شرايكم بابووي

[تُخْفِي غَلَاها]

.
لا اله الا الله
.,​

 

[عذوبة12]

احتمال ابوك لة وجة نظرويبية يعتمد على نفسة مهما كان يظل والدكم آة ليت ابوي حي لو يقعد طول عمرة
يبخل علينا بس اشوفة قدام عيوني حي مو تحت التراب من سنين

 

[كويتيه كيكه2011]



 

[PuPa^^SWeeT]

انتو ترضون انكم تسوون حفله صغيره
وعرس اخووكم تبون تكشخون ترا عندي اخوان علي وشك زواج يعني بعد سنه عرس اخوي الثاني علما يخلص ويتوظف اوووف قهرني ابووي

ليش ما نرضى

دام انتو اصحاب العرس انتو اتحكمون اتسوون ولا لأ


فيه اهل يبون عروس و طقطقة و في اهل يحبون البساطة


انتو اتقولون ابوكم مايبي يعطييكم

خلاص سوو حفلة صغيرة اببيتكم ولا اببيت العروس و خلاص


والله العظييم انه الزواج مو بالتكاليف اللي انحطها لليلة وحدة



اعرف ناس وايد يخشون فلوس الحفلة و مايسوون عرس علشان يسافر ويا مرته


وهذا التوجه الحيين صاير


وبعديين البنات طرحو نقطة انه يبي يعلمه انه مو كل شوي يطلب منه و يقدر المسؤولية


ترا ممكن صحح

ساعات قسوة الاهل اتيي منها فايدة انه يربي فيكم خصلة معينة حاطها اببالها



ونبقى مجرد عضوات في منتدى مانعرف شنو ظروفكم الخاصة اللي اكيد سردتيهها



بس ترا كذا وحدة اتقول انه الابو مو ملزوم يصرف على ولده


دام الولد موظف


وما قلتيلي ليش اهو ما ياخذ قرض ليش انتوو ؟؟؟

يعني مايحتاج لحفلة و صالة و جذي لاكثر من 6 الاف


جان انتو تبون اكثر ؟؟؟

 

[دموع الظلام]

انا اشوف حببتي ان ابوج يبي يخليه اخوج يعتمد علئ نفسه والله يخلي لج ابوج واخوج ويوفقه بحياته

:rerrerek:

 

[منو انت]

شدراج عن وضع ابوج يمكن مديون يمكن راحت فلوسه بمشروع خسران مستحيل يكون عنده ويخش على ولده


وعلى العموم الله يوفق اخوج ونصيحه دام اخوج عنده التزامات هالشي ان شاءالله خيره علشان جذي كل وحده فيكم تساعد اخوها 2000 دينار يقدر يسوي شقته ويدفع مهر ويسوي حفله بسيطه ماله داعي المصارريف الزايده تقعدوون 10 سنين بعد العرس تسددون وبالاخير الناس مايترس عينها شي

 

[كويتيه كيكه2011]

اي والله الناس مايترس عينها غير التراب
ابوي يملك وماعليه قروض بس احسه بخل مادريه شفيه تغير

 

[غديرالحب]

شوفي يالغاليه ..

مهما كان هذا ابوكم ..وهذا اول شيء فتقبلوه بكرمه وببخله ووجهه نظره..

وشوفي احنا اخواني كلهم برواتبهم تزوجو وابوي الله يرحمه ماساعدهم الا باليسير ..

وكانت وجهه نظره عشان يتعلمو المسؤليه مو كلوو بالجاهز ..

رضينا بتفكير ابوي ..

لانو ابوي

 

[e7nayyeena]

بالعكس أنا أبدا ما أشوف فيها شي .. وما أشوف أنه ((بخل)) .. لأن مو هذا التفسير الصحيح والمنطقي للموضوع ... خصوصا أنه بين " الأبو " و "ظناه " ... مستحيل يكون بخلان عليه .. هالفكرة شيلوها من بالكم


والوالد الله يحفظه له نظرة معينه .. يبي أخوج يعتمد على نفسه ويكون قد المسؤولية والزواج .. يبي يعلمه التوفير .. وأن الفبوس ماكان لاقيها بالشارع و مايابها بسهوله .. أشتغل وتعب وحصلها .. وأكيد أكيد أبوج مو بخلان عيكم ولا على أخوج .. بس نظرته للأمور تختلف عنكم ... وقولي لأخوج هالكلام و أهم شي رضى الوالدين عشان ربي يوفقه في حياته أن شاءالله

موفقين

 

[RO0O7Y KUWAITYA]

الله يعينكم
هذا ابوووج ماتقدرين تقووولون له شي بس حاااولي تقنعينه

 

[رحيل المرافيء]

اللي تقول عادي وابوج لو يدوس على راسج عادي
خير ان شاء الله يدوس على راس عياله
هم عياله مو عبيد عنده ولا شاريهم بفلوسه
بروا ابناكم في الصغر يبروكم في الكبر حديث عن الرسول
الاسلام بالعكس كرم الابناء ومنع الاباء من الاساءة لهم حتى بالضرب حدد شلون يضربهم وشلون يؤدبهم
واللي يسمح لابوه يدوس على راسه بيسمح للناس بعد لانه تعود على الذل لابوه او غيره
ارتقوا بتفكيركم شوي

 

[e7nayyeena]

اللي تقول عادي وابوج لو يدوس على راسج عادي
خير ان شاء الله يدوس على راس عياله
هم عياله مو عبيد عنده ولا شاريهم بفلوسه
بروا ابناكم في الصغر يبروكم في الكبر حديث عن الرسول
الاسلام بالعكس كرم الابناء ومنع الاباء من الاساءة لهم حتى بالضرب حدد شلون يضربهم وشلون يؤدبهم
واللي يسمح لابوه يدوس على راسه بيسمح للناس بعد لانه تعود على الذل لابوه او غيره
ارتقوا بتفكيركم شوي

أختي ..

ما تلاحظين هالجمله فيها غلط .. ؟ "هم عياله مو عبيد عنده ولا شاريهم بفلوسه"

البنات الله يجزيهم خير ... انصحو أو دعو للأبو بالهدايه لو كان مقصر

ثبت في الصحيح عن أبي هريرة أن رجلاً قال: يا رسول الله، من أحق الناس بحسن صحابتي؟ قال: { أمك } قال: ثم من؟ قال: { أمك } قال: ثم من؟ قال: { أمك }. قال: ثم من؟ قال: { أبوك }. وفي رواية قال: { أمك، ثم أمك، ثم أمك، ثم أبوك ...



ومنزلة الوالدين كبيرة عند رب العالمين حين قال ((ولا تقل لهما اف ولا تنهرهما وقل لهما قولا كريما واخفض لهما جناح الذل من الرحمه وقل ربى ارحمهما كما ربيانى صغيرا)) ... سعادة الدَّارين في برِّ الوالدين ... وتصوري أنه رضاء الله من رضا الوالدين ... شوفي عظمة رضاهم .. الله يرزقنا برهم


لازم في مشاركاتنا ننصح و ندعم الناس لبر والديهم مو على التقليل من شأنهم ...


ومحد ناشد بالذل أو التقليل من شأنهم كأبناء ... لهم احترامهم كذلك ..

:eh_s(7):

و الله الهادي

 

[نــgف]

.


حبيبتي يمكن ابوج يبي يخلي اخوج يعتمد على نفسه
يبي يعلمه على مسؤوليه الزوآج من الحين
آكيد مآكو ابوو يبخل على ولده

كلمي ابوج مره مرتين و خلي امج تكلمه
لمآ يقتنع انه يساعدكم شوي بمصاريف الزوآج

موفقين :*

نفس الكلام اللي كنت بقوله :eh_s(15):
والله يهدي ابوك ..

 

[عادت ذكرياتي]

تدرين أبوج أفهم منكم ...


أذكر دكتورة بالجامعة كان يقولنا الأبهات لازم ما يعطون عيالهم بيزات دراسة برا مثلا أو زواج عشان يعتمدون على أنفسهم وفرضا إنتوا أخذتوا قرض هل تضمنون إن أخوكم ما يقطكم على صخر !!!!


وأبوج معاه حق بنظري وبنظر دكاترة التربية الأسرية ....


إلا في حالة وحدة ممكن أبوج يدفعله إذا اخوج عطاه وعد إنه يرجع لأبوج المبلغ كامل ....

لأن أبوج يتعب ويشقى مو معقولة الفلوس نزلت من السماء من غير تعب ... فلازم أخوج يحس بهالشي ...


بالله عليكم سؤال وجاوبوني عليه ::::::::::::::::::::


ما فكرتوا ليش الطلاق هالأيام منتشر والرياييل بس هابين بالطلاق !!!!!!!!!!!!!!!!!!!!!!!


الإجابة عندي ولكم التعليق عليها ::::: لأن أبهاتهم يعطونهم فلوس الزواج باردة مبردة وبالتالي يلعب ببنت الناس ومتى ما يبي طلقها لأنه ما حس بحرقة الفلوس .... وحلال عمك لا يهمك


هذا رايي وتقبليه بصدر رحب

 

[عُجآج !]

حبيبتي .. مصيره بيعطيه ..

آلله مع آلحق .. ومـآينسى عبآده ..

آدعي لربج يفرجهـآ عليج ولآ تكوني حسـآسة ..

ولآ تستغربي من آي شي في هـ آلدنيـآ ..

كل شي جـآيز ..​

 

[اسرار الحب]

الله يهديه بس وهاذي واهو ولده ما يعطيه
عيل من اللي يعطيه وانتو بعد الله يجزيكم خير