الكلام لج ياجاره ,مع الوتس اب

[غدووو العنزي]

شي شخصي خاص فيها تحط اللي تبي
بس جد شي يرفع الضغط

 

[مذهلة 78]

والله شوفي للامانه انا كنت ما اهتم حق هالسالفه كنت احط اي شي يعجبني
مثل شعر دعاء كلمات اغنيه وبس

لكن اكتشفت ان اللي ضايفتهم كلهم مراقبين لستاتوس مالي يعني اذا شعر حزين قالولي شفيج مهمومه !!!!!! وان حطيت شعر حب وغزل قالولي انتي شخصيتج مو جذي مع ريلج ههههههههههههه جنهم عايشين معانا

ولااا فوق هذا اكون كاتبه شي ما اقصد فيه احد يقومون يفسرونه على انه لهم
جان اقول دام ماكو شي عاجبهم عيل اللي بغثني يتحمل ستاتوساتي

 

[[[ عيون جابر ]]]

دام الحاله اللي حاطتها تعبر عن حالتها النفسيه وماتمس احد مافيها شي حالتها واهي حره فيها

 

[مشهوره]

وييييييييع اكرهه التشيحط
ونظام الكلام لج ياجاره
تهاوشتي مع وحده من باجر حاطه توبك
نغزه عليج
خو عندج حجوه قوليها بالويه
موتقعدين تلفين وتخلين اللي مايشتري يتفرج
حتى اني صرت اعرف مشاكل كل وحده من توبكها
الحمدالله اني شلته وافتكيت من السندره

 

[ام سعود ديكسون]

اي اعرف وحدة كانت تحط الستيتوس تحر فيه حمولتها
والحين اطلعت حاطة ستيتوس تحر فيه وحدة من رفيجاتنا
والمضحك المبكي انهم يتبادلون الأحقاد بالوتس اب بطريقة غير مباشرة

وانا عندي جم وحدة حشورة قمت اعطيهم طاف وانوع بالستيتوس
احب اضيعهم احط اي شي يمر في بالي واسمع التعليقات و ابتسم
>>>> حشورات ما عندهم شغل

 

[Tulips]

من صجج احنا عندنا وحده بالعايله " الله يهديها " من كثر ما اهي متمشكله مع الكل تعالي اقري شنو تكتب تموتين من الضحك على الستاتسات اللي تحطهم

مرض نفسي الحمدلله والشكر

 

[عطورات المطيري]

افضل دعاء واو شعر ومرات حكمه اونصيحه
وحريه شخصيه ومجتمع الحرريم لايتعااااندوون
اووف علووم

 

[بحر الياسمين]

سبحان الله ما اللي يصير

تصوروا ان الناس في الحرم الشريف ووقت الصلاة البي بي وأي فون مستمر في نغمات الرسايل والبعض يضحك على النكتة أو على صورة !!!

لا حول ولا قوة إلا بالله العلي العظيم

الله يهديهم ويا ريتهم يستعملوا هالتقنية في نشر الخير وذكر الله ومساعدة المحتاجين

شكرا لك أختي ولموضوعك الهام

 

[مموريز]

دام الحاله اللي حاطتها تعبر عن حالتها النفسيه وماتمس احد مافيها شي حالتها واهي حره فيها

:eh_s(9)::eh_s(9)::eh_s(9):

انا معاها في اللي قالته.
انا دائما اعبر في الوتس اب عن حالتي ومودي في ذاك اليوم.احيانا اكون مروقة واحيانا ضايقة فيني الدنيا, واحيانا مالي خلق.اوزعلانة:eh_s(14):
:bbbiu::bbbiu::ch12:

الاسبوع هذا تهاوشت مع زوجي هوشة قوية, وتزعالنا . وعبرت عنها بالوتس اب, فكل اهلي استغربوا وخافوا علي .

بس هذامزاجي في ذيك اللحظة. واستمريت اسبوع و بعد ماروقت غيرت الكلام وحطيت دعاء.

 

[أحلى البشر]

انا اشوف عادي تعبر باللي بخاطرها وماله داعي النغزات وبالنهايه حريه شخصيه والله يكفينا شر بعض الحريم امراااض

 

[حلآ الدنيآ]

هههههههههههههههههههههههههههههههههههههههههههههههههه


اي صج

 

[$حبيبة عبودي$]

انا اعبر عن حالتي مثل مشتاقه لامي اكتب فأمي
اواكتب في ابوي واكثر شي في اخواني الله لايحرمني منهم
وعن المنتخب وبس اما اقط نغزات وهالسوالف عيييييب
عندنا هالحركات وكل وحده تفرض احترامها
وحده من رفيجاتي توبكها غريببب وعجيييب طبعا قاطعه العلاقه من زمان
بس عشان الرقم مسيف كلامها كله فيه جلاب عزكم الله
نغزات قووووويه اوريه خواتي ينصدمووووووون
انا اقول اللي تقط نغزات عيب عليها هالسوالف هذي مومن
طبايع اهل الخليج هذي دخييييله....*

 

[سلاسل ذهبيه]

احلى شي تحطين دعاء او ذكر مثل سبحان الله وبحمده سبحان الله العظيم واذا حكمه او بيت شعر له معنى حلو بعد مافيه مانع
امااللي تكتب مشكلتها مثل ادرو ياناس اني متهاوشه مع حمولتي والا اعرفو اني مسافره
والاوالا هذي مالها داعي
اما التهاني والتبريكات مثل اذا وحده عندج باللسته تخرجت والا رزقت بمولود وجذيه حلو انج تحطين التوبيك تهنئه لها لمدة يوم

 

[& شرطان الذهب &]

والله انه هالتوبيكات صارت قصص ههههههههههههه

 

[إنسانه وأكثر]

انا استمتع اذا قريت ((الستيتوسات)) واي شطول الكلمه خخخخخ

وانا جذي احيانا اذا عندي رساله معينه بوصلها لشخص معين اكتب ولايهمني احد واللي حاس انه اهو المقصود والله مشكلته اهو ماعنده ثقه بنفسه شسويله

وشكرااااا

 

[Vdieta]

اب اب

 

[manoooram]

الستاتيس حرية شخصية للشخص
اعبر فيه باللي يعجبني من كلام أو اشعار أو حكم دام ان الكلام ما خص ذات شخص بالعلن فمحد له شغل فيني
واللي باللسته احرار يكتبون فيه اللي بخاطرهم صح ان اشوف ستاتيس و شغلات تضحك بس كيفهم اهم مستانسين
ومو بالضرورة ان افترض سوء النيه بالكلام اللي مكتوب بستاتيس البنات الحمدالله واثقه من نفسي

 

[جلكسيه اس 3]

عااااادي حريه شخصيه.
يعني شالفرق اذا قطيت عليهم نغزه سواء جدامهم و لابالبواتس اب
وبعدين كلها نغزه خو ما كفرنا بالله
انا دائماً اكتب حسبي الله و نعم الوكيل على المنافق و عادي عندي لو يقرا الكلام ما همني ولا خايفه منه
لانه هذا الصج

 

[VET-Nour]

هههههههههههههههههههههههههه انا مرات اكتب نغزات حق آمي او بنات خالاتي عادي
بس اكثر شيء الستاتس جمل بالانجليزي او الفرنسي , و المشكله يفسرونه ع فهمهم !! وييع
اذكر وحده اعرفها كله تحط نغزات عن ارفيجأتها ّ !

 

[a7la_7b]

انا اشوووف انه شي عادي وكل واحد ونيته مالنا شغل بأحد وكل واحد يكتب اللي يعجبه