ما احب ريلي :'(

[Kamla:)]

شلونكم بنات

انا عروس توني بالصيف تزوجت

تزوجت واحد وما احبه كلش كلش مو قادره احبه

انسان بليد مايصلي سوالفه مليقه وكريهه واقعد معاه امل اطلع معاه ممل

شي مو طبيعي اكرهه واكره عمري لما اقوله احبك وانا ماحبه

مميزاته وايد بنات ولد عايله ومعاشه قوي واهله ذهب واهو محترمني وحاطني فوق راسه ولو اطلب اي شي يابه لي

مصروف يعطيني من غير لا اقول 500 دينار بالشهر

مخليني على راحتي اطلع اروح ارد

بس بنااات فيني غصه ماااااااحبه والله ماااااااحبه شسوي

الكل حق اهلي كلهم امثل اني مرتاحه وفعلا نفسيا مرتاحه لانه عيشتي وروتيني قبل الزواج اهو نفسه ماتغير

بس صرت مرت فلان

اهو مغرقني هدايا وانا ولا مره اهديته شي لانه مو هامني كله البس بجايم قمصان قليل

اهو صاير ولا شي بحياتي

ابي اصير نفس البنات احب ريلي وابي رضاه بس انا لااا ماحس بهالشي

اذا اتصل علي اتأفف مالي خلقه لي درجه مرات اكم عالسماعه ! ما افقده عادي لو يوم كامل مادق ولا مايا البيت ما اسأل عنه


والله بنات ضايق خلقي حيييييييل وصاكه فيني الدنيا

ودي احب زوجي بس مو قاااادره انا شخصيتي غير عنه 180 درجه

مااادري احس ظلمت روحي بهالزواج ليتني ماتزوجت

والله اكتب وانا قاعده ابجي طبعا لو ابي الطلاق ماكو سبب مافيه شي

اللي عندها كلمه سنعه ترد

واللي ماعندها لا ترد احسن ماني ناقصه ضيقه وهم

 

[شادن33]

يا ربي اشسالفه ماحب ريلي وماحب ريلي ياعمري انتي توج بسم الله متزوجه وتبين تحبينه اصبري اشوي شوفي مواقفه وياج تعاملاته وسلوكه معاج مع اهلج والحب ايي مع الايام وتكتشفينه وياه مع أني اشوف مميزات حلوة فى ريلج. الا سالفه الصلاه وبليد يعني من اي ناحيه حبيبتي

 

[مناير ...!]

خلي عيوبه وركزي بمميزاته
اكو موده بين الزوجين مو شرط تحبينه
موده احترام عطف حنان
حاولي تخلين عنج عد عيوبه وتنسين سالفه مااحبه
وتبدين تفكرين بمميزاته

 

[انا لحبيبي .]

يمكن انتي واهمه نفسك هالشي ، لانه ببالك هالشي

اسجدي لله وادعي انه الله يحنن قلبك عليه ويجعلك تحبيه ، ضلك اطلبي من الله تعالى هالشي

الله يهدي البال ويصلح الحال يارب العالمين ..

 

[توتا حمرا]

اذكري الله ماصارلج شي من تزوجتي
حاولي انج تتقربين منه تطالعي مميزاته وحبيها واحمدي ربج ان حطاها في زوجج
والحب يجي مع العشرة

 

[بنت الاحلام]

حبوبه مبين ريلج زين بس انتي مو معطيه نفسج فرصه تحبينه

لا تطالعين حق عيوبه طالعي حق حسناته

ولا تسوين جذي

تظلمين نفسج

والرجال معاج

 

[tunaQ8]

شلونكم بنات

انا عروس توني بالصيف تزوجت

تزوجت واحد وما احبه كلش كلش مو قادره احبه

انسان بليد مايصلي سوالفه مليقه وكريهه واقعد معاه امل اطلع معاه ممل

شي مو طبيعي اكرهه واكره عمري لما اقوله احبك وانا ماحبه

مميزاته وايد بنات ولد عايله ومعاشه قوي واهله ذهب واهو محترمني وحاطني فوق راسه ولو اطلب اي شي يابه لي

مصروف يعطيني من غير لا اقول 500 دينار بالشهر

مخليني على راحتي اطلع اروح ارد

بس بنااات فيني غصه ماااااااحبه والله ماااااااحبه شسوي

الكل حق اهلي كلهم امثل اني مرتاحه وفعلا نفسيا مرتاحه لانه عيشتي وروتيني قبل الزواج اهو نفسه ماتغير

بس صرت مرت فلان

اهو مغرقني هدايا وانا ولا مره اهديته شي لانه مو هامني كله البس بجايم قمصان قليل

اهو صاير ولا شي بحياتي

ابي اصير نفس البنات احب ريلي وابي رضاه بس انا لااا ماحس بهالشي

اذا اتصل علي اتأفف مالي خلقه لي درجه مرات اكم عالسماعه ! ما افقده عادي لو يوم كامل مادق ولا مايا البيت ما اسأل عنه


والله بنات ضايق خلقي حيييييييل وصاكه فيني الدنيا

ودي احب زوجي بس مو قاااادره انا شخصيتي غير عنه 180 درجه

مااادري احس ظلمت روحي بهالزواج ليتني ماتزوجت

والله اكتب وانا قاعده ابجي طبعا لو ابي الطلاق ماكو سبب مافيه شي

اللي عندها كلمه سنعه ترد

واللي ماعندها لا ترد احسن ماني ناقصه ضيقه وهم

يعني شنهو مفهوم الكلمه السنعه عندج اني اطبطب عليج وقولج خنتي حلي

شوفي حبيبتي لا عندي رد بس ماراح يعجبج لان ماراح يكون على هواج .

أقول تحمدي الله على زوج شاريج ويطالعج مطالع موقصر معاج وانتي تعترفين بنفسج

أما سالفة الصلاة دين نصيحه وانتي تقدرين بطريقتج تغيرنه بس انتي ماودج علشان يكون عذر بكرهج له.

يوم انتي ماتحبين الريال ليش وافقتي على الزواج منه .هذا دليل انج يايه على طمع يوم طاح الفاس على الراس يايه أتشكين . شذنبه ليش الزواج لعبه تلعبين فيه وليما تملين منه تغطينه.

تقولين بليد من اي ناحيه بليد اصلا انتي ماعطيتيه فرصه توكم متزوجين .

غعدي معاه شوفي شنهو يحب شنهو يكره مايصير تحكمين على زوجج وانتي ماكملتي سنه حرام وأنا وخيتج.

أدري أن ردي قاسي شوي بس هذا الصج . والكلام العدل ماينزعل منه . أتمنى اني ماضيقة خلكج. فكري بالي قلته لج.

والله يسعدكم..........:yaaaaaarb:

 

[Hello_kitty]

الموضوع كله بصوب وجمله احس اني ظلمت نفسي بهالزواج بصوب!!!

كل هذا وانتي طالمه نفسج وتشوفين نفسج مظلومه والله مسكين محد غيره مظلوم بهالزواج ومعاج

عروس توج تلبسين بجايم ولا عمرج اهديتيته شي وتكمين عالتلفون وماتسالين عنه كلش؟؟

الله يعينه مسكين يستاهل وحده تحبه وتدلعه وحنونه عليه وتداريه

تدرين شنو الحل لما يكشت في وتتغير معاملتهرلج ويصير ناشف وجاف معاج ويمكن بتصرفاتج
يروح يدور الحب عند وحده غيرج والبنات ماشالله شكثرهم سنع وجمال واخلاق يتمنونه واهو
موناقصه شي ساعتها بتعرفين قيمته وبتفرفرين من الحره عليه وتركضين وراه وتذلين عمرج عشانه


نصيحه حمدي ربج وصوني النعمه وحاولي تتغيرين وتدعين بصلاتج ان الله يالف ما بينكم وتقومين بواجبه
ترى النعمه زواله الواحد مو زين يتبطر ويشوف نفسه

 

[أم ميميتو]

حبيبتي حمدي ربج على النعمه الي انتي فيها واذا هو مثل ما تقولين يحبج وما يردلج طلب عيل انتي غيري الاشياء الي ما تحبينها فيه او مو عاجبتج فيه والله يهديج

 

[Sweetq8]

هههههه انتي مومشتهيه اتحبينه

انتي بالاول احترميه و قدريه و بعدها الحب يجي بالطريق

بس انتي همج الماده و الواجه الاجتماعيه و بس الطاهر مسكين يكسر الخاطر

 

[أحلام مؤجلةة]

حبيبتي خليك ع راحتك لمن تقدرين تتااقلمين عليه وتتعودين ع ان يكون نصك الثاني
وهو باين انه يحبك ولا يبي الا رضاك فصدقيني اي شي بيجي منك ماراح ياخذ ع خاطره لانه يحبك ويبيك
ومع الايام والعشره بتحبينه شوي شوي بس لاتبينين قدامه انك ندمانه او ماتبينه حرام مايستاهل

 

[_أم فهودي_]

الله يهديك وييسر أمورك انا اقول يمكن انتي ما تعرفين تحبين أو ما عندك أسلوب في التعامل عشان كذا مو حابته ويمكن هو الحين بنفس الشعور اللي تحسين فيه تجاهه ومو عارف اشلون يقولك .. بس ما شاء الله أحسه مره زين من كلامك عنه حرام ما يستاهل .

 

[جروح ودموع]

الله يهديج ان شالله ريلج مثل ما قلتي وااايد زين حمدي ربج وتعوذي من ابليس

 

[الشهد كله]

لولا إني متزوجة من سنين جان قلت لج تبادلين وتزيديني :d:d:d

يعني ريال قايم فيج وصارف عليج ويحبج ومداريج وانتي ما تحبينه

شنو مفهوم الحب بنظرج ؟؟؟؟؟؟؟؟؟؟

إذا على الصلاة انتي بإمكانج تكلمينه وتقنعينه وتنصحينه طالما انتوا معاريس ويسمع

لج كل كلمة وما يردج وإذا انتي تبين أي شي ضده ومخلية الصلاة عذر ومسويتها

شماعة حرام عليج خلي الريال بحاله وخليه ياخذ له واحدة تقدره وتحس فيه !!!!!!!

أقول حبيبتي مسكي مينونج لا إيي لج اللي أين منه !!!!!!!!

ترى أمثال اللي عندج نادر وجودهم هالأيام

عسى الله يهديج ​

 

[tbola]

الله يهديج ياربي عندج ريال ذهبه لا تخربين حياتج بيدج ومخليج على راحتج شنو تبين اكثر

 

[Kamla:)]

بنات فهوني انا تزوجت تقليدي وما اعرفه كلش خطبني عااادي
والصراااحه لما ملجت كنت بفل كل شي بس بعدين كلهم عارضوني
وقالو زين حرام عليج بتحبينه بعد الزواج
للاسف مووقاااادره
اللي تقول طمع الله يساامحج ياارب لاني ماااعرفه كلش
انا موحابته لانه ماطلع الشخص اللي اتمناه مو اهو اللي اتمناه زوج لي
انا اتكلم عن شخصيته واسلوبه ياااهل ما يعرف يسولف وعلي نياته حيييل بسرعه اقص عليه ويصدق!
فهموني بناااات

 

[الزيـــــ^^ـــــن]

الحمدالله والشكر

ناس ترفس النعمه بريييلها

اقووول دام يحبج تقدرين تغيرينه بايديج وتخلينه يصلي

بس انتي مو حامده ربج عالنعمه ,,, تبين واحد يمشيج عالصراط المستقيم علشان تحبينه

ناس موحاصلها ريل وانتي ريل ودلال شتبين بعد

 

[شادن33]

حرام عليج ليش تقولين جي علشان ريلج على نياته ويصدق اي شي شنو تبين واحد داهيه يعرف يخطط ويلعوزج شوفي أنا اعرف وحده جذي نفسح وريلها طييييب ويصدق اي شي وهي تقول نفس كلامج احسه بأهل ومايعرف شي تعالي شوفيها الحين مستانسه وتفاخر بريلها

 

[كـ غلا ــلي]

مرات الانسان ما يحس بالنعمه الا لمن يفقدها فانا اقولج ما لي عليه عطي نفسج مجال مع العشره

بتتعودين عليه ودامه زين معاج عالاكيد ما تقدرين تكرهينه اذا ما حبيتيه بعدين اللي يشوف مصايب

غيره مثل هالحريم اللي ريايلهم يخونونهم ولا يمدون ايدهم والله انه حالتج تهون عليج واذا انتي معزمه

ما تبينه ترا الكويت ترس بنات والف وحده م وحده تتمناه

 

[LADY~O$CAR]

احمدي ربج واشكريه
انه ريلج يحبج ويعزج

الناس تتمنى من ريلها يجيبلها ورده من الشارع مو شرط من المحل

الله يهديج ويصلحج