اللي مسوين شد بطن لوسمحتوا

[Fateebeauty]

بنات يا رشيقات بسألكم أحسن نوع من الكورسيهات شنهو ؟؟؟
احتاج اشتريه عمليتي بإذن الله الاسبوع القادم شفط وشد منطقة البطن

 

[أم صالح]

الكوريين الدكتور يقولج عليه ويعلمج المقاس اللي يناسبج

أنا قالي لبسي الكورسيه. بعد اسبوع من العمليه. قاس خصري وقالي المقاس اللي يناسبني وعطاني الموديلات اختار منهم ورقم تلفونهم وينصبون للبيت

 

[أم صالح]

يوصلون للبيت قصدي

 

[أم صالح]

شهوده هذي موبشاره. عاد المعده تخرب شكل البطن

لا يكون دكتوره شيرين. لان كل اللي عندها نفس المعاناة

 

[shahooda123]

اي والله دكتورة شرين بعد كلش مومضبوط شكل البطن

 

[أم نواف غير]

حبيبتي اهم شي حمدالله علي سلامتج

 

[أم صالح]

كنت حاجزه عندها وسبحان الله صليت استخاره وأجلتها لين ارد من السفر وعقبها ارتحت لخالد العنزي والله يستر لي النتيجه النهائية

 

[Fateebeauty]

بعد عمري ام صالح وبنات المطر مشكورين على التواصل أنا الدكتور عطاني بروشور الكورسيه وحدد النوع المناسب بس في بعض الخوات في المنتدى قالوا ان بعض انواع الكورسيهات تطلع ريحة وتسبب حكة وبعضها مايسبب هالمشكلة
ياريت اذا الكورسيهات اللي استعملتوهم بنات المطر او انت يا ام صالح اذا كانوا من النوع الجيد اللي ما يسبب حكة او فيه ريحة تعطوني اسم الشركة ورقم التلفون
وسؤال أخير الكورسيه تلبسينه بعد العملية مباشرة ولا شلون

 

[Fateebeauty]

ام صالح بغيت اسالج الدكتور حطلج نفس السرة مالتج ولا سوالج سرة جديدة
تدرين أنا بعد عندي فتاق فسرتي طالع منها بروز الحين والدكتور قاللي انه يخلي السرة ما يشيلها بس يعدل مكانها بعد الشد وانا خايفة يتم فيها هالبروز او تنتفخ مادري شسوي

 

[سـما]

هذا اللي كنت اقوله
استشاري جراجة التجميل يضبط البطن وحتى الخواصر
اما دكتور جراحة عامة .. حده يشيل الكرش بس مايضبط التناسق والخواصر

انا احس جذي ويمكن يكون رايي غلط

بس الاهم الحمدلله على سلامتج
وادعي الله ان يشفيج
وراجعي الدكتور
والله كريم

 

[el7ob Klah]

سلااااااااامات

في وحده مسويه عنده تقول شهرين بطنها متفوخ

ماتقدر تحكم للحين ناطره تكمل 6 شهور او 8 شهور عشان تبين النتيجه

توني شفت ردها في موضوع اميره بكلمتي الي عن الشد

 

[أم صالح]

يالله. الله كريم.

رحتله امس وقتله كملت شهر ومازال البطن متفوخ شوي. قالي طبيعي والنتيجة تبين من ثلاث الى ست شهور. ودائما شفطي بطنج عشان تقوا العضله

بس قالي الكورسيه حده شهر وخلاص ماتحتاجين. استغربت لان كل الدكاترة يوصون بلبسه شهرين وانا ارتاح بالكورسيه اكثر

 

[أم صالح]

بعد عمري ام صالح وبنات المطر مشكورين على التواصل أنا الدكتور عطاني بروشور الكورسيه وحدد النوع المناسب بس في بعض الخوات في المنتدى قالوا ان بعض انواع الكورسيهات تطلع ريحة وتسبب حكة وبعضها مايسبب هالمشكلة
ياريت اذا الكورسيهات اللي استعملتوهم بنات المطر او انت يا ام صالح اذا كانوا من النوع الجيد اللي ما يسبب حكة او فيه ريحة تعطوني اسم الشركة ورقم التلفون
وسؤال أخير الكورسيه تلبسينه بعد العملية مباشرة ولا شلون

أنا اللي. استعملته مايطلع ريحه بالنسبه للحكه مرات اي ومرات مافي مادري

رقمهم 67043305

واذا توسع عندهم خدمه يأخذه يصغره ويرجعه ب10 دنانير

 

[رحله عمر]

نفسي اسوي شد للبطن وخايفه
شلون بعد العمله يعطون مسكنات قويه ولا ماتنفع
وشلون على الخياطه بعد الشهر تحسين بالم فيها ولا حكه
وتنصحيني اسويها ولا اتعوذ من الشيطان واتعايش مع كريشتي

 

[أم صالح]

سوري ردي متأخر.
والله الجرح مافي الم ولا حكه. الآلام كانت بالعضلات من داخل

والله شكل البطن بعد العمليه أكيد احسن بس اذا انتي مايبين وشكله باللبس موواضح لاتسوين
وأكيد الاستخاره اولا وأخيرا.

 

[أأأميرة الورد]

الله يعطيكم العاافيه
بغيت اسال يصير اسوي عملية تكميم معده وفتاق وشد البطن بوقت واااحد
بلييييييييييييييز ردوا علي
وما تقصرووون يالغوالي

 

[أأأميرة الورد]

رفع