رد: أخيرا أنا رشيقة بفضل الدكتور عبد الصمد مصطفى
مساكم الله بالخير نرجع وتكمل معاكم تفاصيل اجراء العملية
دخلت المستشفى يوم الأحد والاثنين من الفجر الساعة خمس قعدت عشان اصلي وقريت قرآن نص ساعة ولا السسترات ييون قالوا مام يور أر ذ فيرست كيس يعني أنا اول عملية وزهبوني وودوني لغرفة العمليات بس في مكان مثل غرفة الملاحظة الساعة ست ونص وهناك نمت شوي بعدين اعتقد اذا ماني غلطانه وخانتني عيوني دششوني غرفة العمليات الساعة سبع حطولي الكمام وعقبها مادريت عن روحي بس اذكر ان دكتور عبد الصمد طل علي وسألني شلونج ها نمتي عدل مستعدة للعملية
وبعدين يا محفوظين السلامة صحيت على الساعة وحدة الظهر في غرفة الإفاقة كلموني جاوبتهم وانا دايخة وقالوا خلاص مام كل شي أوكي بنوديج الغرفة المهم على الساعة وحدة ونص أنا كنت بغرفتي كلمت زوجي وامي أني طلعت من العملية وبعدين نمت تقريبا لي الساعة خمس المغرب يوني اهلي وتطمنوا علي وكل شي كان تمام
كان في عوار طبعا في منطقة البطن تدرون الشق عود وزارني الدكتور المناوب وتطمن علي كان في مشكله في الدرام اللي تنزل فيه السوائل من الجسم انه مو قاعد يسحب عدل شافه وعدل شوي وكلم دكتور عبد الصمد قاله خلاص راح يمرني الصبح
الثلاثاء الصبح الساعة تسع زارني دكتور عبد الصمد وفتح الغيار وشيك على البربيش ماشالله عليه ضبطه تمام وحطلي غيار جديد وقام يسولف معاي عن العملية وقاللي ما توقعت انه عندج هالكمية من الشحم والترهلات لأني بالكشف قبل العملية قاللي الدهون كميتها مو هالكثر وللأسف مستشفى الاميري ماعندهم جهاز شفط الدهون على فكرة العملية خذت ساعتين والخياط مثل ما قلتلكم من قبل تجميلي
لكن في العملية وهو مشكور على عمله قاللي شلت طبقة الشحم الموجودة فوق السر ووحدة تحت السر وبعدين صلح الفتاق وشد عضلات البطن وشال كل الترهلات بصراحة لليوم أنا مو مصدقة أطالع بطني وأقول اختفى الجبل اللي كان قاعد على جبدي
مادري شقولكم دكتور عبد الصمد فوق ما انه دكتور شاطر بعد انسان يقدر مرضاه اي وقت أدق عليه يجاوبني ويتفاعل معاي مثلا ثالث يوم العملية حاشني صداع جداً قوي اللي احس عيوني صارت حوله. هههههه ولا قدرت أنام طلبت منوم ومسكن من السستر قالت مانقدر انتي خذيتي مسكن في الدرب من ساعتين ولازم الدكتور يقولنا عشان نعطيج دوا مو مكتوب لج المهم كانت الساعة ثلاث الظهر انحرجت ما حبيت أدق عليه بس الصداع قتلني دقيت رد علي قلتله الموضوع قال أوكي نعطيج بندول وحبة حساسية تدوخج لأني ولا مرة ماخذة دوا منوم وعطوني راح الصداع والمشكلة طارت النومة من عيني بسبب إزعاج المستشفى
على فكرة لما رحت للدكتور عبد الصمد اول مرة وعرف أني كنت بسوي العملية في مستشفى السلام قاللي ان إدارة المستشفى قاعدين يتفاوضون معاه يرونه يفتح عيادته عندهم ويسوي عملياته عندهم *
