[1]
اللـــــــه .., شوقتييني على الزحلاقيه الصيفيه D;
ما ركبتها إلا مرتين بس ما كانت حيل طويلة حسافه بس ونآآآآسه ،
و الحلو لما تكونين راكبه و كل العربات اللي وراج من ربعج ،
وتدوسين عشان لا يدعمونج :eh_s(9):
من طبيعي بالسياره اخذ مطارتيين شاي وقهوه عربيه
وقلاصات سفري الاصغار
واخذ صمون وككاو وبطاط وهالسوالف نتسلى فيهم
بالطريج ..
تصدقين أكثر شي ممتع بالنسبة لي الطرييييج :eh_s(18):
مع القهوة العربية و الكاكاو و الجو الحلو يا سللللام
و الله ما يهم وقت الرحلة لو ساعتين يمشي بسهاااااله ماشاءالله
اسم الله على وليدج الله يحفظج لج و يرزقه بالإخوان الحلوين المتعافين
[2]
شكل بادن بادن ما تشوق للزيارة مو ؟
و لا لأنج تكلمتي عنها بشكل مبسط فيمكن ما خذت حقها من الشرح ؟!
بس شوقتيني على رست ،
و أوروبا بارك للأسف طافتنا
والسبب أنااااا -كالعاده كل الرحلات الحلوه تتكنسل بسببي :eh_s(22):
لأني أكره الملاهي وما أدري إنها بتكون أحلى من ديزني لاند !!
[3]
هالصورة روعه روعه روووعه
:eh_s(2):
أبي أروح زيورخ ألحين
ألحيييين :eh_s(2):
>> فيها البجية من صججج
[4]
بالنسبة حق أنترلاكن أهلي راحوا لها بالصيف بس أنا ما رحت معاهم ،
يسبونها و يقولون تلوع الجبد و كلها كويتيين و الوضع كلش مو حلو ..
طيحوها من عيني بصراحة :eh_s(4):..
مع إني كان ودي أشوفها بس كنت تعبانه و قعدت بفلاخاو ما رحت معاهم ،
لأنهم كانوا طالعين برحلة جم يوم ومالي خلق سيارة وطريج ..
[5]
الله و الله صج بيرتن بيرغ عجيبه !!~
ما تنلامين فيها الصور بس خيآآآل شلون الواقع عاد !؟
و مطل شقتكم خياااالي ماشاءالله روعــه :eh_s(15):
بس أنا خوااااافه والله لو شنو ما أسكن بفندق على جبل
يماااا أنا لو بس طريج قلبي يكون بين رجولي
شلون على السكن عز الله ما انااام لووول
[6]
الأوشن سي عجيييبه تبارك الخالق
تهبل بصراحه !
عاد أنا غرااااامي البُحيرات والقوارب صج مُتتتعه
طبعا
باستثناء بحيرة و قوارب زلامسي غثيييثه لأنه كله خليجيين ما تقدرين تنفسين حتى
:eh_s(4):
[7]
بالنسبة لفلاخو كان لي معاها تجربة حلوه
لكن السبب الرئيسي اللي خلاها حلوه إنه عايلتنا و معارفنا
كانوا تارسينها ماشاءالله بالفترة اللي رحت فيها
و كنت كله أطلع رحلات لمدن ثانية و أرجع لها بالليل
و على طووول نتجمع على العشا كلنا و بعدها نوووم
بس هدوووء و استرخاااء وطبيعة فاااااتنه :eh_s(17):
بس المكان موووحش إذا كانت أُسرة صغيرة
و اهي حيل حيل حيل مملة لو قعدوا فيها أكثر من 10 أيام حييييل تملل
لأنها صغيييرة و خلاص تحفظينها و تملين منها بأسبوع وتلوع جبدج منها !
ونصيحة للي يبي يروح لها ماااا يسكن فيها ،
بس يزورها يوم يمر عليها مرور لأنها نتيفه أصلا ً ..
و يسكن بمنقطة صغيييرة مجاورة لها اسمها ألتـن ماركت لأنها ونيسة فيها محلات و كافيهات و ناس و حركة
أو اللي يبي نفس طقة فلاخاو في يمها منطقة تجنن اسمها رد دورف بصراحة بيوتها لا يُعلى عليها و المطلات خيآاااليه أحلى من فلاخاو و لازقه فيها تهبل و فيها كافيه ذقت فيه أحلـــى هوت تشوكليت بحياتي وااااي خيالي كنت أروح له وقت المطر و أطلب هوت تشوكليت عذاب عذاب عذاااااااب :eh_s(2): أشتهيته ألحين ..
[8]
ملاحظة على موضوع اللي يبي يروح لفينيسيا من فلاخاو،
كللللش ما أنصح فيها الفكرة سيئة للأمانه >_<
لأن الطريج منها ليمن ايطاليا طريق تجاري (مال شاحنات)
مو حلو لا طبيعة مثل الطريج من النمسا لي ألمانيا و لا استراحات ذربه >_<
أصلا فينيسيا بكبرها غثيثه لأنها حر و رطوبة ،
وماتصلح للمتحجبات بصراحة جوها مال حَفِر و شورت وفوق هذا غاليه ..
و ميلانو أحلى منها مليووون مره ياااا جماآلها ..
[9]
بالنسبة لزيل آم سي أنا أوافقج الراي
ما تسوى بييييزه
اهي من ناحية الطبيعة روعه سبحان اللي خلقها بس المناطق الثانية مو أقل منها من ناحية الطبيعه !
لكن للأسف زحمة العرب خربتها وصارت أسعارها حيل أعلى من الأماكن الثانية
وتشوفين فيها مناظر من العرب تخليج تكرهين الساعه اللي طبيتي فيها
مع إنه بحيرتها رائعه لو تخيلتيها فاضيه لول
أما بالزحمه كلش ماكو مجال تتأملينها أصلاً :dddds:
الشي الوحيد اللي هاديء فيها كافيه فندق القراند
والفيو ماله عجيب بس طبعا كله خليجيين
و كل اللي بالبحيرة بالقوارب من الخليجيين فما تاخذين راحتج ورااااج ورااااااج لووول
وأنا اللي أكرهه فيها إن مره أهلي كانوا فيها من جم سنة
وصارت احتفالية كبيرة هناك
تخيلي طلع الاحتفال عشان المثليين ويع الله يقطعهم >_<
[10]
كابرون رحت لها مرتين ..
أحس كان حلـــم :eh_s: ،
لأن أول مره أروح بحياتي للثلج
يا رب تنعاد علي هالرحلة كل سنة بصحة و عافية :eh_s(22):
والحلو إني رغم خوفي من المرتفعات و الاماكن الضيجه
إلا أن التلفريك مال كابرون كلللش ما يخرع !!
عادي جنّج راكبه لعبه ! مو ؟.
أحلى شي و احنا بالتلفريك نسمع صوت خرفااااان :eh_s(1):
وأنا حسبالي استهبال وقاعده أزف الصبيان عبالي يستعبطون
ومشغلين تلفون أحد منهم !!
يوم نزّلت عيوووني ولا الخرفان و البقر تحتنا منتشرين بالجبل !!!!
شكلهم عجيب سبحان الله شلون صعدوا كل هالمسافه ؟؟
[11]
بحيره كلاينر
الظاهر هذي اللي يسمونها البحيرة الكبيرة 
لأن في بحيرة صغيرة ماااصخه ب ( ريد دورف )
بس قالوا إن البحيرة الكبيرة مهجورة ! عشان جذي ما رحنا لها
ماتوقعت إن فيه كافيه و تصلح للروحه حسافه طافتناااا
في بعد نهر قريب منها و له قعدات و أماكن للشوي حلوه
كانوا أهلي السنين اللي طافت يروحون لها
ويصيدون من السمج ويشوونه على النهر يقولون عجيب
بس ما الله كتب لي زيارته للأسف >> أنتي شنو شفتي بالضببببط :dddds:
[12]
واااي شلالات كريمل عجيبه سبحان الخالق
حسآافه ما رحت لها
لأن الوالد حبيبي يتعب من المشي و شبعنا من الشلالات من قبل
كان بخاطري أروح له بس بـِراً في أبوي ما رحت لأني أدري يتعب حييييل بعد عمري
يارب أروح له السنة الجاية ، كل شي أبيه السنة الجاية :eh_s(22):
*
تقريرج ما شاء الله ممتع ممتع ممتع ،
عسى الله يهنيج و يكتب لج زيارات ثانية لهالأماكن الحلوة
بانتظااار التكلمة و لا تطولين علينا
و الله رديتيني لأيام حلللوه بهالصور
