يومياتي في تحدي الوزن الزائد

[توووووتة الحلوة]

اليوم

الريوق
صمونة مع قطعتين جبن مثلث. كاس شاي

الغدا
مافيه غدا

العشا
بوب كورن = 130 كالوري مع كاس شاي
ويفر متوسط

الرياضة
مافيه رياضة

 

[توووووتة الحلوة]

بعد عشرة ايام وزنت نفسي، الحمد لله نزلت من 71 الى 69,3. دخلت عالم الستينات. و ان شاء الله ما ارجع لعالم السبعينات اطلاقا. رحت سجدت سجود شكر لربي، عملا بقوله تعالى "ولئن شكرتم لأزيدنكم"

هدفي الاول وصلت له بفضل الله وكرمه اللي اهو 70. هدفي الثاني 65، ان شاء الله راح احققه.

 

[دبه موت]

توته حبي عندي سؤال لج
ملاحظه الغداء تلغينها ليه ؟؟فيديني تكفين أذا فيه فايده

 

[Om-azooz]

انا ببدأ من باجر الرجيم وزني الحالي 83 والطول159 والهدف الاول 75 يارب انزل ووزني مليييت من ولدت وانا بعدني ما ضعفت زهقت صار لي 4شهور. ووبعدني كنت 100بالحمال ومتى انزل الباقي

 

[توووووتة الحلوة]

توته حبي عندي سؤال لج
ملاحظه الغداء تلغينها ليه ؟؟فيديني تكفين أذا فيه فايده

يا اهلا يا اهلا فيك عنووووووني

الغداء انا الغيته من راسي. راح اقولك ليش. زي ما انتي عارفة وزني صعب ينزل علشان كذا قلت في نفسي لازم اكل وجبتين مو ثلاث، ابي وزني ينزل بسرعة. مو نص كيلو بالاسبوع ابي انزل كيلو.

الفطور لازم افطر ، الوجبة الثانية حطيتها عشا علشان ودي اتعشى مع اختي واختي تتعشى الساعة ستة المغرب لاني اذا تغديت ماراح اتعشي معها. علشان كذا الغيت الغدا.

 

[توووووتة الحلوة]

انا ببدأ من باجر الرجيم وزني الحالي 83 والطول159 والهدف الاول 75 يارب انزل ووزني مليييت من ولدت وانا بعدني ما ضعفت زهقت صار لي 4شهور. ووبعدني كنت 100بالحمال ومتى انزل الباقي

الله يوفقك يا ام عبدالعزيز. ان شاء الله راح تضعفين، لكن السالفه يبيلها صبر وطولة بال.

 

[توووووتة الحلوة]

سبحان الله و الحمدلله و لا اله الا الله و الله اكبر

 

[توووووتة الحلوة]

اليوم

الريوق
بيضة مسلوقة مع نص صمونه بر. كاس شاي و سلطة

الغدا
مافيه غدا

العشا
نفس الريوق: بيضة مسلوقة مع نص صمونه بر. كاس شاي و سلطة

السناك
شوية شيبس. شكولاته تقريبا 120 كالوري

الرياضة
مشيت 50 دقيقة

 

[توووووتة الحلوة]

امس

كان يوم مفتوح. هذا اول مرة اسويها من بديت الريجيم :eh_s(16): انا بصراحة ما كان ودي اسوي يوم مفتوح لكن امس حسيت بحالة جوع مو طبيعية. فقلت خلاص راح اخليه يوم مفتوح.

اليوم
راح يكون سوائل بس. راح اكثر شرب ماي علشان كل السموم تنزل و راح اكثر مشي.

بكره
ان شاء الله راح ابدأ من جديد لكن ريجيم اقسى لاني ودي وزني يكون 66 اذا انتهى شهر ذو الحجة يعني مع بداية السنة الهجرية الجديدة نيو لوك :eh_s(17):

 

[Jalowry]

مبرووووووووووووووك ياتووووووووته
على الوزن اليديد .:eh_s(15):
عقبال ماتودعين الستيناات ان شاء الله.:eh_s(7):
وانا أودع التسعينااات ياااااارب.:yaaaaaarb:
بالتوفيق........

 

[Jalowry]

بس ماقلتي شنو الرياضه اللي تسوينهاااا.
ياليت اتفيديني بهالموضوع.

 

[الفدنه]

احلي اب لاحلي توت

 

[توووووتة الحلوة]

مبرووووووووووووووك ياتووووووووته
على الوزن اليديد .:eh_s(15):
عقبال ماتودعين الستيناات ان شاء الله.:eh_s(7):
وانا أودع التسعينااات ياااااارب.:yaaaaaarb:
بالتوفيق........

الله يبارك فيك قلبوش :eh_s(17): ان شاء الله قريب تدخلين الثمانينات، مابقى لك الا ثلاثة كيلو :eh_s(15):

بس ماقلتي شنو الرياضه اللي تسوينهاااا.
ياليت اتفيديني بهالموضوع.

الرياضة اللي اسويها اهي المشي واحيانا اسوي تمارين الذراعين علشان عندي ترهل في الزنود

 

[توووووتة الحلوة]

احلي اب لاحلي توت

مشكووووررررررة :eh_s(22):

 

[توووووتة الحلوة]

اليوم ما اكلت و لا شي كنت حيييييييل تعبانه بس شربت مااااااي

 

[هيماء]

ياهلا والله وغلا ماشاءالله عليك ياتوتة مرة عجبتني ارادتك يارب توصلي هدفك بصحة وعافية
اذا ماعليك امر ودي اشترك وياك وزني 83.4وطولي 158

 

[توووووتة الحلوة]

ياهلا والله وغلا ماشاءالله عليك ياتوتة مرة عجبتني ارادتك يارب توصلي هدفك بصحة وعافية
اذا ماعليك امر ودي اشترك وياك وزني 83.4وطولي 158

يا اهلا فيك يا هيماء، ايش رايك يكون بيننا تحدي يعني نتحدى بعض مين تنقص اكثر. التحدي يبدأمن اليوم وينتهي با اخر شهر ذو الحجة. انتظر ردك.

 

[توووووتة الحلوة]

اليوم

الريوق
بيضة مسلوقة مع نص ساندويش بر. سلطة وكاس شاي

السناك
شيبس = 150 كالوري
شكولاته = 60 كالوري

الرياضة
مشيت ساعة
تمارين الذراعين راح اسويها لمدة 40 دقيقة، من زمان ما سويتها

 

[حزن الليل]

توووته انا خربتها يوووم العيد كليت كباب مشوي واااااااااي عذاب طعمه >>.>عيد الحم مره بالسنه >>>>بس كانت وجبتي الوحيد ذاك اليووم




المهم شخبارج انتي وعامله ايه بالرجيمم


تريقت اليووم الساعه 7 ونص شربت لبن وكلت 7 تمرات وشربت ترس ماااااااي

+

والساعه 10 شربت جاي منعنع + قطعه خبز ايطالي اسمر عليه جبنه عكاوي

الرياضه + المشي ان شاء الله بعد شويات:weight_lift:

 

[هيماء]

توتة مرحبا وانا بإذن الله قد التحدي
وهذي يومياتي
على الريق شربت زنجبيل
فطوري كاس شاي و3حبات شابورة بر
الغدا توست برمع شريحة جبنةقليلة دسم وبرتقالة