اتقوا الله يالمعلمات

[**دلوعة**]

السؤال اللي يطرح نفسه و كلهم يلفون و يدورون


ليش المعلم لما يطلب يحقوقه يقولون فيه فئة منكم ما تستاهل

ولما الباجي يطلبون سييدة ايي تستاهلوون


الحين ترا اذا معلم فاشل


خير من طبيب فاشل

مافقدتوو احبابكم بعملية بسيطة ؟؟؟


انزييين سؤال

المهندس اللي بنى منطقة مشرف و فاضت عليها المجاري وليلحيين يعابلون فيها

هذيل يستاهلون كادر


ام الهيمان و مادري وين


الداخلية اللي ذبحو المطيري و تستروو عن الف جريمة هذيل يستاهلون


كلهم يستاهلون موو

بس المعلم لما مجموعة عنده درجات مرتفعة يطلع عنده راسب واحد بسسسسسسسسسسسسسسسسسسسس

هذا ما يستاهل


؟؟؟؟؟؟؟؟؟؟؟؟؟؟؟؟؟؟؟؟؟؟


موو احنا ما نستاهل ولا شي


ولا هذا من الحرة اللي فيكم


؟؟؟؟؟؟؟؟؟

بس سؤال على شنو محترين ....


على شنو


افتكر المدرسة مطابقة لقسم الحياة الزوجية


و مشاكل و الحمولة و الجنه


و صدقيني الخالة و الحماة و الجنة ارحم من الوكيلات و الناظرات


بس سؤال اللي محترة


على شنو بافهم


واذا اقرو كادرنا ؟؟؟؟؟


شنو المشكلة


انا دشيت على وافدتين حصصهم ويييع ويييع و ييييع


ماراح اقوول الجنسية


يحاجون رووحهم



اصلن يشرحوون و يكملون و يسالون و اهم يجاوبون على سوالهم


يعني الطالبات موجودين ولا لا سيان


الشرح ماشي ماشي


بس الكويتية اللي تتعب و ينهد حيلها هذي ما تساهل


بنت ديرتكم ما تستاهل مووو


والله اذا انتو باترددون عبارات ماتحبون الكويت



ترا انتووووووووووووو اللي ماتحبون الكويت

لأنكم ما توقفون ويا عيال ديرتكم


ماتحبون الخير لبنات ديرتكم


الابلات هذيل

كانو امهاتكم و الحين خواتكم و بنات خوالكم و خالاتكم و عماتكم و عمامكم


ما يستاهلوون موو ؟؟؟



وبس اللي اتقووول الخداامة تدريييسها احسن من الابلة

اكيييد احسن ما هيي اثبتت بالبداية انها احسن منج كأم ماتديرين بالج على عيالجو اتدرسينهم


اتقطينهم العصر على دروس التقوية و البنات و الصبيان هابين بالمواعد

شوووووووووووووووووووووووووف عيني لما خذيت دورة يم مدرسة تقوية



لا اتقولييين لا و ما لاا


انتي يا ولية الامر اتقطين الحجي فا تحملي الحجي اللي ضدج


هذا شي



والله انا ما اقوول اولياء امور كلهم


والله انه فيه اولياء اموووور يهبلووووووووووووووون و ينحطون عالجرح يبرا

يهمهم عيالهم


بس فيه اولياء امووور لاا هذيييل صعبة صرااحة صعب ياخذون منزلة الام لانهم مو جديرين فيها




يبقى يا حبيبتي يا امينة المكتبة و يا السكرتيرة و يا الشؤون الطلبة

و الامهات



داام انه المدرسة معاشها زيين وماتشتغل ولا تكرف


ليش ما قدمتي عالتربية

واذا باتقولين مالج مقاقة لليهال و العيال


بس اثبتي وجهة نظرنا

احنا قدها


وترا لا انطق البنات و لا انسبهم


ولا انقولهم يا جزمة ولا يا تحفة ولا مغفلة ولا عبيطة مثل قبل الوافدين شبعونا طق و سب و لا انعلم اهلنا


بس الحيين الكويتية ماتسب وان سبت يااها تحقييق

يعني لا اتشكييين اتقولين يبت بنتي يكون مذكوور بملفها لا تخافين





بس تبوون اذكر لكم نقطة


يوم الاربعا قاعدة اشرح لطالباتي و اقولهم شنو الاسئلة اللي باتي بالقصير


ولا وحدة اتنط ابلة مو مشكلة المدرس الخصووصي مايقصر كلنا نتفق على مدرس و انتيمع ابييت فلانة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟




انتو السبب بفشل عيالكم


قطعوو الدروووس الخصووصية و حدو عيالكم انهم يفجون مخووخهم و يسالووووووووووووووووون


اللي ماتفهم الحجي صراحة خلاص ماينفع وياها اي شي

يبووووووووووووووووووووووي بعد جبدي والله كفيتي ووفيتي:rerrerek::rerrerek::rerrerek:

 

[أم أنور]

واي استغفر الله لييييييييش الحسد ليش
جان زين المشرفات ضحاوي ونيرو يوقفون هالعضوات اللي مناشبينه استغفرالله
حبايبي لاتبررون لهم مو لزووم سواء كنا نستاهل ولا لأ خلوهم يتكلمون من الحين لي باجر

 

[PuPa^^SWeeT]

:eh_s(7)::eh_s(7):

PuPa^^SWeeT
عفيه عليج كلامج عجبني صح

حبيبتي والله


كله يمعته و طلعته

 

[PuPa^^SWeeT]

يبووووووووووووووووووووووي بعد جبدي والله كفيتي ووفيتي:rerrerek::rerrerek::rerrerek:

يا بعد قلبي انتي



هههههههههههه



:eh_s(7)::eh_s(7)::eh_s(7):
:eh_s(7)::eh_s(7):
:eh_s(7):

 

[catt]

باختصار اتقي الله بكلامج انتي

 

[Toggi]

عاشت بوبا سويت عاشت والله بردتي جبدي في ناس ماينفع معاها كلام العقل لان ماعندها عقل عاشت بوبا عاشوا المعلمات وماخذين الكادر ماخذينه موتوا حرررررررره

 

[kuwaitya_zoGaa]

انا مايبطون جبدي الا على كلمة خسرتوا الدوله وخسرتوا الدوله ؟؟؟
مادري اشخسرناهم فيه ؟؟؟
عيل النفط والكويتيه والجمارك اللى خسروا الكويت ملايين شينقال لهم ؟؟؟
حبايبي طول عمرنا واحنا ندفع من جيبنا حق التربيه وطول عمرنا واحنا نشكي شوفو المواضيع بالقسم مسطره من سنه الف وحطبه هالشي مو يديد بس لانه ازمة الاضراب فتحت عيونكم على معاناتنا
الوسائل التعليمية سنويا مو اقل من 70 دينار اقط عليها ولاهو عاجب ولا ويايينج هالسنه يقولون لنا نبي وسيله فنتق ؟؟؟ مانبي اوراق تتعلق ؟؟؟بالله الفنتق اللى بسويه الوحده مو اقل من 40 دينار ؟؟ لازم سنويا اسوي لى مرسم من الالف الى الياء من صبغ الى ديكورات وتكلفته ماتقل عن 500 دينار !!! والا اعتبر ما سويت مرسم نموذجي !!
بطاقات الاعياد حق الاداره والمنطقه التعليميه هذى تكلفتها ماتقل عن 25 دينار !! برنامج الاذاعه سم .. تنسيق الاداره ... صبغ ممر الصفوف وغيرها .... الخ ها اكمل ؟؟؟ اقول جم قطيت على الوزارة ؟؟؟ وتييج اخر شي السنعه المديرة وتقول لج والله ماشفت انجازاتكم هالسنه ؟؟؟؟

 

[NODA 2]

اتضحي من كلام المدرسات ان غير التدريس عندهم شغل كراف
اوكي امنه بالله يعني مثلااا لو لو قلنا انتي يالمدرسه بس ادرسين ليش ما ادرسين بضمير ليش عيالنا كله مو فاهمين ليش بالوقت هذااا نص الطلبه تعتمد عالمدرس خالص السبب تردي التدريس من قبل المدرسين بالكويت صار همهم المعاش وبس
اليوم افتكر معاش المدرس يكفي ولله الحمدالله والي تقول عندنا تجهيز وسائل وغيره وغيره وغير يعني تفهمني ان انتي ما تدرين قبل لا تصرين مدرسه ان كل هلاشياء راح تكون من مصروفج الخاص اكيد عندج خبر اميه بالميه يعني بلا تشكي و تحلطم
وعلي فكره ترا المدرس بالكويت تحديدا فرقه عن بااااااااااااااااااجي مدرسين العاااااااااااااااااااااااالم كله هاا مو بس العالم العربي لاء العاااااااااااااااالم كله ياخذ اعلي معاش بالنسبه للضروف المعيشه واذا مو مصدقين سالووووو معاشات المدرسين بالعالم كله من ادني الرواتب في كل المهمن طبعا الا الكويت ولله الحمد واذا مو عاجبكم طلعوووو أداريين وخلصنا وبلا تشكي وتحلطم و راح تشوفون شلون راح يفرق معاشتكم وياكم وابشركم ما راح يعجبكم لا ان راح يفرق عليكم تقريبا 200 دينار وراح اتردون مدرسين وهم تتشكون وهذا هووو حال الشعب الكويتي كل من طمعان بالكادر و للاسف محد يستحق الكادر انتو شغلتكم و تخصصكم مو نادر اللهم الي تخصصاتهم نادره هم فعلا الي يستحقون هالشي مثلا مدرسات الرياضيات والعلوم ام الباجي سلامات حبايبي وعلي فكره مدرسين الكويت دايم يبون المدرس يم بيوتهم هذا موضوع ثاني بعد هههههههههههههههههه وكل هذا ومايعجبهم


وبالنسبه لي التدريس من اصعب المهن يبيله طولت بااااااااااااااااااااااااااااااااااااااااااال و نفس طويل واهني اللهم يا كافي المدرسات جباريت كل ما حاجتيهم عطوج اسطوانت احنا ما نتعب وما نشقا و ما نحط و سائل و خرابيط خرابيط الخ امبلاا احنا ما قلنا شي بس هذا ضريبه كل وظيفه وانت اخترتي التدريس بنفسج محد طقج وقالج غصبن عليج صيري مدرسه خلاص تحملي

وصاحبة الموضوع صج صج شكرا شكرا علي طرحج ولا تقولون محتره ولا اغار لا الحمدالله انا وحده ماعندي طاقه مثلكم الله يخليكم حق وظيفتكم وان شاء كلكم تصيرون ناظرات بالمستقبل و و مراقبات

 

[Om_Ksha]

عاشتت بوووووووووووبا مع انى مستقيله ومالى شغل بس حاااااااااااسه بمعاناتكم وليلحين متأزمه عقدووووونى التربيه

 

[lala2]

الرزق عند رب العالمين
يرزق من يشاء بغير حساب.. ونعم بالله

 

[wjdan]

مساء الخير

ودي اتكلم عن بعض اولياء الامور

خاصة ان الكل يتكلم عن المعلمين

دائما يقولون اشتغلو بضمير كل الطلاب مدرسين خصوصين والسبب المعلم

بقول موضوع صار لي عشان الكل ينتبه قبل لا يتكلم

وليه امر جتني تقول بنتي عندها مدرس وتروح معهد (مصيبه كل هذا والبنت ساقطه)

هذا يدل على شنوووو

طبعا رديت عليها قلت لها مو محتاجه هذا كله بس لو تنتبه معاي

المشكله اغلب الطالبات جايين للمدرسه جذي عشان بس يشوفون رفيجاتهم ويضيعون وقت

لانهم معتمدين على المدرس الخصوصي

طيب هذي المشكله من منو ؟؟؟؟ (من المدرس طبعا ما يفهم ---> مسكين هالمدرس)

ومثال اليوم بنتين عندي بالصف سوالف من تحت لتحت بالاوراق صدتهم

وكلمتهم بره الصف ردت علي وحده منهم انا اصلا مو فاهمه (طبعا من المدرس )

رديت عليها اصلا انتي من اول السنه مو معاي سكتت ما فتحت حلجها بكلمه

هذي بعض النماذج

لا والمصيبه الاكبر اولياء الامور

الاسبوع الي طاف كان في اجتماع لهم

وحده من المدرسات غابت لظروف (عمرها ماغابت حيييل ملتزمه بداومها)

سالت وليه امر عنها تعرفون شنو ردت علي (اي خليها ترتاح بالبيت ) رد باستهزاء

عيب والله اذا اولياء الامور جذي ما الوم الطالبات بتصرفاتهم

اتقوا الله بالي تقولونه

وللعلم انا ما ابي الكادر متنازله عنه اذا اقروه

بشرط يهتمون بالمناهج والنظام المدرسي

 

[اريج الجوري]

عزيزتي صاحبة الموضوع استريحي

عزيزاتي المعلمات الحقران يقطع المصران

 

[الغنج والدلع]

معاج حق كل من هب ودب قام واعتصام واضراب على شنو والله الحكومه مومقصره واذا مقصره في طرق ثانيه غير الاعتصامات والشيخ صباح الله يطول بعمره مغرقنا بخيره احمدو ربكم وحطوا مصلحه الكويت نصب اعينكم والله شي يعور القلب التربيه والقانونيين والعسكريين وماادري منو حتا الطلبه الله يصلح الحال ويحفظ كويتنا من كل شر يارب

 

[PuPa^^SWeeT]

عاشتت بوووووووووووبا مع انى مستقيله ومالى شغل بس حاااااااااااسه بمعاناتكم وليلحين متأزمه عقدووووونى التربيه

افتكيييتي عيل هههههههههههههه



عاشت ايامج هههه

 

[PuPa^^SWeeT]

عاشت بوبا سويت عاشت والله بردتي جبدي في ناس ماينفع معاها كلام العقل لان ماعندها عقل عاشت بوبا عاشوا المعلمات وماخذين الكادر ماخذينه موتوا حرررررررره

عشتي يا قلبي

 

[كويتية222]

طيب وباجي الوزارات وموظفينها مو هالموظفين اباء وامهات ما خانوا الامانة ما خربوا هيبتهم جدام عيالهم لما اضربوا

المعلم مطحون بين سندان الوزارة ومطرقة المديرة ربي يفرجها عليكم يارب ​

 

[كويتية222]

انا مايبطون جبدي الا على كلمة خسرتوا الدوله وخسرتوا الدوله ؟؟؟

مادري اشخسرناهم فيه ؟؟؟
عيل النفط والكويتيه والجمارك اللى خسروا الكويت ملايين شينقال لهم ؟؟؟
حبايبي طول عمرنا واحنا ندفع من جيبنا حق التربيه وطول عمرنا واحنا نشكي شوفو المواضيع بالقسم مسطره من سنه الف وحطبه هالشي مو يديد بس لانه ازمة الاضراب فتحت عيونكم على معاناتنا
الوسائل التعليمية سنويا مو اقل من 70 دينار اقط عليها ولاهو عاجب ولا ويايينج هالسنه يقولون لنا نبي وسيله فنتق ؟؟؟ مانبي اوراق تتعلق ؟؟؟بالله الفنتق اللى بسويه الوحده مو اقل من 40 دينار ؟؟ لازم سنويا اسوي لى مرسم من الالف الى الياء من صبغ الى ديكورات وتكلفته ماتقل عن 500 دينار !!! والا اعتبر ما سويت مرسم نموذجي !!
بطاقات الاعياد حق الاداره والمنطقه التعليميه هذى تكلفتها ماتقل عن 25 دينار !! برنامج الاذاعه سم .. تنسيق الاداره ... صبغ ممر الصفوف وغيرها .... الخ ها اكمل ؟؟؟ اقول جم قطيت على الوزارة ؟؟؟ وتييج اخر شي السنعه المديرة وتقول لج والله ماشفت انجازاتكم هالسنه ؟؟؟؟

شكله اذا طبقوا البونص بيترحل الفائض من الميزانية مالت البونص الي عهدة الشيخ ناصر المحمد ويحولها لسويسرا والا لندن والا دبي استثمار لكم
واعليا عليكم يالمعلمات محسودات من فئة ما لو بس يجربون وقفة 90 دقيقة حصتين ورى بعض
بصف اولى ابتدائي خل يحسون شنو معنى التعب
ع الاقل المعلمة الكويتية وغالبيتهم يشرحون بذمة + ان ما عندهم نظام دروس خصوصية واضبط
مع اولياء الامور وسنة وحدة ويفكون سيارة اخر مودل (يعني موديل)
​

 

[دندونه@@@]

والله عيالنا وبناتنا يستاهلون الزياده ما ادري ليش احس المعلم عندنا مهان 

وبنفس الوقت اتمنى من كل قلبي إن كل معلم ومعلمه يكون تأدية واجبه وتربية الجيل بأمانه واخلاص اكبر همه

 

[مدمنــــة قهــــوة]

من صراحة من حقنا الإضراب حالنا حال غيرنا

و المعلم ألحين مو بس يدرس و يربي

لا >> يصلح ويشرف ويناوب وياخذ احتياط و يرصد ويدخل الدرجات حتى بالفرصة المعلم مو ملزوم يقعد مع الطالب بالصف عشان ياكل و يراقبه اذا وصخ الصف و لا لا << هذا كله مو شغل المعلم

المعلم مهنته التدريس و التربية و لازم يتفرغ لها عشان يطور نفسه ومن ادائه

انا معلمة لغة عربية ونصابي 18 حصة و الفرصة اقعد معاهم .. وماعندي وقت حتى احضر والله قاعدة اخذ دفتر التحضير وياي للبيت

هذا غير المكتبات وخدمة الطالب و الشغل .. بالله متى افضى حق نفسي و حق بيتي

هم بيتي يبيله مجابل مو بس المدرسة .. ومع ذلك يوم طالبنا بحقنا .. الكل اعترض

وقال ان المعلم مايستحق و ما يستاهل لأن ما يعطي بضمير >> ترا مو الكل ماعنده ذمة وضمير واصابع الايد مو سوا !!!

بصراحة نستاهل الكادر ما اقول جذي عشاني معلمة لا .. لان فعلا التدريس مهنة شاقة لولا المعلم ما كان الطيار و المهندس وووو الخ

هذا بس تكلمت عن النصاب و الشغل غير المدارس الخرابة والحمامات عزكم الله .. يعني حتى نفسيتج تصير اكس 9 معلمات بغرفة 4 ب4
ولا الحمامات ريحتها من وانتي ببيتكم تشمينها حشااااكم

تدرين ان الغرفة اللي احنا قاعدين فيها كانت حمام سابقا عزج الله والريحة الله لايوريج .. يعني بالعين موس و ساكتين

ومع ذلك الناظـرة مو عاجبها .. لاحمدا و لاشكوراا

والاضراب مو بس المعلمين اضربوا .. شكثر جهات حكومية والكل تنفذت طلباتهم الا احنا .. ليــــش ؟؟ شمعنـــى ؟؟

والله يوفق الجميع بحياته المهنية و العملية

ومشكورة عالموضوع

 

[PuPa^^SWeeT]

الحييين الجريدة الوطن بس منزلة اقرار الكادر


ليش مو باقي الجرايد


لايكون زعلانين ؟؟؟؟