ديوانية --<-@ {{ One Day We Will Be Slim}}

[Queen of Sadnes]

حبيبتي كتون اي والله الله يعينج مسوؤليه كبيره وفوق انتي بروحج وبالعكس حياتي اذا مافضفضتي لنا وين بتفضفضين خاصة على قولتك في اشياء الاهل مايفهمونها والله يعينج على الحمل اللي انتي فيه وصدقيني جزاج عند رب العالمين ما يضيع والله يشوف حتى لوامهم تدعي الله موجودويشوف اتكلي على الله واشكي وابكي وادعي بصلاتج وربج كريم لازم تمر لحظات ولا ايام يحس الانسان نفسه خلاص مايقدر يكمل وحياته مالها معنى وخلاص ماابي انا شجابرني بس هذي الدنيا محد مرتااااااااح محد مستحيل في احد مرتاح
كلامج اثر فيني وايد والواحد لازم يحمد ربه دايما عللي عنده ربي لك الحمد والشكر

 

[om l3yal]

كتون ضحكي يما ضحكي
سكتي توني اشكي الحل حق مزمز اقولها نقذيني تقولي انا ابي من ينقذني طلعنا التم المتعوس علا خايب الرجا
ياربي بس انا ماحب هالخالة لاني تعلمت اليوم لي عشر شهور يدوب اكل علشان اشبع وانا اليوم موراضية اشبع بس مسكت الحين زمام الامور حطيت يمي ماي قلت يمكن يسد الجوع
وترا انا قاغدة اطبق مثلج بس مابي اكثر من الكارب والنشويات والمشكلة ما يشبع الا هي وصارلي فترة طايحة بالمكسرات اسبوعيا كل يوم جمعة اشتري ربع كيلو سبال ونص مكسرات مشكلة قلت خلاص هالاسبوع نو مور نت
باجر بفطر مو مثل كل يوم بسويلي بيضة وباكلها مع توستة وجبن ان شاالله واللاتيه راح يكون قبل الغدا والغدا اونلي سالاد تعيت والله حلجي قام يعورني من البلع والاكل

 

[om l3yal]

كوكو شلونج اخبارج
شلون اوضاع الاكل عندج نفس حالتي اليوم؟؟؟!!!

 

[om l3yal]

كتون نسيت اقولج
شمري عن سواعدج الرشيقة وفتحي تجنع يديد بلييييييز يمكن يرجع الحماس وخلينا نصير فريقين قسمينا
والكروشات يصيرون مشجعات اوكي*

 

[الحراير]

مرحبا شلونكم
كتونه ماتشوفين شر وكلنا نمر بهالحالات وبالنسبه لشاي رويال اي والله يسبب مقص واسهال شسوي كل هذا من اجل الرشاقه
ونبي تجمع يديد انا ولولو وباقي البنات
اكلي ليوم الاربعاء شربت ماي اول ماقعدت وبعدين تفطرت شاي وصمونه سمره مع جبن وطماط

وعشاي ٢همبرجر لفيتها مع خس واكلت نتفه بيدنجان مشوي وبعدها شربت شاي رويال واذا قدرت بمشي لو نص ساعه

وانا طبعا اسهر اذا جعت باكل فواكه او سوائل
وصج بعد اكلت عرموط

 

[LadY BuG 80]

كتون نسيت اقولج
شمري عن سواعدج الرشيقة وفتحي تجنع يديد بلييييييز يمكن يرجع الحماس وخلينا نصير فريقين قسمينا
والكروشات يصيرون مشجعات اوكي*

خلاص اليوم عبرتي عن شعورك بكره صكري حلجك و التزمي .

مافي متبرعه غيري تفتح تجمع ؟ انا نفسيتي موش ولا بد اخاف اطلعها عليكم و اطق بخشبه فيها مسامير :krkrkr:

وين مزمز سلمي عليها :eh_s(8):

عطوف اين انتي :eh_s(2):

زيون اختفت ياخوفي انها غاطسه في اثلاجه :eh_s(16):

راح افكر اليوم بأسم فريقين و اسم تجمع جديد

الباب مفتوح لاقتراحاتكم اختاروا اسم لتجمعنا الجديد يلله بدعوا :eh_s(17):​

 

[ضي]

السلااااام



بعد عمرري كتوون والله جد جد عووورتي قلبي

حبيبتي انتي احنا اهني خوواتج اشكي وفضفضي ،، امج اكيد صعبببببه تقولين لها وريلج بعد

بس احنا تكلمي معانا واخذي راحتج وصدقيني بتلاقين القلب اللي يشيل همومج ويخفف عنج حبيبتي انتي :**

 

[rymyy]

السلام عليكم
شلونكم ياحلوين؟؟
ياااكتون لاتتضايقين حبيبتي .....وحاولي تنبسطين كثر ماتقدرين .....ولله لو أقولج المشاكل اللي عندنا بالبيت يشيب راسج....بس الواحد يقول الحمد لله على كل حال ...وينبسط كثر مايقدر لأن اللحظه اذا راحت ماترجع

 

[rymyy]

ام عااامر الله يهون عليج ياارب وكل الحوامل ياارب
وان شااء الله عمر ياااارب

 

[Queen of Sadnes]

هلا والله لولو يامعوده حالتي نفسكم بالضبط ما ادري ليش هالبلعه اليوم يعت ورحت افتر بالمطبخ مااعرف شاكل بس الحمد لله سيطرت رسويتلي نسكافيه سدت يوعتي انا ملاحظه هالحاله هذي تجيني اذا كنت مكتابه او بردانهزوانا اثنينهم فيني هههههه البرد دخل علينا وحاسه بخمول تعرفين شلون شعور الشتا مالج خلق تطلعين من الفراش

باجي البنات شلونكم وشخباركم

ضيون شلونج ياقلبي وشلون الحمال ماتشوفين شر والحمد لله انج تلاحقتي عمرج وعرفتي فيج التهاب بنات حوامل خاصه اي عوار لا تسكتون علبو انه ثقل وطبيعي لا زم تروحون الطبيب على طول

ام عمور شخبارج انتي نفس ايام حملي دايم الحديد عندي يختفي اخسن شي البروكلي اسلقيها عالبخار والبقدونس ممتاز سويه تبوله يميييي واي ترا لحم البقر مليان حديد وجبده الدياي بعد ولااااااازم طبعا حبوب الحديد اخذيها مع قلاص عصير برتقال لان فيتامين سي يقوي من امتصاص الحديد بالجسم وان شاء الله سهالات*

باجي البنات عافيه عليكم ماكليتوا

 

[dareena]

هلااااا باحلى قرووب والله

كتووون حبيبتي الله يصبرج ع الي انتي فيه و يهون عليج ياااارب.. فضفضي لا تخلين شي بقلبج ترا الكتمان يفجر الوحده حتى لو تسولفين مع نفسج اهم شي تفضفضين انا اذا انضغطت اتحجا مع نفسي ههههه مو مينونة بس احسن حل و اصبر نفسي واقنع نفسي ع الي يصيرلي بهالحاله بتكونين راضية عن نفسج وماتحتاجين لاحد لان انتي ادرا بمصلحتج و بكل شي يصير قوي نفسج حبيبتي وان شاء الله تهوون و تعيشين باقي حياتج بفرح و هنا و تنسين كل الايام المرة الي عشتيها


يومياتي لحد اللحين تمام و وزني ينقص الحمدلله الحمدلله بس يخوفي ان بعد هالفترة يزيد فجأة<< مريضة و ماشتهي شي

 

[rymyy]

مبروووووووووووووووووووووووووك ليبيااااا

 

[Queen of Sadnes]

اي والله مبروك لليبيا والحمد لله على نهايه هالظالم والفال يااااااااااااااااارب للظلمه الباجيين
الله يفرجها على كل الشعوب المظلومه ياااااااااااااارب

 

[om l3yal]

يااااارب فرجا عاجلا قريبا كلمح البصر لجميع الملسمين والمسلمات في جميع انحاء العالم
مبروووووك لليبيا والفال حق الباجي وينجلي الظلم والغمة عن الامة الاسلامية ان شاالله

 

[om l3yal]

ابشركم اليوم سيطرت علا الوضع والامن مستتب عندي
نص لتر ماي علا الريج
سكني لاتيه
الغدا شريحة توست اسمر مع مسحة جبن ابيض لايت وبيضة مقلية بنتفة زيت زيتون وحبتين كراكرز الحبة فيها ١٤ سعرة مع مسحة لبنة بالزعتر وباجي البيضة واكلت سلطة وقفشتين شوربة شبعت الحند لله والشكر
نمت وبعد صلاة المغرب شربت نص قلاص عصير رمان وحلاوة مصيتها بعدها نتفة سبال صايرة ندمنة سبال مو قادرة اوقف رجاء محد يعلق ولا يعيب الله لا يبليكم
وبس شربت استكانة جاي ليمون والحين ماي ومادري شنو اكل عشا بس لازم اكل

 

[om l3yal]

تعشيت اربع حبات شبس وعروسة وقفشة حمص ونص خيارة والحمد لله الذي اطعمنا وسقانا وجعلنا مسلمين

 

[om l3yal]

شنو هذا وينكم بس مصختوها
ديرا بالكم الشتا ياي يعني الاكل بيزيد يعني الوزن بالعلالي فاحسن لكن تلتزمون بالتجنع يابطاااات
كتون رحم الله والديج عجلي بابتجنع اليديد

 

[Queen of Sadnes]

ههههههه لولو شكل الكل مخربها محد باين

 

[rymyy]

عواافي ماكليتو

 

[LadY BuG 80]

سلام

مشكوره ضيون على الكلام اطيب

ثانكيو دارينو و ريمي و كل البنات ما تقصرون :**

انا امس كرضت مرضه بنت 60 ك****ب

تكسير و حمى و عوار في الحلق و اذوني و خشمي و اسناني و كلليييي

بغيت ادخل بليل بس ما قدرت ادنيا تدور فيني و بعدين ابني تعب ووديته اسعاف انصاص اليالي قعدنا ساعتين و روحت

و عنده بخاخ كل 4 ساعات ... ما نمت سهرت معاه و انا الله عالم بحالي مسخنه

المهم احس اني اهون من امس لاكن بعدني مريضه و ابني الحمدلله بخير

.... انصدمتتتتتتتتتتتتتتتتتتتتتت امس بمقتل القذافي :eh_s(2): انا لله و انا اليه راجعون

ادري انه ظالم بس نهايته مرعبهههههههههه شفتوا اصور و شكله و هو ميت ؟؟؟

هاذا رائيس كانت اناس توقف له و اليوم مات هلموته و مثلو فيه استغفر الله كانو يجرونه مثل الخروف و هو مغرق بدمه ... اذا صاروا اناس يسوون في ارئساء كذا احنا ايش يكون حالنا :eh_s(2):

ولله شي مرعب بلأمس يصفقون له و اليوم مات شر موته من ناس عادين من عامت اشعب

يا الله استر علينا و احفظنا و ارحمنى

الله يستر لو يسون في ارئيس اليمني نفس اشي ما اقدر اسافر لها ابدا و راح اقعد هنا طول عمري ... شي مرعب ولله مو بشر وحووش وين العفوا عند المقدره ليش ما حاكموه ؟؟ ليش مثلوا في جثته .؟؟؟؟ مو اثوار مسلمين .! اتمثيل حرام في الاسلام

ادنيا صارت تخوف​