مشكلتي مع امي .. شاسوي معاها ؟

[Um Tuki]

سلام عليكم كويتيات

شخباركم وشلون يومكم

بدش لكم بالموضوع

انا ربيت في بين امي وابوي واخواني الاثنين الشباب اللي يحفظهم

وانا البنت الوحيدة واخر العنقود

مشكلتي ان امي تفضل اخواني علي و هالشي الكل يدري فيه عشان ماتقولون اتحسس والا يتراوالي

و تعايشت مع الموضوع وتعودت عليه

بس حتى زوجة اخوي قامت تفضللها علي و تحن عليها اكثر مني انا بنتها
يعني لما تتصل مرت اخوي تعالو سمعو الترحيب مع انها عايشة معانه فالبيت ولاترضى عليها
واللهما اجذب اذا قلت لكم ما قط سمعت امي تقولي هلا حبيبتي او هااا يمه

دايما تقولي هااااااااا

او نعم جنه بالغصب اترد علي


الصراحه يحز في خاطري هذي امي وانا اولى بحنانها ودي احس بحبها لانها اكيد تحبني انا ينتها


و فوق ذي كله كل ما نتيمع احنا الاهل اتم تمدح مرت اخوي جدام زوجي
الافلانة سوت والا فلانة حططت

امس نسولف عن المواتر جان تنط امي وتقول

ما شاء الله على فلانة كانت اتركب اليتات في بيتهم بروحها
و اذا اخترب شي بروحها اتصلحه والا مسكينه كانت متغربلة تحملت هم الدنيا و اجتهدت ودشت الجامعة و اشتغلت واصرفت على امها واخوها


طول القعدة امي تمدح في مرت اخوي

مطلعتني فاشلة جدام ريلي


شاسوي تعبت منها مساعة كلمتها جان تقول انا ماسوي جذي
وتقول اكيد ريلج قال شي قلت لها اي قال امس بليل قال لي عن غشمره انتي حتى ليت ماتعرفين تركبين
مع ان هالشي ما حصل بس قلت ها جذي عشان تحاسب

 

[مناير ...!]

تحجي معاها
بوسيها لميها
علميها شكثر ناقصج حنانها
قربي نفسج لها كسبيها قبل لايفوت الفوت واتحسفين على كل لحظه كانت قدامج ومالميتيها

 

[مجنونة هع]

انتي عندج ريلج هو بيعوظج

 

[KOKO_284I]

للاسف في امهات جذي بنت عمتي عانت وايد من امها بس طنشي او صارحيها عشان ترتاحين

 

[ya al3rosa]

اممممم
مادرى شقولج بس مهما تكوون هذى امج

 

[بلسم جروحي]

الله يكافينا شر هالدنيا ... اللي صارت فيه مشاكل مع حلوة اللبن وست الحبايب ... لا يا حبيبتي هذي امج والرسول قال امك ثم امك ثم امك ... ما قالها الا لعظمة هالام وقدرها عند خالقها شنو يعني مدحت مرت اخوج طوفي ترى الام تمون على بنتها بس ما تمون على زوجة الولد وبتداريها عشان اخوج ... وصدقيني ترى وايد امهات ما يعبرون عن مشاعرهم لبناتهم وانتي بتجربين هالاحساس لما تكونين بوقت الولادة رح تعرفين شكثر بيكون خوفها عليج ( يا ليت امي وابوي عقب ما يبت للجنه ) والحمدلله انتي متزوجه فلا تدققين على تصرفاتها لانها قاعده معاهم بالبيت ومضطرة تداري حريم عيالها افااا عليج هذي اللي سهرت عليج الليالي وربتج وما خلت الخدم يمسكونج وخافت عليج من الهوى الطاير ... ياليت امي عايشه واحب دوسات ريولها تعوذي من ابليس وحاولي تلمينها وتبوسينها كل ما قعدتي معاها وتغشمري معاها وضحكيها وتقربي انتي لا تنطرينها هي تبادر انتي بادري ودايما قولي لها ياكثر غلاج يا يما عندي ومن هالكلام وصدقيني بطلع اللي بقلبها
​

 

[سنيوؤره]

يمكن امج متوقعه منج شي ..وانتي مو قد توقعاتها ...والا تبيج اتصرفات تصرف معين وانتي مو فاهمتها ...دققي بكلامها وشوفي شنو تبي منج وسويه ...ولا تزعلين واتحبطين منها ...بعض المرات نظن اهم جاسين معانا ...ويكون الغلط منا واحنا ما ندري ...
وان ما لقيتي فايده ..خليج باره فيها .كنت اظن ان حاولت اقنع امي بوجهة نظري اتقرب منها ...بس وللاسف ..توني ادري ان الجدل مع الام عقوق ..شنو تبي حاظرين . اذا عقليتها وفهمها للامور غير عن نظرتج ...اسكتي واحتفظي برايج لنفسج ....واحتسبي الاجر ...

 

[مياسه الحساسه]

الله يعينك حبيبتي
والله بيعوضك في زوجك وعيالك ان شاء الله

 

[سلطانه العتيبي]

الله يحنن قلبها عليك

يمكن امك هذا اسلوبها مع الاغراب وانتي لانك بنتها ما تبي تسوي كلافه في الكلام والله ما ادري بس حاولي تبوسينها على الطالعه والداخله ههههه

 

[دلوعة صلوح]

الله يحنن قلبها عليج .

 

[جنون الغيم]

مستحيل تكون قاصده انها تفضل مرة اخوك ولا انها تبين للناس انك اقل منها
بس انتي بنتها وعارفه انها تحبك وهي بعد فاهمه بس مرة اخوك وحده غريبه فهي تبين مشاعرها لها
ويمكن تتعاطف معها حسب مافهمت اهنا هي اللي شايله اهلها وقايمه فيهم
لاتشيلين بقلبك مافيه احد يحبك كثر الام بس احيان بعض الامهات ماتعرف تعبر

 

[فوفو الدلوعه]

انتي ابداي وقربي جنبها
والا ماتحس فيك
يمكن هية حاسة انك مستقلة بحياتك عنها ومنتي بحاجتها
تقربي انتي منها والله يحنن قلبها عليك

 

[فطووومة]

حبيبتي هذي امج اغلى الناس


اول شي استغرب من اللي تقول طنشي ؟؟ او ريلج يعوضج

لا حبيباتي الام محد يعوضها لو ملايين الدنيا

--------------------

يمكن امج خجوله من ناحيتج ليش انها متعودة عليج

الصراحة انا ما امدح ببنتي هل هذا يعني انا ماحبها ؟؟ مستحييييييل انتي احلى شي بحياة امج وطلعتي من بطنها ما تحب احد كثرج


انتي سولفي معاها بيني لها محبتج لها قولي لها على ضحك
شدعوة يا الغاليه وانا شنو بالنسبة لج ؟؟

وماله داعي ريلج يقعد معاكم اذا مرت اخوج قاعدة عشان لا يضيق خلقج من الحجي مو عشان شي لا سمح الله

سولفي معاها قولي لها انا ماحب تمدحين احد عند زوجي عادي قولي اغار ههههه

اخذي الامور ببساطة وطلعي اللي بقلبج بغشمرة يمكن اهي ناسيه هالشغلة


ومثل ماقالوا البنات لازم تجاري حريم اخوانج خاصة انهم معاها فالبيت ويمكن اهم مو مقصرين معاها مادام تمدحهم اكيد مرتاحة منهم وتحب ترزهم مو عشان انتي ما تسوين نفسهم


حبيبتي هذي امج انتي المفروض انتي بعد تتقربين لها اتييبين لها وتودينها مشاوير معاج خلي لج دور اساسي بحياتها

ديري بالج عليها ومثل ما قالت اختي بلسم يا ليت امهاتنا عايشين جان نبوس ريولهم بس نشوفهم


الله يخليها لج يارب ولا تدققين على كل شي

لا تزعلين المفروض انتي بعد تعوضينها عن تعبها بتربيتكم

انا كل يوم ادعي حق امي الله يجزيها الثواب الحسن عن تعبها وتربيها لنا



والله يخليها لج يارب ولا يحرمج منها

 

[مــســك]

امممم


ماادري شقولج ..


بس انتي حاولي تقربين لها .. اشتري لها هديه ..


تهادوا تحابوو ..

صارحيها قولي لها يماا لاتمدحين مرت اخوي جدام زوجي ..


قولي زوجي مايحب هالكلام ..


واهي راح تفهم ..

 

[سندس 90]

حبيبتي مهما كااان هذي أمج آنا أمي الله يخليها لي والله نفس امج ماتمدحني ولا تبوسني ولا تحظني لكن احس بغلاي بقلبها ولو تبي روووحي والله مااتردد إني أعطيها عسا ربي يخليها لي ويخليلنا الوالد ويخليني لهم 

 

[Tulips]

هالمشاعر اللي فيج مشاعر غيره وما الومج

امج اللي زرعت هالغيره فيج .. الله يسامحها

شوفي حبيبتي ماكو احلى من انج تقعدين مع امج قعده مصارحه انتي وياها بروحكم

كلميها بكل صراحه وطلعي كل اللي فقلبج .. قوليلها انا فاقده الحنان منج من لما كنت صغيره لي يومج هذا

لميها وابجي بحضنها كسري الحاجز اللي اهي بانيته بيج وبينها .. ولا تستحين وتقولين انا عمري ماسويتها واستحي

مابين الام والبنت حيا .. قوليلها ابيج اتعامليني مثل ما تعاملين مرة اخوي

والله يحنن قلبها عليج

 

[sosowaty]

هااااااااااااااااذي امج

والله ماتحسون بالشي الا لما تفقدووونه

 

[Um Tuki]

بنات ترى انا دايم اتلصق فيها و امي ماتحب احد من عيالها ياخذ لها هدية والا شي
تقول هاي فلوسكم صرفوها على روحكم انا قلبي مايطاوعني اخذ منكم ربية
و اذا ناخذ لها ماترضى تاخذ الهدية


وزوجي مايجلس مع مرت اخوي يجلس مع امي و هي اللي كل ما قعدنا لازم تمدح في مرت اخوي

 

[منووله مشعل]

الله يكافينا شر هالدنيا ... اللي صارت فيه مشاكل مع حلوة اللبن وست الحبايب ... لا يا حبيبتي هذي امج والرسول قال امك ثم امك ثم امك ... ما قالها الا لعظمة هالام وقدرها عند خالقها شنو يعني مدحت مرت اخوج طوفي ترى الام تمون على بنتها بس ما تمون على زوجة الولد وبتداريها عشان اخوج ... وصدقيني ترى وايد امهات ما يعبرون عن مشاعرهم لبناتهم وانتي بتجربين هالاحساس لما تكونين بوقت الولادة رح تعرفين شكثر بيكون خوفها عليج ( يا ليت امي وابوي عقب ما يبت للجنه ) والحمدلله انتي متزوجه فلا تدققين على تصرفاتها لانها قاعده معاهم بالبيت ومضطرة تداري حريم عيالها افااا عليج هذي اللي سهرت عليج الليالي وربتج وما خلت الخدم يمسكونج وخافت عليج من الهوى الطاير ... ياليت امي عايشه واحب دوسات ريولها تعوذي من ابليس وحاولي تلمينها وتبوسينها كل ما قعدتي معاها وتغشمري معاها وضحكيها وتقربي انتي لا تنطرينها هي تبادر انتي بادري ودايما قولي لها ياكثر غلاج يا يما عندي ومن هالكلام وصدقيني بطلع اللي بقلبها​

:eh_s(15):

:eh_s(15):

:eh_s(15):

 

[دآنة آلرشآيده]

والله مآدري شقول لج
تبغى امج ..
الله يحنن قلبهآ عليج ​