ما احب ريلي :'(

[Kamla:)]

بعد عمري كوين كلامج اينن انا راح اصلي ادعي ربي يحبب قلبي بزوجي لاني جد مابي الطلاق بس حيل ضايق خلقي :'(

 

[leeny]

الله يهدي البال ويصلح الحال يارب العالمين ..

 

[جوري 2007]

قبل كل شي ادعي

ادعي ربج وايد وايد انه يحببج فيه ويريحج معاه ،، ثاني شي احتسبي الاجر بعلاقتج معاه وحاولي انتي اطلعينه من جو الملاقه

روحووا اماكن فرفشه ووناسه ،، سافروا دول مغامرات مثل بوكيت والا استراليا وعيشي جو الوناسه وياه وخليه يحب الحياة

بجذي تتغير شخصيته شوي ،،

 

[ام يوسف2011]

حبيبتي سبحاااان الله انتي نفس شخصيتي من ناحية القرآءه والاهتمام بالدورات وكتب والثقافه

الله يسلمج تقدملي واحد نفس زوجج ولما اسألوا عنه ماامدحوه وايد مع ان من العايله وسبحان

الله بعده عن طريجي وماخذيته مع اني بالبدايه انغشيت فيه اهله امدحوه وايد بس الحمدلله ان

ماصار نصيب وخذيت ولد عمي بس مااقولج ولد عمي مثقف وجذي بس احسن من هذاك وايد وبقولج

شي مع ان ولد عمي بس ماكنت اعرف عن شخصيته ومواقفه والله ان تغير وصار نفس الي انا احبه

حبيبتي مو شرط يكون مثقف وله هاوي كتب انتي اخذيه بيدج وروحوا محاضرات ودورات ومثل

ما انتي تغيرتي خليه يتغير معاج وانتي دايما سولفيله قوليله قريت بالمنتدى ان وحده ريلها يسويلها

جذي والله حركته حلوه وانتي عاد الي تبينه وصليله بهالطريقه وقطيه علي راس المنتدى انتي جاولي

تغيرينه وشييييييلييي من بالج انج تكرهينه انسي هالكلمه واكيد مدام انج تقرين تدرين ان الكلمه

السلبيه الي تكررينها ترسخ بالمخ .. رددي انا احب زوجي زوجي يحبني زوجي يصرف علي احسن

من حال غيري زوجي اقدر اغيره وجذي .. حبيبتي طمنينا عنج وشنو بتسوين .

 

[بطوووطة$بيضة]

ما اقول الا وعلية علينا احنا بنات الحمايل ...مالنا نصيب ...صج الدنيا حظوظ....اقول حمدي ربج على النعمة اللي انتي فيها....

 

[Kamla:)]

ام يوسف بعد قلبي والله كلاااامج عسل
صاجه ادري انها كلمه سلبيه بس لما القلب يطغى عالعقل شي موسهل والله
الله كريم ياارب
بحاول ادعي ربي ويحببه بقلبي وبسوي مثل ماقلتي ادششه دورات مفيده بس اخاف يقول شنو هذا ملل ولا ليش اقوله لانه اسلوبك موعاجبني لانك مو مثقف صعبه والله

 

[soraleon]

ابيج اتسوين شغله وحده تخيلي انه تزوج عليج ولا اكتشفتي ان يحب وحده غيرج شنو بتحسين في النعمه زواله حمدي ربج وشكريه

 

[Kamla:)]

مشكورين كل البنات اللي ردو واللي تطنزو هم مشكورين

 

[ديانا سبنسر]

احمدي الله ترى النعمة زوالة

 

[Kamla:)]

سراليون تدرين بالعكس بيكون لي سبب كافي عشان اتطلق
عالاقل اهو سوا شي ضايقني فيه سبب مو ماكو سبب

 

[ام يوسف2011]

حبيتي في محاضرين دكاتره ممتااااازين واسلوبهم يجذب يخلي الي مايحب الدورات غصبن عنه يحبها

وفي دكاتره يمللوووون حتي لو كلامهم حلو بس يمللون انتي اخذيه عند احد زين واسلوبه حلووو

واذا مثلا قال ملل قولي بدلع حبيبي ميخالف تحمل عشاني الصراحه انا مابي اروح بروحي ابيك

تكون معاي ومابي بس انا استفيد ابيك حتي انت بعد تستفيد حبيبي انت كل شي فيك حلو الا

انك شوي مومثقف وانا ودي نتثقف مع بعض واذا طلعتوا من الدوره قولي الله كلامه حلو

انا ودي تكون مثل ماقل الدكتور وانت تبي انا اكون مثل ماقال عنها ؟ عاد انتي فتحي مواضيع

خلي الريال يعرف شنو انتي تحبين ومدام يحبج اكيييد بيتغير واذا تغير حتي لو شوي مدحيه

لان الريال نفس الياهل اذا احد مدحه يستانس ويبدع ..

 

[ام يوسف2011]

وعلى الهدوم عادي انا ريلي الصراحه ماكنت احب وايد استايله مره رحت معاه سنتربويت واهو

مسك السله وانا انقي البديات الحلوه وطلع السايز وحطها بالسله وطبعا امدح البلوزه واقوله هذي

هالبلوزه مع بطرون جنز فاتح تطلع اتينن وااي حدي متشوقه اشوفها عليك وطبعا كل قطعه امدحها

عشان مايحس اني انا الي قاعده امشيه علي كيفي واذا في شي اعجبني بس اهو مومقتنع اتدلع

عليه اقوله حبيبي يالله عاد ابي اشوفها عليك عاد اخذي دلع ليما يرضى ولما يلبس جدامج اي شي

انتي شريتيه مدحيه وقولي واي اينن ماتوقعته بيطلع جذي عليك فديت ريلي

عاد حبيبتي صدقيني متى ماصرتي ذكيه والله بتغيرينه علي كييييفج فهمتي علي

تكفين لاتطنشين الكلام طبقيه وراح تشوفين السعد بحياتج ومثل ماقتلج شيلي

الكلمات السلبيه مثل اكره اهو مايعرف يلبس اهو يملل وغيرها

بدليها بكلمات مثل انا اقدر اغيره وخلي ريلج همج بالحياة انج تغيرينه

وتذكري انج مو ملاك ولا اهو ملاك فلا تغيرين كل شي ..

والله يوفقج ياقلبي واذا تبين اي شي اعتبريني اختج ..

 

[SHoSHoWa.PiNKYa]

حبيبتي اهتمي بريلج لا يطير من ايدج ،، والله باجر تتحسفين
البنات يتحلمون بجذي ريل وانتي ما تبينه !! اهتمي فيه والله اذا خسرتي بتحسين اهوا شنو
من وصفج امبين انه خوش ريل و يحبج !! لا تضيعينه و تضيعين نفسج
،، الله يلين قلبج و تحبينه ..و يوفقكم 

 

[دلوعة صلوح]

اب اب اب

 

[شادن33]

خلاص بنات البنت ماتبي نصيحه بس ترد وتبين اعيوب زوجها اللي هي في نظرها وتقهر البنات!!

 

[Kamla:)]

انا من ناحيتي استمع بهالمحاضرات

بس والله مشاركاتي قليله ولا جان دزيتلج بالخااص لاني فعلا محتاجتج

 

[Kamla:)]

شادن الله يسامحج والله الله يسامحج

 

[شادن33]

ايى شسوي بطيتى جبدي انقولج الريال زين وطيب وانتي معانده انقولج الحب ايي بعدين انت راكبه راسج الله يهديج

 

[Kamla:)]

انتو لانه موحاسين باللي فيني لو بس تكونون بوضعي بتحسون
حسبالكم انا مابي احب ريلي بالعكس حاولت وليلحين احاول
ادري فيه مميزات يمكن مثل ماقلتو انا مااستاهله بس هم اهو مايستاهلني من جذي بالبدايه اقول ظلمت نفسي بهالزواج
لاني احسن استاهل احسن منه
المهم انا الحين بحاول احبه وادعي ربي وادششه دورات تطوير الذات

 

[شادن33]

الله يهديج حبيبتي ولاتظلمين بختج انتي الحين اصغيره ولازم اتشاورين حد اكبر عنج وفاهم