تجمع قروب passion لرجيم اتكنز المرحله (1)

[جوف الليل]

يؤيؤيؤيؤ ..
باشن سوري ترى اليوم الصبح عبالي الجمعة < من الضغوطات لوول
كنت داخله المنتدى عالحساب اشوف موضوعج مالقيته الصبح !! قلت اكيد الجمعة وكملت باقي اشغالي !!..
حتى تريقت سندويش ! .. للااسسف مابديت اليوم
بكره ببتتتدي بالحرف الواحد لاني متحمسه < انشـآء الله يتم هالحماس لـ نهاية الشهر ..
ومشــآْء الله عليييج التزااامج مزبووط ! ..

 

[Jnaaaat]

ياريت تقاريرنا تكون نفس باشن واااايد حلووو
بقلدج باجر بإذن الله

 

[dantella]

انا اليوم كله بس تغديت كباب وشربت 4 بطول ماي البطل 500مل
وتكرمون ذبحني الحمام

 

[dantella]

بس محتاره شنو اكل باجر
والحمدالله ان اول يوم عدا على خير وكان سهل بالنسبه لي

 

[ام أنوسه و رنود]

http://www12.0zz0.com/2011/10/02/00/338342174.png

 

[Jnaaaat]

لقيت بالنت جدول حلو للي ماتعرف شنو تاكل

بنات لاتنسون الزيت الزيتون عشان مايحوشكم امساااااك تكرموون

الشهر الأول


السبت

الفطور : 2بيض مسلوق + 1 خيار
الغداء : دجاجة مشوية + سلطة
العشاء : جبن أبيض + 1 طماطم


الأحد

الفطور : 2 بيضة مقلية + 10 حبات زيتون + كوب ماء دافئ
الغداء : لحم كفتة مقلية + سلطة خضار (باذنجان - كوسا - زهره -كرفس)
العشاء : جبن أبيض + خيار + خس + كوب شاي مع 2سويت اند لو


الأثنين

الفطور :10 حبات زيتون + 2بيض مسلوق + كوب ماء دافئ
الغداء : ستيك مشوي مع مشروم وبصل مقلي + سلطة
العشاء : جبن أبيض + 7 شرائح لحم سلامي + خس


الثلاثاء

الفطور : 2 بيض اومليت + 10 حبات زيتون + شاي
الغداء : دجاج مشوي + سلطة (خس - كوسا - زهره - كرفس)
العشاء : جبن أبيض + 5 شرائح سلامي + خس


الأربعاء

الفطور : 2 بيض مسلوق + 10 حبات زيتون + ماء دافئ
الغداء : همبرجر لحم + خس + بصل أخضر
العشاء : جبن أبيض + مرتديلا + خس


الخميس

الفطور : 2 بيض مسلوق + 10 حبات زيتون + ماء دافئ
الغداء : تونة + مايونيز + خس
العشاء : جبن أبيض + مرتديلا + خس


الجمعة

الفطور : جبن أبيض قريش + 10 حبات زيتون
الغداء : دجاج مشوي + سلطة + خس
العشاء : بيض أومليت + سلطة(خس - جبن أبيض - طماطم - بصل - نعناع - زيت زيتون)

 

[ام أنوسه و رنود]

المشاركه اللي قبل كانت تجربه http://www12.0zz0.com/thumbs/2011/10/02/00/943582669.jpg

 

[غــلآ]

بسم الله الرحمن الرحيم​

اليوم الأول
السبت الموافق 1/10/2011​

الريوق​

اول ماقعدت شربت كلاص ماي

وعقبها تريقت بيضه مسلوقه وحده

الغداء
كان دايت بيبسي ودجاج مشوي بالفرن

عقبها شربت شاي من غير سكر

وبعدين قعدت ادرس اليهال لغاية الساعه 6 بدلت ملابسي ورحت ممشى مشرف وصلت
عاى الساعه 6:42

وعقبها شغلت التايمر اللي بجهازي وضبطه على ساعتين مشي​

وعقبها مشيت ومشيت لما قطعت اكثر من ساعه ووصلت نهاية الممشي

عقبها رديت وفاضلي اقل من ساعه معناته اني راح امشي اكثر من ساعتين قلت ميخالف الحركه بركه وكل ما أفكر بجسمي ورشاقتي اتحدى نفسي وزيد سرعتي بالمشي
عقبها وقفت دقيقتين اشرب ماي بارد

كملت المشي واصلت لما جيكت التايمر باقي نص ساعه

وظليت امشي وصفر التايمر لما وصلت ركبت السياره وهذي الساعه

العشاء​

وصلت منهد حيلي بس عقب ما خذيت الشور لقيت عشاي جاهز تونا مع دايت سفن اب

اما الأدويه اللي استخدمتها
قبل النوم 2 كبسوله جنين القمح وحبه للشعر

وغسلت ويهي بصابونة البابايا ودهنت بكريم الجمال مع فيتامين سي علشان اتكون عنايتي كامله بجسمي وشعري وبشرتي

واتمني ان يعجبكم تقريري واشوفكم باجر على خير ويوم جديد ان شاءلله وتصبحون على خير​

ماشاء الله تبارك الرحمن ان شاء الله تستمرين جذي يارب واضمن لج تضعفين وتنزلين نزول حلو
ودام وصلتي لي اخر الممشى بساعه يعني انج رجعتي بسرعه اكبر واكيد قطعتي المسافه بوقت اقل وهالشي وايد وايد وايد زين مو مهم التوقيت كثر ماتهم السرعه في المشي كل ماكان اسرع كل ماحرق اكثر

انا كنت امشي على الجهاز نص ساعه بس مشي سريع مايل للجري وكنت ماشاء الله ما انزل من الجهاز الا جسمي يصب صب من العرق واحرق 300 كالوري تقريبا ( ايام الرشاقه طبعا ) ههههههههههههههه وان شاء الله بس ينزل وزني ارجع للنادي وارجع اركض وامشي ياحلو المشي والله ان يشد الجسم وفوق هذا يطلع السوائل من الجسم وفوقهم يصفي البشره لان الدوره الدمويه تتحرك وزياده عليهم تحرقين الطاقه السلبيه اللي فيج عشان جذي اول ماترجعين دايم تحسين انج ريلاكس ومزاجج حلو وان شاء الله تستمرين بصحه وعافيه يارب

 

[ام أنوسه و رنود]

الله يعطيك العافيه ياجنننننننننننننننننننننننننننننننننننننننننننننننننننات بس حبيت اسال اول شيئ باركي لي عرفت احمل الصور مع انها كانت معجزه بالنسبه لي لكن ليه يطلع الرابط انا ابي تكون الصوره

 

[Jnaaaat]

جذيه حبيبيتي تطقين علي المربع اللي فوق اللي علي شكل صوره داخلها جبل مكان اضافه تعليق

واللحين لمن تطقين عليها يطلع مربع مسحي اللي فيه وحطي نسخ
وموافق
وسلامتج

 

[مملوحة وعسل]

صباح الرشاقة
شخباركم بنات

بس حبيت تقترحون علينا شنو نسوي ريوق خصوصا للدوام
انا اشرب بس كوفي بدون كافيين وانطر لي الساعة 4 للغدا

تعب جذيه

فياريت تقترحون علي جم طبق الوحده تقدر توديه معاها الدوام وتاكله

 

[Jnaaaat]

تريقي بالبيت بيض وحطي عليه شويه جبن
والقهوه خليها للدوام
وشربي ماي واااايد بتنسين اليوووع

 

[dantella]

صباح الخير شلونكم
ماشاء الله اليوميات هلت
اليوم قعدت الصبح جان اشوف ريلي داش ومعاه ريوق جان اطق على راسي
ولا حرام طلع يايبيلي عجه وزهره وبيديان مقلي
يقول اعرف رجيمج خخخخخ فديته
وكان هذا ريوقي
ودام الموضوع يتكلم عن العنايه بشكل عام بتكلم عن الامور الي تتعلق بعنايتي بشعري
عقب الريوق اخذت حبه بانتوجار وهو ينوخذ 3 مرات باليوم
وقبل لا اخذ دوش حطيت بشعري سبري عنايه من نيفيا ينرش عالشعر قبل الدوش تالي ينغسل
تالي غسلت واشتهيت ارش سن ان وصار شعري لونه يهبل.... تالي دهنت جسمي بكريم جليسرين
وهذا كلشي لغايه هاللحظه

 

[dantella]

http://www12.0zz0.com/2011/10/02/00/338342174.png

محاولهع ممتازه بس طلعت برايط
انا وريلي امس قاعدين نحاول نرفع صور العصير البودر الي سئلت باشن عنه وكل المحاولات باءت بالفشل الساحق:rgewrg:
لكن هم بضل بحاول

 

[simple.girly]

السلام عليكم ورحمة الله وبركاته*
هلا بالبنات هلا فيكم*
واااااااىي شوقتوني صراحة حسيت بسوبر تشجيع*

مشكورة على الجدول اللي نزلتية*
وغلا ما شاء الله يومياتج اتونس*

مممم لما الحين ماتريقت *بس ماي الحمد الله بتسبح وتالي بطلع عندي جم شغيلة*
لما الحين ماقررت شنو اكل بساحتمال شورما دياي بدون صمون طبعا
دنتيل شوقتيني شنو اللي حطيتيه على شعرج وخله لونه حلو ؟ وانا شعري خفيف يصلحله ولا لا
ومشكورين*

 

[simple.girly]

ايه امس *خلاص كنت شوي وباكل ككاو بس الحمد الله تعوذت من الشيطان ونمت صراحة استانست اني ماكليت

 

[simple.girly]

ايه امس *خلاص كنت شوي وباكل ككاو بس الحمد الله تعوذت من الشيطان ونمت صراحة استانست اني ماكليت

 

[dantella]

هلا سمبلي شلونج ياعسل
انا رشيت شغلتين وحده قبل لا اتسبح وخليته مده تالي غسلته
والثاني اسمه سن ان
هذا ترشينه وشعرج رطب وتالي توزعينه وعقبها ياتقعدين شوي بالشمس او تجففين بالسشوار وراح يفتح لون شعرج بشكل تدريجي
وهذا في منه الوان وتلقينه بالصيدليات
بس اهو شوي يخفف الشعر بس يعطي لون حلو
انا اساسا صابغته اشقر وحطيت منه جان يفتحه طلع حلو

 

[dantella]

شوفي بحاول اصوره وانزله هني واتمنى هالمره محاولتي تنجح

 

[dantella]

واااااي جنه ضبط واخيرا لقيت مركز تحميل
المهم من اليمين اول واحد هذا السن ان وهذا يعني مو يديد حده قديم بس حلو
الثاني سبري العنايه الي ينرش قبل الدوش واهو المفروض ينرش بلليل والصبح ينغسل انا شفت نتيجته حلوه
الثالث حق عقب الدوش حلو وخفيف ومايدهن الشعر​