شرايكم بابووي

[كويتيه كيكه2011]

عمركم شفتوو ابوا مايساعد ولده في مصاريف الزواج والمشكله ابوي قادر وعنده فلوس وما ياثر علي الميزانيه
وانا وخواتي تعبنا نحاول بابوي يقول ولا فلس مشكله اذا شخص يحب الفلووس واخوي ردت فعله صدمه قويه ابوك وما يعطيك ترا الفلوس وصخ دنيا حطها بعيالك ترا ما تاخذها بقبرك
واحنا كل خواتي اتفقنا راح ناخذ قرووض ونساعد اخوي هو الغالي عندنا واول عرس

ابي رايكم بصراحه

 

[سارونه الامورة]

الله يهدي ابوكِ ياااارب بس صدقيني رااح يتراجع ورااح يسسساعد ولده ترى الاب قلبه رقيق

على ولده دااااااااااايم واكييد انه بيسسسساعده صدقيني ويمكن ابوك من النوع اللي يقول مالا

يفعل مثل ابووووي وامي تماماً وترى اغلب الاباء والامهات كذا

ويمكن ابوكِ يبغاه يعتمد على نفسسسه ويبغاه يصير رجال قووي مش اي مشكله يرجع لابوه

وابوك اكييد ماجمع هذي الفلووس كذا اكييد من تعب وهم وشقى ويبغى عياله يصيرون نفسسه

وتاكدي ان اذا ابوك ماعطاه شي ان له وجهة نظر في المووووضووووع انتم مراح تفهمونها

االا اذا جبتوا عيال صدقيني ​

 

[سارونه الامورة]

والله يجزاك خير ياااارب انك ساعدتي اخوووك انتي وخواتك هذا من طيب اصلكم وحلو تساعدون اخوكم

 

[فاقده ابوهاااا]

بسم الله علي ابوج وعسى عمره طويل والله لو الابو يحرمج ويدوس علي راسج يظل ابوج ولازم ما تذكرينه الا بكل خير باجر لي راح بعد عمر طويل راح تتحسفين علي كلامج وتقولين لو يرجع بس يوم اصير عبده تحت ريوله ومت رايي كيفه فلوسه اهو حر فيها يحرقها ما يعطيها حق احد اهو حز فيها اهو الي تعب فيها مو انتوا

 

[كويتيه كيكه2011]

خواتي لوانتوو مكان اخوووي وابوج مارضي يعطيج فلوس العرس شلون تقدر تدبر المبالغ العرس وتعرفون الكويت اذا الحريم يكلف ١٠ مع الطقاقه وكل شي بالصاله من تجهيز وبوفيه وقهوي وحلويات


ومهما تقولون ابوك يخلي ولده يتحمل بس في بعض الاموور اذا انت قادر ساعد ولدك نفس الي يصيرون لي كل شي علي ابوهم والمشكله ابوي يملك مال وقدره

وقادر مو يعني ياثر عليه فهمتوو الله يهديه

 

[سارونه الامورة]

الله يهدي ابوك طيب حاولي مره ومرتين وثلاث لاتيئسين وخلي خواتك يكلموونه وامك تكلمه طيب وان شااء الله يسااعد اخوك

 

[سارونه الامورة]

وانا ترى كنت نفسسسك ابوووي نفس حال ابوك بس صرت احن على ابووووي لين ساعد اخوووووي والله يوفقك ويوفق اخوك في زواجه يااااربوانا ترى حاسسه بشعورك وان شااء الله مايصير الا الخير

 

[كويتيه كيكه2011]

مشكورره ساروونه
وانشالله بحاول بابووي

 

[AL-DMERA]

آنا معاآج صح إنه أبووج ولازم يساعدكم وهذا ولده ,,
بس ماداآم موقادرين تسوون عرس وبتاخذون قرض وربا على ظهوركم بس عشان عرس اللي بيستانس فيه اهم المعازيم ,,
يعني ماله داعلي عرس دام موقادرين ,,
أدري أخوج وبتستانسون بس صدقيني سوو حفله فبيتكم بسيطه واستانسوا بينكم وبين بعض ,,
وهذا رايي ,,
والله يسخر لكم أبووكم ويحفظه ,,

 

[PuPa^^SWeeT]

حبيبتي

مهما سوى ابوج يبقى ابوج


لا اتففون ولا اتحلطمون علييه


كيفه

يمكن يشوف انه الشغلات اللي تطلبونها للعرس مو ضرورية




وليش تاخذون انتو قرض ليش اخوج ما ياخذ ؟؟؟؟


موظف ولا لأ ؟؟؟؟

 

[كويتيه كيكه2011]

اخوي موظف

بس كله وحده بتكشخ عند رفيجاتها والي يصيرون لها بعرس اخوها
تسلموون علي الردوود

 

[ام كوثر2007]

مثل ما رب العالمين وصنانا علي والدينااا .. قال الرسووول بما معنااه عينوا ابنائكم علي طاعتكم ..


يعني بالله ولده الوحيد وحبه للفلوس مخليه ما يدفع له . قلنا فلوسه ما عليه بس هذا ولده مو بنقالي بالشارع ..


الله يعينج حبيبتي ويخليكم حق اخوكم فزعووله انتوا ,, وخلي ابوج تنفعه الفلوووس ..



ابهااااااااااات 2011

 

[ياغفور اغفر لي]

بسم الله علي ابوج وعسى عمره طويل والله لو الابو يحرمج ويدوس علي راسج يظل ابوج ولازم ما تذكرينه الا بكل خير باجر لي راح بعد عمر طويل راح تتحسفين علي كلامج وتقولين لو يرجع بس يوم اصير عبده تحت ريوله ومت رايي كيفه فلوسه اهو حر فيها يحرقها ما يعطيها حق احد اهو حز فيها اهو الي تعب فيها مو انتوا

صاجة الله يرحم ابوي وابوج وجميع موتى المسلمين والمسلماات
الاب وجودة مهم بالبيت بغض النظر عن الامور الماليه يكفي الكلمة والاخيرة له بالبيت مو كل واحد من العيال راكب راسه ويسوي اللي يبي الله يرحمك يايبة ويعينج يايمة ع تربية اخوووواني

 

[Om_Ksha]

ماله داعي تاخذون قروض .. كشخه بو ساعات بعدين تتدبسون بالقرض .. واللي مايعجبه شغلكم واللي مادري شنو
مو لازم حفله حفله كااااااااافي حفله بسيطه ابيتكم منها العروس تلبس ابيض ومنها انتو تستانسون بين الاهل ..

واهم شي التوفيق اما عرس ماعرس ماينفع .. وابوج كلمووووه مره مرتيييييييين ليما يطلع منه شي

 

[Tom ♥ Jerry]

.


حبيبتي يمكن ابوج يبي يخلي اخوج يعتمد على نفسه
يبي يعلمه على مسؤوليه الزوآج من الحين
آكيد مآكو ابوو يبخل على ولده

كلمي ابوج مره مرتين و خلي امج تكلمه
لمآ يقتنع انه يساعدكم شوي بمصاريف الزوآج

موفقين :*

 

[هذاك أول]

حاولوا تقنعون ابوك يعني اذا فيه احد ابوك يحبه ويسمعلها كلموه خلوه يأثر على ابوك ويقنعه

يمكن الوالد ناوي على مفاجأه لأخوك او حاب يساعده بطريقه غير مباشره او يمكن ابوك شايف ان اخوك مو محتاج مساعده


الله يوفقه ويهنيه هذا اهم شي

 

[قره عيني صلاتي]

انا اشوف حببتي ان ابوج يبي يخليه اخوج يعتمد علئ نفسه والله يخلي لج ابوج واخوج ويوفقه بحياته

 

[راتشيل]

ماله داعي تاخذون قروض .. كشخه بو ساعات بعدين تتدبسون بالقرض .. واللي مايعجبه شغلكم واللي مادري شنو
مو لازم حفله حفله كااااااااافي حفله بسيطه ابيتكم منها العروس تلبس ابيض ومنها انتو تستانسون بين الاهل ..

واهم شي التوفيق اما عرس ماعرس ماينفع .. وابوج كلمووووه مره مرتيييييييين ليما يطلع منه شي

انامعه كلامه صح مالي داعي المصاريف هذا كلها​

 

[آتعــبني غـلآآك]

حبيبتي ترا الرياجيل الكبار يشوفون العرس وحوسته خرابيط مالها داعي
فسوو حفله صغيره بينكم وفكي نفسج من القروض

 

[كويتيه كيكه2011]

انتو ترضون انكم تسوون حفله صغيره
وعرس اخووكم تبون تكشخون ترا عندي اخوان علي وشك زواج يعني بعد سنه عرس اخوي الثاني علما يخلص ويتوظف اوووف قهرني ابووي