أخيرا أنا رشيقة بفضل الله ثم بفضل الدكتور عبد الصمد مصطفى

[Fateebeauty]

أخيرا أنا رشيقة ويلبس حزام بكل ثقة
ceموضوعي اذا العضوات متابعين صارلي فترة ادور الدكتور المناسب عشان اسوي عملية شد وشفط للبطن رحت حق دكتور اشرف عبد القادر بوشهري كلنك بس ما ارتحت وايد وبروحه ياخذ1800 دك غير المستشفى عقبها رحت للدكتور محمد عبد المجيد مستشفى السلام بناء على نصيحة طبيب التغذية اللي اراجع عنده بصراحة الدكتور تعامله طيب وتكلفة العملية من 1800 الى 2000 دك كويتي وسويت كل تحاليلي وحددت موعد العملية لكن قبلها باسبوع شنو صار ؟؟؟؟؟؟​

 

[Fateebeauty]

رد: أخيرا أنا رشيقة بفضل الدكتور عبد الصمد مصطفى

الحين بقولكم شنو صار قبل اسبوع من العملية
بصراحة كنت وايد احاتي وخايفة وسويت استخارة جم يوم بعدها تغيرت الامور تماماً واحد نعرفه قاللي ليش ما تروحين الاميري في دكاترة هناك ممتازين قلت أوكي مافي مانع بس اذا مايازلي الوضع وعطوني موعد عقب مادري جم سنة راح اكشت واسوي عمليتي بموعدها
لحظة نسيت أنا صارلبي ساعة اسولف وما قلت شنو العملية لووووووول ما عليه من الوناسة
عمليتي فتاق وشد للبطن
المهم رحنا حسب الموعد والدكتور اهو عبدلصمد مصطفى ترى خوش دكتور و وكويتي[/
وصاحبها اللي نصحنا مسوي عنده عملية تكميم من قبل ثلاث شهور ونأزل للحين ٢٧ كيلو
المهم يا محفوظين السلامة دسيا عند الدكتور ما شاء الله عليه نفسية حلوة وروح طيبة ودمه خفيف يحليله وعلى قولتهم النفسية الطيبة من الطبيب نص العلاج شرحناه ان عندي فتاقوترهل بعد الحمل والولادة كشف علي وقاللي ان الترهل وااايد بس الدهون قليله واوكي سوي تحاليل وتعالي
قاتله ان تحليلي موجودة وفرش ضحك وقال شكلج كنت بتسوينها بالخاص المهم فهمته أني تعيانه من الفتاق وما اقدر اصبر تدرون نتلكك ما توقعت بصراحة عطاني موعد بعد شهر تقريبا استأنست وقاللي تعالي عقب يومين حسب مواعيد عيادته عشان اييب التحاليل ورحت بس طبعا كنت كلش مغلقة ودي اسوي العملية اليوم قبل باجر وتدرون موعدي كان في نفس وقت امتحانات العيال بعد العيد

لا تبعدون برجع اكمل لكم السالفة بس عاد خشوف شوية اهتمام ومتابعة *

 

[أم متعب]

رد: أخيرا أنا رشيقة بفضل الدكتور عبد الصمد مصطفى

معاج

كملي يالغلا

 

[om MaRyooM]

رد: أخيرا أنا رشيقة بفضل الدكتور عبد الصمد مصطفى

متابعتج


حمدلله عالسلاامه

بس قوليلللنا اهم شي العوار محتمل ولا لايطاق؟؟؟؟

 

[انوثتي غير وياك]

رد: أخيرا أنا رشيقة بفضل الدكتور عبد الصمد مصطفى

متاااابعيييييييييييييييييج كملي كملي
بس بسألج سؤال شنو يعني فتاق ؟؟؟

 

[Fateebeauty]

رد: أخيرا أنا رشيقة بفضل الدكتور عبد الصمد مصطفى

متابعتج


حمدلله عالسلاامه

بس قوليلللنا اهم شي العوار محتمل ولا لايطاق؟؟؟؟

حبيبتي مشكورة الله يسلمج طبعا العملية عبارة عن شد لعضلة البطن وخياط داخلي هذا متعب جداً في الايام الاولى جنح لابسا كورسيه شادج علآخر وبعدين شد الجلد الخياط من عظمة الحوض للعظمة الثانية فاكيد في الم هل اهو محتمل ولا لأ صراحة في عوار متعب ومؤلم خصوصا في القومة والقعدة وهذا يعتمد على قوتج وصحتج العامة والمسكنات اللي يعطونك إياها

 

[ام عفاف الكويت]

رد: أخيرا أنا رشيقة بفضل الدكتور عبد الصمد مصطفى

الحمدلله على سلامتج حبيبتي

 

[jolie_q8]

رد: أخيرا أنا رشيقة بفضل الدكتور عبد الصمد مصطفى

الحمدلله على سلامتج ,,\

بس عندي سؤال بكل امانه,, شلون الجرح؟ مرتب والا متعرج

وشلون شكل بطنح متفوخ ,, لانه اغلب اللي يسون شد يصير مشدود بس شكله عريض او متفوخ

 

[جمبلو جمبليله]

رد: أخيرا أنا رشيقة بفضل الدكتور عبد الصمد مصطفى


الحمدالله على سلامتج واااي بنات ما تخافون من الشفط يخرع يسوي تجلط بالدم

 

[FDET NFSY]

رد: أخيرا أنا رشيقة بفضل الدكتور عبد الصمد مصطفى

نترياااااااااااااااااااااااااااج

 

[Fateebeauty]

رد: أخيرا أنا رشيقة بفضل الدكتور عبد الصمد مصطفى

السلام عليكم. عدنا والعود حميد ان شاء الله مشكورة اختي أنوثة بالنسبة لسؤالج الفتاق هو عبارة عن تمزق لجدار البطن اللي يحمي الأمعاء ويسمونه بعي صار معاي من بعد حمالي في ولدي الثاني بس كان بسيط بعد حملي الاخير تطور لي فوق السر وهو جداً متعب تحسين بالغثى وفي حالات متطور ترجيع وتعرفون اذا كحيتي يطلع بروز في البطن واذا كنت نائمة على ظهرك وتقومين جنح تسوين تمرين المعدة تشوفين البروز بعد وهذا اللي صار معاي

نرجع لموضوعنا الحمد لله في الزيارة الثانية خذا الدكتور تحاليلي وكنت قيلتله ان ودي تكون عمليتي قبل العيد وسبحانه من ييسر الامور لما دشيت للدكتور عبد الصمد من غير ما اقوله شي جان يقولي شفيج :eh_s(11): زعلانه ضايق خلقج تبين عمليتج قبل العيد على طول قلتله إيه دكتور الله يخليك حدي متأزمة مسكين ما قصر دبرلي موعد 31/10 ما تصدقون شكثر فرحت وسجدت لله حمدا وشكرا وتطمن قلبي عرفت ان الله حبيبي ميسر لي أموري احسن مما كنت اطلب :eh_s(7):
دخلت المستشفى يوم الأحد الصبح شفت دكتور التخدير سويت أشعة وتحاليل وخلصت اول دخلوني غرفة عمومي مو شي صراحة وزوجي ما رضى قالوا مافي غرف والنيرز اللي في الجناح مع ويها تقول مافي كلش وسألها يمكن الظهر او بالليل تفضى غرفة ترد ماكو ماكو عصب ريلي قال ترى اذا ماكو مافي عملية تاجلينها وليييييه قلت لما وصلت اللقمة الحلج قلتله خنرد لدكتور عبد الصمد ونشوف*

 

[Fateebeauty]

رد: أخيرا أنا رشيقة بفضل الدكتور عبد الصمد مصطفى

دكتور عبدالصمد مصطفى بصراحة مادري شلون اشكره لما قلتله مافي غرفة وشاف ريلي معصب وخنأجل قال لا أنا مأجل عملياتي عشانها اصبر وندبر لها غرفة وماكو دقيقتين الا الامور كلها طيبة ولله الحمد بصراحة دكتور كويتي وطيب واخلاقه عالية واهم شي وفر علي مبلغ ألفين دينار كنت بدفعهم للعملية بالسلام وفاهم شغله تمام

شكرًا لكل الخوات اللي تحمدولي بالسلامة
بالنسبة للاخت اللي تقول عن تجلط الدم قبل العملية يسوون تحاليل ويشيكون على موضوع تجلط الدم وكل الاشياء اللي ممكن تعرض المريض للخطر هذا اللي صار معاي
اما بالنسبة لشكل الخياط او الجرح أنا ماشفته عدل بس اهو من حد عظمة الحوض للصوب الثاني بصراحة كنت متوقعة يكون أطول لان عندي خواصر وحوضي صغير
على فكرة وزني 74 كيلو*

 

[Fateebeauty]

رد: أخيرا أنا رشيقة بفضل الدكتور عبد الصمد مصطفى

بالإذن رايحة المستشفى عشان يشيكونلي على البرابيش ورادة لكم ان شاء الله

 

[ii DareeN ii]

رد: أخيرا أنا رشيقة بفضل الدكتور عبد الصمد مصطفى

حمدالله على سلامتج بس اول مره اسمع باسم طبيبج شلون جازفتي وسويتي عند واحد مو معروف

 

[freethinker]

رد: أخيرا أنا رشيقة بفضل الدكتور عبد الصمد مصطفى

حمدالله عالسلامه حبيبتي وتتهنين اننشاله

 

[Fateebeauty]

رد: أخيرا أنا رشيقة بفضل الدكتور عبد الصمد مصطفى

الحمدلله على سلامتج ,,\

بس عندي سؤال بكل امانه,, شلون الجرح؟ مرتب والا متعرج

وشلون شكل بطنح متفوخ ,, لانه اغلب اللي يسون شد يصير مشدود بس شكله عريض او متفوخ

والله جولي للحين ماقدر احكم على شكل الجرح لان بعده مغطى بس دكتور عبد الصمد شاطر استخدم مادة بصراحة ماعرف اسمها بس أهي مثل الدريسنج او مادة سائلة خطها على الجرح بعد ما تم الخياط من الداخل وبعدين اثناء تغيير الجرح شفت بلاستر بس مقطع صغار وايد ومحطوط على الجرح بالطول يعني مثل علامة زائد مع شكل الجرح ما حيينا متعرج بس مثل ما قلتلج ماقدر احكم الحين لين ما يطيب الجرح تماماً وينشال الغيار

بعدين بالنسبة لانتفاخ البطن للأسف كلنا نظن انه بنطلع من العملية البطن لاصق بالظهر وهذا الكلام مو صحيح واذا في دكتور يقول هذا الكلام فهو يزين كلامه وما يعطيك الصج الا في حالة وحدة اذا كان البطن اساسا ضعيف لا دهون او انتفاخ بس مجرد ترهل تحصلين على النتيجة بعد فترة من العملية

لا ننسى حجم الأمعاء والدهون اللي في البطن أنا شخصيا صارلي اليوم خمس ايام من العملية ماقولج شكثر فرحانه ان بطني سيدا في انتفاخ بسيط جداً ومقبول وعلى كلام دكتور عبد الصمد لما سالته انه في انتفاخ بسيط عند المعدة قاللي ان انتي ضعفتي وراح بطنج فجأة بواسطة العملية مو بمجهود منج فاكيد الموضوع راح ياخذ وقت على ما يستوعب جسمج الموضوع *

 

[Fateebeauty]

رد: أخيرا أنا رشيقة بفضل الدكتور عبد الصمد مصطفى

الله يسلمج من اشر اختي نادين صح كلامك الدكتور عبدالصمد مصطفى مو معروف وللأسف هذا الموضوع فيه ظلم لعددكبير من دكاترتنا الكويتيين في القطاع الحكومي بالذات مو ماخذين حقهم بين دكاترة القطاع الخاص اللي الناس عرفتهم عن طريق الدعايات والتسويق سواء عن طريق الإعلانات او الناس اللي بعضهم الله يسامحهم لا مسوين عمليات ولا غيره افلام وكلك وانا شخصيا شفت وحدة بعيادة واحد من الدكاترة ماني حاطه بذمتي لكنها تنطرتني لما طلعت وقامت تمدح بالدكتور علبو انها تسولف معاي بالاسنسير وأنها مسويه العملية ودافعت المبلغ الفلاني لكن لا جسمها يوحي بالعملية ولا شي وغيرهم اللي يمدحون في المنتديات وهم مو صادقين
بصراحة دكتور عبد الصمد اللي في مستشفى الاميري انسان أخلاقه عالية وحبوب وشاطر جداً كطبيب ويخاف الله مخلص في عمله لوجه الله مو مادي مثل وايد من الدكاترة الله يسامحهم*

 

[ba6bo6a1]

رد: أخيرا أنا رشيقة بفضل الدكتور عبد الصمد مصطفى

حمدلله عالسلامه والفال لي اشد بطني

 

[Fateebeauty]

رد: أخيرا أنا رشيقة بفضل الدكتور عبد الصمد مصطفى

باااااك يا حلوين
وقبل لا اكمل حبيت اقولكم كل عام وانتو بخير وعساكم من العائدين وللحجاج حج مبرور وسعي مشكور وتقبل الله طاعتكم
امس رحت المستشفى وشالوا بربيش اليسار واليمين اليوم بإذن الله اليوم بعد شوي بروح

تصدقون الدكتور قالي ان البربيش داخل البطن بس ما توقعت انه داخل البطن عشرة سانتي تقريبا لا يضيق خلقكم شيلته ماتعور كلش بس يعني إحساس بايخ ونصيحة عشان لا تحسين بشي اثناء سحبة البربيش سوي تمرين التنفس

ارد اكمل عقب مارد من المستشفى عندكم استفسارات او شي أنا بالشوفة

شكرًا دكتور عبدالصمد مصطفى​

 

[Fateebeauty]

رد: أخيرا أنا رشيقة بفضل الدكتور عبد الصمد مصطفى

ان شاء الله يا بطبوطة تسوين العملية وتصيرين رشيقة انت وكل وحدة تحب الرشاقة وانصحج اذا استخرتي وعزمتي تروحين للدكتور عبد الصمد مصطفى والله لنارنا مو مرتاحة وسعيدة بالنتائج ما اقولكم روحوا :klhfl::klhfl: