيا تشووووووق و شرحه عليكم بالعافيه

الله يعافيج ياقلبي حياج نورتي وتركيا ولندن من افضل الدول اللي عجبتني



:eh_s(7):

 

[حبي بيرين]

ماشاء الله المناظر روعه

 

[هنـــد]

الحمدالله عالسلامه

 

[سفيره الكويت]

عليج بالعافية والحمدلله على السلامة

الله يعافيج والله يسلمج ياقلبي شاكره لج مرورج ومشاركتج

:eh_s(22):

 

[LawYeR NaNo]

الحمدلله على سلامتكم
نااااااااااايس

 

[سفيره الكويت]

عليج بالعااااافيه ..
تقرير حلو وصغير مع اني احب التقارير الطويله ..
بس استمتعت معاج ..

حبيبتي حياج الله نورتي الموضوع واانا احب اختصر عشان يكون ممتع قواج الله

 

[Beautiful soul]

ماشاء الله تعجبيني منزله الموضوع سريع سريع وباختصار الله يعطيج العافيه
وتركيا تهبببل بحيره ابانت جوها رووووعه وكل اللي فيها خليجين

 

[سفيره الكويت]

ماشاء الله تعجبيني منزله الموضوع سريع سريع وباختصار الله يعطيج العافيه
وتركيا تهبببل بحيره ابانت جوها رووووعه وكل اللي فيها خليجين

اي ابانت روعه يعطيج العافيه على المرور حبيبتي

:eh_s(15):

 

[بنووته تكاانه]

عليكم بالعافيه

 

[سفيره الكويت]

عليكم بالعافيه

يعافيج حبيبتي حياج نورتي

:eh_s(22):