!~¤§¦ تـقـرير رحـلـتـي الى بـانكــوك و بـوكـيـت :: سبتمير 2011¦§¤~!

[Joy Designs]

الله يعطيكم العافية ماقصرتو على التشجيع والمرور
ان شاءالله بالليل اكمل لكم التقرير ...لان اليوم زوارة

وسامحوني على التأخير

 

[q8nina]

ناطرينج

 

[Joy Designs]

نكمل التقرير​

اليوم الرابع :

مثل ما قلت لكم وصلنا بوكيت .. طبعا من الوناسة والمناظر الحلوة نسيت اصور المطار والطريج الى الفندق، ومثل ما قلت لكم احنا كنا حاجزين من بانكوك رحلات حق مدة اقامتنا في بوكيت بحيث مكتب الرحلات يستلمنا من المطار ويودونا الرحلات ويردونا المطار يوم المغادرة وهالشغلة وايد ريحتنا لان نطلع يسيارة بروحنا على وقتنا وعلى كيفنا

المهم وصلنا فندقنا اللي حاطة لكم اسمه اول التقرير .. بصراحة كلمة روعة شوية على الفندق، يعني اللي حابة تروح مكان هادي ورومانسي بعيد عن ضجة العالم تقعد في كامالا بيتش ، العادة العرب يقعدون في الباتونغ بيتش ، المهم وصلنا الفندق قالو لنا تفضلوا في اللوبي واحنا نسوي لكم كل شي، وشوي والا يايبين لنا شاي وعطوني وردة غريبة حلو شكلها، وعطونا مجموعة عطور فواحة وقالو لنا اختارو العطر اللي يناسبكم علشان نحطه لكم كل يوم بالليل ... ونااااااسة :eh_s(7)::ggdw:

ووطلعنا من اللوبي وموظفة الفندق معانا موديتنا الغرفة طبعا علشان نروح الغرفة نمر على حمام السباحة ومطعم تالي ندخل مبني الغرف .. المنظر خيالي ووايد حلو.

احنا كنا حاجزين في هذا اليوم نرتاح شوي تالي نروح جولة في بوكيت كلها لمدة 3 ساعات تالي بالليل نروح عرض الفانتاسي شو. بس لان كنا طايرين من الصبح من بانكوك وقبلها كنا سهرانين اجلنا جولة بوكيت ونمنا بصراحة وقلنا لهم بنروح عرض الفانتاسي شو بس

جدول رحلتنا كان :
الاستقبال بالمطار
جولة في بوكيت لمدة 3 ساعات
عرض الفانتاسي شو مع بوفيه العشا
رحلة جزيرة بي بي او جيمس بوند
ويوم فري حقنا نسوي اللي نبي
رحلة العودة للمطار

تكلفة هالجدول 11 الف بات حق شخصين بسيارة مستقلة

الحين اترككم مع الصور لليوم الرابع​

الوردة + الشاي + الزيوت العطرية​

​

الطريج اللي يودي للغرف
​

رقم غرفتنا
​

شكل الغرفة​

​

​

​

هاذي المغسلة وتكرمون المرحاض كان بروحه والشور كان بروحة .. يعني الحمام عزكم الله مقسم الى 3 اجزاء
​

وهاذا المنظر اللي تطل غليه غرفتنا ... المحيط
​

 

[Joy Designs]

واخر شي في اليوم الرابع كان عرض الفانتاسي شو، بصراحة عرض جدا روعة ومايتطوف ويسى ان الواحد يروح له وهو عبارة عن عرض مسرحي بتقنيات وايد حلوة يتكلم عن تاريخ تايلند ... والعرض موجود في حديقة كبيرة فيها شوية ملاهي وفيها تقدرون تركبون الفيلة وتصورون مع الثعابين والنمور .. يعني شي حلو وقبل العرض يحطون لكم بوفيه عشا كبير مقسم الى اقسام ومن ضمنهم قسم الاكل الحلال .. طبعا لازم تكونون حاجزين التذكرة ومعاها البوفيه.حبيت اصور لكم من داخل العرض بس الكاميرات ممنوعة وياخذونها منكم قبل دخول القاعدة

وهاذي شوية صور من عالم الفانتاسي شو وفيها يكون خلص اليوم الرابع










​

اليوم الخامس المفروض نروح جزيرة جيمس بوند ..بس على حظنا من طبينا بوكيت والدنيا مطر غزير

 

[Joy Designs]

اليوم الخامس​

مثل ما قلت لكم كان المفروض نروح جزيرة جيمس بوند ..لكن الجو كان ممطر وعاصف فقلنا ليش نروح ناجلها لليوم السادس .. قلنا لمكتب الرحلات نبي ناجل قالو اوكي ...... قلنا عيل شنسوي والدنيا مطر لا نقدر نروح البحر نتمشى ولا نقدر نروح الجزيرة ... تذكرنا ان كان المفروض نسوي رحلة 3 ساعات دار مدار بوكيت .. قلنا ماكو الا اهي ، كلمنا المكتب قلنا نبي نروح في جولة سياحية قالو اوكي ... يات السيارة لنا مع المرشدة السياحية وفعلا رحنا في جولة على شواطي بوكيت كلها ومرينا على مصنع مجوهرات يعتبر الاكبر في تايلند حده رووووووعة ، ورحنا محل سوفينيرات، ومرينا على مصنع للعسل ورحنا نادي الرماية يعني بصراحة الجولة كانت ممتعة جدا ما خربها استغفر الله غير الجو العاصف، وبعد ما خلصنا الجولة سالت المرشدة السياحية عن مكان راقي نسوي فيه سبا ، ودتنا فيلا جدا راقية واخترنا باكيج لمدة ساعتين في السبا ..شي بصراحة رووووووعة ، وعقب السبا واللي نكتشف ان جدامنا كان في مول كبير وحلو اسمه Central Festival
وهاذا موقعه على النت تمشينا فيه وتعشينا ويات لنا السيارة عقب ساعتين ودتنا الفندق وبجذي يكون اليوم الخامس انتهى ​

وهاذي صور اليوم الخامس​

مادري منو هالعايلة بس طلعو بالصدفة في الصورة
​

​

​

​

​

​

​

​

​

​

وهاذا موقع السبا اللي رحنا له في بوكيت لا يطوفكم
Cher Aim Spa​

 

[حلمي اكون ام Q8]

الله يهنييج


انا رايحه انشالله بعطله العيد ومتابعتج الى الاخر ..


لاتطوليييين

 

[Joy Designs]

الله يهنييج


انا رايحه انشالله بعطله العيد ومتابعتج الى الاخر ..


لاتطوليييين

ربي يسهل دربج ان شاءالله
ما راح اطول اجهز الصور وانزلهم على طول باذن الله:eh_s(7):

 

[ام عفاف الكويت]

ماشااااااااء الله كملي

 

[Joy Designs]

ماشااااااااء الله كملي

حاضر يام عفاف بس كانه التشجيع قل اكمل والا ما اكمل :eh_s(4):

 

[دلوعه ززوجي]

وناسه ههخخ شيشتنا روح تايلند

 

[Joy Designs]

وناسه ههخخ شيشتنا روح تايلند

روحي يا دلوعة تدلعي :eh_s(9):

 

[q.u.e.e.n]

ناطرين التكلمه ويعطيج العافيه

 

[noody a&a]

الحمدالله على السلامة

ماشاءالله الموضوع وايد حلو

 

[Joy Designs]

شكرا نودي الله يسلمج ويحلي ايامج

 

[Joy Designs]

اليوم السادس والاخير في بوكيت​

كان المفروض اليوم نروح جزيرة جيمس بوند بس لان الجو مازال ممطر ما حبينا نجازف مع العلم قالو لنا ان الطريج امن للجزيرة بس بصراحة ما حبيت نروح ونتوهق بالمطر كنسلنا الرحلة بس للاسف راحت علينا الفلوس ، تريقنا بالفندق وقنل خلينا ننطر ونشوف الجو لي وين بيوصل

وتعدل الجو شوي وطلعت الشمس ، وبما ان زوجي يحب التصوير قال خلينا نروح نتمشى على الشاطي اللي يم الفندق ونصور قلت له اوووكي ورحنا مشينا من الفندق للشاطي .. الجو كان روعة من بعد المطر والناس بدت تروح تتسبح بالبحر وفعلا قعدنا على البحر وكان زوجي يصور ويصور تقريبا قعدنا 3 ساعات

فجاة بدات تقرب غيمة سودة قلنا هاذي عاصفة .. تقرب الغيمة وزوجي يصور ويصور ويصور:rgewrg: لدرجة مرو علينا اجانب وقالو له there's storm coming man

المهم بالغصب سحبته عقب ما خلا الشاطي الا منا احنا الاثنين وركض ندور تاكسي والا يطق علينا مطر مووووو طبيعي طبينا باول تاكسي ورجعنا الفندق تغدينا

لما صار بعد المغرب بدلينا وقلنا نروح شاطي باتونغ اللي كل العالم قاعدة فيه .. فعلا وصلنا هناك والا الجو العام غير عن شاطي كامالا .. هناك زحمة ولوية وناس وايد وخرابيط المهم رحنا مول اسمه صعب صورته لكم ، وعقب الفرارة بالسوق رحنا تعشينا في مطعم سي فود وايد حلو اسمه سافوي شكله يلوع الجبد بس اكله وايد حلو لا وماهقيته غالي بعد ...بس الحمدلله اكلنا ورجعنا الفندق لان اليوم السابع كنا بنرجع بانكوك

والحين اترككم مع صور اليوم السادس

من رحلتنا للشاطي الى العاصفة








فندق عجيب حده وغالي


عندهم شاليهات روعة عالبحر حق اللي يبي هذا عنوانهم


مطعم شكله يشوق






هذا فندقنا من بعد






شكل العاصفة القادمة







​

 

[Joy Designs]

وهاذي صور شاطي الباتونغ بس طلعت مو مصورة اسم المول .. بس سهل يدله الواحد لانه المول الوحيد في باتونغ بيتش

وبجذي يكون انتهى اليوم السادس وباذن الله بكرة احط لكم رحلة العودة حق بانكوك
​

 

[سمراء كالخمري]

ناطرينج تقريرج حده يووووووووووووووووووووونس

 

[نياره]

حمد الله علي السلامه
ماشاء الله تقريرج روووعه

كملي ناطرينج

 

[kamoona]

حده التقرير عجبني وصج تشوقت ارووح لهااا

انا طبيت فيها ترانزيت بس كنت رايحه الصين بس حسافه لو قاعده فيهااا

شكلهااا حدهااا عجييبه يبيله نروح لها

 

[Joy Designs]

حده التقرير عجبني وصج تشوقت ارووح لهااا

انا طبيت فيها ترانزيت بس كنت رايحه الصين بس حسافه لو قاعده فيهااا

شكلهااا حدهااا عجييبه يبيله نروح لها

شاكرة مرورج واطرائج ..فعلا تايلند بلد حلوة انا كنت ماخذة عنها فكرة غلط بس يوم رحت وايد استانست ... جربيها تستاهل التجربة