يا اختي والله ما اعتقد فيه احد اكثر مني خاف من العملية وقرأ عنها
صار لي اكثر من سنة وانا افكر بالعملية وابحث عنها واقرأ عنها واشوف يوتيوبات
وسالفتي طويلة
لكن اخيرا بعد ما صليت استخارة وكنت بكل وقت ادعي ربي ان يسهلها لي
ان كان فيها خير لي
مجرد ما رحت الدكتور .. محمد براك الهيفي
رحت له الثلاثاء وخذا مني بس تحاليل دم وقال اذا بين بالدم شي يمكن نزيد التحاليل
قلت مومشكلة
اتصلت عليهم الاربعاء وقالوا التحاليل زينه متى تبين موعد العملية ؟!
ارتبكت حدي !!!!!
قالت اخلي لج السبت او الاحد !
قلت ها !!!!
الاحد بس نص ساعة وبدق ااكد لج الموعد
طبعا العملية فوق الـ 3,000 يعني مو ببساطة تدبرين المبلغ باربع ايام
ودقيت على امي .. قالت زين تووكلي على الله
قلت بس يمه العملية يبي لها فوق الثلاث الاف وانا ما خذت قرض للحين
وعلى ما يطلع , صعبة يوم السبت او الاحد
قالت انتي مسويتها مسويتها ليش التأجيل ؟!
توكلي على الله وهذي الفلوس تعالي اخذيها
حسيت ان الله مسهل لي الامور سبحانه
وسويتها الاحد
من اسبوعين
والحمدلله صحيح اول يوم تعب بس تعب ساعات ولا تعب العمر كله
وطبعا حطي ببالج انج تلتزمين بطريقة الاكل الاسابيع الست الاولى
لانها عشان صحتج مو عبالج بس عشان تنزلين الوزن الزايد
لا .. هي عشان المعدة المقصوصة تلتئم وما يحصل لها تسريب او التهابات وغيرها
سويها وانتي تضحكين
هالجمله كنت اسمعها قبل لا اسويها وما كنت استشعر بمعناها
والحين اقولها لج
واتمنى تحسين في معناها .. سوي التكميم وانتي تضحكين !
فعلا لانها الحل لمشكلة الوزن والاكتئاب والحزن والانتحار البطيئ
توكلي على الله وسويها
والله يكتب لج اللي فيه الخير
ويقومج بالسلامة
انا سويتها بالسلام , وخدمتهم رائعة
ومتمرسين .. عندهم كل يوم 22- 52 حالة تكميم
واكثر ثلاثة دكاترة يسوون التكميم في السلام
هم
محمد براك الهيفي - خالد العنزي - خالد الشرف
صحيح قبل لا انسى ,
واحد من ربع زوجي .. توه قبل فتره سمعت عنه
نزل في 4 شهور 64 كيلو
وعلى قولتهم صار مزيون
ويبي له بعد
بس تغير حييييييييييييل ونفسيته حيل تغيرت
ربي يجزاج الجنه والله كلامج حيييييل ريحني
سويها وانتي تضحكين
حبيت تعبيرج والله يا حبيبتي انا نفسج من يوم ما قلت خلاص بسوي العمليه احس ربج ييسر المبلغ تصدقين للحين ما معاي كل المبلغ لكن سبحان الله احسه يتيسر حتى زوجي يقولي ربج ميسرها للعمليه
والحمد لله بعد كل صلاه وقبل لا انام اصلي استخارة والحمد لله والله ما احس الا براحه واطمئنان
لكن الانسان الا ما يخاف احيانا احس برعب واذا تعوذت من ابليس وصليت استخارة احس براااااحه
ودورت النت صفحه صفحه وكلمه كلمه وشفت اليوتيوب حتى حضرت العمليه كامله ع اليوتيوب والله اني ما خفت منها ع العكس احسها سهله
انا الي اكثر شي مخوفني البنج وانا قلت حق الدكتور انه اسمع في وفاة احيانا بالعمليه قالي انه نسبة وفاة الانسان بفراشه اكبر من نسبة وفاته بعمليه
تصدقين امس بالليل مانمت وانا افكر بكلامج وسبحان الله ارتحت وحتى اقول حق نفسي ما اتوقع انه مخاطر العمليه اكثر من مخاطر السمنه
والله يا اختي احس داخلي انثى تبي تحرر وتنطلق مثل الفراشه بالحياة
من طول عمري والكل يقول ما شالله حلوة وانا الحمد لله حلوة لكن شنو الفايدة اذا الجمال مندثر تحت اكوام الدهون
والله حاولت انزل وزني واحيانا كنت انجح لكن مشكلتي اذا صارت مشكله وقمت احاتي وافكر ما ابطل اكل
المشكله لما تشوفين زوجج يطالع غيرج وما تقدرين تكلمين والله ما الومه عايش مع فيل
خلاص تعبت ابي اعيش حياتي
يااااااااه قد ما سولفت عورتلج راسج
سامحيني لكن من حرتي اسولف والله
