** تجمع الي مسوين جراحة الفك**

[مس لزيزه]

ماشاءالله الشعب طلع كله يعاااني من الفك >>مشروع ناجح _03BA:

يالله ان تحييهم اسفرت ونورت وستهلت ومطرت :ggdw::eh_s(7)::ggdw:

كيفكم جميعا :eh_s(17):
بشروني عنكم :eh_s(17):

 

[الحزينه 12]

السلام عليكم ورحمة الله وبركاته

وحشتووووووووووووني كلكم

واعذرووووني عالقطعه بس جد الدوام مأخذ كل وقتي

ابشركم انا بخير يارب لك الحمد ومبسووووووووطه حييل اني خلصت العمليه

ماشا الله لا قوة الا بالله

بعد ماشال المغطات القويه وحط لي المرنه ولما صرت شوي شوي اقدر اضحك وأتكلم عادي أعجبتني النتيجه يارب لك الحمد

برغم انه لسى باقي مناطق وارمه وخشمي كل يوم له شكل مع الورم وحبوب شكثرها طلعت لي بدقني وتحت خشمي وعلى خشمي وحواريه

بشكل عام راضيه عن العمليه ويديت استقر نفسيا وعارفه ان كل هالاشياء وقتيه وبتروح بإذن الله

انا الحين صار لي تقريبا شهرين الا 4 ايام

والخميس الي فات كانت حفلة ملكة صاحبتي وكان فيها بنات من زمان ماشافوني كلهم قالوا محلوه وفيه وحده من خوات صاحبتي ماشافتني الا مره وحده

وعرفتني على طول الحمدالله

بصراحه يا بنات زادت ثقتي بنفسي كثيييييييييييير وصرت اضحك وابتسم بحريه حتى ماحسبت حساب التقويم برغم اني ماطيقه اول

اما الحين صار عادي مايفرق معي

اللهم لك الحمد والشكر كما ينبغي لجلال وجهك وعظيم سلطانك

نصيحة

اي وحده عندها مشكله بفكها ومضايقتها نفسيا تستختير الله وتتوكل عليه وتسويها

والله مو كل المشاكل مثل بعض فيه ناس مشكلتهم تنحل بسرعه ونااس لااا

مااقول الا الله حسيبهم

 

[ساره..]

الله يجزاك خير ويوفقك يا سوسو ......... قولي آمين:yaaaaaarb:

بشري عنك؟
كيف ورم الوجه؟ وكيف الأكل والتنظيف؟ عسى أمورك متسهله:bbbiu:
أجل أحنا ربع ياحبيلك:ggdw:

امين وياك
الله يسهل لك عمليتك

الحمدلله بخير

لسى في ورم في الوجه ..الاكل قبل مايسكر فمي كنت اكل اشياء مهروسه لكن يوم سكره تعب تجوعين مره

الحمدلله كل شي تمام يارب تكوون النتيجه حلوه

انتي عمليتك قريب !!!!

 

[جماانة الرياض]

الله يسهل عليك ..
كم قالك مدة الربط؟
الله يعين عاد الفك السفلي معروف يطول ربطه أكثررر
أنا لسى مطوله شوي:eh_s(2):

 

[ساره..]

ايه صح التنظيف اول الايام ماراح تقدرين من رابع يوم انا فرشت السفلي العلوي خفت اقرب لمه الحين لا افرش كل الفكين
بس بفرشة اسنان اطفال

هو قال اربع اسابيع اول اسبوعين بيكون تقفيل شديد واسبوعين الثانيه لا يكون مطاطات مرنه
بس يمكن تقل او تزيد حسب التطابق

بعد العمليه بتحسين اليوم طوييييييييييييل ودي احرك الايام بسرعه

 

[عبير الصباح]

كيفكم بنات اتمنى ان يكون الجميع بأتم الصحه والعافيه
والحمد لله على سلامتك ياساره والله يتمم عليك النتايج الحلوه يارب

 

[أحاسيس سرمديه]

قوه بناات بغيت اسال منو فيكم جربت جراحة تقديم الفك السفلي ؟!
الدكتور قالي اني محتاجه تقديم للفك السفلي وودي القى وحده مجربه استفسر منها واي اصعب عملية تقديم او ترجيع الفك

 

[barbie girl]

قوه بناات بغيت اسال منو فيكم جربت جراحة تقديم الفك السفلي ؟!
الدكتور قالي اني محتاجه تقديم للفك السفلي وودي القى وحده مجربه استفسر منها واي اصعب عملية تقديم او ترجيع الفك

انا عمليتي رفع لفك العلوي وتقديم الفك السفلي بس شوية تقدم موحيل

ولا تخافين والله العظيم العملية مافيها الم نهاااائي

انتي عند اي دكتور بتسوينها ؟؟ وشنومشكلتج بالضبط

 

[barbie girl]

احاسيس شوفي تقريري عن العملية لما سويتها وكاتبة عن بعد العملية وكل شي اتمنى يفيدج

http://www.q8yat.com/t852292-175.html

 

[أحاسيس سرمديه]

باربي انا توني من. جم يوم رايحه استشاره انا مشكلتي قلت للدكتور انه فكي العلوي بارز جيك علي وقال انه الفك العلوي طبيعي ولانه الفك السفلي داخل عشان جذي معطي شكل انه العلوي بارز
وقال الحل الجراحه بس خوفني بكلامه يقول انه العمليه ٤ او ٥ ساعات وخطورتها بالتخدير فتره طويله ممكن يسوي مشاكل

وناويه استشير اكثر من دكتور طبعا مادري اي دكتور تنصحيني ؟؟
*

 

[أحاسيس سرمديه]

شفت تقريرج ماشالله عليج شجاعه بس صج هالقرار صعب ومحد مؤيدني

انا مايهمني العوار من العمليه كثر ماتهمني النتيجه تكون مضبوطه مو العكس واتشوه
وهم بعد خايفه من التخدير :/

 

[SHAYMA'A]

السلام عليكم

اخييييييييرا لقيت اللي يحسون بمعاناتي .. ضموني معاكم

انا حاطه تقويم صارلي سنه و5 اشهر وقالي الدكتور يبيلي 6 اشهر بعد عشان العمليه

انا حييييييييل متخوفه منها بس لما قريت تجاربكم تشجعت وبنفس الوقت خفت يعني شعور متذبذب مو عارفه شنو ابي

انا تقويمي عند د.جورج بالعدان وقالي العمليه راح تكون بمستشفى العدان وهذا الشي خوفني زيادة

قلت له بسويها بخاص قالي مايصير انا متابع حالتج ولازم اكون موجود بوقت العملية :s141:

انا بروح عند دكتور نائل بستشيره وبشوف .. وعسى الله يكتب اللي في الخير لي ولكل وحده بهالتجمع ياااارب

 

[energy]

السلام عليكم ...

ياربي على هذا الموعد اللي مو راضي يكتمل ..هذي ثالث مره احجز عند الدكتور احمد اليماني .. اللي في عيادة سمايا ,, مره ماقدرت اروح والمره الثانيه قالوا لي مسافر .


اسراء الله يسعدك شوفي هالمقطع
http://www.youtube.com/watch?v=dHVy8eV8neQ


الحين انا مشكلتي نفس اللي بالمقطع ,, كل اللي احتاجه ,, تكبير الذقن وتعريض في الفك ..
اروح لجراح فكين .. او طبيب تجميل ...؟؟؟

 

[barbie girl]

باربي انا توني من. جم يوم رايحه استشاره انا مشكلتي قلت للدكتور انه فكي العلوي بارز جيك علي وقال انه الفك العلوي طبيعي ولانه الفك السفلي داخل عشان جذي معطي شكل انه العلوي بارز
وقال الحل الجراحه بس خوفني بكلامه يقول انه العمليه 4 او 5 ساعات وخطورتها بالتخدير فتره طويله ممكن يسوي مشاكل

وناويه استشير اكثر من دكتور طبعا مادري اي دكتور تنصحيني ؟؟
*

هلا احاسيس
انا كنت نفس مشكلتج كنت احس معاي بروز بالفك لما سويت اشعه وقياسات الدكتور قال فكج طبيعي بس اللثه حيل نازله والسفلي راد ورا معطي احساس انه العلوي بارز
شوفي انا قعدت5سنين افكر بالعمليه وكله خايفه بس كنت ما اقدر اشلها من راسي لان لا طالعت المنظرة اقول ليش ما اسويها وكنت ما احب اصور ولما اروح مناسبات ماعندي ثقه بالنفس وطبعا اهلي معارضين و زوجي مو راضي حتى يفتح الموضوع معاي
بس سبحان الله كل هالتأخير خيرة من رب العالمين طول هالفترة كنت ادش اليوتيوب والمنتدى اقرا واشوف عن عالعمليه لين حسيتها سهله باذن الله واشوف الناس كلهم زادت ثقتهم بنفسهم ليما اقنعت امي وخواتي اول شي عقب اخذت ابوي للدكتور ماقصر شرح لابوي وفهمه ان هالشي يأثر على نفسيتي عقب اخذت زوجي وكامه الدكتور واهو ما اقتنع حيل بس كسرت خاطره قال كيفج دامج متضايقه

وانصحج بالدكتور نائل الهزيم واخذي احد وياج عشان يقتنع بالعمليه وترى الدكتور نائل عملياته دايم مع الدكتور عادل العصفور وكلهم خبرة والعملبة اذا ما سويتيها بتفكرين فيها علطولوالتساهيل من رب العالمين والله يكتب لج اللي فيه الخير

 

[sendrila]

كيفكم بنات اتمنى ان يكون الجميع بأتم الصحه والعافيه
والحمد لله على سلامتك ياساره والله يتمم عليك النتايج الحلوه يارب

هلا عبير الصباح احنا بخير الحمدلله والله يعطيك العافيه

حبيت اسألك كيف الاحساس بالفك السفلي رجع ولا لسه​

 

[ساره..]

الله يسلمك عبير الصباح

امين يارب وياك

 

[Asoumah]

السلام عليكم بناااات

انا عندي بروز بالفك السفلي وقالولي لازم اسوي عملية عشان يصير فكي طبيعي
تنصحوني اسويها بخاص ولا بحكومه وشنو اثارها ؟

 

[أحاسيس سرمديه]

هلا احاسيس
انا كنت نفس مشكلتج كنت احس معاي بروز بالفك لما سويت اشعه وقياسات الدكتور قال فكج طبيعي بس اللثه حيل نازله والسفلي راد ورا معطي احساس انه العلوي بارز
شوفي انا قعدت5سنين افكر بالعمليه وكله خايفه بس كنت ما اقدر اشلها من راسي لان لا طالعت المنظرة اقول ليش ما اسويها وكنت ما احب اصور ولما اروح مناسبات ماعندي ثقه بالنفس وطبعا اهلي معارضين و زوجي مو راضي حتى يفتح الموضوع معاي
بس سبحان الله كل هالتأخير خيرة من رب العالمين طول هالفترة كنت ادش اليوتيوب والمنتدى اقرا واشوف عن عالعمليه لين حسيتها سهله باذن الله واشوف الناس كلهم زادت ثقتهم بنفسهم ليما اقنعت امي وخواتي اول شي عقب اخذت ابوي للدكتور ماقصر شرح لابوي وفهمه ان هالشي يأثر على نفسيتي عقب اخذت زوجي وكامه الدكتور واهو ما اقتنع حيل بس كسرت خاطره قال كيفج دامج متضايقه

وانصحج بالدكتور نائل الهزيم واخذي احد وياج عشان يقتنع بالعمليه وترى الدكتور نائل عملياته دايم مع الدكتور عادل العصفور وكلهم خبرة والعملبة اذا ما سويتيها بتفكرين فيها علطولوالتساهيل من رب العالمين والله يكتب لج اللي فيه الخير

ياابعد قلبي انتي تصدقين شجعتيني وتفائلت
جم كانت مدتها عمليتج جم ساعه ؟؟ وماتعبتي من التخدير ؟!

 

[أحاسيس سرمديه]

ووين عيادته دكتور نائل ؟؟

 

[بنت البحراني]

السلام عليييكم شلووونكم بنااااااات تصدقووون اشتقت حق هالتجممع :eh_s(16):

اسرااااااااااء للحين حاطه اسمي بالقائمة الحديدية :eh_s(16):
اظاهر طلعت مو حديدية كللللش :eh_s(16):
عورتي قلبي لما قريب اسمي بالقائمة :eh_s(16):