روايتي الآولى : لآ تلعبين معاي تراج منتي قدي ( نوف * حمد ) / بقلمي

[om sa3ad]

عساج على القوة الرواية واااايد حلوة وناطرينج

 

[вяσkεи]

ناطريييييينج بعععد جبدي


بلييييييز لا طولين

ترا أنا من النوووع الي ينسى بسرعه

 

[ابي قطوة ميوووو]

اهااا يعني من اول يوم!
ان شاء الله استوعب اكثر بالبارتات اليااية ؛$
بس بلييييييززشيووووم لا تطوليييين علينا فديتج

 

[زهراء*]

ياللللله شوش

 

[حبكـ ملكني]

يالله نبــي بااااارت
حدي اندمجت بس لا تطوليين علشان ما ننساااا..

 

[shyy'Om]

عساج على القوة الرواية واااايد حلوة وناطرينج

يقويييج ربي

منورة حبوبة

 

[shyy'Om]

ناطريييييينج بعععد جبدي


بلييييييز لا طولين

ترا أنا من النوووع الي ينسى بسرعه

لا انشاء الله ما اطول عليييكم

منورة حبوبة

 

[shyy'Om]

ياللللله الحين بااارت ":$

 

[shyy'Om]

الــ12​

عند نواف + خالد كانوا قاعدين بستاربكس ( جمعية الزهراء )



خالد : عاد تصدق لمن انا شفتها قلت بقلبي انها تشبه احد أعرفة بس منو مادري ؟!


نواف : انت غلطان ... و غلطان حييل بعد !


خالد : ليش انشاء الله !!


نواف : انت من صجك تكلم بنت عم عزوز شلون قلبك يطاوعك هذا صاحبك من سنين


خالد : احبها و ما اقدر اهدها اصلا انا ناوي اتزوجها


نواف : انت من صجك تتزوج هذي !!


خالد : ليش شفيها هاذي ... لو سمحت نواف لا تغلط


نواف : يالله اخسرني انا بعد عشان هذي !!


خالد : يا ابن الحلال لا تحولها هواش


نواف : انا لا حولتها هواش ولا شي بس انت مخك مادري شصاير فيييه يعني شنو راح يصير لمن عزوز يدري ما فكرت فيها ؟!


خالد : ادري انها راح تصير مشكلة .. و مشكلة كبيرة بعد .. بس قولي شلون راح يدري يعني انا بقولة ولا ديوم بتقولة مثلا


نواف : والله ما اعلم الغيب انا .. بس لمن عزوز يدري لا تيي تشتكي عندي هذا اذا كنت صاحي تدري لو يدري شنو يسوي فييك يكسرك تكسر


خالد : هههه اقلب ويهك زين ... بس صج ان عزوز قزم بس قوي تتذكر هوشة المرينا قسما بالله ما وعيت الا الشباب يتحاذفون شالسالفة ولا عزوز بالنص يحذف هذا و هذااك كاااك


نواف : هههه انت شفت اشكالهم حسيت انهم اكرهوا روحهم عقب الهوشة .. محد طلع صاحي منها والله


نواف لف ويهة الا يطالع نفس الفلبينية الي ذاك اليوم ... تم امنتح فيها مدة


خالد : هيي هييي نوافوو وين رحت


نواف : هاا معاك معاك


طلعت الي تشتغل من ستاربكس .. بعد ربع ساعة


نواف : يالله قوم خن نمشي مليت من القعدة هني


خالد : بسم الله بعدنا حتى الموكا ما خلصناها


نواف : يالله بالطريج نخلصها ​

••

​

نواف و اهو طالع الا الفلبينية رادة ستاربكس ما شافها الا يدعم فيها الموكا انكتت على الارض


جاسيكا : I’m sorry sir I didn’t mean it


نواف : that’s oky


جاسيكا : come on I will make for you a new one


نواف : no thank’s I don’t want


جاسيكا : but I’m insist


خالد : يا ابن الحلال فكنة هذي شكلها محنجة خلها تسويلك موكا يديدة واذا مو على حسابها لا تاخذها


جاسيكا : Do not worry I will pay for it


خالد تفشل ... نواف : الله يفشلك يالله امش خن ناخذ اليديدة


سوت لهم الموكا اليديدة وتأسفت منهم و مشوا ​

••​

بالشقة عند عبدالله و حمد


يوسف : الحين هذا طايح شنو راح نسوي فييه


عبدالله : شنو بنسوي يعني راح اقطة عند باب اقرب مستشفى بس انت ساعدني عشان انزلة


يوسف : يالله انت تمسك ايدة و انا ريلة


يوسف و عبدالله شالوا حمد و حطوه بالسيارة بالطريج الا تلفون حمد يرن


عبدالله : وليييه انا نسيت تلفونة بعد


يوسف : ترى انا ما اعرف اسووق وهذا يحن فوق راسي روح دورة و حطة سايلنت


رجع عبدالله ورة عند حمد وقعد يدور التلفون لقة التلفون داخل مخبات حمد


شاف الرقم الا مسجلها ( لا ترد )


عبدالله : تتوقع اهو مسجل ( لا ترد ) عن نوفوو


يوسف : لا طبعا لو ما يحبها جان ما لقيتة طايح الحين جان الوضع عندة ايزي


عبدالله : يالله يالله وصلنة بسرعة قبل لا يقعد


يوسف : عبيد جيك جنه وايد ناس هني اذا نزلناه راح ننفظح


عبدالله : عيل شلون ؟!


يوسف: خلاص ننطر شوي وبعدين انزلة له


فجأة الا الحركة تخف حيييل عند مدخل المستشفى او بالاحرى انعدمت الحركة


يوسف : يالله يالله عبيد


نزلوا حمد عن باب المستشفى الا ينحاشون بسرعة ​

••​

شيماء اهي الي كانت ادق على حمد لان حلمت فييه حلم مو زين بغت تطمن علييه سبحان الله شلون الناس الي يحبونة يحسون فينا حتى لو عن طريق الحلم تمت شيماء ادق ادق على حمد بس ماكو فايدة ما يرد قررت انها تروح بيت حمد


وصلت بيت حمد دقت الجرس الا تطلع لها الخدامة


شيماء : بابا حمد موجود


الخدامة : لا ماما .... بابا حمد يروح الصبح الحين ماكو


شيماء : من الصبح طالع ولي الحين ما رد الله يستر بس


الخدامة : شنو ماما


شيماء : لا ولا شي اذا رد قوليلة ماما شيماء اجي مني زين


الخدامة : جين ماما ​

••

​

فاطمة دشت المستشفى واهي طايرة من الفرح كانت متشققة على الأخر واهي رايحة عند طلال الا ام طلال توها طالعة منة


فاطمة باست راس خالتها : يمة باركيلي و أخيرا لقيت واحد يملج علينة


ام طلال قعدت تيبب من الفرح


ام طلال : كولوولووش .. الله يبشرج بالخير يالغالية يالله دخلي على زوجج بشرييه


فاطمة : عن اذنج يمة


ام طلال : يالله يا بنيتي الحين انا بروح حق عمج بالشقة اتسبح و أرد


فاطمة : الله معاج يالغالية


التكلمة تحت

​

 

[shyy'Om]

••​

فاطمة دشت على طلال الى تلقاه نايم


فاطمة : يالخايس تمثل انك نايم ها اعرف سوالفك


فاطمة قربت صوب طلال والحركة المعتادة باستة على راسة الا تقرب شفايفها صوب اذنة وقعدت تهمسلة


فاطمة : طلال انا اليوم لقيت مليج و بعد شوي ابيك تدق علييه و تاخذ موعد و باجر نملج و بعد جم شهر راح اصير حامل و اييب مشاري و تصير بو مشاري و بعدين نرد الكويت و نسوي عرس سنع و حمد اخوك راح يرقص بعرسناا و عيال خالتي بعد و راح نقعد بالبيت مع امك وابوك عشان لا يحسون بالوحدة


فاطمة رفعت راسها الا تلقى طلال بعدة نايم


فاطمة : ههه يالله عاد طلال لا تصير مليق قوم كلم المليج قبل لا احد ياخذة منة انا ما صدقت آخذ الرقم من شهود


فاطمة استوعبت ان ويه طلال ما قاعد يرتسم علييه اي تعابير لا ابتسم مثل كل مرة ولا رمش حتى ... فاطمة بدت تهز جسم طلال


فاطمة : طلاال .. طلووول .. قوم بو مشاري قووم يالله قوم باجر نملج باجر اصيير حقك يالله قوم لا احد ياخذ موعد قبلنة انا شريت النفنوف امس ابيك تقولي رايك يالله قوم


فاطمة حطت سماعتها بأذونها و تجذب على نفسها


فاطمة : ادري انك جذاب الحين راح اسمع دقات قلبك تقوول فطووم والله احبج انت دايما كنت تخليني اسمع دقات قلبك ... كانت تقول فطوم احبج كنت اسمعها انا متأكدة اذوني ما تخوني


فاطمة ركبت السماعة على اذونها و مترددة تحطها على جسم طلال ولا لأ قربت السماعة صوب جسم طلال كان ودها ان كل هذا تمثيلية من طلال بس للأسف ما سمعت شي ما سمعت دقات قلبة الي متعودة كل يوم بنفس الوقت تسمعها كانت كل يوم تيي بنفس هالوقت مع اوراق طلال واتابع حالتة و تحط سماعتها وتسمع دقات قلبة و الدكتورة الي معاها تضحك عليها بس اليوم غير لا في دقات قلب ولا في ضحك


فاطمة : هههههه صح صح نسيت اليوم انت لابس بلوفر ثقيل اكييد عشان جذي ماكو صوت


فاطمة فصخت طلال البلوفر حطت ايدها على جسمة كان بارد حيييل ردت حطت السماعة ما سمعت شي


فاطمة : لا طلاال الله يخليك لأ .. لا تروحح عفية طلال مو الحين انا ابييك انا ما شبعت منك يالله قوم لا تروح ادري انك ما شبعت مني يالله


بدت فاطمة تبجي و تصرخ بهستيرية


فاطمة بصراخ : لا تمووت لا تخليني لا تخليني ابيك طلال ابيك شلون راح اعيش قولي شلون انا تعودت الحين صارلي 4 شهور اصبح بويهك .. واسمع سوالفك .. وانت نايم اقرى عليك قرآن .. وقت الي تتعب انا اعطيك دواك .. وحق التحليل انا اسحب دمك .. و كل يوم اسمع دقات قلبك احط عيوني بعيونك و أدووخ احس اني ما اقدر اوقف .. انا ما اقدر والله ما اقدر ​

••
​

بالممر مال المتشفى سمعت الدكتورة المساعدة حق فاطمة ولي عندها حالة طلال مع فاطمة صراخ فاطمة من غرفة طلال ركضت بسرعة بطلت الباب الا تلاقي فاطمة منهارة من البجي


الدكتورة : Fatima stop what happened


فاطمة : jeena talal die my husband died


فاطمة حطت راسها على جسم طلال و تمت مدة على صدرة تبجي بهدوء والدكتورة تطالعها وتبجي معاها ​

••
​

عند حمد


بالمستشفى موظفين الاستقبال شافوا عبدالله و يوسف واهم يقطون حمد عند باب المستشفى بسرعة نادوا الأطباء و نقلوه على السرير او ودوه اقرب غرفة عشان يفحصونة ... موظفين الاستقبال قعدوا يدورون بمخبات حمد الا يلقون تلفونة اتصلوا على آخر رقم داق على حمد الي اهو رقم شيماء


الموظف : السلام عليكم اختي


شيماء : وعليكم السلام اخوي .. تفضل


الموظف : تعرفين واحد اسمه حمد الــ ..


شيماء : اي حمد ولد خالتي خير اهو في شي وانت ليش ماخذ تلفونة


الموظف : في ناس قطوا حمد عند باب المستشفى و انحاشوا الحين اهو حالتة خطرة اتمنى انج اتيب اهني عشان توقعين على اوراق دخولة المستشفى و اتبلغين اهلة


شيماء : اي مستشفى وشلون صار جذي .. بعدين اهلة مسافرين الحين


الموظف : مستشفى الأميري والله ما ادري اختي انتي تعالي وتعرفين كل شي لان المحقق يبي يسألج جم سؤال و عشان تقولين حق اهلة الي برة الكويت


شيماء : يالله مسافة الطريج واكون عندكم انشاء الله ​

••

​

بنفس هالوقت نوف توها تطلع من الحمام عقب الشور الطوييل حييل


نوف : والله اني مو صاحية انشاء الله ما اقعد بالحمام 5 ساعات


خذت تلفونها الا تشوف 12 مس كوول من حمد


نوف : امبييه شالسالفة شفي حمد


على طول دقت على حمد الا يطلع لها موظف الاستقبال .. فضيحة هالموظف قاعد قعدة على التلفون اي احد يدق يقص علييه القصة من طأطأ لي السلام عليكم ... سدت نوف التلفون و اهي منهارة و تذكرت آخر كلام عبدالله


عبدالله : اللهم صبرج يا روح ... اهم شي اني اعرف اتصرف و ماخذ حقارة الاجانب و قلبهم القوي والي يوقف بويهي ادوسة وامشي هذا اهم شي خذيتة من امي ولا انتي شرايج ام حمد ؟!


نوف واهي تبجي : اكييد هذا الحمار عبود


بدلت ملابسها بسرعة و طارت على بيت خالها بما ان البيت فاضي درعمت حتى بدون لا تطق الباب و بسرعة صعدت الدري على غرفة عبدالله نوف بطلت الباب


نوف بصراخ : انت يالحقيير شسويت قولي شسويت بحمد يا الجلب


عبدالله كان نايم مايدري شالسالفة نايم بخري و بلوزة حفر


نوف راحت الحمام الا تترس التب ماي وترد غرفة عبدالله الا تكب الماي كله على راس عبدالله ... فجأة الا عبدالله يفز من النوم


عبدالله : انتي حمارة ولا شفييج مو صاحية انتي


نوف بصراخ : محد حمار غيرك انا بعرف انت ما عندك قلب انت شنو اذا الصخر يحس انت تحس


عبدالله : هههه ضحكتيني تصدقين توني استوعب


نوف : انت احقر من الحقارة نفسها قتلك الريال خطبني انت نشو سويت فييه يالكلب قولي شنو سويت فييه


راحت نوف عند عبدالله وقعدت تطق صدرة حييل


نوف : شسويت فييه قولي مو حرام عليك شلون راح اتجابل الله يوم القيامة حسبي الله ونعم الوكييل فيك


عبدالله عصب على نوف ودزها حييل على الارض


عبدالله : دني عن ويهي لا طراق على عينج وطلعي برة البيت الحين دام النفس عليج طيبة و بشوف انا ولا حمد راح تردين لي يا نوف نفس الجلبة راح تركعين عند ريلي


نوف : تخسي الا انت اركع عند ريلك لو انت آخر رياال وربي ما اكون معاك تحت سقف واحد والحين انا رايحة بس راح ارجع واعلمك يالجلب والله اذا صار بحمد شي راح اخليك تندم على قد شعر راسك



••
​

نهاية البارت

سوري اذا البارت ضيق خلقكم

اتمنى ان يعجبكم و اهم شي توقعاتكم

P.S

الي بقول شدعوى نوف تقعد بالحمام 5 ساعات ترى عادي طالعة علي انا لمن ادش الحمام تكرمون انسى روحي لوول

:24:
​

 

[زهراء*]

حدة حيييييلووو

امبييييه البارت قوي حييييييل

كسرت خاطري فطووم حرااااام

اتوقع فطوم يصير فيها شي عقب هالصدمة

و حمد ما يقوم من الغيبوبة بسرعة

امبيييه شوقتيني يالللله كملي



لا يوقف لا يوقف لا يوقف

 

[ابي قطوة ميوووو]

لاااااااااااااااا حمووووووووود لاااااااااااااا لااااااااااااا لااااااااااا
شووفي هال٥ ساااعة الي بالحمااام شسووووووت بالدنيااا
مسكييييييين حموووود
نووووف كرهتها وكسرت خاطري بس همن محتقرتها حييييييل حييييل
وعبد الله ؛@ خليني سااكته بس
والفلبينية الي بستاربكس احسها كوورية على وصفهم او كويتية وامها كورية
وصرااحا في نقطة ما عليج امر بس حبيت توضحيينها لي شفيه نواف على حور!؟ مافهمت قصتهم عدل

 

[كويتيه 17]

حراااااام حمد
باط جبدي عبدالله حده حقييييييييييير
واذا امه امريكيه ان شاء الله مو جذي يعني @

يالله ناطرين التكمله يالله يالله عاااااااااااشت

 

[вяσkεи]

شيوومتي حياااتي انتي


ابداااااعع يابعدي


امبييييييه أنا صااارت لي نفس السالفه


يعني مو نفسها بس تقارب لهاا

الله ايصبرني والله ايصبر نوفيتي بعد قلبي

 

[shyy'Om]

حدة حيييييلووو

امبييييه البارت قوي حييييييل

كسرت خاطري فطووم حرااااام

اتوقع فطوم يصير فيها شي عقب هالصدمة

و حمد ما يقوم من الغيبوبة بسرعة

امبيييه شوقتيني يالللله كملي



لا يوقف لا يوقف لا يوقف

,والله عيونج الحلوة زوز

لول منورة و تسلمين ع التوقعات يالغالية

 

[shyy'Om]

لاااااااااااااااا حمووووووووود لاااااااااااااا لااااااااااااا لااااااااااا
شووفي هال٥ ساااعة الي بالحمااام شسووووووت بالدنيااا
مسكييييييين حموووود
نووووف كرهتها وكسرت خاطري بس همن محتقرتها حييييييل حييييل
وعبد الله ؛@ خليني سااكته بس
والفلبينية الي بستاربكس احسها كوورية على وصفهم او كويتية وامها كورية
وصرااحا في نقطة ما عليج امر بس حبيت توضحيينها لي شفيه نواف على حور!؟ مافهمت قصتهم عدل

لوول الفلبينية بالبارتات الياية راح اتكلم عن اصلها لوول

اهي كانت خطيبتة و اهلها حييل يأذونة بالتشرطو الطلبات لين فل كل شي و هدها

اتمنى انج فهمتي لوول

منورة حبيبتي

 

[shyy'Om]

حراااااام حمد
باط جبدي عبدالله حده حقييييييييييير
واذا امه امريكيه ان شاء الله مو جذي يعني @

يالله ناطرين التكمله يالله يالله عاااااااااااشت

لوول بعد شنسوي خخ

لووول مشكورة ع التشجييييع

منورة كويتية

 

[shyy'Om]

شيوومتي حياااتي انتي


ابداااااعع يابعدي


امبييييييه أنا صااارت لي نفس السالفه


يعني مو نفسها بس تقارب لهاا

الله ايصبرني والله ايصبر نوفيتي بعد قلبي

مشكورة حياتي والله مرورج الابدااع و النبي

حيااتي الله يصبرج :eh_s(2):

منورة يالغالية

 

[m!ss shosha]

عبدالله هذا شسوي فيييه اذبحححه قولوولي اذبححه =@

و حمد حرااااااام مو شويه الصدمه =(


نووف صرااحه والله فرااغه 5 ساعات بالحمام زين ما تناام

و شيمااء اناا ححدي مستلطفتها مادري لييش حمد يكرهاا حراام =(

 

[3thab 2lroo7]

لالالا انا اصدق ونص لاني اقعد بالحمام اكثر من جذي
عبدالله نذل الله يستر منه
حياتي فطوم كسرت خاطري وطلول عور قلبي
نوف كلا منها ماتستاهل حمد شيماء اهيا اللي كفو تاخذ حمد

فديتج تسلم ايدج واحنا بانتضار البارت على جمر