منو تبي تعلم تسوق سيكل ؟

[شلة بنات وبس]

كلام الصج يزعل يالمتشبهه بالرجال لعن الله المتشبهات بالرجال ماظن وضعج طبيعي وامثالج البويات مالهم غير الحقران عندي

 

[بوسيcat]

لا عاد اسمحيلي تفكيرج غلط انا كنت معاج ان لكل واحد هوايه وعادي الواحد يمارسها اذا ماتمس احد بسوء بس احنا بمجتمع تحكمه عادات وتقاليد ومسلمين لازم الواحد يراعي هالشي مهما كان الواحد متفتح وانا ترى بعد فري وعادي بس سيكل وبالشارع صعبه صعبه جدددااااً
ترى انا ركبت سيكل ماقولج ماركبت بس كنت اصغر من جذي عمر وركبت مع عمامي وصج بالشارع بس باماكن مافي احد مو جدام الناس والحين عمري وبرستيجي مايسمحلي اني اركب سيكل احس ان البنت لها برستيج معين ولازم تكون انيقه
واسمحيلي ماقصد الإهانه

 

[جلكسيه اس 3]

وي احنا حدنا بقيات و فوق هذا ندعم
هالمره سيكل لا والله مابي امووت
اذا الشباب الي عارفين للسياكل
مرات ما يقدرون يتصرفون اشلون البنت
و بعدين مو حلوه السالفه بمجتمعنا

 

[**(فـيـلا دانـتـيـل)**]

صح ماكو مجتمع متجمد..


بس في مجتمع (( مـــســلـــم ))

 

[جروح ودموع]

احس السيكل يصلح للشباب اكثر والبنت جدا صعبه ومو حلوه تسوق سيكل وبعدين مجتمعنا له عاداته وتقاليده

 

[I'm pepe]

أختي Violent


خارج عن موضوع :
أنا أحب شخصيتج ,شخصيتج نفسي تقريبا
تحبين تخرجين عن الجو الملل وهوايات المملة تحبين النشاط وأثارة وأشياء يديدة
مثل ما ناس يحبون يخيطون عبي ,في ناس تحب تسبح
أول شيء انا بنية من عايلة و أخاف ربي وماعندي خرابيط خير شر
بس أحب أسوي نشاطات وأشياء يديدة ,المشكلة أنه محد يشاركني بهل شيء
قريت لج موضوع قديم عن الرماية
أنا ودي أسبوع الياي أروح أرمي ,بي ما أدل المكان وأبي أحد معاي
أبي ,أنا وياج ألتقي بمكان بعدين تدليني ,وتيين معاي
راسليني على خاص (أنا ما أقدر لأنه مشاركاتي قليلة)


داخل الموضوع :
أنا هالشهر مفلسة ما أعتقد أشترك
وبعدين اذا تدربت ماراح أستفيد ,لأنه ماعندي سيكل ولا أبي سيكل
سيكل شوية قوية علي ,لووول P:



ودي أروح pointball
مال الشعب ما أعرف أسمه عدل
أبي أروح ألعب ,عندج قروب علشان كلنا نصير فريق


توفيق

 

[Violent]

بخآآآآآآآآآطريي أتعلللم سوآقه السيكل جد من زمآن وأنآ بخآطري
أبيج تفيدين أكثر أي نوع يعلمونج عليه وشنو عندهم مثل مظمآر حق تعليم ولآ وين تدريبهم
جد جد بخاطري !!

هلا والله

يعلمونج بالتدريج على سياكل صغيره شوي شوي يعطونج سياكل كبيره

اللبس والسياكل من عندهم طبعا

عندهم مكانيين حق التدريب بمشرف وبشويخ الصناعيه صوب ادارة الجوازات

اذا تبين تدربين معاي راسليني

 

[Violent]

أختي violent


خارج عن موضوع :
أنا أحب شخصيتج ,شخصيتج نفسي تقريبا
تحبين تخرجين عن الجو الملل وهوايات المملة تحبين النشاط وأثارة وأشياء يديدة
مثل ما ناس يحبون يخيطون عبي ,في ناس تحب تسبح
أول شيء انا بنية من عايلة و أخاف ربي وماعندي خرابيط خير شر
بس أحب أسوي نشاطات وأشياء يديدة ,المشكلة أنه محد يشاركني بهل شيء
قريت لج موضوع قديم عن الرماية
أنا ودي أسبوع الياي أروح أرمي ,بي ما أدل المكان وأبي أحد معاي
أبي ,أنا وياج ألتقي بمكان بعدين تدليني ,وتيين معاي
راسليني على خاص (أنا ما أقدر لأنه مشاركاتي قليلة)


داخل الموضوع :
أنا هالشهر مفلسة ما أعتقد أشترك
وبعدين اذا تدربت ماراح أستفيد ,لأنه ماعندي سيكل ولا أبي سيكل
سيكل شوية قوية علي ,لووول p:



ودي أروح pointball
مال الشعب ما أعرف أسمه عدل
أبي أروح ألعب ,عندج قروب علشان كلنا نصير فريق


توفيق

كلنا خوش بنات وماشيين سيده بس مشكلة بعض الناس الي حسبالهم محد صح غيرهم

انا بعد ماراح اشترك هالشهر لاني مفلسه لوول

وهم ما عندي سيكل بتدرب قبل بعدين يحلها الف حلال لو ااجر سيكل متى ما اشتهيت اسوقه

اب اب اب

 

[Violent]

اب اب اب

 

[مبرقعات]

عباره خطيره قد تؤدي الى الشرك والعياذ بالله وهي قول بكره يحلها الف حلال والصح يحلها الله سبحانه فقول الف حلال تعني ان هناك الف رب - لا اله الا الله - انشرها لعل الذكرى تنفع المؤمنين وصلو على نبينا محمد صلى الله عليه وسلم ولا تتشبهو بالكفار فى افعالهم الشاذه ولا فى تصرفاتهم ولا تجاهرو بالمعصيه ولا تتكبرو ولا تغترو وتواضعو لله يرفعكم ويعز شئنكم ولا تتشبهو بالرجال وبتصرفاتهم كركوب الدراجات الناريه وتدخين السجائر والخشونه وأفتعال المشاجرات كوني انثى كما خلقك الله عز وجل اللهم بلغت اللهم فأشهد وسجلها لي في صحيفتي يوم يبعثون استغفر الله لى ولكم واخر شي قبل لاروح يا خواتى الغاليات الصلاة الصلاة الصلاة لاتفرطو فيها ولا تتهاونو بتركها والتكاسل في ادائها فى وقتها لا احد يعلم متى تقبض روحه ونحن فى اخر الزمان الصلاة الصلاة الصلاة

 

[Violent]

بكيفهم يصنفون تصرفات الناس هذا استرجال وهذا ما ادري شنو

انتي شابكه على النت هذا تقليد للكفار واستخدام لادواتهم اوكي

اب اب اب

 

[Violent]

ولا تدرين شلون

الموضوع مغلق لوعتو جبدي

 

[تفاصيل الغرابه]

اب اب اب

 

[سعودييييه هع]

ياسلااااااام والله انتي فله وموضوعك افل وافل


لو اقدر كان سجلت معكم ههههه


يلا بضيفها لقائمه احلام اليقظه حقتي ،


يسلموووووووووو

 

[al39laa]

وااااااااااااااااااااااااااااااي عالجرح لوووووووووول

امنية حياتي اسوق سيكل غرامي كل شي اكشن واموت عالسرعه

ودار بيني وبين الوالد نقاش طوووووووووويل اخير شي ركبني سيكله ولا اطيح فيه لوووووووووول وايد وايد ثقيل شلون تسوقينه ؟؟


وعالعموم اذا بدشين شي سواء رمايه او تدريب سيكل او طياره دخلوني معاكم بالقروب لووووووول ياربي الكويت تزهق مافيها شي لازم نسوي اكشن حق عمرنا

اذا بغيتوا اتدشون راسليني عالخاص او وتس اب على رقمي

 

[عسل سل]

استغفر الله يارب

 

[Sparkle]

والله بخااطري أتعلم بس راح يوقف اب ويهي شغلتين 1.هل أقدرأتحكم بالسيكل خصوصا ويا شبابنا؟ أدري بتقولين تقدرين بس احيانا البنات لي درجه تنفقص بالسياره الي على يمينها لاحقها والي عل يسارها ويعر عليها تالي تدعم بس اب سيكل ويا نمط هل شباب خطر..

2.وين بسوقه؟ وين بحطه؟ ماكو مكان


حبيبتي أول شىء أنتي مو قاعده تسوين شىء محرم اب دينا ليش قلتوا أسترجال من متى السياقه أسترجال عيل لا نسوق سيارات أو بغيات لان أسترجال؟ لا نرمي؟ لا نلعب حتى سله ولا كرة قدم؟ من متى الرياضه صنفوها حق الريايل اذا الطبخ حتى الريايل يطبخون هل هذا معنى انهم يتشبهون بالحريم مثلا؟؟؟؟ بس بقولج شىء حبيبتي سياقة السيكل مجتمعنا صعب يفهمون هل شىء لو رجعتي للكويت أيام قبل شان أنصدمتي حتى ديسكووو وهل سوالف كان عندنا ولحد يقوولي ما أصدق خل يروحون ويسألون يدهم وأبوهم ,,اذا أهلج راضين وأنتي مستعده تتحملين كلام الناس وعقلج براسج سوي الي تبينه ولكن بحدود وعيشي حياتج,,,الناس سواء ركبتي سيكل أو ما ركبتي لهم طبع بالحش والتطنز والكلام الي ما ينتهي بس لازم أهلج لهم علم اب هل موضوع علشان لا تسببين حق نفسج مشاكل

 

[lonelya-w7danya]

وناااااسة سيكل ! بس يبيله احد ما يخاف و يجازف بعدين احسه اخطر من السيارة لووول حوادثه واايد

 

[اليقظة]

العقل نعمه ترى​