!~¤§¦ تـقـرير رحـلـتـي الى بـانكــوك و بـوكـيـت :: سبتمير 2011¦§¤~!

[Joy Designs]

احب التقارير الفرش
كملي قبل لا اولد

حاضر حاضر بعد شوي ان شاءالله لاني قاعدة اجهز الصور :eh_s(8):

 

[بخـــارى]

:krkrkr:خلاص ماراح اولد قبل لاتخلصين التقرير

 

[شنوووفه]

^
^
^

وراج وراج هههههههه

كملي حبيبتي ياحلالات بووكيت رحتلها ب2008

 

[Joy Designs]

ونكمل التقرير مثل ما وعدتكم​

اليوم الثاني ( على عبارة ان اليوم الاول كان يوم الوصول) :​

مثل ما قلت لكم قعدنا متاخر وايد من تعب الرحلة .. فما كان جدامنا الا ان نروح جولة سريعة بالسيارة خذينا فرة على الاسواق والمجمعات بالسيارة .. ورحنا مصنع المجوهرات مالهم للاسف ما صورته بس ان شاءالله اخذ الصور من ريلي لانه مصور .. تالي دخلنا MBK ومجمع طوكيو بس ما افترينا فيهم وايد، بس قررنا نروح سوق الليل بصراحة يونس حده واسمه Night Bazar
بس للاسف ما صورته لكم من الوناسة شفت السوق ونسيت التصوير .. لكن في بعض الصور بكاميرا ريلي اخذها وانزلها لكم .. لان كل الصور بكاميرتي ​

تالي رحنا اكلنا في Tesco Lotus وعبارة عن جمعية ومجمع مطاعم تسوقنا بالجمعية شوية تالي تعشينا ورجعنا الفندق ​

اليوم الثالث :
كان احلى من ثاني يوم .. لان قعدنا من الصبح وكنا متفقين مع الفندق ان نروح السوق العائم Floating Market ونمر على معابدهم ونروح سوق تقليد اللي يسمونه zero copy يعني افضل من الدرجة الاولى وبالطريق مرينا على عروض القرود والفيلة بس انا ما حبيت ادخل لان حسيت ماله داعي
اترككم مع بعض صور اليوم الثاني والثالث​

هاذا تسكو لوتس اللي تعشينا فيه وتسوقنا من جمعيته بس الصورة من الانترنت


​

صور من رحلة السوق العائم


​

​

​

​

هاذا شريت منه زعفران ههههه يا حليله مستانس على اللقطة


​

وهاذي شرينا منها همبة ..لاتطوفكم عجيبة


​

زحمة قوارب اللي يعيننا حر ورطوبة وهم زحمة


​

وان شاءالله راح اعرض لكم صور رحلة المعبد اول ما اجهزها لاني الحين باطلع واسمحولي ​

 

[Joy Designs]

وهاذي صور رحلة المعبد ... انا حطيت لكم صورة اسمه، للامانة كان وايد حلو بغض النظر عن بودا بس تمازج الالوان وطريقة البناء وايد حلوة ...

اسم المعبد
​

صورة بودا على مصغر
​

بودا ويهه وقفاه ... وايد كبير
​

​

مجموعة صور​

​

​

​

​

​

بعد رحلة المعبد كان في رحلة ثانية حق قصر من القصور بس غيرنا راينا لان يومها كانت السمش طالعة والدنيا حررررررر مووووووووت.. فكنسلناها ورحنا سوق صغير يبعون بضاعة تقليد درجة اولى .... يا حبنا حق هالسوالف وتالي قلنا ليش مانروح نسوي مساج حق ريولنا​

فكرررة قلنا حق راعي السيارة اللي مودينا نبي سبا حلو وراقي والله ودانا حق مكان راقي وطلبنا مساج القدم انا وريلي والله استانسنا عليه وراح احط لكم اسم المكان وعنوانه على النا علشان تروحون له​

وانتظروني في اليوم الرابع مغادرتنا حق بوكيت​

 

[الأميرة جوري]

الحمدالله علي السلامه ..متااااااابعه

 

[aem...]

عليچ بألــف عافيه
كملي متابعين 

 

[دلوعه ززوجي]

كملي

 

[حبي لله اشد]

نااااااايس كملي

 

[q8nina]

ونااااسه عليج بالعافيه


ناطرينج
احبهااا هالديره تدرين ليش

ياحلاتها جيتها شهر ١١ سنه ٢٠٠٩


وبعد اسبوع بطلع من الاربعيييين

شوقتيني ارووووح

 

[Joy Designs]

ماقصرتو على المرور والتشجيع والله يسامحك

وان شاءالله اكمل لكم رحلة اليوم الرابع حق بوكيت بأقرب وقت

 

[law love]

متابعه بس لا تحطين تاثيرات على الصور مخربهم

 

[Joy Designs]

وي اشفيني خرته بدال ما اكتب اللي يسلمكم قلت الله يسامحكم

 

[Joy Designs]

متابعه بس لا تحطين تاثيرات على الصور مخربهم

حياج الله

بس انا مو حاطة تاثيرات بس حاطة اسمي وبرواز .. الصور مثل ما اهي بس مصغرة الحجم

 

[Joy Designs]

ارجع اكمل لكم التقرير​

اول شي هذا عنوان السبا اللي سوينا فيه مساج باخر ليلة في بانكوك قبل لا ننطلق الى بوكيت
اسمه: Rangnam Spa
عنوانه على النت : http://www.rangnamspa.com/index.htm​

---------------------------------------------------------------------------------------​

اليوم الرابع: ​

صحينا من الصبح لان موعد طيارتنا حق بوكيت كانت مبجر .. تطير الساعة 9 الصبح فضروري نروح المطار الساعة 7 وطبعا تاخرنا شوي لان الطريج كان زحمة المدارس والدوامات ... وكان الجو حيل ممطر... الحمدلله صلنا المطار وخلصنا اجراءات السفر .... كنت حاجزة على التايلندية لاني ما لقيت حجر على Air Asia وطلعو التذاكر اغلى بس كنا مضطرين...... وبالمطار صادونا اهل الرحلات وسالونا وين رايحين قلنا بوكيت .. جان يضبون لنا رحلة من والى المطار شاملة الرحلات وجزيرة جيمس بوند ورحلة الفانتا سي شو ورحلة حوالين بوكيت كله طلع علينا ب 11 الف بات يعني 100 دينار​

وهاذي صورنا من سوينا شيك اوت من الفندق .. صورت لكم اللوبي .... ولغاية ما وصلنا المطار
بصراحة اندهشنا من مطارهم ... ياريت كان مطارنا جذي ​

اللوبي​

​

​

​

​

رحلة الذهاب للمطار​

​

​

​

​

​

​

---------------------​

وركبنا الطيارة متجهين لبوكيت .. جنة الله​

​

​

​

http://www.q8yat.com​

​

​

​

​

وبكرة ان شاءالله احط لكم صور رحلة بوكيت من والى​

 

[ثعلووبة]

يعطيك العاااافيه. صح وناسه. الله يهنييكم. احب تااايلاند. لا تقاطعين ننطرج

 

[! بــدويه وآآيــد !]

،


ماشاءالله روووعه
الله يهنيكم
انا كان خاطري فيها بس كان فيها حر اهليه وحولنا لـ ماليزيا
وللحين خاطري فيها وان شاءالله اروح لها ياارب

متاابعه

 

[دلوعه ززوجي]

وينج أنا وزوجي نطر تقويرج

 

[q.u.e.e.n]

ناطرين التكمله يعطيج العافيه

 

[ورده عنابيه]

الله يهنيكم يالله كملي ناطرينج