حكاية سعودية ... رايكم يهمني

[7ikaya]

أمسي على الجميع بالخير

واتمنى انكم استمتعتوا بمعرض الكتاب السنة

كنت متمنية اكون موجودة اقابل و اتعرف على الوجيه الطيبة
بس ان شاء الله الجايات. اكثر :eh_s(7):

اصداري السنة كان مع دار بلاتينيوم بوك رواية حكاية سعودية

اتمنى من الي قروها ينوروني برايهم انتقادهم ونقاط الضعف والقوة الي بالرواية
و اوجه شكر خاص لكل الي دزوا لي رايهم بالإيميل او اهني باالمنتدى :eh_s(7):

اختكم فاطمة المرزوق

 

[ليلو جبريت]

هلا اختي فاطمة

صراحه انا بحثت عنج ولقيت كلام يسر عن كتاباتج

ومتشوقة اقراء لج

سبحان الله نزلتي موضوع من دون مدح لنفسج او لروايتج
ونزلتي موضوع تبحثين عن النقد

يعجبني تواضعج

وماعليج من الي يردون وهم مايدرون شسالفة

 

[7ikaya]

حياج الله الصواني عيدج مبارك هههه

ليلو جبريت

بعد قلبي والله انتي بردتي خاطري ويشرفني اكيد
اني اسمع النقد من الي قرا لي عشان العمل القادم اصلح غلطاتي

مشكووورة حبيبتي يكفيني ردج الي يدري عن. السالفة هههههههه

 

[يّ ضميرِكّ]

شررريت الرواية

واختي الصغيره باقتها مني تقراها

باخذها عقبها

انتظري رايي بكل حيادية :>


​

 

[7ikaya]

منتظرة رايج بكل شوووق

 

[دنيتى انا]

انا قاعده اقراها حاليا ...

راي مبدائا كاسلوب روووعه وكلمات جميلة وفردات اجمل فعلا بلا تحيز ما خذلتيني كاسلوب وسرد للحكاية

من ناحية الاحداث كانت متواصعه نوعا ما بس الفكرة كانت يديده بالنسبة لي كفتاة تعاني من مرض التوحد

فعلا متشوقة اعرف النهاية واتمنى تكون النهاية مميزة ...... ماراح اتردد اقرالج مرة ثانية اكيد بس لو تفيديني اذا كندج كتابات اخرى او حكايات مختلفة


دمتي بسعاده باذنه تعالى

 

[دنيتى انا]

بعد ما قريتها للعلم احطها بجنطتي ..... وعندي فراغ اقرا

اولا كاسلوب مثل ماذكرت مليئ بالمفردات الجميلة والممتعه فعلا ستمتعت باسلوبج وسردج للحكاية ..... احداثها كنت مفصلة بشي وسريعه بشي اكثر اهمية بالنسبة لي ....يعني .....

اخر 20 صفحه كنت اتمنى يكون في نوع من التفصيل كاحداث التبرع ومرحلة حياتها بالدراسة والتعليم ومدى تقبلها للمدرسة والناس اللي حلوها لان شيماء كانت شبه منعزلة عن العالم ..... ايضا مدى تقبلها للزواج .... كنت اتمنى يكون تفصيل اكثر لانها البطلة هذة الحكاية ...... وما هي علاقتها بايات .... كونها رشحتها لابراهيم دليل قوة علاقتها والعنصر الاساسي بعد ياسمين

في اشياء اعتقد كانت اهم في التفصيل عن الاشياء الاخرى التي بداتي بها في حكايتك

س/ ما سبب ستقرارها في استراليا وكيف تم ذلك ومدى تقبل والدها ؟



بصراحه ماراح اتردد اقرالج مرة ثانية بس نصيحه اتمنى تفصير بالاشياء الرئسية للبطلة او الشخصية للراوية

لان في عتقادي القارئ يحب انه يتعرف على ادق التفاصيل للشخصية



شكرا جزيلا على هذا العمل .....

 

[7ikaya]

العفووو حبيبتي راي اعتز فيه والله

ان شاء الله العمل القادم يكون افضل واتجنب فيه هالاخطاء
يمكن الاستعجال الي صار في اخر الرواية بسبب ضيق الوقت والانشغال الكامل بالدراسة
بس اوعدج اني اصلح هالشي في اعمالي القادمة

بالنسبة لسؤالج عن اعمالي الي قبل عندي روايتين

منزل 105 وموجودة في ذات السلاسل
و غربة زمن ومادري حقيقة وين موجودة في الكويت
بس موجودة في مطار البحرين وفي مجمع السيف في البحرين

شاكرة لج ردج وقرايتج واتمنى ان السنة الجاية اذا ربي احياني التقي وياج بعمل اخر

 

[كراميلا مرة]

اتمنى اقرا لج
وين القى روياتك بالاحساء
والا مافي توزيع في السعوديه ؟؟؟ظ

 

[7ikaya]

امبله حبيبتي
منزل 105 موجودة في جرير

بالنسبة لغربة زمن موجودة في الاحساء في مكتبة الضامر عاد مادري خلصت وله لا

ومرة لقيتها في المكتبة الوطنية الي في العثيم
والي في مارينا الدمام

 

[7ikaya]

لا اله الا الله محمد رسول الله

 

[ليلو جبريت]

انا حاطه روايتج في قائمتي

عن دار فراديس اعرف سوالفهم ونصحتني وحده فيهم بس سألت وقلت نو وي

وياليتج ماوقعتي عقد احتكار مع بلاتنيوم اذا قلمج ممتاز روحي لدور ثانية ماتطالب بالاحتكار

و توزع اعمالج على اغلب الدول


ملاحظه ( دورتج في تويتر ولقيت وحده كاتبة نفس اسم بس طلعتي مو انتي )

 

[كراميلا مرة]

امبله حبيبتي
منزل 105 موجودة في جرير

بالنسبة لغربة زمن موجودة في الاحساء في مكتبة الضامر عاد مادري خلصت وله لا

ومرة لقيتها في المكتبة الوطنية الي في العثيم
والي في مارينا الدمام

ان شاء الله باقرب فرصه بحاول اشتريهم

 

[7ikaya]

انا حاطه روايتج في قائمتي

عن دار فراديس اعرف سوالفهم ونصحتني وحده فيهم بس سألت وقلت نو وي

وياليتج ماوقعتي عقد احتكار مع بلاتنيوم اذا قلمج ممتاز روحي لدور ثانية ماتطالب بالاحتكار

و توزع اعمالج على اغلب الدول


ملاحظه ( دورتج في تويتر ولقيت وحده كاتبة نفس اسم بس طلعتي مو انتي )

ان شاء الله تعجبج الرواية حبيبتي

اخيييه بس من فراديس نصب اشكررره بس شنسوي كتبة الله
وبالنسبة لبلاتينوم كبداية لا بأس وياهم بس لو كلش ما ارتحت ماراح اجدد العقد
انا الي عجبني الاقبال عليهم حسيتها دار تتحرك ويمكن تساهم في انتشار كتبها

لو حسيت الاحتكار مو نافعني ماراح اجدد العقد وياهم

احم ماعندي اكاونت في تويتر عندي بس في الفيس
وماكثر الله من فاطمة المرزوق بهالدنيا هههههههههههه

منورة حبيبتي

 

[7ikaya]

ان شاء الله باقرب فرصه بحاول اشتريهم

ان شاء الله يارب

 

[7ikaya]

ان شاء الله تنال على اعجابج

اي حبيبتي سعودية

 

[Q8_QT]

قريت روايتج وبصراحة إعجبتني وايد اسلوبج حلو وطريقتج بالسرد اعجبتني
بس عندي ملاحظة مثل ماقالت الإخت قبلي كنت اتمنى تفصلين اكثر لأن حسيتها مختصرة وايد
وإن شاءاللله بالمستقبل اقرالج روايات ثانية والله يوفقج يارب

 

[7ikaya]

تسلمين لي والله حبيبتي

ان شاء الله بالاعمال الجاية اتفادى هالغلطة وستروا على ما واجهتوا هههههه

فرحتيني بردج حبيبتي