مبارك " يبكى بشكل هيستيري بعد أن شاهد القذافي مقتولاً

[وردة-الكويت]

اللهم لاشماته

ولا حول ولا قوة الا بلله

 

[شلة بنات وبس]

نار جهنم بأذن الله تعالى يرمى كل من صدام حسين والقذافي والمعتصم وعدي وقصي وعلي الكيماوي ووطبان وبرزان وسبعاوى وفرعون وبشار الملعون وحسين كامل وكل البعثيين ومن يسمون انفسهم حزب الله ويتخفون تحت شعائر اسلاميه وعماد مغنيه وخميني وخامنئي وسجاده ايران احمد نجاده وسيف الاسلام وهانيبال وقارون وامثالهم يارب

 

[زوجي توأم روحي]

زين انا عندى سؤال واتمنى تجاوبونى

اذا احد دخل بيتج وباقج وانحاش

شنو التصرف السليم ؟
هل تروحين تبوقينه انتى بعد على مبدأ الجاهلية العين بالعين والسن بالسن والبادى اظلم ؟
والا تبلغين الشرطة واتخلين القانون ياخذ مجراه ؟

هل لازم انعامل الناس بأخلاقهم والا بأخلاقنا ؟؟

ارجوكم تفهمونى

انا قصدى ان الثوار غلطوا لما سوا جذى بالقذافى
لانهم مشوا على مبدأ العين بالعين

وهذى مو أخلاق الأسلام

والا لزم تكون عندنا شخصيتين وحده اسلامية نعامل فيها الاسلاميين ووحده غير اسلامية مع اللى مثل القذافى

واعتقد ان هالشئ غير منطقى وغير مقبول

بفرض ان القذافى اهوا ابو الجرايم كلها
ما يصير يسوون فيه جذى على نظام بوق البايق حلال

كا صدام اتحاكم وانعدم

وبعدين اللى تقول حرام الوحده تترحم على القذافى شنو هالكلام ؟
حتى الشيخ ب mbc ومو جود التسجيل باليوتيوب يقول ما يصير تكفرون القذافى وما تترحمون عليه

خلاص الريال عند ربه واهوا يحاسبه يمكن تاب قبل ما يموت يمكن يرحمه ؟

محد يعلم الغيب

حتى رئيس روسيا قال نقلا عن bbc أصبت بالغثيان وانا اشوف مقتل القذافى ويبى يفتح تحقيق

ولحد يقول انى ادافع

لا

انا ادافع عن وجهة نظرى اللى اشوفها صحيحة
وعموما اختلاف الرأى لا يفسد للود قضية

 

[بنت ليبيا 2012]

اهلا زوجي توأم روحي اختلافنا معك في الراي شي طبيعي ومن حقك انه تدافعي عن وجهة نظرك لكن بالمقابل اسمعوا الطرف الاخر وبعدين نحكموا عقولنا وفوق هدا كله احنا مسلمين وعرب وياريت نتناقشوا بعيدا عن السب والشتم واهانة الاخرين وهالكلام مش موجه ليك انت شخصيا موجه للكل بما فيهم انا وتري احنا كلليبيين الدنيا وما فيها ماراح تعوضنا بغالي فقدناه ولاحتعوض ليبية حرة شريفة عاشت عمرها وهي صاينة عرضها ونفسها وفجأة تغتصب وتعذب ولا حتعوض اسرة كانت امنة في بيتها وفجأة تلاقيه طاح وانهدم علي راسك ولا ولا ولا ...شنو نقوا شنو نخلي والله العظيم لو انحطيتي مكان الثوار لحظة قبضهم علي الطاغية ممكن تسوي اكثر من اللي سووه هما والانسان بشر وطبيعي تنفلت اعصابه ويفقد السيطرة علي نفسه من الظلم الي عيشنا فيه هالمجرم ... وللعلم معظم الليبيين كانوا يفضلون انه يظل حي ونقتص منه لكن ارادة الله سبحانه نفذت فيه ومقدر له انه ينتهي هالنهاية المذلة لعلها تكون عظة وعبرة لمن يعتبر من طواغيت العرب من بشار الي قاعد يبيد شعبه بس علشان الكرسي الي البقية ... وتحية مني لك

 

[بنت ليبيا 2012]

واكيد احس بناركم لأن والدي شهيد الله يرحمه وتعذب حتى ازهقت روحه الطاهره الشريفه على ايدي ازلام صدام الطاغي

شلة بنات الله يرحم الوالد ويغمد روحه الجنة ويجمعكم به في جنات الخلد بأذنه تعالي وعسي ربي ياخد حقنا احنا وياكم وكل مسلم مظلوم من الي ظلمونا

 

[زوجي توأم روحي]

شكرا بنت ليبيا لرقيج بالطرح:eh_s(7):

 

[دارسين]

روحي توأم زوجي شنو مبدأ الجاهليه

هذا مبدأ القرآن اذا ماتدرين جزاج الله خير العين بالعين

 

[الزورق222]

لااحد يقارن حسنى بالطغاة مثل صدام والقذافى واليمنى والسورى على الاقل انسحب بدون مايقتل شعبه ..ان شاءالله يطلع براءه من التهم اللى عليه ..
يمكن الشى اللى اشوفه على حسنى مبارك هو اغلاقه لمعبر رفح الفلسطينى فى وقت حاصرتهم اسرائيل وواغلق الحدود يمكن يكون احد داعى عليه واستجاب ربى دعوة لمظلوم فلسطينى اما المصريين فلهم الفخر بان يكون حسنى مبارك هو رئيس لهم ..

 

[serina]

موضوع يضيق الخلق. مو لأن مبارك يبجي على القذافي ولا لأن القذافي مات هالموتة. اللي يضيق الخلق إن شكثر ناس اهني قاعدة تطبل حق الظلام اللي استابحوا كل حرمات شعوبهم والأمر من هذا كله هالكلام يطلع من كويتيات عاشت ديرتهم غزو قتل وشرد وانتهك أعراض الله لا يعودها من أيام.

تترحمون على طغاة انتهكوا أهم حق بالدنيا وهو حق الكرامة! تقولون ليبيا غنية وشعبها بطران عيل ليش تشوفونهم مقططين في دول أوروبا وأمريكا؟؟ لسببين اثنين لقمة العيش والكرامة. لو فلوس الدنيا كلها عندي ما تعوضني عن ساعة أعيشها في ديرتي من غير كرامة.

اللي يقول الحق عندهم يعذبونه ويشردونه ويهتكون عرضه. للأسف تتكلمون وما تدرون عن جرايمه طول هالسنين!! مرة طلبة جامعيين سووا محاضرة في قاعة جامعة في ليبيا ينتقدون فيه وضع ليبيا المزري. ماخلصت المحاضرة وإلا القاعة بكبرها قاصفينها وهالشباب راحت أرواحهم هدر بسبة محاضرة!!!! القذافي لو كان مسلم جان ما حرف بالقرآن استغفر الله وأمر بإزالة كلمة قل من المعوذات والصمد من المصاحف المطبوعة في ليبيا. ما فسفس فلوس شعبه على العاهرات اللي كانوا محوطين ولده سيف الإسلام في سفراته لأوروبا وعلى حفلات خاصة تغني فيها بيونسيه وغيرها. ما قعد كل الأشهر اللي فاتت يبيد بشعبه الضعيف ويقصفهم بالطيارات. نسيتوا كل هالشهور اللي فاتت اللي انترست فيديوات الليبيين تصرخ وتستنجد وفوق هذا هالظالم استأجر عصابات أفريقية عشان تقتلهم وتغتصبهم؟؟؟؟؟

كل شي كوم ويوم ما حطوا المره الليبية اللي اغتصبوها أعوان هالحقير اغتصاب جماعي. ومن كثر ما اغتصبوا بالليبيات العفيفات اشكثر بنات وحريم راحوا لأخوانهم وأبهاتهم يترجونهم يذبحونهم قبل ما ايون هالزنادقة ويغتصبونهم!!!!! قسما بالله يومها دمعت عيني على خواتي الليبيات ودعيت ربي يفرجها عليهم.

تخيلوا هالحال اللي وصل فيه الشعب اللي كرامتهم صارت أرخص من التراب يصير لنا الله لا يقول. شنوا راح يكون ردكم لما اتيي وحدة ما تدري وين الله حاطها واتقول أنتوا شعب وسخ وتستاهلون اللي ياكم ورئيسكم بطل وشجاع؟؟؟؟ تنقدون على العرب اللي يترحمون على صدامو المقبور وتالي تسوون نفسهم وتترحمون على القذافي ومبارك وبشار؟؟؟؟ كلهم ظلام والله سبحانه قاعد يعذبهم عشان نتعظ إن الظالم راح يشرب من نفس الكاس اللي ذوقها شعبه. الله سبحانه يقول في أخر سورة البقرة (لا يكلف الله نفس إلا وسعها لها ما كسبت وعليها ما اكتسبت) سبحان الله كل ظالم قاعد يتعذب الدنيا على حسب الظلم اللي سببه لشعبه وإن شاء الله نهاية بشارو المجرم تكون أشد وأعظم عشان يكون عبرة للناس.


والله أخاف إيي اليوم اللي الناس تترحم فيه على فرعون وتقول حرام نطق بالشهادة قبل لا يموت!

اللهم أحسن خاتمتنا وأمتنا غير مفتونين.

 

[serina]

موضوع يضيق الخلق. مو لأن مبارك يبجي على القذافي ولا لأن القذافي مات هالموتة. اللي يضيق الخلق إن شكثر ناس اهني قاعدة تطبل حق الظلام اللي استابحوا كل حرمات شعوبهم والأمر من هذا كله هالكلام يطلع من كويتيات عاشت ديرتهم غزو قتل وشرد وانتهك أعراض الله لا يعودها من أيام.

تترحمون على طغاة انتهكوا أهم حق بالدنيا وهو حق الكرامة! تقولون ليبيا غنية وشعبها بطران عيل ليش تشوفونهم مقططين في دول أوروبا وأمريكا؟؟ لسببين اثنين لقمة العيش والكرامة. لو فلوس الدنيا كلها عندي ما تعوضني عن ساعة أعيشها في ديرتي من غير كرامة.

اللي يقول الحق عندهم يعذبونه ويشردونه ويهتكون عرضه. للأسف تتكلمون وما تدرون عن جرايمه طول هالسنين!! مرة طلبة جامعيين سووا محاضرة في قاعة جامعة في ليبيا ينتقدون فيه وضع ليبيا المزري. ماخلصت المحاضرة وإلا القاعة بكبرها قاصفينها وهالشباب راحت أرواحهم هدر بسبة محاضرة!!!! القذافي لو كان مسلم جان ما حرف بالقرآن استغفر الله وأمر بإزالة كلمة قل من المعوذات والصمد من المصاحف المطبوعة في ليبيا. ما فسفس فلوس شعبه على العاهرات اللي كانوا محوطين ولده سيف الإسلام في سفراته لأوروبا وعلى حفلات خاصة تغني فيها بيونسيه وغيرها. ما قعد كل الأشهر اللي فاتت يبيد بشعبه الضعيف ويقصفهم بالطيارات. نسيتوا كل هالشهور اللي فاتت اللي انترست فيديوات الليبيين تصرخ وتستنجد وفوق هذا هالظالم استأجر عصابات أفريقية عشان تقتلهم وتغتصبهم؟؟؟؟؟

كل شي كوم ويوم ما حطوا المره الليبية اللي اغتصبوها أعوان هالحقير اغتصاب جماعي. ومن كثر ما اغتصبوا بالليبيات العفيفات اشكثر بنات وحريم راحوا لأخوانهم وأبهاتهم يترجونهم يذبحونهم قبل ما ايون هالزنادقة ويغتصبونهم!!!!! قسما بالله يومها دمعت عيني على خواتي الليبيات ودعيت ربي يفرجها عليهم.

تخيلوا هالحال اللي وصل فيه الشعب اللي كرامتهم صارت أرخص من التراب يصير لنا الله لا يقول. شنوا راح يكون ردكم لما اتيي وحدة ما تدري وين الله حاطها واتقول أنتوا شعب وسخ وتستاهلون اللي ياكم ورئيسكم بطل وشجاع؟؟؟؟ تنقدون على العرب اللي يترحمون على صدامو المقبور وتالي تسوون نفسهم وتترحمون على القذافي ومبارك وبشار؟؟؟؟ كلهم ظلام والله سبحانه قاعد يعذبهم عشان نتعظ إن الظالم راح يشرب من نفس الكاس اللي ذوقها شعبه. الله سبحانه يقول في أخر سورة البقرة (لا يكلف الله نفس إلا وسعها لها ما كسبت وعليها ما اكتسبت) سبحان الله كل ظالم قاعد يتعذب الدنيا على حسب الظلم اللي سببه لشعبه وإن شاء الله نهاية بشارو المجرم تكون أشد وأعظم عشان يكون عبرة للناس.


والله أخاف إيي اليوم اللي الناس تترحم فيه على فرعون وتقول حرام نطق بالشهادة قبل لا يموت!

اللهم أحسن خاتمتنا وأمتنا غير مفتونين.

ما أدري ليش اختفى زر التعديل!
حبيت أعدل غلطة كتبتها. قصدت سورة الإخلاص مو الصمد. استغفر الله.

 

[AL NADA]

يبكيُ عششآن آلموت بالطريق خخخخخخخخخخخخخخ عقبال الاسسسدُ

 

[دآنة آلرشآيده]

لاحول ولا قوه الا بالله​

 

[BubbLe87]

اقول اللي تقول القذافي معيش الليبيين احسن عيشة خافي الله و اتقي ربج
شعب بالملايين بيسوون مظاهرة فجاة و لا ميانيين طلعوا يذبحون عمرهم
مادري ردود بعض البنات تستفز البني ادم
يعني كسر خاطرج القذافي لما انهان و مات و ما كسروا خاطرج الشعب اللي عشر شهور يذبح و يعذب و يغتصب فيهم
و لا تدعين لا ترد الدعوة عليج
ال القذافي معيشهم احسن عيشة
تابعوا القنوات و اقروا و تثقفوا سياسيا قبل ما الوحده فيكم تفتي

 

[BubbLe87]

سبحان الله عشان جذي الله منع الحكم للمراة
لو حاكمتنا مرة جان رحنا فيها
تفكر بقلبها قبل عقلها
اختي الليبية انتو شعب حر ابي رفض الظلم و سنين القهر و الفقر
و دافعتوا عن ارضكم بكل شجاعة
ما عليج من بعض النباح اللي تسمعينه هنا و هناك
فالكلاب تنبح و القافلة تسير
بالتوفيق يالغالية

 

[! بــدويه وآآيــد !]

معاج بكل حرف

والحين خلت الساحة بقى بشار اللى كان وراح يظل شوكة ببلعوم اسرائيل ربى ينصره يارب

،


ينصر بشاااار؟؟ ينصره على منو؟؟ على شعب حتى سكين مارفعوه بوجهه الشبيحه الجلاب؟؟ وبشار شوكه ببلعوم اسرائيل توني ادري؟؟ دام انه شوكه ببلعوهم ليش ماطلع جيوشه للجولان وحررها بدال لايطلع جيوشه على شعبه عاااري الصدر

حسبي الله ونعم الوكيل على هالدعوه صدمتيني

 

[نخارير]

،


ينصر بشاااار؟؟ ينصره على منو؟؟ على شعب حتى سكين مارفعوه بوجهه الشبيحه الجلاب؟؟ وبشار شوكه ببلعوم اسرائيل توني ادري؟؟ دام انه شوكه ببلعوهم ليش ماطلع جيوشه للجولان وحررها بدال لايطلع جيوشه على شعبه عاااري الصدر

حسبي الله ونعم الوكيل على هالدعوه صدمتيني

ســــم الله عليييج من الصدمـــة ( لا تستغربين من النوعيات )

 

[فلنتينو]

معاج بكل حرف

والحين خلت الساحة بقى بشار اللى كان وراح يظل شوكة ببلعوم اسرائيل ربى ينصره يارب

استغفرالله الظاهر من شبيحة بشاار

الله لاينصره ولا يوفقه قوولي امين ذبح شعبه
ليش ماشفتي شسوا بحماه وحمص عشاانهم سنه دمرهم دمااار

لاتعليييييييييييق بس

 

[! بــدويه وآآيــد !]

،


مادريت ان ردي هني مسوي زعزعه بـ الموضوع ؟
طبعا هذي برنسس فور ايفر طااااف ولا انزل نفسي لج ولا ارد عليج لان اسلوووبج وقح !

والاخت الي قالت ما اشوف العوضي الحمد الله اشوووفه واموت على كلامه وبرامجه عسى الله يجمعنا فيه بجنات النعيم
واترحم على شهداء ليبيا واكره القذااافي لانه يحرف لقران وغيره وغيره وغيره !

لكن السؤال مو لهم معاشات؟ مو الادويه ببلاش؟ مو لعلاج ببلاش؟ مو الماء والكهرباء ببلاش ؟ ليش الثوره ؟ والا هبه والا خطه اذا الحاكم مايصلي مالنا شغل الحين ماندري منو الي يصلي ومنو الي مايصلي هذا شي بينه وبين ربه

وتقولون زين سووا فيه اوكي زين سووا فيه ولااترحم عليه بس كسر خاطري يبجي يقول ارحموني حرام عليكم انزين جان عالجوه او حرقوه؟؟ تدرون انهم مغتصبينه؟؟ ومو مصدقين دشوا قوقل واكتبوا اغتصاب القذاااافي شوفوا شلون يدخلون فيه حديده ويضحكون اذا اهو ظلم ترى اهم ظلموا بعد جزااه الاعدام او يحرقونه مثل مايقولون العين بالعين ولسن بالسن مو يغتصبونه هذي نقطه سوده بثورتهم

وانا لما دعيت عليهم قلت الله يجيب لهم الي يفقرهم صج لان محد بيعشيهم مثل القذااافي بيوت وموفر لهم كل شي بتقولون يلع باموال الشعب هذا حاكم مانحاسبه ليش مايقول الكل نبي مثل اميرنا بيت وطياره خاصه الحاكم غير يلعب بالفلوس لعب بس يوفر لهم الي يحتاجونه

وعلى فكره ترى توني ادري عن مجازره قبل الثوره وفوق كل هذا اقول الله لايرحمه بس مايستاهل ان احد يغتصبه عيب والله عيب

والي تترحم على صدام وتقول عنه بطل اقول عسى الله يحشرج معاه بس بطل على شنو مادري ؟؟

ونهاوند حبيبتي شوي شوي لاتعصبين اي اظل بالزوجيه وباغاني اصاله وصورها وهني وبكل مكان يعجبني لاتحددين وين لازم اكون

ارتقوا شوي بالاسلوب لاتصيرون همج !!

 

[فلنتينو]

الله يرحم القذافى ويسكنه فسيح جناته
وحسبى الله عليهم الهمج
اللى ما رحموا عمر الشايب اللى بالثمانين وطاحوا فيه طق طراقات واهوا يقول حرام عليكم
وحتى لما مات مسكين ما خلص منهم

قاطينه عالأرض بدون ملابس ومسوينه فرجة
حتى حرمة الميت ما يعرفونها
صج صج همج

وولده المعتصم بشهادة الثوار نفسهم انه قاتل بقمة الشجاعة وما رضى يستسلم
وقال لآخر قطره بدمى

القذافى بطل
ما انحاش
قاتل لين مات
كان بامكانه يروح جنوب أفريقيا عنده قصر هناك وعرضوا عليه الجنسية لكنه رفض

واللى تقول لقوه ببايب المجارى

اقولها انها اصلا كان طالع بعدد من السيارات
وصار قصف الناتو يمهم
فاضطر اهوا واللى معاه يتركون السيارات وما لقوا غير هالبايب


لكن العرب يبيلهم 20 سنه علشان يفهمون اللى صار
لما انقتل صدام
الكل فرح وطار
والنتيجة ؟
شنو حال العراق الحين ؟؟
منو فيها ؟
وليش ؟
اعتقد توكم عرفتوا الإجابة بعد سنين وبنين

خلوا الدول الغربية تشوفنا واحنا نتذابح وتضحك علينا
وبعد المذبحة تاخذ الخير والنفط

اللي ايده بالماي مو مثل اللي ايد بالنار
ماذبحلج احد ولا تشتتلج احد
ولا ذقت المر اللي ذااقوه اهل ليبيا ولا مصر ولا سوريا

 

[أم فهووود]

لاحول ولا قوة الا بالله