السكن في لندن ؟؟؟

[nona qatar]

بنات انا بروحي لندن 8 هالشهر
لمده شهر تقريبن
ماعرف وين نسكن بتقولين تاخرتي ف الحجز لان كان على حسب شغل زوجي توة قدر ياخذ اجازة
ابي سكن قريب اكسفورررد
فندق او شقق فندقيه
الله يخليكم من تجاربكم وين افضل والميزانيه متوسطه
معاي طفل وابي مكان شرح شوي
انتظركم حبايبي
​

 

[nona qatar]

شدعوة ولاحد رد

 

[غـيوم]

مرحبا حبيبتي
اخبارج ؟

عن السكن الصراحه ماعندي خبره باكسفورد بس عندج شقق فندقيه جنب الهيلتون متروبل هي كبيره 3 عماير اسمها ويست اند كيو وايد زينه ومريحه وامنه واذا عن البيبي مايحتاج اذا تضايق نزليه تحت فيه نهر ومقاهي وحلو الجو وقريب من المحلات ومن اجور رود هذا اللي اعرفه وعن تجربه

والله يوفقج ويحفظج ويردكم سالمين حياتي

دعواتج لي

 

[غـيوم]

لي الشرف اكون اول من رد عليج

 

[ENG.NuNu]

^^^

غيوم حبيبتي ما عليج امر ممكن تكتبين اسم المجمع السكني بالانجليزي بسوي سيرج عنه وابي

اخذ فكره عن اسعاره ​

 

[غـيوم]

اكيد حبيبتي

west and kuay

جدا حلوه امنه وفيها عرب ومريحه جدا عن تجربه للامانه

وفيه جدامها شقق توها تفتح يديده بس اسمها للأسف مااتذكره اذا انتي رحتي ويست اند كيو اسألي الامن عن البلدينق اليديد اللي صار له سنه واصلا هو يمها على طول

اتمنى اني افدتج

بالتوفيق

 

[غـيوم]

^^

نسيت الاسعار على حسب اذا كنت بتستأجرين من العرب او الاجانب واذا كان الايجار طويل او قصير او اذا كانت الشقق صغيره او كبيره

بس تتراوح مابين 1200 باوند الى 5000 باوند بالمواسم

 

[Break Time]

حبيبتي حنا شكنا ببارك وست بجووان رود

نحااااااااااااااااااااااااااااااااااشي عنها


انا الحمدلله مشيت بسرعه بس اهلي اللي بقوا قالوا لقينا فيها فيران وانحاشوا

هي قريبه عند اكسفورد كنا نروح له مشي


آآآآآآآآآآآآآآآآآآآآه يا حي لندن فديتها و فديت هواها



اتمنى لج السلامه

 

[nona qatar]

فديتكم حبايبي شكرن على الرد ببحث وان شالله القىىىى

 

[ENG.NuNu]

اكيد حبيبتي

west and kuay

جدا حلوه امنه وفيها عرب ومريحه جدا عن تجربه للامانه

وفيه جدامها شقق توها تفتح يديده بس اسمها للأسف مااتذكره اذا انتي رحتي ويست اند كيو اسألي الامن عن البلدينق اليديد اللي صار له سنه واصلا هو يمها على طول

اتمنى اني افدتج

بالتوفيق

مشكوووورة حبيبتي ما قصرتي​

 

[SHiKhaH]

مرحبـأ حبيبتي ..

لا انصحج بالـ بارك وست لأنهـأ شقق مو نظيفه وريحتها الله لا يوريج

الشقق كثيره حبيبتي

عندج أظن أسمهأ الددلي أو وستن كي أو تونتي فايف

والفنادق كثيره ,,

كمبرلند : وايد يسكنونـه خليجيين

هيلتون بشارع اجورود هذا بأخر شارع الاجورود ..

وانصحج اذا المده طويله لا تاخذين فندق

أخذي شقه بس بعدي عن شقق الـ بارك وست لأنهأ أرف حشي السامع

وانا ساكنـه حالياً بشقه جدام الهيلتون وغرفتيـن وصاله وكبيره الحمدلله
مع وايرليس .. ماخذينها بالاسبوع 600 باوند

وأي مساعده تبين حبيبتي حاضره

 

[ogany]

شنو أحسن شقق يم الاوكسفورد مو بالاجورروود ؟؟

 

[فواصل]

انصحج بالكمبر لاند =مع اني لي ذكرى سيئة فيه

و الماريوت ماربل ارش و شيرشيل

تستيل حيلو بس اللي ذكرتهم فوق مستواهم احسن و افخم

وتستيل قديم توه بيتطور !

 

[ENG.NuNu]

مرحبـأ حبيبتي ..

لا انصحج بالـ بارك وست لأنهـأ شقق مو نظيفه وريحتها الله لا يوريج

الشقق كثيره حبيبتي

عندج أظن أسمهأ الددلي أو وستن كي أو تونتي فايف

والفنادق كثيره ,,

كمبرلند : وايد يسكنونـه خليجيين

هيلتون بشارع اجورود هذا بأخر شارع الاجورود ..

وانصحج اذا المده طويله لا تاخذين فندق

أخذي شقه بس بعدي عن شقق الـ بارك وست لأنهأ أرف حشي السامع

وانا ساكنـه حالياً بشقه جدام الهيلتون وغرفتيـن وصاله وكبيره الحمدلله
مع وايرليس .. ماخذينها بالاسبوع 600 باوند

وأي مساعده تبين حبيبتي حاضره

شيخه ممكن تكتبين اسم العماره وماعندج فكره اذا يسوون خصم اذا المده طويله انا بقعد 6 اشهر

انشالله اهيا نظامها شقق فندقيه ؟؟

 

[على الدنيا سلام]

west and kuay

حلوووه بس مكانها اخر الاجورود انصحج بشقق الهايدبارك شرحه وقريبه من كل شي ...