تجمع خلاصة التجارب في المحاولة على الانجاب

[ثنايا الورد]

:eh_s(8):مرحبا صبايا وسيدات يارب تكونو بخيروسعادة وراضيين

اتوقع موضوعي مو جديد لكن مفيد ومتجدد لتجاربنا يعني كل وحده

عملت تجربة تلقيح او حقن مجهري او اي طريقة مساعدة على الانجاب

تفيدنا اول بأول بكل شي مرت فيه او شي غريب مر عليها اثناء العلاج

واخذ ابر التنشيط وكل شي هدفي نفيد بعض بتجاربنا ونفيد بالذات المقبلات

الجديدات واللي مالهم خبرة مسبقا:eh_s(15):

:eh_s(7):اول شي راح ابدا بنفسي

خلاصة تجربتي مع الحقن المجهري الاولى

1_ لما يتساقط شعرج انتبهي خصوصا لمن يكون بزيادة تراه عندج تكيس بالمبايض
يعني لازم تاخذين ال glucophage طبعا انا كان عندي تكيس بدرجه بسيطه والحمد لله
استفاديت على العلاج بسرعه وخف التساقط

2_ لازم تاخذين الدوا اللي هوglucophage ,وبطنج مليانه يعني ماكلة عدل وبعدها حبة شوكولاه او نتفة حلا ولا راح يصير معاج اللي صار وياي هبوط في السكرطبعا دوخه والدنيا سودة
طبعا ابدا ودايما خلي الفوليك اسيد صديقج مع الجوسبرين
طبعا انا راح اضل متواصله معاكم بتجاربي اول باول مع العلم اني باجر راح اسوي عملية السحب
وهم راح اخبركم تجربتي معاها وكل جديد يصير وياي
دعواتكم لي حبيباتي:eh_s(17)::eh_s(17):

 

[ثنايا الورد]

يهمني تواصلكم وبيسعدني تفاعلكم بالتجارب الجديدة
اتمنى الكل يشارك
خصوصا اللي قاعدين يحاولون نفسي​

 

[شموسة كيوت]

منكم نستفيد الله يسهل عليكي بكرة السحب يارب وتقر اعيننا بالذرية يارب

 

[ثنايا الورد]

شموسه كيوت اشكرج على تواصلج وردج انتي بعد ربي يحقق امانيج كلها
وينكم يابنات معقوله 24 قراءة ورد واحد بس نبي نستفيد من بعض قدر الامكان
لا تبخلون علينا بجديدكم وبتجاربكم موفقين للخير​

 

[قلوس وردي]

موضوعج رااااائع
بس انا للحين ما عندي تجارب
للحين ما بديت رحلة العلاج
الله يوفقج بعملية السحب والله يقر عينج بشوفة
ضناج يااارب

 

[ثنايا الورد]

غلوس وردي تحيتي لج يقلبي والله اني ادعيلكم وحده وحدة
واتمنى تتوفقون من اول محاولة لانه ترست وايد يصر على النفسيه
وهم على الجيب ههههه وانا صاجه بس كلها يهون عند شوفة الضنا
واليوم كان عملية السحب تعبت وااايد وعورني بطني
بس الحمد كانو مرررة يهتمون فيني ودلعوني وااايد ماشاء الله
اتمنى جد الكل يشارك ويانا نبي نستفيد منبعض بالتوفيق للكل​

 

[غلا عيوني]

الله يوفقج ثنايا ولايخيب تعبج يارب وتشوفين ضنج بحضنج قريب يارب
بس ماقلتي منو دكتورج؟؟؟وشنو وصلتي الحين للعلاج

 

[ثنايا الورد]

حبيبتي غلا عيوني تسلمين على الدعوة الحلوة من قلب حلو
والله كنت بكمل لكم بس تعرفين بعد عملية السحب وايد الم بالبطن
ونفخة وغازات الله يكرمكم عشان جذي ماكملت السالفه اللي فوق عموما
انا الحين اتعالج بالخبر عند دكتور سعد الدين القناوي بمركز سمير عباس
انسان راقي ومتحضر ومتفهم واستشاري فاهم شغله صح بالملم والله صج
يمكن ماراح افيد الكويتيات وايد بس اتمنى بنات الشرقيه يستفادون منه بس ان شاء الله راح
افيدكم بتجربتي معاه كامله وماراح اخش عنكم ولاشي كلكم خواتي واحبكم واتمنى لكم الحمل العاجل والسعادة
المهم ياستي لمن سويت امس السحب سحبومني 10 بويضات وراح يردون لي منها 3بويضات
وصف الدكتور القناوي مجموعه من الادويه وهي عبارة عن :

1_gupisone وهذا حق النفخه والحساسيه مرة وحدة باليوم لمدة 21 يوم

2_ابرinnohep وهذي الابر تشتغل على منع اي نزيف بالعروق وتمنع انسداد الدم داخلها
يعني تمنع التجلطات بعد عملية السحب طبعا اهي تاخذيها تحت الجلد لمدة 21 يوم وطبعا راح تلاحظين مكان طقة الابرة
احمرار او زرقان او خضار عادي يعني تلون الجلد لا تخافين وطبعا هالاب هذي مالها اي ردود عكسيه لانها تمنع مثل ماقلنا تجلط الدم وارتفاع الظغط وتسهل الغذاء للجنين

3_تحاميل cyclgest وهي لثبيت الحمل وتستمرين عليها لين موعد تحليل الحمل تقدرين تحطينها بالمهبل او بالشرج عزكم الله
بس اذا عندج بواسير لاسمح الله الافضل تكون عن طريق المهبل هذي نصيحه من دكتوري وهي مرتين باليوم كل 12 ساعه
والافضل لمن تحطينها تريحين لو ساعه عشان تاخذ مفعولها يعني احسن دشي الحمام قبل وتالي حطيها

4_حقن solo- medrol بعد عشان النفخ والتصلب والالم بعد عملية السحب وبس

اتمنى اني ماطولت عليكم غرضي بس تستفيدون ومثل ماوعدتكم راح احط لكم كل تجاربي اول باول
وتمنياتي للكل بالسعادة والحب والبيبي السليم المعافاه

على فكرة ادعولي وااااايد ترجيع اجنتي يوم الاربعاء فديتهم قبل لا شوفهم^____^​

 

[boliana_q8]

مشكورة عالتجمع
انا علاجي ليلحين بسيط
كلوميد
وبعدين اخذت ابرة تفجيرية وحللت قبل يومين ماطلع حمل معني ماخذة الابرة التفجيرية قبل 14 يوم
والحين الدورة مانزلت

يارب ياكريم ترزقنا بالذرية الصالحة
انا متفائلة بالله خير
وان شاء الله الله مايردني

 

[ثنايا الورد]

بوليانا يرب تكونين حامل بأذن الله حامل يختي لو لا الامل متنا وربج كريم
ان شاء الله ماراح يردج ومايرد وحده فينا
اسعدني ردج وايد
وان شاء الله موضوعج الياي بشارة الحمل قولي آآآآمين​

 

[ابدا يالغالي مانساك]

حبيبتي أنا راجعت عند كذا عياده وراجعت عند دكتور رتحت له ولعلاجه ومو مادي وكان دايمن يرفع معنويتنا واخذت ابر التفجير وماصار حمل وقعدت كذا شهر وتركت لعياده دكتوري مسافر واستخدمت عشية المدينه وخلطة الرويس والحمدلله بعده ماشفت الدوره وربي رزقني ولاكن مايمدي جم أيوم وسقطته ولاكن الحمدلله لأني إنسانه مومنه وربي بيعوضني

 

[سعودية بالكويت]

أسأل الله الكريم رب العرش العظيم الحي القيوم

أن يرزقج الذرية الصالحة ويثبت أجنتج ربحمج

ويجعله توأمين صالحين بارين اللهم آمين​

 

[غلا عيوني]

ثنايا ان شالله يارب مايخسر تعبج وتشوفينهم بحضنج توام الصالحين يارب

 

[ثنايا الورد]

حبيبتي أنا راجعت عند كذا عياده وراجعت عند دكتور رتحت له ولعلاجه ومو مادي وكان دايمن يرفع معنويتنا واخذت ابر التفجير وماصار حمل وقعدت كذا شهر وتركت لعياده دكتوري مسافر واستخدمت عشية المدينه وخلطة الرويس والحمدلله بعده ماشفت الدوره وربي رزقني ولاكن مايمدي جم أيوم وسقطته ولاكن الحمدلله لأني إنسانه مومنه وربي بيعوضني

حبيبتي ابوده انا مااشك انج انسانه صبورة وواعيه وكلج ثقه وامل بالله
واكيد راح ربي يعوضج خير من الاول ودايما راح ادعيلج بالذرية الصالحه
لانج مثل اختي وعزيزة وغاليه ياليت لما ترجعين للعلاج عند الدكتور تطمنينا عليج اول بأول
احبج وااااااااااااااااااااااااااااااااااايد فديتج:eh_s(17)::eh_s(17)::eh_s(17)::eh_s(17)::eh_s(17):

 

[ثنايا الورد]

سعودية بالكويت تسلمين يقلبي على هالدعوة الحلوة
والله يسمع منج والله ان الشوق ذابحنا نبي الياهل
متى تقر العيون ؟؟؟ الله كريم
دعواتي لج بالذرية الصالحه​

 

[ثنايا الورد]

غلا عيوني حبيبتي انتي والله ان دعواتنا هذي حق بعض
تهون علينا واااايد وترفع معنوياتنا
ربي مايحرمج يقلبي ولا يحرمنا​

 

[ثنايا الورد]

هلا بنات وحشتوني كلكم اشلونكم
ابشركم اليوم رجعت اجنتي الحمد لله
ومن الدرجة الاولى
وطبعا انا وعدتكم اني راح اخبركم كل شي يصير وياي
عشان تستفيدون خصوصا اللي وياي خطوة بخطوة
طبعا الدكتور بصراحة ماقصر قبل ميرجع اجنتي عطاني تعليمات
لازم تلتزم فيها اللي مرجعه الاجنه مثل :
1_النوم والجلوس على مكان مرتفع يعني انسي قعدة الارض واالاكل والصلاة بعد على كرسي الصلاة
2_السبوحه وانتي جالسه على كرسي لاتوقفين يمكن لاسمح الله تنزلقين ويضيع كل شي
طبعا الكل ينصح بدم السبوحه اقل شي 3 ايام لاتبللين شعرج ابد
4_لاتشيلي شي ثقيل ولاتحركن اثاث البيت ولاتشيلين عيالج لو عندج عيال المهم حركه زايدة ووقفه طويله لا
5_كثري من اكل الفواكه والخضار عشان خاطر الالياف تلين الامعاء ومايحصل عندج
امساك وطبعا اكلها راح يفيدج بعد في خفض الانتفاخ اللي يحصل من التنشيط والتبويض وبعد الترجيع
طبعا الدكتور قال ملاحظه دخلتي الحمام وماحسيتي انج راح ترتاحين قومي لا تكبسين وماتضغطين ابدا
عشان لايتاثر وضع الاجنه بالكبس
6_ عادي انج تشاهدين تي في وبعد تشبكين نت بس اوعي تحطين الابتوب على بطنج او قيب وايد من جسمج
خليه على طاولة
7_ والجماع شي مفروغ منه ممنوع منع نهائي
8_ طبعا انا كتبت لكم الادويه اللي وصفها لي الدكتور بعد السحب واليوم قال تستمرين عليها لين يوم التحليل
يعني تقريبا 20 يوم وي بعضها لين بعد الحمل مثل الفوليك اسيد وتحاميل cyclogest &وحبوب جولوكوفاج
ادعولي بالثبات وربي يتمم علي وعليكم والتوفيق لي ولكم اتمنى اني افيد واستفيد ياليت خواتي اللي عندها شي اضافي
تخبرنا ونستفيد من عندها
احبكم وااااااااااااااااااااااااااااااااايد

 

[نكهةالبرتقال]

الله يرزقنا الذرية الصالحة

 

[المشاعرالصامتة]

الله يتم علينا انا بعد مرجعه امس اجنتي الله يكتبلي يااارب ويفرحني ويثبتهم قااادر علي كل شي ويرزق الجمييييع

 

[سمو النفس]

الله يرزقكم يارب ويرزقنـا معاكم

مشكووره حبيبتي مجهود يشكر عليه ماقصرتي وانشالله تبشرينا ​