ريلها يخونها وينومهم بفراشها

[ambeh]

شلونكم بنات

بليييييييز بليييييييييييييز هالموضوع وايد يهمني ويهم صاحبة السالفه
السالفه مو سالفتي سالفة وحده اعرفها وانا قتلها كل اللي اعرفه ونصحتها وقتلها سوي جذي وسوي جذي بس ماكو فايده يابنات عشان جذي انا بحاجه اني اسمع رايكم لان الافكار خلصت من عندي

السالفه ومافيها ان هالوحده ريلها يخونها يكلم بنات بس طبعا اهوا مايدري انها تدري
اهيا جم مره طاحت على صور بنات بتلفونه ومسجات ووتسب و بالبي بي بس تسكت وماتقوله لانها مو عارفه شتسوي تروح حق اهلها تفتح معاه الموضوع كلش موعارفه شتسوي ومو عارفه شاللي تبيه بس انا متاكده انها ما تبي تتطلق من ريلها وودها ريلها يتعدل
بس الريل عيبه ان اهوا يحب الحرام واهوا بدمه المغازل والخرابيط لدرجة ان يدخلهم البيت ويقعدهم بفراشها واهيا ساكته ومتحمله على امل انها تلقى حل
اي وبقولكم شغله اهيا الحين الحل اللي وصلتله انها تبي تفضح البنيه الي ريلها يكلمها طبعا مو بس وحده يكلم بس هذي اللي على طول معاه وتييله البيت المهم انها ماخذه رقم البنيه وعرفت اسمها وعندها صورها وقالت انها بدق على اهل البنيه او تطرشلهم صور بنتهم عشان يوقفونها عند حدها بس انا مادري اخاف السالفه تنقلب على ريلها واهوا اللي يروح فيها فقتلها نطري لا تسوين شي خنفكر عدل

بنات بليز انتو شرايكم شالحل

 

[.حــنــان.]

ويييييييييييه الله يهدي ريلها

مادري احس هالطريقه غلط

خليها تواجه و تقوله انها تعرف خرابيطه و تهدله البيت و تقعد جم يوم عند اهلها بس ما تقول لهم انه يخربط
وختكلم حامتها او امه يكلمونه عاد ويوقفونه عند حده

 

[عـِرۈۈق قلبــه]

لآ حرآآم لآ تقول حق أهل ـآلبنت " من سترر على مسلم سترر ـآلله عليه ^^

أتكلمم زوجهـآ أو أنهـآ تكلمم ـآلبنت بمآ أنهـآ مأخذه رقمهـآ
تقولهـآ بعدي عن زوجي من هآلحجي إذا مآ فآدهـآ تشووف لهـآ
طرريقه ثآنيه ^^

اهمم شي أنهـآ تهدد ـآلبنت أول يممكن تخآف و تبعد عنه

عمومن أنتي تقولين بدمه ـآلمغآزل يعني لو رآحت وحده أكوو ألف غيررهـآ

مآلهـآ إلآ أنهـآ تصبرررررر **

 

[om MaRyooM]

ريلها مامنه فايدة دام وصلت فيه هالمرحلة من الحرام


ودامها ماتبي تطلق اهيا ابخص بحياتها وقراراتها .. محد يقدر يقنعها بشي


وصدقيني لو مو متحملة جان تطلقت من زمان .. لأن مستحيل وحدة تتحمل لهذي الدرجة



عفية قلب تنام على فراشها واهو مسوي السبعة و زمتها على قولتهم !!!!!!!!!!

 

[لوفيه]

استغفرلله شلون ساكته رفيجتج واهي تشوف خيانته

والمفروض اتييب البنت واتمسدها تمسد جم طراق وتهديد يعلمها شلون تمشي ورا الحرام

وريلها هذا توريه درس ماينساه خل تعلم امه عليه يا يتسنع ويترك خرابيطه ولا خل يولي تروح حق اهلها اشرف لها

خاينها وبفراشها وساكته واااااااااي بمووت

 

[LadY BuG 80]

الله يعينها ويهون عليها اكيد تحبه .. ولله الحب يذل تتحمل بنات على فراشها و بلحرام ؟؟؟

... لا تدخل اهلها الا اذا هيا مستعده تكبر الامور لانه ما راح ينسوا بذات امها و خوتها

اذا تقدر تكلم ابوها اذا هو حكيييم و تقوله لا تعلم احد و يجي ابوها بيتها و يتكلمون اثلاثه سواا تقوله انا عرفت و توريه حجم زعلها و خليها تاخذ موقف لانه بيستحي لابوها و يسوي له حساب

و بعد ما زوجها يعرف انها درت تعلم اهل هاذيك عشان لا ترجع ثاني و تحاول تجره للحرام لانه زوجها قابل للانحراف

هاذا الي انا راح اسويه اذا الله ابتلاني . الله لا يقولها

و الله يوفقها و يسخر لها زوجها​

 

[مياسه الحساسه]

ما انصحها تفضح البنت
اخاف تكون قويه هالبنت وتقلب السالفه عليهم
في مثل يقول
(امسكو شاهكم ما تجيكم نعجتنا )
يعني انتي امسكي رجالك مالك في بنت الناس
بعدين مهو حل لو فضحت هالبنت ووقفتها عند حدها ..البلى في زوجها بيروح يدور بنات غيرها
لازم تواجه زوجها وتوقفه عند حده
والله يعينها

 

[اللؤلؤ المتناثر]

الله المستعان
شلون ترضا على نفسها إلإهانه يدخل البنات في بيتها وعلى فراشها وهي ساكته
الساكت عن الحق شيطان أخرص موعلشان مأبي الطلاق أخليه يدوس على كرامتي! !!!
ياربي أرحمنا برحمتك مالهم أمان الرياجيل

​

 

[قآنون كيفكـ!!]

وضعها صعب يعني من قبل ساكته علية وعلى خيانتةة بعد يجيبهم على فراشهآآ يعني جدآمهآ وساكتةة ؟!!
شنو صنم توه يوصل الاحساس الله لآيبلاناا ..
اقولج لا تطرش الصور حق اهل لبنت خوف السالفة تنقلب على ريلها وياخذ له جم طراق ..
دوري لج حل ثاني ..

الله يكون بعونهآآآ ..

 

[Moim]

انا بعد اشوف لا تفضح البنت خوفج تسوي حق ريلها شي
وخل تكلم البنت اذا ما نفع تصارح ريلها
شي صعب هالشي لان ماراح تدري شنو تكون رده فعل ريلها
بس واي شلون تسكت انا يوم واحد ما اقدر انام لو كنت شايفه ريلي يخوني

 

[ام الحلوااات]

اللـــــــــه يـــعــــيــــنــــهـــــا عــــلــــــى هـــاالـــنـــــوع مــــن الـــريــــااايـــــل​

 

[ambeh]

بالبدايه بنات شاكرتلكم كلكم على تفاعلكم

بس خل اقولكم شغلات بطبعها وبطبع ريلها

اهيا مسكينه وفقيره وتخاف من ريلها وريلها جلب عزكم الله تخاف منه خووووف ماصار ومرات لما اقولها قوليله انج شفتي جات ولا صور بنات تدرون شترد علي!! تقولي لا اخاف يعصب اقولها الحين اهوا الغلطان وتخافين منه تنرفزني حييييييييل انا ماتحمل جذي وتبط جبدي واااااااااااايد والله يابنات ان لدرجة يقول حق ربعه مرتي غبيه وتافهه واهيا تدري وشافت مسجات كاتب هالحجي بس ماكو فايده فيها والله اني اسالها انزين يافلانه انتي شنو تبين تبين تطلقين تبين اتمين معاه تقولي ماااادري بالله هذي شقولها

وانتو تقولون ختكلم اهله انا ادري لو اقولها كلميهم بتقول لا راح يعصب علي مع ان هالحل عجبني وانا راح اقولها بس متاكده من ردها

وعلى اهلها اهيا من قبل صارت سالفه وراحت حق اهلها ووعدهم ان ماراح يكرر الموضوع وراح يتعدل بس ماكانت قايلتلهم عن خياناته كان موضوع ثاني ماني ذاكرته والله فاتوقع الحين لو تفتح موضوع خيانته ماراح يسكتون ويمكن يخلونه يطلقها واهيا مشكلتها موووو عارفه شاللي تبيه

ادري اذيتكم بس لان اهيا مأذيتني بعد كل يوم وتاي تقولي بس انا ماقدر اتحمل وانا بقلبي اقول مو الحل بيدج شتبيني اسوي مادري مادري شسوي معاها

 

[ســتارز]

اذا السالفة صج الله اعلم

من رايي تطلعين منها وتخلينها تعيش حياتها.. بس النوع هذا مايشكون غريبة شكت لج

تقولين انها فقيرة ومسكينة واهم شي تخاف من زوجها لا يعصب

خلاص تحافظ عليه لا يعصب وتحسن معاملتها له وتدعي الله يهديه

احسن حل حتى لا يعصب

 

[إبتسامهـ]

لازم تقوي نفسها وتقوي الوازع الديني عنده صدقيني الي مايخاف ربه مايخاف من الناس
ماكوانسان مايتغير وماكو انسان الا ف قلبه ايمان بس يبي له شوي تحريك
لازم تحرك هالايمان عنده لانه مريض بهالمرض ولازم يتعالج
البنت نفسها عندها مشكله الطيبه هالايام ماتنفع

الله يهديه

 

[bto0olah]

انا اقول عطي الصور حق احد ثاني يوصلهم حق اهل البنت مو اهي توديهم ولا حتى تدق على البنت واكيد راح يوصله الخبر وجذي خل نشوف منو الغبي واذا واجهها تقدر تنكر وبعدين دام فتح الموضوع بنفسه تنفجر عليه واذا اهوا وصخ خل يودي وصاخته برا البيت مويجيبهم بفراشها
وانشالله يطيحون فيه طق احسن عشان مايعيدها ويتادب

 

[bto0olah]

انا اقول خل تعطي الصور حق احد ثاني يوديهم بيت البنت ولا تدق عليها وكيد بيوصله الخبر ونشوف منو الغبي واذا سالها تنكر ودام فتح الموضوع تنفجر عليه وهم البنت عشان تحرم تطب بيت واحد متزوج
وانشالله يارب يطيحون فيه ططططططططططقق عشان يتادب

 

[الحلوه خوخه]

حياتي الي تقدر تسويه تحطلها كاميره صغيره بمكان تصديد
فراشها وتصوره مع البنت وبعدين تاخذ الشريط تروح دوامه وطبعاعندها اسبير مفتاح سيارته علشان تبعد عنها انه اهيا الي حاطته وتطبعها اورقه اتهدده علي انه سخص مجهول يعرف بلاويه وعنده اشرطه وايد يقدر ينشرها باليوتيوب ويفضحه ويخرب بيته اهني اتوقع ريلها مو يخاف بس النوم ما يقدر عليه من الخرعه
@الكاميره عقب التصوير تشيلها
@الورق مطبوعه علشان مايعرف خطها
@تكون كثر ما تقدر هاديه وطبيعيه
اتمني اني اكون فدتج

​

 

[tt2tt]

لاتعليق

 

[ام زهقانه]

اذا السالفة صج الله اعلم

من رايي تطلعين منها وتخلينها تعيش حياتها.. بس النوع هذا مايشكون غريبة شكت لج

تقولين انها فقيرة ومسكينة واهم شي تخاف من زوجها لا يعصب

خلاص تحافظ عليه لا يعصب وتحسن معاملتها له وتدعي الله يهديه

احسن حل حتى لا يعصب

اتفق معاها

 

[aldanaha]

خل تقضب ريلها