shopping في اسطنبول ب 5 ايام (تقرير مصور)

[odra1]

تقرير حلو
ننطرج

 

[وايت اند بلاك]

واااااي عليج يامس بوتمبه000

جبتي فييي العيد بهالصور الجميلة000
عليكم بالف عااااافية0000
ولا تطولين علينااااااا

 

[هـيـامـي]

مووووووووووضوووع روووووووعه وانتي الاروع

ماقصرتي كفيتي وفيتي بالمعلومااات

 

[ام عفاف الكويت]

ماشاااء الله عليج بالعافيه انتي والاهل
واستمري معاج لليوم الاخير

 

[&& دعاء &&]

تسجيل متابعة .........تقرير اكثر من رائـــــــــــــــع
يعطيج العافيــــــــــــة

 

[q8ya sh8ra]

تركيا رحت لها قبل العام صج ونااسه وكنا ساكنين بشاارع تقسيم عجيييب كل شي يمه قريب

وثاانكس بوتمبا

 

[ما يوصفني قصيد]

يـــآآآآآي تركيـآآآآ

مس بوتمبه تقريرج حده يشوق لتركيا

بس ياليت تقولين لنا شنو اكثر المولات اللي فيها بضايع حلوه ومميزه واعجبتج

وشنو احلى المحلات واللي ماتطوف بشارع الاستقلال او بتقسيم

لان انا ان شاء الله بروح بعيد الاضحى اهناك اجهز من هناك

فـ أبي محلات فيها تصلح للعرايس وانا اثق بذوقج

وتسلمين حبيبتي :*

 

[reem-reem]

واو بوتمبه شوقتيني على السفر
من ثلاث سنين مو مسافره

 

[مزاااج]

ماشاءالله تبارك الرحمن
عليكم بالعافيه

صراحه تقريرج Görkem​

 

[عاشقة_الجمال]

بتبووووت كان ودي اجرررررررررررب الغووووص بالاكواريوووم

بس ريلي الله يهديييييه ما رضى

قالي اخااااف عليج تغررررررررررقين

مع ان في واحد من المنقذين يغوووص معااااااي وبيساعدني اذا صار شي

بس ريلي رفض رفضا قاطعااااااااااااااااااااااا

 

[<miss botamba>]

مشكورين جميعاا عالمرور :eh_s(7):

بتبووووت كان ودي اجرررررررررررب الغووووص بالاكواريوووم

بس ريلي الله يهديييييه ما رضى

قالي اخااااف عليج تغررررررررررقين

مع ان في واحد من المنقذين يغوووص معااااااي وبيساعدني اذا صار شي

بس ريلي رفض رفضا قاطعااااااااااااااااااااااا

ويه حسافه !!

شفتي علشان جذي الواحد يتم عزوبي لوووووووووول


لا عاد شوفي اذا مالج بالغوص اوقات يخرع

من زمان رايحه جنوب افريقيا و ناس من القروب غاصوا صج بالبحر واهما مالهم بالغوص بغوا ينغمتون !!

 

["*آآآنؤؤؤقهـ*"]

رحلتج ممتعه

 

[<miss botamba>]

اليوم الرابع

الجزء الأول


Ortaköy - اورتاكوي




اورتاكوي او بما معناه باللغه التركيه القريه الوسطى هو حي من احياء منطقه Beşiktaş (بيشيتاش) وهالحي او المنطقه هذي موجوده في اسطنبول اوربا على البسفور .


اورتاكوي كانت منطقه عالميه خلال الدوله العثمانيه و بدايه العقود الاولى للجمهوريه التركيه.


بالمنطقه نفسها موجود مسجد اورتاكوي Ortaköy Camii (اورتاكوي جامع) او اسمه الرسمي Büyük Mecidiye Camii (بيوك مجديه جامع ) مسجد الامراطوريه العظمى الي انبنى بامر من السلطان عبدالمجيد وتم الانتهاء من بنائه في سنه 1856.


ايضا بالمنطقه نفسها بتشوفون جسر البسفور و ايضا يتسمى جسر البسفور الاول و بالتركي Boğaziçi Köprüsü (بوزيجيه كوبيسيه ) و هالجسر يعتبر من الجسرين الي يربطون الجانب الآسيوي بالجانب الأوربي.


وايضا الجسر الثاني جسر البسفور الثاني بس ابعد من هالجسر راح اوضح لكم مكانه بالخريطه بعدين و اسمه الرسمي جسر السلطان محمد الفاتح Fatih Sultan Mehmet Köprüsü ( فاتيه سولطان مهمت كوبيسيه).


منطقه اورتاكوي تكون حيه خلال نهايه الاسبوع و ممكن تزورونها بالايام العاديه بس مراح تلاقون البسطات موجوده واسعارهم ارخص نسبيا من البازارات.


فيها مطاعم و قهاوي و كشكات للاكل واحلى شي باورتاكوي البطاطا المشويه و الوافل ومنتشر بالمنطقه مثل مراح تشوفون بالصور بعد شوي ويسمونه (كومبير).



علشان تروحون اورتاكوي اما بالتاكسي او بسياره خاصه مع السايق مثل ما احنا سوينا وبس تقولون لهم اورتاكوي و يعرفون او بالميترو مع العباره وانصحكم تجربونها لان انا ماجربتها و احسها مغامره صغيره لول.



علشان تروحون اورتاكوي اذا كنتوا في تقسيم:

تروحون ميترو تقسيم وتتجهون حق Kabataş (كاباتاش) تطلعون من ميترو كاباتاش وتتجهون لعباره كاباتاش تقريبا بينهم 10 دقايق مشي بعدها بالعباره تروحون اورتاكوي وبينهم محطه توقف وحده الي اهيا Beşiktaş (بيشيتاش).



واخليكم مع الصور

 

[<miss botamba>]

بالخلف هذي آسيا

 

[LuLiTa]

بوتمبة عرفتج انتي ام بنطلون فوشي صح شرايج فيني و انا صايدتج ؟

 

[<miss botamba>]

بوتمبة عرفتج انتي ام بنطلون فوشي صح شرايج فيني و انا صايدتج ؟

هههه ماكو غيري

 

[toofaa79]

يعطيج الف الف الف عافية حبيبتي وتسلم الايادي على هالموضوع وان شاءالله كل سنة تسافرين وتتحفينا بتقاريرج الحلوة وانقلدج وانسافر وراج على طووووول

تكفون ادعولي اسافر كل سنة
مغرمة سفر

 

[مابين بعينكك]

التقرير مافيه طبيعه من العنوان مخصص فقط لسوق وعموما اسطنبول مافيها طبيعه بس آثار

وانا خلصت الجزء المخصص لأول يوم وباقي 4 ايام


وحياج الله

من صجج تركيا مافيها طبيـــعه :eh_s(10)::eh_s(4): اصلا" الخضرا على مد نظرج والجبال والشلالات ويوك شجره والجزر اللي فيها حراام عليج ظلمتيها يمكن انتي مارحتي بس اهيا تعتبر من الدول اللي فيها الطبيعه

 

[krkooora]

واااااايد حلوة هالمنطقه اورتاكوي رحنالها 3 مرات ورا بعض من كثر ماهي ونييييسه و نسهر لي بالليل فيها
بس انصدمت بالصور مالتج صايره فااااااااضيه احنا ليما كنه نروح كانت حدها زززززحمممممه
وبالليل جارغيااات و يحطون فرق تغني وناااااسه كان و عندهم محل صغير فروووزن يووووقرت حلوووو >> اهم شي عندهااا لوووووول
بس حسافه ماذقت البطاط المشوي احترررت بالستعش الف محل اللي مثل الشي و كلهم بطاط مشوي لووووول اشوفهم كل واحد ماشي و بطاطته بيده لوووووول
يعطيييج العافييييييييه

 

["*آآآنؤؤؤقهـ*"]

كملييييي حبي