- إنضم
- 7 نوفمبر 2011
- المشاركات
- 3,847
- مستوى التفاعل
- 0
- النقاط
- 0
- الإقامة
- кυώαiт ♥
- الموقع الالكتروني
- www.4shared.com
السلام عليكم ورحمة الله وبركاته ..
شلونكم حبيبات قلبي عساكمـ سالمين وبصحه وعافيه ..
اليوم بقدم لكم طريقتي الخاصه بالمجبوس الدجاج وان شاءالله يارب تعجبكمـ وللامانه بنات جربوها والله ما تندمووون والطريقه للامانه كل ما اسويها الجدر بنفس اليوم يفضى البيت كله ياكل من طبخي مع اني على فكره ترى مو واجد مع الطباخ بس يقولون نفسي حلو عالطبخ ..
يالله بسدح لكمـ وصفتي
بسم الله :
المقادير الدجاج :
دجاج كامل { على حسب اهل البيت دجاجتين او وحده او اكثر كيفكم }
بنات افضل انا دجاج الوطنيه او علالي لاني كنت استخدم عافيه وعلى كثر ما افرك فيه الا انه زفرته فيه ما تروح مع اني انقعه بليمون وطحين و ملح وخل وهم ماكو فايده وساديا الله يديم النعمه الدجاجه بكبرها ما تنبلع ..{ هذي ملاحظتي عالدجاج }
بهار دجاج + بهارات مشكله + حبتين هيل وحبتين مسمار وثلاث حبات ورق غار واثنين ماجي دجاج وملعقتين اكل ملح ..
وجيبي استكانه صغيره حطي فيها ثلاث قفشات ماي ورد وشوي زعفران ناعم وشوي هيل وشوي صبغ طعام وخليه على جنب ..
وزيت نباتي .. وبصل + ثوم مدقوق { طبعا البصل قطعيه صغار اوك بحيث انه مايبين }
المهمـ ..
المقادير الارز :
عيش { افضل عيش التموين او بسمتي } .. ملاحظه بنات اللي تبي حبة العيش طويله وحلوه وطعمها مميز تنقع العيش من بليل وتقوم الصبح تطبخ جربي مرح تخسرين شي ..
بصل + ثوم + ملعقتين ملح + شوي زيت نباتي + بهارات مشكله قفشه صغيره اوك لا تكثرين عشان النكهه بس + قفشة جاي هيل مطحون + شعريه ..
التزيين :
بصل شرايح + مكسرات منوعه { ملاحظه بنات ترى المكسرات المنوعه اللي هي خاصه حق القوازي والمجابيس ما اعرف اسمائهم بس انا اخذ من مركز سلطان }
الطريقه :
تنقعين الدجاج مع ملعقتين ملح وملعقه خل وكوب طحين { لاتقولين واجد سوي وبس عشان الزفره تروح لازم } وليمونتين كبار طبعا طلعي الدجاجه من الصبح يعني قومي طلعي دجاجتج ونقعيها وردي نامي لي الضحى ومن تقومين تكون الدجاجه متنقعه وخالصه يالله الحين شدي الهمه ارفعي جموم ملابسج وسوي حرب مع الدجاجه << نفس حالتي :eh_s(9):
فركي عدل عدل عدل فركيها من داخل عشان الدم كلللله يطلع عدل ومايبقى منه شي ابد ومن بره وبين فخوذها يعني فركي حيل مو بدلع وتقولين خلاص نظفت لا فركي عدل لين ما تصير تلق من داخل ومن بره وتاكدي انه مافيها دم ابد << موسوسه بعدين افتحي على الماي الحار واغسليها عدل من داخل ومن بره غسلتي خلصتي ؟..
جيبي جدرج وحطي نص الجدر ماي بس مو واجد يعني يكون الماي يغطي الدجاجه باصبعين بس < فهمتيني :eh_s(22):
المهمـ وحطي البصل المقطع مع الثوم المدقوق مع قفشتين بهار مشكل مع ورق الغار والمسمار والهيل مع ماجي الدجاج والملح وشووووي زيت نباتي مو تكثرين شوي بس انطري لين ما يفوح الماي شوي اول ماحسيتي الماي فاح شوي جيبي الدجاج وحطيه بالجدر لمدة عشر دقايق بعدها سكري الجدر بالغطا وخليها تفوح على كيفها .. روحي جيبي جدر ثاني وحطي فيه البصل والثوم اللي قطعتيهم حق العيش احمسي شوي وبعدين ضيفي شوي زيت نباتي و احمسي لين ما يتحمر البصل بعدها حطي الملح والبهارات المشكله والهيل المطحون وحركي مع البصل بعدين جيبي قوري الماي وصبي على جدر العيش ماي مايقارب نص الجدر او اقل بشوي بحيث انه يغطي العيش باصبعين مو اكثر وسكري الجدر لين مايفوح الماي شوي روحي جيبي مقله وحطي فيها شوي زيت مو تكثرين وحطي الشعريه وحركيه لين ما يتحمر شوي وبعد مايتحمر روحي افتحي جدر العيش اللي فيه بس ماي وكبي الشعريه وبعد ما تنقعين العيش كبي فوق الشعريه عيش وجيبي ملاس وحركي الشعريه مع العيش وسكري الجدر بالغطا لين مايستوي العيش مع الشعريه
روحي افتحي جدر الدجاج وشوفي اذا الدجاج استوا طلعيه من الجدر وانطري عليه يبرد شوي ومن يبرد ادهني الدجاجه بالبهارات المشكله وخلطة الزعفران اللي سويناها وبعدها قلي الدجاجه لين ما تتحمر شوي وخليها على جنب { واللي تبي عالفرن تضيف قفشة طمام معجون على الدجاجه مع البهارات وخلطة الزعفران وتدعي لي } بعدين افتحي جدر العيش وروحي جيبي مشخال العيش وكبي العيش بالمشخال { وانتي تكبين العيش هزي المشخال حيل وهو فيه العيش } بعدين اغسلي جدر العيش شوي وحطيه عالنار مره ثانيه واحمسي بصل شوي مع زيت بعدها جيبي العيش اللي بالمشخال وكبيه بالجدر بس مو كله يعني كبي نص العيش بالجدر بعدها حطي من خلطة الزعفران شووي بعدين كبي باقي العيش ونثري فوقه باقي خلطة الزعفران واحمسي البصل الشرايح وحطيه فوق العيش وحطي الدجاجه فوقها و كبي المكسرات عليها بس نصيحه بنات اذا تبون طعم روعه قلي المكسرات عالنار شوووي مو واجد بس عشان يصير طعمه احلى وبعدها كبيه عالدجاج والعيش وسكري الجدر وبعدين حطي حديده وفوقها الجدر وخففي عالنار لين وقت الغدا ..
واذا عالصوص كيفكم انتو اختارو عندكم مرق البطاط وعندكم دقوس وعندكم شطه وعندكم معبوج < حنا ناكل المجبوس مع شطه ومعبوج وسلطه ..
وسوو اللي يريحكم حبيبات قلبي وعليكم بالف عافيه يارب واماااانه بنات اللي تجربها تسدح تجربتها وتقولي راايها امانه بنات جربوها والله ما تندمون طعم وريحه ولا اروع واللي تبي تنقل تجربتي ما احللها لو ما تنسب اسمي واسم المنتدى فديت قلبوكمـ .. ولكمـ خالص ودي :eh_s(17):
شلونكم حبيبات قلبي عساكمـ سالمين وبصحه وعافيه ..
اليوم بقدم لكم طريقتي الخاصه بالمجبوس الدجاج وان شاءالله يارب تعجبكمـ وللامانه بنات جربوها والله ما تندمووون والطريقه للامانه كل ما اسويها الجدر بنفس اليوم يفضى البيت كله ياكل من طبخي مع اني على فكره ترى مو واجد مع الطباخ بس يقولون نفسي حلو عالطبخ ..
يالله بسدح لكمـ وصفتي
بسم الله :
المقادير الدجاج :
دجاج كامل { على حسب اهل البيت دجاجتين او وحده او اكثر كيفكم }
بنات افضل انا دجاج الوطنيه او علالي لاني كنت استخدم عافيه وعلى كثر ما افرك فيه الا انه زفرته فيه ما تروح مع اني انقعه بليمون وطحين و ملح وخل وهم ماكو فايده وساديا الله يديم النعمه الدجاجه بكبرها ما تنبلع ..{ هذي ملاحظتي عالدجاج }
بهار دجاج + بهارات مشكله + حبتين هيل وحبتين مسمار وثلاث حبات ورق غار واثنين ماجي دجاج وملعقتين اكل ملح ..
وجيبي استكانه صغيره حطي فيها ثلاث قفشات ماي ورد وشوي زعفران ناعم وشوي هيل وشوي صبغ طعام وخليه على جنب ..
وزيت نباتي .. وبصل + ثوم مدقوق { طبعا البصل قطعيه صغار اوك بحيث انه مايبين }
المهمـ ..
المقادير الارز :
عيش { افضل عيش التموين او بسمتي } .. ملاحظه بنات اللي تبي حبة العيش طويله وحلوه وطعمها مميز تنقع العيش من بليل وتقوم الصبح تطبخ جربي مرح تخسرين شي ..
بصل + ثوم + ملعقتين ملح + شوي زيت نباتي + بهارات مشكله قفشه صغيره اوك لا تكثرين عشان النكهه بس + قفشة جاي هيل مطحون + شعريه ..
التزيين :
بصل شرايح + مكسرات منوعه { ملاحظه بنات ترى المكسرات المنوعه اللي هي خاصه حق القوازي والمجابيس ما اعرف اسمائهم بس انا اخذ من مركز سلطان }
الطريقه :
تنقعين الدجاج مع ملعقتين ملح وملعقه خل وكوب طحين { لاتقولين واجد سوي وبس عشان الزفره تروح لازم } وليمونتين كبار طبعا طلعي الدجاجه من الصبح يعني قومي طلعي دجاجتج ونقعيها وردي نامي لي الضحى ومن تقومين تكون الدجاجه متنقعه وخالصه يالله الحين شدي الهمه ارفعي جموم ملابسج
وسوي حرب مع الدجاجه << نفس حالتي :eh_s(9):فركي عدل عدل عدل فركيها من داخل عشان الدم كلللله يطلع عدل ومايبقى منه شي ابد ومن بره وبين فخوذها يعني فركي حيل مو بدلع وتقولين خلاص نظفت لا فركي عدل لين ما تصير تلق من داخل ومن بره وتاكدي انه مافيها دم ابد << موسوسه
بعدين افتحي على الماي الحار واغسليها عدل من داخل ومن بره غسلتي خلصتي ؟.. جيبي جدرج وحطي نص الجدر ماي بس مو واجد يعني يكون الماي يغطي الدجاجه باصبعين بس < فهمتيني :eh_s(22):
المهمـ وحطي البصل المقطع مع الثوم المدقوق مع قفشتين بهار مشكل مع ورق الغار والمسمار والهيل مع ماجي الدجاج والملح وشووووي زيت نباتي مو تكثرين شوي بس انطري لين ما يفوح الماي شوي اول ماحسيتي الماي فاح شوي جيبي الدجاج وحطيه بالجدر لمدة عشر دقايق بعدها سكري الجدر بالغطا وخليها تفوح على كيفها .. روحي جيبي جدر ثاني وحطي فيه البصل والثوم اللي قطعتيهم حق العيش احمسي شوي وبعدين ضيفي شوي زيت نباتي و احمسي لين ما يتحمر البصل بعدها حطي الملح والبهارات المشكله والهيل المطحون وحركي مع البصل بعدين جيبي قوري الماي وصبي على جدر العيش ماي مايقارب نص الجدر او اقل بشوي بحيث انه يغطي العيش باصبعين مو اكثر وسكري الجدر لين مايفوح الماي شوي روحي جيبي مقله وحطي فيها شوي زيت مو تكثرين وحطي الشعريه وحركيه لين ما يتحمر شوي وبعد مايتحمر روحي افتحي جدر العيش اللي فيه بس ماي وكبي الشعريه وبعد ما تنقعين العيش كبي فوق الشعريه عيش وجيبي ملاس وحركي الشعريه مع العيش وسكري الجدر بالغطا لين مايستوي العيش مع الشعريه
روحي افتحي جدر الدجاج وشوفي اذا الدجاج استوا طلعيه من الجدر وانطري عليه يبرد شوي ومن يبرد ادهني الدجاجه بالبهارات المشكله وخلطة الزعفران اللي سويناها وبعدها قلي الدجاجه لين ما تتحمر شوي وخليها على جنب { واللي تبي عالفرن تضيف قفشة طمام معجون على الدجاجه مع البهارات وخلطة الزعفران وتدعي لي } بعدين افتحي جدر العيش وروحي جيبي مشخال العيش وكبي العيش بالمشخال { وانتي تكبين العيش هزي المشخال حيل وهو فيه العيش } بعدين اغسلي جدر العيش شوي وحطيه عالنار مره ثانيه واحمسي بصل شوي مع زيت بعدها جيبي العيش اللي بالمشخال وكبيه بالجدر بس مو كله يعني كبي نص العيش بالجدر بعدها حطي من خلطة الزعفران شووي بعدين كبي باقي العيش ونثري فوقه باقي خلطة الزعفران واحمسي البصل الشرايح وحطيه فوق العيش وحطي الدجاجه فوقها و كبي المكسرات عليها بس نصيحه بنات اذا تبون طعم روعه قلي المكسرات عالنار شوووي مو واجد بس عشان يصير طعمه احلى وبعدها كبيه عالدجاج والعيش وسكري الجدر وبعدين حطي حديده وفوقها الجدر وخففي عالنار لين وقت الغدا ..
واذا عالصوص كيفكم انتو اختارو عندكم مرق البطاط وعندكم دقوس وعندكم شطه وعندكم معبوج < حنا ناكل المجبوس مع شطه ومعبوج وسلطه ..
وسوو اللي يريحكم حبيبات قلبي وعليكم بالف عافيه يارب واماااانه بنات اللي تجربها تسدح تجربتها وتقولي راايها امانه بنات جربوها والله ما تندمون طعم وريحه ولا اروع واللي تبي تنقل تجربتي ما احللها لو ما تنسب اسمي واسم المنتدى فديت قلبوكمـ .. ولكمـ خالص ودي :eh_s(17):
