تقلدين ستايل المشاهير؟؟ انا بعلمج السر المرعب اللي اعترفوا فيه مروجين اللوكات

[المرتاحة]

امممم مادري شقول
صراحه ماخليتوا لنا شي نلبسه طبعة التايقر والكعب الأحمر رمز جنسي واللي تلبس أسود تقولون أكيد ايمو واكسسوارات الفراشات والجماجم و هلو كيتي صارت رموز جنسيه
لا وحتى المناظر والنظارات الشمسيه طلعت حرام
اذا عندكم حل بديل نشوف عمرنا في ونظارات بدال الشمسيه عطونا مو تقولون لاتلبسون هذا مايجوز ويدل ع جذي
هالسوالف اللي منتشرا على كل لبس
وكل حركه تشوفونها تقولون ماسونيين انتوا تبونا نقعد زلط ملط !!! لأنكم حرمتوا كل شي



كلامكم صح احنا كل اللي نسوي نلبس هاللبس لأنا عاجبنا شكله مو سامعيين انا يدل ع الماسونيين عجبنا لبس وبرنت معين مانلبسا نخلي بخاطرنا يعني
وسالفة الفراشات آنا نفسج أحبهم عندي اكسسوارات على فراشه وبديات واسكارفات عليهم فراشات :33_1185028183:< حتى منتدانا النسائي في فراشات وأحب طبعات قلوب الحب ونجمات والمنقط > لايكون لمنقط يرمز لشي غلط

اولا الاخت انتي قريتي الموضوع عدل

متى قلت انه ما يجوز و افتيت لج من مخباتي؟؟!!!


يعني ماكو فايده فيكم كل وحده تفسر موضوعي على كيفها ؟!!!


انا تكلمت عن التقليد التقليد التقليد

لا تقلدون الفنانات واذا بتقلدين و الله هالشي راجع لج انا حطيت الموضوع انبهكم مابي اسكت عن شي عرفته

تفهمين شنو معناة تقليد؟؟

يعني وحده شافت فنانه لبست فراشه صفرة راحت وقلدتها ولبست فراشه صفره

فنانه لبست صخله حمره راحت لبست مثلها صخله حمره

هذا اهو قصدي تقلد في كل شي بدون ما تفكر اهي ليش البست جذي

ما تكلمت عن اذا عجبج شي ولبستيه انتي من كيفج بدون ما تقلدين

بس ابيكم تفهمون ان هلو كيتي اللي هبوا فيها بالسوق والتايقر و هالسوالف هذي ما انباعت بالسوق لقصد شريف.. يعني في وراهم ناس اهم اللي يلعبون في الموضه يلبسونكم على كيفهم ويفصخونكم اللي مو عاجبهم على كيفهم بالحيله و برضاكم و لو تتقصين و تتحرين تلاقين اللي يلعبون في الموضه الماسون ما غيرهم

وانتي عاد ضحكي على كيفج على الحجي اللي قلته

 

[المرتاحة]

احس نص الكلام صح ونصه خرابيط ويضحك بعد! الجوتي الاحمر حرام والتايغر حرام وهلو كيتي ومادرو شنو:dddds: هههههههه جد شي يضحك اي شي :bbbiu:

منو قال حرام ؟؟!!!!! :eh_s(10):


اقري الموضوع عدل ولا تفتين على كيفج

 

[^LILY^]

امبيــــــــــــه ,,
في اشياااء كنت اعرفها بس اكتشفت في اشياااااااااء كثيره ماعرفها وانا اعتبر عمري فلته وكاشفتهم هع هع

بس تصدقين في شي زين ,,,,,
وهو ان احنا اكتشفناهم ولله الحمد يعني راحت عليهم حسبيا الله عليهم بعد ماانحرفت شريحه من شبابنا وشاباتنا

 

[منيرة خالد]

مشكورة اختي على المعلومات القيمه

 

[المرتاحة]

اختي موضوعج عجيب وخصوصا ان وايد ناس مالها اهتمام بهذا المجال وتستخف فيه

هالموضوع قديم بالنسبة لي وناقشناه مرارا وتكرارا بوايد دورات

فحابة ألخص فكرتج لبعض الخوات اللي ما فهموا مغزاج من الموضوع ..

اللي قالوا ما خليتي شي من السوق عيل نمشي مفصخين وشنو نلبس ... و ... و ...

التايقر والزيبرا والأحمر والفراشة وغيرها .. اذا لبستيه من مزاجج بدون تقليد هذا شي عادي

أما اذا لبستيه لان عجبج ستايل الممثلة الفلانية او العلانية هني كارثة ليش ؟!

لان هذي الممثلة او المغنية بلبسها وستايلها مقرونة باللي كانت تسويه بالفلم او الاغنية

ويكون عقلج الباطن مسجل كل حركاتها .. فإذا كانت هالممثلة على بالج وانتي تختارين اللبس فعقلج الباطن يبرمجج على المشاهد اللي شفتي اللبس فيها ويقرنها باللبس اللي تبينه

عرفتوا الحين الفرق ..

فديروا بالكم قلدوا شي ايجابي لا تقلدون شي سلبي

ويعطيج العافية حبيبتي

انتي جذي :eh_s(15):

واااااي تعبت وانا اتكلم بس في بنات مو فاهمين مادري اهو العيب من شرحي ولا منهم الله اعلم

ماشا الله عليج بعد انتي شرحج حلو وواضح و بسرعه ينفهم :eh_s(7):

ياليت البنات يقرون ردج

الله يعافيج حبيبتي حياج الله

 

[^LILY^]

وعلى فكره مالاحظتوا ليش اهل مايكل جاكسون ومعجبينه رافعين على دكتور مايكل جاكسون قضيه على انه سبب لوفاته ,,,!!!!

لان مايكل جاكسون على اخر مسيرته اعترف وقال ان عبده الشيطان والماسونيه يلاحقونه ويرغمونه على غناء ماسونيه
والاغاني الماسونيه هي اغاني عاااديه ومافيها شي بس لما نقلب الكلام فووق تحت يطلع كله كلام توسل للشيطان وتعظيم له
والعياذ بالله ,,,,,

 

[المرتاحة]

وعلى فكره مالاحظتوا ليش اهل مايكل جاكسون ومعجبينه رافعين على دكتور مايكل جاكسون قضيه على انه سبب لوفاته ,,,!!!!

لان مايكل جاكسون على اخر مسيرته اعترف وقال ان عبده الشيطان والماسونيه يلاحقونه ويرغمونه على غناء ماسونيه
والاغاني الماسونيه هي اغاني عاااديه ومافيها شي بس لما نقلب الكلام فووق تحت يطلع كله كلام توسل للشيطان وتعظيم له
والعياذ بالله ,,,,,

اي صح كلامج

بأغانيهم يرتبونها بصورة اذا قلبتي الحجي يطلع كلام شيطاني و كلام كله كفر تكون رسايل ترسخ بالعقل الباطن بدون ما العقل الواعي يحس و مع التكرار راح يقتنع الانسان بالكلام الكافر بدون ما يحس

انتي شوفي اغاني ليدي قاقا و ريحانا والمغني ليل واين ووايد بعد متروسه من نوع الرسايل هذي

مشكورة حبيبتي على الاضافه

 

[al-musk]

ياليت لو تكتبين اكثر .. والله يكافينا شرهم

 

[UNICORNA]

ياليت لو تكتبين اكثر .. والله يكافينا شرهم

تابعى هالسلسله راح تحسين ان نحنا العرب والسملمين عايشين

بكوكب ثانى


http://www.youtube.com/watch?v=v1ua7sM0eCc


راح تتغير نظرتك للاشياء حييييييييييل

 

[بـ سـ كـ وتـ ة]

المرتاحة ... أحترم أسلوبج الراقي بالرد وطولة بالج


up

 

[أحلى البشر]

شكوو الفراشه والجوتي الاحمر بصراحه ماصدق بهالاشياء وان كان صح والله اعلم

مشكووووووره عالتنبيه

 

[Whisper ~]

جزآج الله خير خيتوو
هـ الموضوع تكلموا عنه في سلسلة القادمون ، كيف الماسونيه مستحلين العالم و الإعلام وقدروا يوصلون افكارهم بـ شكل مخفي بـ كل بيت وحنا غافلين
فعلاً والدليل مجتمعاتنا كل مالها وفي تدهور وكل مالها في فساد .. الله يستر علينا ويكفينا شر الفتن
المشكله حتى لو حاولنا نتدارك الموضوع ماراح نقدر .. لأننا في غزو فكري
حتى أسواقنا لو تلاحظين أغلب البضايع فيها علامات ماسونيه والناس تشتري ولا هي حاسه
والمسلسلات الكرتونيه غالبيتها وخاصه نيكيلوديان وطقتها ابااااااااااحيه مبطنه .. اكتبوا بـ يوتوب :Offensive Drawing
وشوفوا الفيديو هو راح يعبر * بس بليز البنات الصغار لا يبطلونه

 

[*_*cute bug*_*]

اممم بس شدعواا يعني شنو علاقة الشعر واللبس انا ما فهمت الموضوع بالظبط بس ماتوقع في شي جذي يصيطر عالعقل شنو روبوت كل واحد عنده عقل

 

[المرتاحة]

بنات ان شا الله انا راح اشرح لكم حبه حبه علشان نقدر نستوعب الموضوع

لان باين اغلبكم مستغربين و متدودهين واعتقد السبب لان الموضوع يديد علينا.. حاولت ادور اي شي بالعربي بس للاسف ماكو

راح اشرح لكم خطوة خطوة وبالصور

بس نطروا وطولوا بالكم علي اشوي لان عيوني طلعت وانا مبققة عيوني عالشاشة مندمجة بترتيب الشرح

ومشكورين

 

[سحـورة]

خيير ؟
ليش وايد شادين حيلكم بمعرفه هاي الأمور اللي مالها أساس من الصحه ؟
تخافون ع البنات ؟ نحن ناس مسلمين و نعبد ربناا و نصلي ونصوم
اوك تقلييد بالبس ، و بيكون بنسبه ضئييله جداً
أتمنى ما تنشرون هالأفكار الغربيه المغلوطه
و تحطونها تحت مسمى النصيحه و النصيحه ... انشرو عن الدين والدنيا
هالأشياء معرفتها او دون معرفتها ما رح تفيدنا ولا بتقوي علاقات البعض مع ربهم !!!
خلونا نفكر بفكر جميل و أساسه التقوى ..
هالمغلوطات كلهااااااا غلط




لا إله إلا الله ..
الله يهدينا و إياكم
محد يعلم الغيب ومافي النفوس و العقول
إستهدو بالله ..

 

[سحـورة]

أنا لو جفت بنت لبسها حلو ... بقوول - الله واايد نايس -
بحكم إنه أنييق و مرتب ، بلاكم نشيتوو برمجه ما برمجه ،
استغفر الله العظيييم و لا حول ولاقوة إلا بالله العلي العظيم
حرااام اللي قاعدين تنشرونه ، ماقاعدين توضحون الصح والغلط
قاعدين تأكدون إنه الغرب لهم علاقه فـ جسم الإنسان وهم مصنعيينه
نحن مش أجهزة ريبورت أو عقولنا فيها أسلاك و معادن
نحن ربنا خالقنا وهو الأعلم فيينااا ... و بما في دواخلناااا

 

[سحـورة]

شيء بسيط بقولكم عنه
الغرب صارو يبنون بيوتهم ع أساس ما تتأثر بالهزات الأرضيه و الزلازل
شفتوا كييف ... ؟!!
ما عندهم صله بالله و لا بقدرته ولا بمشيئته
ف كيف تصدقوونهم بمثل هالأشياء الخرااافيه

 

[سحـورة]

http://audio.islamweb.net/audio/index.php?page=allsoura&qid=586



اللي تقووول ياليت تقوليينا اكثر عنهم
أقولها ... هاي صفحه للقرآن إسمعييه
خلو قلوبنا قويه بالإيماان

 

[المرتاحة]

المرتاحة ... أحترم أسلوبج الراقي بالرد وطولة بالج


up

هلا والله بسكوته

شسوي يا اوخيتي مع اني اشوف ردود بس حق الطنازه

انا ما اقول شي اذا وحده ماصدقت الموضوع او ما وافقتني بالراي بالنهايه رايها واهي حره

اما اللي تقعد تتطنز لا والله :eh_s(4):

حبيبتي والله تستاهلون اتعب علشان اوضح الموضوع لج و للبنات :eh_s(7):

 

[سحـورة]

حبيبتي والله تستاهلون اتعب علشان اوضح الموضوع لج و للبنات

الباااااطل كيف يتوضح ؟
كلام الغرب من متى نوضحه و نستشهد فيه ؟ و نأكده ؟
أختي ضغااف القلوب اللي يصدقون هالأشياااء ،
أتمنى توقفين نشر البااااااااااطل و الخرافيات ،، في عقوول تعي وتفهم و ما أعتقد إنها بتصدق مثل هالأشياء