تجربتي الفاشله مع اوبن فليم 360

[غرام أنثى]

كويس انك قلتي لنا ..

عشان ما نروح له ..لانه شكله بجد يفشل ..

بصراحه انصدمت انه الفاتوره 50 ..!!

وياليت انه اكل بحري ..!

كلها ع قولتك لحم بقر لو شريتي بقره كامله اصرف لك

 

[مون لايت الكويت]

سعره غالي بصراحه

 

[[[ عيون جابر ]]]

اشدعووووه 50 دينار شهالبووق

 

[dalo0oa121]

شكرا على طرح تجربتك

 

[حجيه هيونه]

وييي الله يعينكم

انا بصراحه مرتين اروح والنية بدخل يقولون تحصل طاولة بعد 45 الى ساعه

ومالى خلق انطر امشي واخليهم

 

[krkooora]

لاااااااااااا ايهبل هالمطعم

بس انتي ماعرفتي تطلبين
لو مسويه سيرج قبل لا تروحين احسن لج

ماعليه هاردلك بس بقولج شنو احلى شي فيه

السلطات

سلطة طوكيو

المقبلات

كاكاكولا بيف
بافلو شرمب
كوموندو فرايز
داينمت فرايز
تيندرليون لولي بوبز
فونجي ماشروم بالجبن

الميني برجر

داينمت سلايدر
فليه السمج سلايدر يصير لون الصمون احمر لذيذه
باك فاير سلايدر

اطباق البحريه
لوبستر بالجبن لذيييييييييييييييييييييييييذ اعيز وانا اقول لذيذ

بيتزا

مارغريتا
بيبروني

حدها ترفه و خفيفه و ناااطعه

باستا
الفريدو باستا هم حلوة


الستيك

ستيك النعام يمدحونه بس للامانه ماجربته
ستيك نوع رب اي مع ماشد بوتيتو و مشروم صوص وايد حلو
المميز عندهم مثل مطاعم الستيكات تختارين نوع القطعه اللي تبينها و تختارين تبين فرايز ولا ماشد بوتيتو ولا البطاط الكور ولا حلقات بصل و تختارين الصوص ماشروم ولا فلفل اسود طبها المشروم احلى شي


وترا من جم شهر حاطين السيرفس ولا قبل ماكو سيرفس

 

[ام حمد 85]

اشدعوه وين ماكلين 50 دينار

 

[softlady]

تسلمون بنات كلكم على الردود وعلى تفاعلكم

حياكم الله

 

[f-a-r-m-l]

السلام عليكم شدعوه البلوه ان البرجر السلايدر بدينار ونصف 
وسلاطاات بثلاثه دنانير عاد انا اطلب الستيك ابو ثمانيه دنانير رووووعه مع صوص مشروووم

 

[softlady]

اي والله مازليت عليكم

ماني محللتهم لا بسعر الستيك ولا بسعر السيرفس!!

 

[Eng.Kokoro]

مااحبه هالمطعم رحت مره وانقمتتتتتت ;x
بس يلا خيرها بغيرها

 

[softlady]

على قولتج

يمعتي برفيجاتي كفايه

لي يومج يعايروني:d

 

[so_what]

عاد اكله لذييييذ ، خيرها بغيرها حبيبتي معوضه

 

[شندوخه]

حسافه انتي ماعرفتي تطلبين ولا المطعم اكله لذيذ خاصه مقبلاته
وصح عيبه قعدته مو مريحه ظلمه والطاولات حيل لازقه في بعضها

 

[Pupiipop]

هههههههههههههههههههههههه اهم شي (اشتري بقره كاااااامله اكلها انا ورفيجاتي)
والله انج عسل .. تسلمين على الموضوع اشوه انج حذرتينا​

 

[دلع86]

عاد انا رحتله مره وحده مع ريلي يابو لنا المنيو وننطر ننطر نبي احد يعبرنا عشان نطلب معطييييينا طااااااف
جاااان نشيل شلايلنا ونطلع

لووووووووول الله ماكثر المطاعم بالكويت عدي وخربطي

 

[Mona Lisa]

شدعوه عليهم 50 نصب اشكره

 

[softlady]

والله يا بنات الحق ينقال مو المفروض اني ادش النت واسال البنات شنو طلبتوا يعني احنا كلنا متخرجين ادبي محاميات اسمله علينا ودراستنا عربي اهما كأداره مايراعون يكتبون بالعربي

اشلون اطلب كزبونه اول مره ادش ؟؟

ترى احنا بالكويت مو بأمريكا

وتطورنا بالمطاعم ما تنكرنا لكلامنا


مشكورين بنات

 

[حلوة ومملوحة الكويت]

اشتري بقره كاااااامله اكلها انا ورفيجاتي ما يطلع 20 دينار
ههههههههه والله ضحكتيني
دمج عسل
مشكووره حبيبتي على التنبيه
واكيد بيصير هالمبلغ واكثر اذا مافي رقابه عالمطاعم
والبلديه نااايمه
يالله ..خيرهاا بغيرهاا انشالله

​

 

[M!Ss Smart]

50 حرام جان كملتتي40 ويبتيلج خروف لووووول

الله يعوضكم لو منج ما ادفع ولله اشكره حراميه