للبنات اللي مروا بقصة حب قبل الزواج !

[/كلي تعب/]

الله يجزاكم خير ريحتوني
اما اللي تشجعني على اني ارد لحبيبي حرام عليج والله
المفروض اقل شي تكرهوني باللي قاعده اسسسويه

 

[عرباوية من قدي]

انتي الحين ليش تحبينه لانج متوقعه انه بعيشج احلى عيشه بيكون لج فارس الاحلام الخيالي على بالج انه اهوا ولا غيره وانه حياتج من غيره عذاااااااب لانه اهوا راحتج <<<جذي انتي تحسين صحح
بس صدقيني خل عنج الحب شوي خل يطلع وييه الثاني وشوفي شلون بتنصدمين فيه والله لتطقين على راسج من الصدمه لما يتقرب منج اكثر ويخطبج وبتسولفون بسوالف العرس والمهر بيطلع واحد ثاني وبيقولج عن شنو يبي وشنو مايبي وتعالي سمعي الاوامر والطلبات الحقيقيه لانه خلاص بتصيرين زوجته لازم يعلمج اللي يبيه منج وتصرفاتج مع اهله لا وكلش ولا اهله لا تيبين طاري اهله حتى لو بخير طيعي كلامي وحطي ببالج انه دام ماصار من نصيبج يعني مافيه خير لج حتى لو انتي تبينه وكلي الله وشوفي شلون بيحط الخير بدربج بس خل عندج ثقه بربج وياحظج بولد عمج من لحمج ودمج تعرفون بعض ومن عايله وحده على الحلوه والمره ستر وغططااا يااااريت عندي ولد عم جاان بنعيم انا مااحسدج لا حشى بس ابين لج النعمه اللي انتي فيها وموحاسه روحي وجهزي وتشري وانتي فرحااانه من قلبج والله والله ان ولد عمج فيه خير لج لو مافيه خير جان ماملجتو وبيصير زوجج والله بعد عنج الشر حتى لو انتي تحبينه لان لو كنا نعلم الغيب لاخترنا الواقع عيشي حياتج لا تندمين بعدين تقولين ماتهنين بتجهيزي كله افكر بهذاك اللي مايسوى ظفر ريلي وولد عمي تهني حبيبتي يابختج الله يوفقج وينسيج يااه وادعيلي

 

[/كلي تعب/]

عرباويه
فعلا والله اهوه مرات يصير حجر وغثيث وكل شي
وعارفه انه زوجي حبيب وطيب
كلامج والله ريحني حييل
الله يوفقج ويعطيج اللي تتمنينه يااااااااااااارب

 

[شوق95]

اللللللللللله يووفقج

 

[Ray.Bana =$]

استخيري عشان لاتندمين

 

[مفسرة الاحلام]

تعوذي من بليس بس هذا بليس مزينه فى عينك

احمدي ربك انك بتتزوجين وبتكونين اسره وبتصيرين ام وتعيشين تجارب تنسيك الحب والخرابيط هذى

ولا غيرك تعالي شوفيهم مستورات فى البيوت وكبرو بالعمر وللحين ماتزوجوو ومع هذا مافكرو بالحب والخرابيط هذى

تدرين ليش لانهم شريفات طاهرات يرجون ماعند الله مو ماعند الرجال او الحبيب متعلقات في رب العالمين


اخزي الشيطان وشيلي هالنصاب من راسك وهيئي قلبك وتفكيرك وكل حياتك للرجال الى بيصير زوجك الى شاريك فى غالي الاثمان ويبيك تكونين ام عياله الى تصون شرفه وعرضه وسمعته وانسى هالنصاب الى يبي يتسلى فيك ولا شبع او مل قطك

 

[Stay alive]

رفيجتي حبت واحد اكثر من 5 سنوات
وعقب تزوجت
والله كرهت حبيبها كره
وحيل تعلقت ب زوجها

الله سبحانه يحط بين الزوجين موده
ولا تنسين العشره

الزوج غير عن الحبيب
الزوج علاقة بالحلال علاقه بالنور
مافيها استغلال ولا ذنوب

فكري بزوجج وتجهزي له من الحين
صدقيني هالشي بلهيج عن حبيبج
وبيحببج بزوجج

وتفكيرج بحبيبج الحين وسواس من الشيطان
غيري خطج وتوكلي على الله

الله يسخركم ل بعض

^
^
:eh_s(15):

 

[جوك احلى جو]

اول شي الف مبروك منه المال ومنج العيال

شوفي ربنا احكم الحاكمين لكن ربنا سبحانه وتعالى ماكتب لج ترتبطين الله اعلم يمكن شر والله دفعه عنج

الحب اللي تعيشينه يمكن اول حب فصار مثل الالفه والعشره صعب عليج فراقه وماعشتي حب مستقر

باجر لا صرتي مع ريلج راح تحبينه اهو بوعيالج بالمستقبل القريب باذن الله وبتنسينه الاولي

واديما ادعي ربج ان يطرح بينكم المحبه والتوفيق كثري الدعاء بالسجود

 

[أحلام مؤجلةة]

شوفي حبيبتي الي يحب من قلبه مايقدر ينسى
والزواج ماينسي الحبيب بس اذا الي اتزوجتيه الرجال اهو نفسه كان ع مستوا وشفتي فيه كل الي تتمنينه من رجوله وحنان
هذاك الوقت بتنسي طوايف الي حبيتيه
اما اذا لقيتي الزوج اي كلام ووجوده مثل عدمه هذاك الوقت المقارنه هي الي بتقتلك
والندم ع استعجالك وحبك لحبيبك الاول بيزيد

 

[om_7soon]

لو صج يحبج مو بس مرة وحدة يتقدملج مرة وثنين وثلاث
وانشالله زوجج ينسيج اياه......
وبث الله يوفقج

 

[* ليــــدي *]

آولا الف مبروك الملجه .. وعقبآل البيبي ..

ثآنيا .. إنتي متعلقه فيه مو حب
الدليل لما قلتي يخليني فتره ويردلي ..
فـ لما تزوجين وتلهين بالعزآيم والطلعآت والدلع بفترة زوآجج بيكون عادي عندج ..
و نصيحه لما تكونين بروحج انشغلي في اي شي دقي على اي احد سولفي ..
شغلي اللاب آو آخذي شآور شوفي افلام آكشن مــو حب وغرام حآوووولي تلهييييييين عنه بالتفكير ..

وصدقيني بتنسينه ومع الوقت بتحطين لنا رد باركولي نسيته


و الله يسآعدج إن شاءالله ..

 

[Jro7 Al.nass]

يا حبيبتي والله حاسه فيج فديتج
وكلي امرج لله سبحانه
،،
وحطي ابالج ان لو تزوجتي ولد عمج
ترا بمجرد التفكير بغيره تعتبرين "خااينه "
وانتي ترضين هالشي لنفسج ؟
اكييد لا
وانا ما اقول لج انسيه ،، بس تناسيه !
بأي شي ،، و باجر ربي بيرزقج بيهال ان شالله
ويملون دنيتج وبينسونج الاولي مررررره وحده ان شالله
،،
ربي يوفقج حبيبتي دنيا واخره ويعينج
وعيدج مبارك وعساج من عواده :**

 

[سفيره الكويت]

بس لا تنسون يابنات ترى حبيبها اثبت لها حبه لها وخطبها وتقدم لها شيسوي اكثر من جذي؟ ورفضوا اهل البنت

سؤال لصاحبه الموضوع افرضي العكس اهلج وافقو واهله رفضوا بيكون موقفج اهو نفسه ؟!

انا اقول انتي وين والحب وين تزوجي ولد عمج بس تحملي نتيجه اختيارج مو باجر تكلمين حبيبج من وراه بعد الزواج بتحسين فيها خاصه

اذا متعلق فيج وايد ويحبج وكسرتي قلبه بزواجج ..! حوبته ماراح تعداج اذا مخلص النيه ويبيج زواج

 

[الاهله]

شوفي اول سنه زواج كله مقارنه تجلسين تقارنين بينهم وكله بتشوفين ذاك افضل

لان الشيطان هو الي بيرجح الي يبي مستحيل بيرجح الحلال

والسنوات الي بعدها بتندمين انك قارنتى وبتعرفين ان زوجج افضل الف مره

لان الله الي اختاره لج والخيره فيما اختاره الله

 

[طموحه بزياده]

تزوجي وتوكلي على الله وان شا الله خيره لج

 

[سفيره الكويت]

شوفي اول سنه زواج كله مقارنه تجلسين تقارنين بينهم وكله بتشوفين ذاك افضل

لان الشيطان هو الي بيرجح الي يبي مستحيل بيرجح الحلال

والسنوات الي بعدها بتندمين انك قارنتى وبتعرفين ان زوجج افضل الف مره

لان الله الي اختاره لج والخيره فيما اختاره الله

اهي ماتزوجت للحين واذا للحين تحب هذاك مانصحه تاخذ هذا وتبتلش بعدين وبعدين


ترى ظلمت الولد بتفضيلها ولد عمها عليه تخيلي نفسج مكانه ترى الريال اذا حب وحده يقعد مع

نفسه ويدمع كل هذا ماراح يروح هدر :eh_s(10):

 

[el7ob Klah]

ماكو شي بالدنيا مع الوقت ما ننساه

حتى حزن الناس على وفاة امهم وابوهم وعيالهم ينسونه مع الوقت

ويظل بس ذكرى حلوه تمر على البال بين فتره وفتره

اذا زوجج طيب وحبوب راح تنسين بس مو بسرعه لان هذا حب

يمكن بعد سنه من زواجج خلااااااص راح تنسينه ويظل ذكرى حلوه ماراح يظل حبج له طول العمر

والله يوفقج ويسخر قلبج حق زوجج ويسخر قلبه لج ياااااااااااا رب

مبرووووووووووووووووووووووك الزواج يا عروووووووووس

 

[سفيره الكويت]

ماكو شي بالدنيا مع الوقت ما ننساه

حتى حزن الناس على وفاة امهم وابوهم وعيالهم ينسونه مع الوقت

ويظل بس ذكرى حلوه تمر على البال بين فتره وفتره

اذا زوجج طيب وحبوب راح تنسين بس مو بسرعه لان هذا حب

يمكن بعد سنه من زواجج خلااااااص راح تنسينه ويظل ذكرى حلوه ماراح يظل حبج له طول العمر

والله يوفقج ويسخر قلبج حق زوجج ويسخر قلبه لج ياااااااااااا رب

مبرووووووووووووووووووووووك الزواج يا عروووووووووس

لول شفيكم ترى للحين ماتزوجت اهي ركزو بالموضوع شوي

 

[ToOoT"Q8]

الحب بعد الزواج
حب العشره
الحب الطاهر الشريف
وهذا أهوا الحب الصح
ألي راح يعيشج طول عمرج بسعاده
أما الحب قبل الزواج
أنبنا على معصيه
عرفتي شنو يعني معصيه
وتحمدي الله أنه بيبعدج عن هالمعصيه
عشان تكملين باقي حياتج على رضا الله

أنسي حبيبج لأنه راح يجي ألي يحبج أكثر منه
راح تكونين عنده زوجته حبيبته أم عياله
أما حبيبج أنتي عنده أنسانه لا راحت ولا جت
لو يحبج صج يخطبج أكثر من مره ومايخليج
بس شكله ماله خلق عوار راس وبيختصر الطريق وينساج
أنتي بعد اختصري الطريق وانسيه وفكري بحياتج الجديده

 

[جواهر35]

لاحلو ولاقوة الا بالله