منو تعرف دكتور /ة شاطرة لأمراض المعدة

[تفاؤل86]

شلونكم بنات

تكفون بنات صارلي اربع سنين اتعالج من الام في المعدة ومافي اي نتيجة طيبة منو تعرف دكتور او دكتورة شاطرة حاسة انه صارتلي اورام وزني بدا كل يوم ينقص من 200 الى 300 غرام والحديد ناقص حيل والدكتور اللي يعالجني ولا مهتم ابد .

 

[الدلال]

ماكو الا العافيه ان شالله

انا الم معدتي كان ما يفج عني

ورحت حق كذا دكتور ومافاد

لين رحت حق الدكتور مساعد العصفور في مركز الشعب التخصصي

دكتور شاااطر وسوالي منظار كلش ما حسيت فيه وطلع معاي جرثومه بالمعده قديييمه وسببت لي تقرحات

والحمدالله عطاني ادويه وتحسنت حالتي

 

[تفاؤل86]

الحمد لله على سلامتك
مشكورة على الرد ..
سويت فحص الجرثومة الحمد لله سليمة من هالناحية ..
انا اقصد دكتور في مستشفى خاص لأنه مواعيد مستشفيتتنا الحكومية تعل ..

 

[الدلال]

مساعد العصفور دكتور في مستشفى خاص مو الحكومه
وعيادته بمركز الشعب التخصصي

 

[Behtar]

والله ودي اروح انا بعد اشوف ليش تيني مثل نزله معويه وايد اتكرر

 

[تفاؤل86]

مساعد العصفور دكتور في مستشفى خاص مو الحكومه
وعيادته بمركز الشعب التخصصي

بارك الله فيك

 

[تفاؤل86]

والله ودي اروح انا بعد اشوف ليش تيني مثل نزله معويه وايد اتكرر

لا تهملين العلاج في البداية ممكن يكون سهل لكن اذا اهمتلي يمكن تصير مضاعافات
الله يشافيك ويعافيك وكل مريض

 

[om MaRyooM]

يمدحون وفاء الحشاش


والدكتور خالد العنزي وايد شاطر


الله بشافيج قلبي

 

[عود ومسك]

مساااااااااااااااااعد العصفور بلا منازع
ماشاء الله تبارك الرحمن دكتور متخصص واستشاري ومشهور والناس تجيه من بره الكويت
وخلوق وحبوب وتعامله راقي وكل ما نروحله اضحك على طريقة معاملته لأختي
دكتور كبير مو صغير ويعامل البنت كأنها بنته ويكلمها كأنها طفله ياكل القلب والعقل بتعامله الطيب جد والله العظيم اختي كاانت لاعبه فيها التقرحات ومن مستشفى لي مستشفى ومن مستوصف لي مستوصف ومحد داري شنو فيها اول ما دشت عليه جان يطل بجيس الادويه ويقطهم بالزباله والحمدلله الفضل لله ثم الدكتور مساعد من عقب ما كنا نشيلها شيل صارت مثل الحصان ماشاء الله
اهلي كلهم عالجو عنده جدتي وامي واختي ومرت خالي الحمدلله محد ذمه
وعسى الله يشافيكم يارب

 

[ba6re8a]

د محمد الشمالي افضل دكتووووووووووووووور

 

[* الجليلة *]

دكتور احمد الفضلي شاااااطر
وما يعطيج ادوية زايدة
عيادته بمستشفى الاحمدي كل ثلاثاء
وعنده عيادة خاصة
حاسة بمعاناتج لاني جربت الم المعدة
الله يعينج و يشفيج ويشفي مرضى المسلمين

 

[تفاؤل86]

لكل المتجاوبين لكم تحيتي ومودتي
بارك الله فيكم

 

[عذبة السجآيآ]

انصحج بـ محمد عايش الشمالي روووووووووعه

وكل شي يسويه بعيادته

وعنوانها ,, الجابريه بجانب المختبر الانجليزي مقابل حولي

 

[تفاؤل86]

انصحج بـ محمد عايش الشمالي روووووووووعه

وكل شي يسويه بعيادته

وعنوانها ,, الجابريه بجانب المختبر الانجليزي مقابل حولي

جزيتي خيرا

 

[نمــارق]

انا سمعت بـ الشمااااالي يمدحونه حييل
وان شاءالله بنودي اختي له
والله يشفيج ياحياتي ويشفي كل مريض

 

[تفاؤل86]

جزاك الله خير

الله يشافي كل مريض

 

[شندوخه]

أخذيها نصيحه من اختج
انا فاره على دكاتره الجهاز الهضمي ولي تجربه لان عندي مرض بالقولون وبقولج تجربتي بكل امانه ويشهد الله مازودت شي بكلامي
احمد الفضلي : مارتحت معاه وتسبب في غلطه معاي والله من غلطته سفروني امريكا سويت عمليه كبيره وبغيت اروح من جيس أهلي وعلى فكره انا كنت بشتكي عليه بس أمي مو راضيه وكلمتها دام الله سلمج خليه لحساب ربه

خالد المخيزيم : شاطر بس مع الاسف مادي وأول ماتدخلين عليه يطلب منظار حتى لو حالتج مو مستدعيه هالشي ولم تروحيله بالحكومه مايعبرج لازم تروحيله بعيادته الخاصه ولو دخلج ونومج بالمستشفى يلطعج لي الساعه 2 بالليل ويمر عالمرضى بهالوقت

محمد الشمالي : هذا اللي ارتحت معاه صج ريال خبره وفاهم بس طلع من الاميري وراح بعيادته الخاصه

وعندج بثنيان الغانم مركز الجهاز الهضمي بالكويت
دكتور هندي اسمه أقبال صديقي ممتاااااااااااز ممتاااااااااز هذا خبره وفاهم
ودكتوره معصومه العلي شاطره وفاهمه وطريقتها بتوصيل المعلومه سلسه بس للاسف مو كل مره احصلها بعيادتها والحين مسافره علاج بالخارج الله يشافيها
ودكتوره مصريه اسمها هبه ممتازه جدا وخبره وتحب تاخذ رأي كذا دكتور

ويشهد الله مابيني وبين اي دكتور اي عداوه ولا علاقه بس هذا من واقع تجربه 20 سنه ومابي الناس تغلط مثل غلطتي اللي سببتلي مشاكل بسبه ناس مستهتره الله يسامحهم

 

[فكتتتوريا]

طيب خواتي

ابي اسئلكم كم يكلف علاج الدكتووووور مساعد العصفور ؟
وسمعت ان الاستشار بفلوس من غير العلاج

 

[LiLy_S]

السلام عليكم،

اللي يسألون عن الدكتور مساعد العصفور...احنا امجربين عنده باختصار ما عجبنا والسبب انه اخوي وااايد تعبت من البنج والمنظار ظل أيام واهوا تعبان! وآخر شي قال لنا يبي يعيد المنظار لأن ما بين معاه أول مره!

انا مادري ومابي أطلم الدكتور أو أي أحد... بس هذي تجربتنا معاه، وبالأخير أكيد كل واحد واهوا حر باختياره بس حبيت أفيدكم.

 

[الباحثات عن الجمال]

ألف سلامه عليكي شوفي الطبيب اللي البنات قالوا عنه وخدي هذه الوصفه وهي مجربه وإن شاء الله شوفي النتيجة الوصفه هي:
ملعقة قشر رمان ناعم على فنجان عسل مع 10 قطرات من زيت الحبة السوداء في الصباح على الريق وبعدها تشربي كوب حليب غير محلى لمدة 3 اسابيع الوصفه مجربه وبالعافية.