مشترياتنا من معرض الكتاب لعامي 2011 - 2012 بالصور

[frawlah_83]

انا ماقره نصوص نثريه لو روايه جان خذتها الغلاف يشد

 

[frawlah_83]

توم

والله ودي انزل صور بس احس يبيلها حوسه ولويه يبيلها قعده وتدور صور ولازم اشبك من لابتوب عشان ارفع الصور :d

بس ان شاءالله باجر احاول اضبط اللسته

 

[كاتبة]

للتصحيح رقم الجناح 41

عشان مادوخون مثل دوختي


وسوري للي دوختهم

 

[كاتبة]

عادي ياقلبو الكتاب يشترى للحرف وليس للشخص نفسه

احترم الاراء

 

[:: Diva ::]

انا اليوم كنت محظوووووظه بالتعرف على واااااايد بنات من كويتيات
ماشالله

اللهم زد و باااااااااااااارك
و تشرفت بشوفة بدريه و العنود و زينب و صفيه


لي عوده للرد بالتفصيل عليكم
لكن يستوقفني موقف لا يمكن انساه في حياتي


و من أجمل المواقف الي صادفتني
الكبير حمد الحمد طلب روايتي بالاسم

يالله منو قدي

 

[أنثى اليمامة]

أنا اليوم رحت بس بسرعه طلعنا ماكو ساعه والا احنا طالعين ،،المعرض هالسنه مافيه شي ، الكتب قليله ،، وكلها قديمه افي جديد ،،

شالسالفه ،، والغريبه ان الكتب شوي يعني السنة الي فاتت فرق كبير ، الدور مليانه كتب هالسنة بارد صج ،،،

خيبة أمل كبرى الصراحه ، وانا اقول السنه الي فاتت مو شي الا احسن من هالسنه بواااااايد ...

- اسفه كاتبه كان بخاطري امر عليج، بس اخوي وبنت خالي ، معاي بسرعه تعبوا ومشينا ، يقولون مافي شي مو مثل السنه الي فاتت ، يشوق ،، حتى الصالة 5 ما دخلناها ، مشينا ع 6 ونص ،،،

هالسنة صج احباط ،،،، شنو هذا


​

 

[أنثى اليمامة]

شريت بس خمس كتب ... رح احط الصور لكم ...

 

[ليلو جبريت]

داااشه عرض

لان ادري ان فيصل الجاسم قاعد يقراء الردود


فيصل الجاسم شعندك مندعس بمنتدى الحريم

والله انك صدق كااااااااتب المراااااهقاااااات

 

[:: Diva ::]

انثى اقوى دولتين مصدره للكتب و الادب
مصر و سوريا


احداثهم السياسيه لابد اثرت بشكل كبير

 

[كاتبة]

انثى فعلا


ملاحظاتي السريعه لاني كنت لاهيه بالتوقيع المعرض بارد جدا وحتى التنظيم مو نفس العام كان افضل


بس صج كنت اتمنى اشوف وحده من كويتيات

ساعه ونصف مرت احلى اللحظات فيها معجبات ووبوكيه ورد واذاعه والكاتب سعد بحد ذاته افضل تشريف لي واصل خصيصا من اجلي وراح احط الصور هنيه

وشوفة ديفا ترد الروح وعنود ايضا اهديتهم نسختين يستاهلون الي مروا يسلمون واهتموا باللقاء


وين ليلو كان مقابلي الجاسم ورتيل يراقب حظوري واراقب حظوره تمنيت ليلو هناك صج

 

[:: Diva ::]

داااشه عرض

لان ادري ان فيصل الجاسم قاعد يقراء الردود


فيصل الجاسم شعندك مندعس بمنتدى الحريم

والله انك صدق كااااااااتب المراااااهقاااااات

امبيه
ههههههههههههههههههههههههههههه

 

[Ronnie]

آمم إن ششآء الله يممگن لي زيارةة للمععرض 
بسس صج مآگوو گتب لااا لآتقولوون >_<
احنا اوول ماندشش على طوول لـ بلآتينيوم
بسس يلااا إن ششآء الله الاقي گتب سنععين وبالتوفيق للجميعع

 

[أنثى اليمامة]

كاتبه الحمدلله ، ان الأمور كانت زينة معاج ، تستاهلين كل خير ،،

ديفا انا اشوف الدور المصريه كتبها احسن من قبل ، بس بعد شوي جم كتاب بس ، و الغريب والصدمه الي اهو دار المدى ،، ما توقعتهم جذي كتب قليلة جداً ،،، ولا مافي جديد ، وفي روايات حاطتهم ببالي مالقيتهم ، وحتى للكاتب نفسه الي ابي رواية ما لقيت روايات له ،،، الا وحده بس ،،، ماريو باراغاس يوسا دورت رواياته وما لقيتها الا وحده وعندي هالنسخة ،،،
،، ولا حتى كتب جديده شفتها بالاصدارات بالنت ما لقيتها ،،، يعني كلها جم كتاب بس انصدمت صراحه .. فرق كبير السنه الفاتت دار المدى ، بغيت اشتريها كلها وامشي

وبالنسبة للكتب الآخرى قبل شفت كتب سياسيه وفلسفية وفكرية واحترت شنو اشتري ، هالسنة فقر بالكتب مو طبيعي ،،، ومافي اي دول بس مصر ولبنان وسوريا ..

يعني ليش ،، الدول العربية الباجي وين ،، شنو هالمعرض ، شكلي خلاص رح اعتزل المعرض لانه سنه عن سنه يحبط زياده ...

صج انا اليوم منصدمة من المعرض وخيب أمالي بشكل مو طبيعي ، الصراحه بنات انا اشوف ان السعودية تنظيم المعرض والاستضافات مليون مره احلى من هني دور عربية من مختلف الدول ، والكتب جبال مكومة ، وحتى الاقبال كان كبير جداً من الشباب والبنات على الكتب ،،، اليوم قليل جداً اشوف شباب والا بنات ، المفروض اليوم يكون زحمة ،، اولاً لانه ثاني يوم ، وثالثاً اليوم الخميس والعصر بعد ،،، أبد ما توقعت جذي أقبال صراحه بسيط ،،
طبعاً هالدور اسعار نااار بالكتب ،، اليوم اقول للي يبيع بدار نينوى ليش اسعاركم مرتفعه جذي ، يضحك ويقول ايه احنا غالين اسعارنا ،، قلت له اي مو احنا نعرف ونقارن برا واايد فرق ،،، بعدين حاسبته ومشيت ،،

كتابين من الحجم الصغير الواحد على 2ونص ،، المفروض دينار لو دينار ونص حده ،، بس قلت يلا اهو بالسنه مره

بس خلاص بقاطع المعرض ...



بس دار الفاربي كانت كتبهم حلو شوي والساقي بعد هم حلوين ،، اما الباقي صدمة ،،
​

 

[أنثى اليمامة]

الكتب الي اشتريتها ،،،

قصص الأنبياء - ابن كثير

القصص الخرافيه - هيرمان هيسه - هالكاتب معروف واايد اسلوبه يعجبني ..

الأساطير الأفريقيه - جيوفري باريندر - أحب الأساطير وهالسوالف

قبلة يهوذا - أوبير برولونجو - عجبني الكلام الي خلف الرواية ( جلان. إله يواجه قدره. بادرة ودّ تخفي خيانة… لا تزال قبلة يهوذا واحدة من أنذل البوادر التي عرفها التاريخ، ومن أكثرها غموضاً أيضاً…
لماذا أقدم أحد الاثني عشر تلميذاً، وأكثرهم قرباً إلى يسوع، على بيع معلمه؟ الجشع الذي اعتبرت النصوص المقدسة أنه كان الدافع إلى ذلك لا يثبت أمام التحليل: إن يهوذا، المؤتمن على كيس مال الرسل، والحائز بالتالي على ثقة يسوع التامة، كان يتصرف يومياً بمبالغ أهم بكثير من الثلاثين ديناراً التي يقال أنها عُرضت عليه…
ليس يوجد حول موت يسوع سوى أمر واحد موثوق هو موته على الصليب، وهو العقاب المخصص للخارجين على النظام الروماني. ويبدو اليوم مؤكداً أنه كان في المقاومة اليهودية للاحتلال الروماني، دوراً أكثر نشاطاً بكثير مما يتراءى من خلال الأناجيل الأولى، هذه التي كُتبت لأجل مسيحيي روما. أوَليس من الأرجح أن يهوذا "الشرير" كان رفيق نضال أميناً ومتحمساً؟ إلى أن…
بعد أن استوعب أوبير برولونجو أحدث الدراسات التي تناولت هذا الموضوع، وبعد أن استعرض حياة يهوذا بكاملها، وبعد أن بثّ حياة قصصية حقيقية في صور جامدة غالباً، فإنه قد توصل إلى تكوين رأي هو أقرب ما يكون إلى الحقيقة: كان يهوذا صديقاً صادقاً ليسوع، لكنه خانه عندما ابتعد مفهوم كل منهما عن مفهوم الآخر حول الكفاح الواجب خوضه معاً. ويطرح خلافهما هذا على بساط البحث مسألة الثورة بكاملها: هل يجب خوضها بواسطة السلاح، كما يريد يهوذا، أم بالانتظار، بواسطة الصلاة ورجاء عالم آخر يعوض عن المظالم التي يعانيها البشر على هذه الأرض، كما يدعو يسوع؟
من خلال إعادة تكوين فلسطين ذلك الزمان، نلمح تباشير تغيُّر في المنظور، وربما ولادة تاريخ جديد يكتب أمام عيوننا.)

الفتوحات العربية في روايات المغلوبين - حسام عيتاني

هذا الكتاب الوحيد الا كنت حاطته باللسته ولقيته من دار الساقي ،
مهتمه بهالموضوع جداً ، وكنت اتمنى الاقي عنه شي والحمدلله لقيت - لان لي وجهة نظر مختلفة بالفتوحات الاسلامية ..

​

 

[كاتبة]

معرض الرياض للكتاب الدولي

افضل من عدة نواحي

اولها نحن نفتقر لشي اسمه منصة توقيع؟

لجميع كتاب الي راح يوقعون منصه خاصه في منتصف المعرض "منصة توقيع" وكل كاتب ووقته

يعني انا اليوم مثلا موقعي مو شئ بزاوية الدار محد يدري اني انا المؤلفه يسالوني عن اسماء الكتب واسعارها يحسبوني ابيع

فشله

ثانيا المساحات ضيقه جدا
والحظور قله من الناس مع انه ثاني يوم ووكيند ايضا

 

[أنثى اليمامة]

والحظور قله من الناس مع انه ثاني يوم ووكيند ايضا

وهذا الي قاهرني ، ومستغربه منه ،،، ليش جذي ...!!!!!!!!!

 

[ليلو جبريت]

بنات دار جداول مشاركة ؟؟

 

[فرح يوسف]

معرض الرياض للكتاب الدولي

افضل من عدة نواحي

اولها نحن نفتقر لشي اسمه منصة توقيع؟

لجميع كتاب الي راح يوقعون منصه خاصه في منتصف المعرض "منصة توقيع" وكل كاتب ووقته

يعني انا اليوم مثلا موقعي مو شئ بزاوية الدار محد يدري اني انا المؤلفه يسالوني عن اسماء الكتب واسعارها يحسبوني ابيع

فشله

ثانيا المساحات ضيقه جدا
والحظور قله من الناس مع انه ثاني يوم ووكيند ايضا

هذا الي صار رحت للمعرض مرتين
ادور ع الكاتبات لم اسال يقولون ماكو
وصج هالنقطه مهمه ماخدمت الكتاب ابد
ابوي هم يقولو شريت كتاب بالنهايه عرفت ان الي باعته اهي مالفته
ليش جذي لازم ينحطون ويا بعض حفلات التواقيع وتكون بستيج ومكان يليق فيهم
المعرض مرة خيب املي صج صج
شريت شي بسيط والباقي بييبه من النت افضل :bbbiu:
صج مادري شاقول ودي ابجي

 

[أنثى اليمامة]

فرح انا وانتِ نفس الحاله ...
​

 

[كاتبة]

موقع النيل والفرات يوفر كل الكتب بلا خيبه

والمعرض خيباته هي ماجعلت الناس تعزف عنه!

ككل شئ ياكويت في اضمحلال

هل سنكرر لم؟

لمَ

لااجابة لاي شئ سوى صدى تساؤلاتنا !