ابي اصحاب العقل يعطوني رايهم بليز عاجل

[ياغفور اغفر لي]

السلام عليكم ورحمه الله وبركاته

بنات ابي رايكم انا بديرة واهلي بديرة متزوجة ساكنه عند حمولتي فوق صارلي شهرين ونص مو نازله صارت سالفه انا متعودة كل عيد عند اهلي وادق اول العيد اعايدهم بس هالعيد مااقدر اروح لاسباب خاصه فهذا اول عيد بكون في بيتي وانا ماعرف احد بهالديرة غيرهم


بنات شخصيتي. هادية خجوله مااعرف اجرح احد بالمرة حتا او يجرحني كله اقول الله يرد عليهم اذا احد جرحني مااحب المشاكل ابد اهل زوجي من البدايه مو متقبليني مدري ليش وامه كله تقول لزوجي ورها العين الحمره. ليش ملتنزل تطبخ مع البنات يعني بناتها هم اكبر مني وعمدهم خدمه وبناتها اربع وهي عمرها 45 يعني شابه المهم انا كل شي طاف وصارت مشاكل اكبر من جذي وامه ماتحب امي نهائي لدرجة مرة دعت عليها وكل هذا طاف واقول لزوجي خلاص انا ماراح انزل تجنب للمشاكل مع اني اذا نزلت نص ساعه واصعد مو يومي انزل جذي طبعي واقول لزوجي انت انزل واجب امك وابوك

صارت سالفه قبل شهرين ونص امه ظلمتني بشي قوي وعمي ابو ريلي وقف مع مرته مع انه المفروض رجال عاقل وكبير مايسوي فيني جذي وانا بنت اخوه ويتيمة وانا من يومها مانزلت ولا اكلمهم وبنته معاي بالواتس اب كله تحط توبكات قذرة واضحة انها لي وانا طاف ولو اقول سوالف ثانيه يشيب روسكم بس اكتفيت بالاشيا اللي تهمني






الحين عيد جاي وانا مدري شسوي انزل اعيد عليهم ولا لا مع انهم هم الغلطانين وانا حمل وتعبانه واول حمل لي وطول هالفترة محد سال عني فيهم والله تعبت انزل نفسي ماابي انزل نفسي





ابي رايكم واسمحوا لي اذا في بدليات لاني اكتب من الاي فون
وموفقين وكل عام وانتوا بخير
الحين عيد. جاي وانا مدري شسوي

 

[زوجة عزيز]

الله يكون بعونج حبيبتي ويسهل عليج حمالج يارب نزلي عايدي عليهم وردي غرفتج والله يساعدج

 

[كنوشة 2009]

نزلي عايدي عليهم وردي شقتج
والله يهديهم ويعينج عليهم
انت كسبيهم بالطيب وصيري احسن منهم

 

[اسراء205]

ميخالف انتي الاحسن نزلي عايدي عليهم

 

[حـبـيـبـة زوجـي]

حبيبتي لله يسهل عليج و يوفقج يارب
انا من رايي نزلي وجبي و ردي شقتج المهم انج ما تطلعين بالشينه و تسيرين احسن منهم يا قلبي​

 

[أموووووولة]

حبيبتي هذا عيد نزلي جابليهم وعايديهم لله مو للبشر بس مو تنزلين وانتي امنفسه عليهم حزتها بتكون نزلتج من ورى الخاطر والشي اللي من ورى الخاطر محد يبيه // كوني مبتسمة واهم شي حطي رضا الرحمن بعينج / وعامليهم بأخلاقج مو بأخلاقهم / اشلون تحبين يعاملونج عامليهم /// لا السالفة مو بس عيدكم مبارك وتصعدين فوق /// لا الوجه المبتسم وتقهوي معاهم وطلبي حلو لاتزلين خالية وخلي هالعيد صفحة جديدة معاهم ووووووووووووو استغفري بنية ان الله يهديهم ويسخرهم لج وطمنينا حبوبة وعيدج مبارك مقدما

 

[بـدويـة]

كلام خواتي صح

 

[سكوتي بذوقي]

عيدي عليهم

الله يهديهم يارب ولا يغثونك

 

[طبعي حلو]

يا اختي انتي مكبره المشكله

شنو فيها لو نزلتي تحت وشاركتيهم لو بسلطه عادي انتي خليتهم يحقدون عليج كله فوق وما تنزلين تسوين شي

لو تسوين قهوه وصحينه حلى تقهوينهم وتصفى النفوس

وانتي ابدي بالسلام وهذا عيد يعني والله حرام سلمي وتوكلي ع الله ترا اجر عظيم من بدأ بالسلام

وان شاء الله تصفى النفوس وهذولا اهل زوجج يعني اهلج انتي بعد

بالتوفيق يقلبي

 

[! بــدويه وآآيــد !]

،



مادري حبيبتي على حسب اذا ينفع معاهم الطيب او لا بس امه وابوه روحي لهم احتسبي الاجر بس الباجي طااف

انا منقرصه من اهل زوجي وصراااحه موكل عيد اروح لهم ورمضان ما اجيهم ومازورهم الاكل 3 او 4 شهور وربي من قطعت صرت الغاليه العزيزه يموتون علي ومن اول ما ادش يهلون ويرحبون فيني وحتى امه تبوس راسي وزوجي كله يقولي وربي يسألون عنج وخواتي يموتون فيج ويمدحونج عند النااس ومره لما رحت لهم خالاته موجودين امه بس تبوسني جدامهم وتقول هذي بنيتي ! لكن لما كنت ازور وجذي مثل ماقلتي نغزاات ولوعة جبد وسوااااالف ماتنقاااااال

" لاتدش وحده تقول قااطعه ومادري شنو انا مرتاحه وهم مرتاحين "

الحين الحموله يبون جذي روح بعيد وتعال سالم والاحتكاك الزايد يولد الانفجااار

الله يعين ويسهل عليج

 

[semaasem]

انا من رايي دام ان زوجج زين وياج ليش ما تكسبينهم عشانه وبعدين اللي فهمته ان هذيله اهلج نفس ماقالت الاخت طبعي حلو

مافيها شي اذا نزلتي وسولفتي وضحكتي ووسعتي صدرج وياهم انتي حسبة بنتهم خصوصا ان اهلج بعاد عنج يعني المفروض

يصيرون اهلج ليش حاكرة نفسج بهالغرفة مافيها شي اذا نزلتي ساعدتيهم أو سويتي طبق حلو،سلطة أي شي نقصه لهم يفرحون

فيها وتفرحين فيها ريلج صدقيني دام انج ساكنه عندهم كسبيهم لا تخلين الشيطان يوسوس لج وتسببين عداوات ويكبر لج المشاكل

مافي بيت يخلى وبادري انتي بالزينة واحتسبي الاجر عند الله وهالله هالله بالكلام الطيب الحلو والله يوفقج ويسعدج ويتمم عليج

وتولدين بالسلامة.

 

[دلوعة صلوح]

نزلى سلمى وحاولى انج تفتحين معاهم مواضيع عشان يحنون عليج شوى وتصفا القلوب

وانتى اذا استمريتى على الروتين لى انتى متبعتة معاهم عمرهم مايحبونج.

 

[q8dvd2000]

يا قلبي حاولي تكسبينهم
هذا واجب , وهذي صلة رحم لاتقطعينها
روحي مع زوجج وسلمي عليهم

 

[انوثتي غير وياك]

حبيبتي هذا عيد نزلي جابليهم وعايديهم لله مو للبشر بس مو تنزلين وانتي امنفسه عليهم حزتها بتكون نزلتج من ورى الخاطر والشي اللي من ورى الخاطر محد يبيه // كوني مبتسمة واهم شي حطي رضا الرحمن بعينج / وعامليهم بأخلاقج مو بأخلاقهم / اشلون تحبين يعاملونج عامليهم /// لا السالفة مو بس عيدكم مبارك وتصعدين فوق /// لا الوجه المبتسم وتقهوي معاهم وطلبي حلو لاتزلين خالية وخلي هالعيد صفحة جديدة معاهم ووووووووووووو استغفري بنية ان الله يهديهم ويسخرهم لج وطمنينا حبوبة وعيدج مبارك مقدما

انا معاااااهم بس اذا ما نفع :eh_s(10):
طبقي كلام بدويه واايد :rerrerek:


:eh_s(15):

 

[الله كرريم]

سلمتي والا ماسلمتي مو نافع الطيب والاحترام معاهم خليييهم. عنج احفظي كرامتج

 

[الغاليه ام احمد]

حبيبتي لازم تنزلين لهم وتعايدينهم حبي عمج وخالتج على راسهم

ونزلي مع ريلج اذا خايفه وقعدي وقبلها بليله طلبي حلو العيد ونزليه معاج الصبح

صدقيني يما تراهم يحبونج مو كارهينج بس في شي من الغيره من ناحيتهم عليج

لانج دخلتي بيتهم واخذتي ولدهم

فانتي تقدرين توخرين هالغيره دايما نزلي عند خالتج وعامليها مثل امج

وهم حمواتج قعدي معاهم حسسيهم انج وحده منهم

والله يوفقج

 

[PuPa^^SWeeT]

احتسبيها اجر عند الله


عايدي عليهم و ردي مكانج

 

[ياغفور اغفر لي]

بنات اول شي مشكورين ع الردود
ثاني شي بعض الردود حسستني اني مسويه جرم كبير !!

ثالث شي انا سويت اشياء كثيرة عشانهم وجاملت وضغطت ع روحي لدرجة لانزلت ماانزل فاضية وانا اللي اسولف هم مايسولفون كلشششش معاي انحرجت وكذا مره تصير معاي ؟؟

حسيت اني كائن مو مرغوب فيني وفوق هذا يحرشون زوجي علي يعني احس مافي شي واحد يشجعني انزل اسلم عليهم بالعيد ..

احس اهانه لي مدري ليش ع اللي سوه معاي
ابسط شي انا جايبه لخالتي ام ريلي هدية راحت قالت لزوجي وابو زوجي الهدية مستعملة وسوت ضجة والله والله والله انها مو مستعملة وعمي صف وياها وماخلت كلمة ماقالتهاا وقطتها بالزباله ؟؟؟

يعني بالذمة شسوي فوق كل اللي سوه انا مااحب المشاكل بس احس اهانه لما انزل اسلم ولا انتوا شرايكمم ؟؟

 

[! بــدويه وآآيــد !]

،


تحسينها ثقيله عليج تميرضي وقعدي بشقتج بس ديري بالج اخاف زوجج من النوع الي يقلب عليج اذا شيشوه :/
احسبيها عدل ودام ماينفع معاهم الطيب طاااااف ولاجنهم موجودين

 

[المسكـ]

اذا تحبين ريلج وزين معاج نزلي عشان عيونه بس
واذا لا خيستريحون لووول