بناتى التوائم

[ام فاطمة وزهراء]

مرحبا امهات اشلونكم ..

عندى مشكلة يمكن هى بسيطة فى نظركم بس انا تعبانه حدى ومتضايقة منها المشكلة هى صغر حجم بناتى وضعفهم

ماشاءالله عندى توأم بنات عمرهم 9 شهور بس وايد اضعاف الاولى وزنها 7 كيلو و200ج والثانيه 6 كيلو والنتفه ضئيله حدها من ضعفها كأنها ام 5 شهور وحتى الاولى بس الاصغر مأساه


اكلهم كلش قليل والحليب بعد اعطيهم ابتميل بالغصب يكملون الرضعه وساعات بس مرتين خلال اليوم احاول اكلهم واطبخ واتفنن بس ماكو فايدة شهيتهم للاكل قليله و


خاطرى يمتنون شوى بتى الثانية كلش عود حتى الثياب مو حلوين عليها وبالغصب توقف من ضعفها


رحت اكثر من دكتور كله يقولون عادى بيكبرون انزين السؤال ليش فى اطفال ماشاءالله حتى لو انولدو صغار يتكتكون بسرعة واطفال كلش ضعاف بالزور يزيدون





بس اتمنى انهم يمتنون شوى حتى طولهم هم اقل تحت الخط الطبيعى





تقدرون تساعدونى وترجعون لى ابتسامتى :eh_s(10):

 

[hneen2]

اممممممم حبيبيتي



يمكن بنيتهم جذي او وراثه يعني انتي وابوهم بنيتكم جذي


وحاولي تشربينهم ماي تمر سيرلاك التمر ممتاز يتختخ وعطيهم خضار مسلوقه واذا ما فاد روحي للدكتور يصرفلج فيتامينات خصوصا فيتامين بيبي فت عجيب

يفتح شهيه البيبيات ويارب يمتنون بصحه وعافيه

 

[المسكـ]

ما التمر وايد زين صح
بس اذا عيالج نفس عيالي انسي يمتنون لوووول
انا ولدي جذي نتفه وعصاقيل وماخليت شي ماعطيته ماخلليت نوع فيتامين ما عطيته بس ماكو فايده بس يطول ما يمتن

 

[ام فاطمة وزهراء]

اممممممم حبيبيتي



يمكن بنيتهم جذي او وراثه يعني انتي وابوهم بنيتكم جذي


وحاولي تشربينهم ماي تمر سيرلاك التمر ممتاز يتختخ وعطيهم خضار مسلوقه واذا ما فاد روحي للدكتور يصرفلج فيتامينات خصوصا فيتامين بيبي فت عجيب

يفتح شهيه البيبيات ويارب يمتنون بصحه وعافيه

مشكورة عيونى على الرد بس انا وزوجى صحتنا زينه ومحنا ضعاف واليهال اللى من عائلنتا ومن صوبه ماشاءالله متان وطوال الا عيالى لان عندى ولد الله يحفظه عمره سنتين و10 شهور وضعيف وقصير وعيال عمامه اصغر منه وامتن منه انا بس الوحيده فى العائلتين عيالى ضعاف وحدى متأزمه من الموضوع :eh_s(16):

 

[ام فاطمة وزهراء]

ما التمر وايد زين صح
بس اذا عيالج نفس عيالي انسي يمتنون لوووول
انا ولدي جذي نتفه وعصاقيل وماخليت شي ماعطيته ماخلليت نوع فيتامين ما عطيته بس ماكو فايده بس يطول ما يمتن

الله يكون فى عونج وعونى ... وكل وحده عيالها نفسنا لان الصراحه قهر حتى اللبس مو حلووو عليهم

الله يحفظهم ويحفظ عيال الجميع ...

ان شاءالله يكبرون ويتغيرون

 

[قلبي القرآن]

لاحقة على المتن والطول غمضي و فتحي تلقينهم طولج
الله يخليهم لج ولا طالعين غيرج بتتعبين اهم شي انهم سليمين
والباجي كله يهون

 

[ام كوثر2007]

كربونهم عسي الله يخليهم لج ان شاءالله ..


شوفي حبيبتي اعرف وايد حريم يحطون حلبه حب بمطاره الماي مالت الحليب ,, يعني قطيلج تقريبا سبع حبات حلبه .. بمطاره الماي مالتهم ..


ولمن بتسوين لهم رضعتهم .. اخذي من هالماااي وطبعا بتكون في ريحه حلبه ادري بس صراحه تسمن اليهال وتطلع له خدود ويصير متعافي .. جربي وطمنينا عليهم عسى الله يخليهم لج .

 

[ام كوثر2007]

وديري بالج من ماي التمر ترا يسبب اسهال .......

 

[ام فاطمة وزهراء]

كربونهم عسي الله يخليهم لج ان شاءالله ..


شوفي حبيبتي اعرف وايد حريم يحطون حلبه حب بمطاره الماي مالت الحليب ,, يعني قطيلج تقريبا سبع حبات حلبه .. بمطاره الماي مالتهم ..


ولمن بتسوين لهم رضعتهم .. اخذي من هالماااي وطبعا بتكون في ريحه حلبه ادري بس صراحه تسمن اليهال وتطلع له خدود ويصير متعافي .. جربي وطمنينا عليهم عسى الله يخليهم لج .

من باجر بجرب وبخبرج مشكورة على النصيحه انا سمعت ان الحلبه تفتح الشهيه :eh_s(15):

 

[ام فاطمة وزهراء]

لاحقة على المتن والطول غمضي و فتحي تلقينهم طولج
الله يخليهم لج ولا طالعين غيرج بتتعبين اهم شي انهم سليمين
والباجي كله يهون

مشكورة اختى بس انا ماطالع غيرى بس انا ام حالى حال اى ام تضايق لين شافت ولدها اصغر من سنه بواجد انا لو تشوفين ولدى يلبس مقاس 2 وهو جريب بيصير 3 حتى يكسر الخاطر من ضعفه اشوف كل اللى حولى عيالهم بعافيه وياكلون وانا ولدى يطالعهم الله يحفظهم لازم بنقهر

اكيد الحمدلله على الصحه بس احس هدا الشعور ماتحس فيه الا الام اللى عيالها مثل اعيالى



اشكرج اختى

 

[Fashion Falls]

جربتي العسل؟.
في عسل مخصوص فتح شهيه

 

[^noonaa^]

عادي حبيبتي يمكن ليش انتي يبتيهم نتفه
انا عندي توأم واللي يشوفهم يعطيهم اصغر من عمرهم لانه يبتهم خدج
وحتي سالفه التسنين اهمه متأخرين عن اللي ابعمرهم
بس عليج بالفيتامينات

 

[queen2007]

حبيبتي ماكو الا الحلبه بس بخيسونج بالريحه بسةالله يعينج

واذا انتي تعطينهم سوائل غير الحليب حطي معاة حلبه وبتشوفينهم مربربين ان شاء الله

 

[ام فاطمة وزهراء]

عادي حبيبتي يمكن ليش انتي يبتيهم نتفه
انا عندي توأم واللي يشوفهم يعطيهم اصغر من عمرهم لانه يبتهم خدج
وحتي سالفه التسنين اهمه متأخرين عن اللي ابعمرهم
بس عليج بالفيتامينات

اى اختى جبتهم خدج بس مايتغير وزنهم الا جم جرام وشكلهم جنهم ام 6 شهور اعطيهم فيتامين

 

[ام فاطمة وزهراء]

حبيبتي ماكو الا الحلبه بس بخيسونج بالريحه بسةالله يعينج

واذا انتي تعطينهم سوائل غير الحليب حطي معاة حلبه وبتشوفينهم مربربين ان شاء الله

يعنى الحلبه تخلى ربحتهم خايسه انزين احس انه الحل الوحيد وش رايكم استخدمها :eh_s(10):

 

[engnera]

نفس الحاله

 

[om MaRyooM]

شهية طفل عن طفل تفرق

انا البجر عندي ماساااة بالاكل وظعيفة وزنها كان اقل من بنتج ترا .. ويوم سوولها تحليل دم قالولي كل شي اوكي
بس اهي شهيتها ظعيفة


اما الثانية تبارك الرحمن الحمدلله تحب الحليب ووزنها اوكي



انتي جربي حطي شوية حلبة بالرضعه .. لأن الحلبة تتفخ الياهل وتفتح الشهية ومفيدة طبعا

 

[ام فاطمة وزهراء]

شهية طفل عن طفل تفرق

انا البجر عندي ماساااة بالاكل وظعيفة وزنها كان اقل من بنتج ترا .. ويوم سوولها تحليل دم قالولي كل شي اوكي
بس اهي شهيتها ظعيفة


اما الثانية تبارك الرحمن الحمدلله تحب الحليب ووزنها اوكي



انتي جربي حطي شوية حلبة بالرضعه .. لأن الحلبة تتفخ الياهل وتفتح الشهية ومفيدة طبعا

شكرا لج اختى بجرب الحلبه


مشكورين حبيباتى

 

[بيباا]

حبيبتي اعرف وحده اجنبيه تقول احمسي السميد وحطي عليه حليب نيدو وحليه واديه بزورتك تقول هم بالمغرب يستخدمونهااا للبزوره بس انا ماجربتهاااا بس انتي اذا حتسويهااا لا تكثريهااا لبزورتك مره في الاسبوع تكفي والموز كمان كويس اهرسيه مع حليب
والحلبه مع نعناع مغربي نقعيهااا بمويه حاره مرررررررررررررره كويسه للي بنيتهم ضعيفه احنااا نستخدمهااا بنت اختي جات مره ضعيفه جاتهاا ولاده مبكره وماشالله بنتهاااا تجنن زي اللي بعمرهااا واحسن
كثريلهم الزبادي لازم علبه كامله باليوم يخلصوهاا كل وحده علبه
كمان يمكن نوعيه الحليب ماهي كويسه لهم اناا استخدم لولدي من يوم ماولد اس 26 وبمراااحله مره كويس وصفه ليه الدكتور
وربي يفرحك فييييييييييييييهم يارب

 

[كويتيه مذهله 87]

حبيبتي طبيعي لان بناتج توم صدقيني علي كثر ما تعطينهم وتوكلينهم ما يتغير الا نتفه

انتي حاولي تغصبينهم انا ولدي جذي معني يبته بلتاسع بس عصقول لو ما اغصبه علي الاكل جان ماياكل طول الوقت اغصبه يشرب مميته كلها لو متقطع المهم يشربها اح بيده لعبه جربي هالطريقه عطيهم العاب ووكليهم