تجربتي الفاشله مع اوبن فليم 360

[softlady]

السلام بنات


بنات صار معاي شي بهالمطعم صج يقهر :bbbiu:



طبعا شفته بقناه الوطن وكان التصوير بالنهار والمكان منور ويهبل


لما رحت انا و3 من صديقاتي المكان ظلممممممه ماتشوفين شي وكملوها الي يشتغلون لابسين اسود

والمنيو فضي قامج مع عرفنا نقرا ونطلب ولا نقدر نشوف

وكل المنيو بالانجليزي طبعاا



المهم اضطرينا ان نقول للويتر اختار لنا نبي جذي وجذي


رفيجاتي اطلبوا 2 مني برقر

1 برقر ربيان

2 سلطه


وانا قلت له ابي ستيك يكون حلو انت اختارلي

المهم يابه ناااااااااشف لاصوص ولا ملح ولا شي قطعه لحمه ناااشفه وحطيت فوقه ملح علشان اقدر اكله


المهم بنات ياب الحساب

والا جم؟؟






50 دينار




خير عسى ماشر


جان اناديه والا يقول ان الستيك الناشف الماصخ بدون اضافات بالطبق بروحه ب20 :eh_s(14):



قلت له ليش

جان يقول لحم بقر :bbbiu:


خير ياطير

اشتري بقره كاااااامله اكلها انا ورفيجاتي ما يطلع 20 دينار



اروح بوفيه سلطات وحلو وعيوش ب7 دنانير :eh_s(4):


اروح فرايديز والا نينو والا اي مطعم مايزيد الستيك عن6 دنانير :rgewrg:

يعني انا بروحي اكلت بنص الفاتوره :krkrkr:



والطــــــــــــــــــــــــامه الكبري


السيرفس ب5 دنانير :eh_s(14):



ضايفها علي الفاتوره بكيفه !!!

ورفيجتي خذت الفاتوره وتحلفت فيه ان تشتكي عليه !!


المايك لكم !!!​

 

[semaasem]

وي شسمه هذا أي مطعم بالضبط ياليت حاطة لنا صور

شدعوه عليهم خير ان شاء الله!!!

 

[softlady]

اوبن فليم حياتي

شصور

ظلممممممه يخرع وانتي قاعده واكله اقل من عااادي

وقسماا بالله قسما بالله وذمتي هالحجي انا ورفيجتي حاشنا عوار بطن عقب ماردينا وتكرمون سهاال قسما بالله !!

 

[ريشة بيضاء]

عاااادي النصب في كل مكااااان

 

[~*~الملكة~*~]

اشدعوه عليهم مو طالبين شي عشان يطلع عليكم 50

معوووضين ان شاءالله

 

[بنت البحراني]

شدعووووووة كلها برقر وسلطة وربيان وستيك
كلللللش كللللللللللللش يعني 30 ممممكن تنبلع بس 50؟؟؟؟

اييييييي واللللللللله اخذي بقرة كاملة احسنلج ......... اخافالي يطبخوون ويسوون الاكل اييدهم من ذهب

الحمدلله والشكر قاصين على عقول الاوادم واحنا ماشين وراهم

مشكووووورة حيااااااتي ع التنبيه

 

[Tom ♥ Jerry]

,


هههههههههههههه ظحكتيني على سالفه البقره ;p

 

[[ نور عيني ]]

آمبيه مو من صجهُم ..

 

[el7ob Klah]

معقوله @@

شسالفه ماكلين نفط !

لو انا منج ما ادفع واكبر السالفه لين يوصل المدير

ولما طلبتوا من المنيو ماشفتوا الاسعار مكتوبه ؟!

معوضين ان شاءالله

 

[أم عزيزان الحلو]

حرام والله انه لو منج ما ادفع

 

[ام عفاف الكويت]

وييييييييييييييييييي
معوووضه

 

[el lulu]

شدعوه عليهم 50 على وصفج للاكل ما يسوى ولا يستاهل بس ماعليه معوضين ان شاء الله و زين انج حذرتينا منهم

 

[بنووته تكاانه]

شدعوه عليهم 50

 

[سواري ليل]

شدعوه 50 !!! عاد هالمطعم من احلى المطاعم بالكويت واسعاره واااايد حلوه شكثر كليت فيه ولا مره تعدت فاتورتنا 30 دينار وطلبنا معروف سلطه و3 انواع مقبلات كوكاكولا ستيك يمااااااااا عذاااااب ولولي بوبز والمشروم ونوعين برجر مع البيبسي ونختمها بحلو يطلع بحدود ال 26 دينار ومرات نطلب شي زياده بس الظاهر الويتر شافج تبين على ذوقه قال خل اعطيها الاغلى .. تجربتج مو ذاك الزود انصحج تعطين المطعم فرصه ثانيه .

 

[ساندريلا]

عاد هالمطعم غرااامي امووت على بافلو شريمب يماا اينن ينقلني الى عالم اخر خخخخخ
بس ا نا عندي فرع سلايدر ستيشن احسن منه
الي ب 360 قياامه زحممه مو طبيعيه انا على طول اروحله عمره ماطلع علي هالسعر حده 30
مع ان طلباتكم مو وايد

 

[Om_Ksha]

اوووووووووباااااااا @@

عاد انا احبه و ودي اروحله اليوم احب اكله

بس المنيو ماتشوفين شي و ظلمه و ازعاج بس انا اعرف طلبي فعشان جذي عادي :/

يالله هارد لك

 

[بحر الرمال]

الله يعوض عليكم
بس المشكله ان الناس او البرامج اذا مدحو مطعم ما يمدحونه على اكله و نظافته لا يمدحونه على شكله و ديكوره و قعدته و انه شي غريب ماصار من قبل, و هذا غلط, المفروض التقييم يكون عالاكل اول شي
و لما طلبتو ليش ماشفتي الاسعار بالمنيو؟

 

[blue ocean]

مطعم حق التعنطز والترزز بس ..

ماحبه ماواطنه قعدت فيه مره مادري مرتين ذكرياتي فيه تضيق الخلق والله لايعودها​

 

[انصاريه قمره]

وشكوو ياخذ عالسيرفز اصلا انمنع من مطاعم الكويت ولو انا بدالج ما اعطيه مال السيرفز واتفاهم مع المدير

 

[softlady]

معقوله @@

شسالفه ماكلين نفط !

لو انا منج ما ادفع واكبر السالفه لين يوصل المدير

ولما طلبتوا من المنيو ماشفتوا الاسعار مكتوبه ؟!

معوضين ان شاءالله

هلا حياتي​

فديتج انا ذكرت ان مو قادرين نشوف وظلمه والمنيو كله بكبره بالانجليزي وشي ما نعرفه اول مره نروح:bbbiu:​

فالويتر الي قلنا له شنو نبي ​