السلام عليكم ورحمة الله و بركاته
شخباركم كويتيات
انا وايد متضايقه من اللي سمعته من اختي
الله يسلمكم اختي قالت بتدرس بره بدولة اجنبية وانا لأني اختلطت بالأجانب "المسيحيين و الملحدين" وعارفة اسئلتهم
قلت لها قبل ما تسافر ثقفي نفسج من ناحية الدين وافهميه زين ودليتها على كذا كتاب بس الاخت ما اهتمت
وردت وهي مقهورة من اللي شافته من الطلبة واخص "الخليجيين" تقول يخربطون بالدين اذا ناقشهم الدكتور ودايما يطلعون دينا فاشل والسبب جهلهم.. وتقول اللي يقهر أكثر ان في طلبه "خليجيين" نشروا بحوثهم اللي فيها انتقادات للدين..
واختي المسكينه منقهره ومو عارفه ترد عليهم و تفهمهم واعترفت ان احنا اغلبنا مو فاهمين دينا عدل
ترى احنا عندنا أمور وايد مختلطة علينا مع ان احنا عايشين بدولة مسلمة بس العادات و التقاليد طاغيه علينا
وبصراحه لما اختلطت مع الاجانب وكثرت اسئلتهم لي بحكم اني مسلمة ومع بحثي في دينا الاسلامي انصدمت بوايد شغلات احنا نمشي عليها واهي مو من الدين
صج صدمه!!!!!!!
بنات انا بقول لكم شي بس لا اطقوني :eh_s(4): هههههههههه
ترى انا حبيت الاسلام صج لما خالطت الاجانب .. لان اهم السبب بعد الله بمعرفة ديني
انا قبل اختلاطي مع المسيحيين او قبل سفرتي كنت مثل اي بنت مسلمه صح نصلي و نصوم و نقرا قرآن و نسوي الفروض واعتبر نفسي من عايلة محافظة
كل اللي اعرفه اني متمسكه عاطفيا بديني واحب ممارساتي الدينية
بس ولا مره سألت نفسي أسئله عقلية
ولا مرة سألت نفسي ليش انا مسلمة و شنو اللي يثبت ان ديني حق
شنو اللي يثبت ان الرسول صلى الله عليه و سلم هو رسول حق
وشنو اللي يثبت ان القرآن حق و مو محرف و مخربط ..( اثبات غير الأية {إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ}. )
ادري يمكن انتوا راح تنصدمون من هالاسئلة بس هذي بعض الاسئلة اللي اسألوني فيها الاجانب
وكنت أجاوبهم بس اجوبه ما تبرد القلب.. اجاوبهم الاجوبه اللي تعلمناها بالمدرسة هههههههه اللي تعلمناه بالمدرسة اكتشفت انها اشياء سطحية ومشي حالك هههههههه
ونصيحة بنات فهموا الدين عدل و فرقوا بينه و بين العادات و التقاليد اللي بعضها مخربه سمعتنا كمسلمين ومشوهه صورة الاسلام
وللأسف بنات انا انصدمت بمشايخ دين كبار وثقات وكنت احبهم و اثق فيهم واسمع فتاويهم مثل العميه والمشكلة اهم شاطرين بوضع الاثباتات من القرآن و السنه بس عقب بحثي طاحوا من عيني
مضيعينا و مضيعين الأمة
عن أبي ذر{ قلت يا رسول الله أي شيء أخوف على أمتك من المسيح الدجال قال : الأئمة المضلين } رواه أحمد من رواية ابن لهيعة .
حدثني أبو عثمان النهدي عن عمر أن رسول الله صلى الله عليه وسلم قال : { إن أخوف ما أخاف على أمتي كل منافق عليم اللسان } حديث رواه الدارقطني وقال موقوف أشبه بالصواب وزاد أحمد في رواية " يتكلم بالحكمة ويعمل بالجور " .
لا تسالوني عن اسمائهم لاني مابي تصير بلبلة و نجرة و هواش
كل اللي اقدر اقوله انحاشوا من الشيخ اللي يقربه السلطان
انا انصدمت بوايد شغلات بس كتبت لكم رتوش ورؤوس اقلام وانتوا عليكم الباجي و بحثوا
بحثوا و فهموا دينكم ترى والله مافي احلى من دينا :eh_s(9):
بنات نصيحة حق اللي بيروحون يدرسون بره
خليكم واثقين من دينكم واعتزوا فيه لا تصير شخصياتكم ضعيفة بسبب الدين.. وعرفوا ان دينا كلش ما يخالف الفطرة .. و اذا حسيتوا بأحكام اسلامية جنها قمعية او تحسين ان فيها قسوة بحثي فيها زين وراح تفهمين ان هالحكم رحمه لنا وما فيه قمع مثل ما احنا نتصور
ورزوا ويوهكم مع المسيحيين حتى الملاحده ولا تنعزلون عنهم و تكشون منهم.. ترى اذا كشيتوا منهم اهم راح يكشون منكم
ما اقول لكم طقوها صحبه معاهم ولو انه مافي شي يمنع بس اثبتوا وجودكم و عرفوهم بنفسكم كمسلمين موجودين على الساحه
اممممم
وفي كتيبين حلوين ومجكنمين تلاقونهم بمكتبة جرير اقروهم راح يساعدونكم وايد اذا حصل حوار بينكم و بينهم
هذي وجهة نظري اتمنى انكم تتقبلونها :eh_s(7):
شخباركم كويتيات
انا وايد متضايقه من اللي سمعته من اختي
الله يسلمكم اختي قالت بتدرس بره بدولة اجنبية وانا لأني اختلطت بالأجانب "المسيحيين و الملحدين" وعارفة اسئلتهم
قلت لها قبل ما تسافر ثقفي نفسج من ناحية الدين وافهميه زين ودليتها على كذا كتاب بس الاخت ما اهتمت
وردت وهي مقهورة من اللي شافته من الطلبة واخص "الخليجيين" تقول يخربطون بالدين اذا ناقشهم الدكتور ودايما يطلعون دينا فاشل والسبب جهلهم.. وتقول اللي يقهر أكثر ان في طلبه "خليجيين" نشروا بحوثهم اللي فيها انتقادات للدين..
واختي المسكينه منقهره ومو عارفه ترد عليهم و تفهمهم واعترفت ان احنا اغلبنا مو فاهمين دينا عدل
ترى احنا عندنا أمور وايد مختلطة علينا مع ان احنا عايشين بدولة مسلمة بس العادات و التقاليد طاغيه علينا
وبصراحه لما اختلطت مع الاجانب وكثرت اسئلتهم لي بحكم اني مسلمة ومع بحثي في دينا الاسلامي انصدمت بوايد شغلات احنا نمشي عليها واهي مو من الدين
صج صدمه!!!!!!!
بنات انا بقول لكم شي بس لا اطقوني :eh_s(4): هههههههههه
ترى انا حبيت الاسلام صج لما خالطت الاجانب .. لان اهم السبب بعد الله بمعرفة ديني
انا قبل اختلاطي مع المسيحيين او قبل سفرتي كنت مثل اي بنت مسلمه صح نصلي و نصوم و نقرا قرآن و نسوي الفروض واعتبر نفسي من عايلة محافظة
كل اللي اعرفه اني متمسكه عاطفيا بديني واحب ممارساتي الدينية
بس ولا مره سألت نفسي أسئله عقلية
ولا مرة سألت نفسي ليش انا مسلمة و شنو اللي يثبت ان ديني حق
شنو اللي يثبت ان الرسول صلى الله عليه و سلم هو رسول حق
وشنو اللي يثبت ان القرآن حق و مو محرف و مخربط ..( اثبات غير الأية {إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ}. )
ادري يمكن انتوا راح تنصدمون من هالاسئلة بس هذي بعض الاسئلة اللي اسألوني فيها الاجانب
وكنت أجاوبهم بس اجوبه ما تبرد القلب.. اجاوبهم الاجوبه اللي تعلمناها بالمدرسة هههههههه اللي تعلمناه بالمدرسة اكتشفت انها اشياء سطحية ومشي حالك هههههههه
ونصيحة بنات فهموا الدين عدل و فرقوا بينه و بين العادات و التقاليد اللي بعضها مخربه سمعتنا كمسلمين ومشوهه صورة الاسلام
وللأسف بنات انا انصدمت بمشايخ دين كبار وثقات وكنت احبهم و اثق فيهم واسمع فتاويهم مثل العميه والمشكلة اهم شاطرين بوضع الاثباتات من القرآن و السنه بس عقب بحثي طاحوا من عيني
مضيعينا و مضيعين الأمة
عن أبي ذر{ قلت يا رسول الله أي شيء أخوف على أمتك من المسيح الدجال قال : الأئمة المضلين } رواه أحمد من رواية ابن لهيعة .
حدثني أبو عثمان النهدي عن عمر أن رسول الله صلى الله عليه وسلم قال : { إن أخوف ما أخاف على أمتي كل منافق عليم اللسان } حديث رواه الدارقطني وقال موقوف أشبه بالصواب وزاد أحمد في رواية " يتكلم بالحكمة ويعمل بالجور " .
لا تسالوني عن اسمائهم لاني مابي تصير بلبلة و نجرة و هواش
كل اللي اقدر اقوله انحاشوا من الشيخ اللي يقربه السلطان
انا انصدمت بوايد شغلات بس كتبت لكم رتوش ورؤوس اقلام وانتوا عليكم الباجي و بحثوا
بحثوا و فهموا دينكم ترى والله مافي احلى من دينا :eh_s(9):
بنات نصيحة حق اللي بيروحون يدرسون بره
خليكم واثقين من دينكم واعتزوا فيه لا تصير شخصياتكم ضعيفة بسبب الدين.. وعرفوا ان دينا كلش ما يخالف الفطرة .. و اذا حسيتوا بأحكام اسلامية جنها قمعية او تحسين ان فيها قسوة بحثي فيها زين وراح تفهمين ان هالحكم رحمه لنا وما فيه قمع مثل ما احنا نتصور
ورزوا ويوهكم مع المسيحيين حتى الملاحده ولا تنعزلون عنهم و تكشون منهم.. ترى اذا كشيتوا منهم اهم راح يكشون منكم
ما اقول لكم طقوها صحبه معاهم ولو انه مافي شي يمنع بس اثبتوا وجودكم و عرفوهم بنفسكم كمسلمين موجودين على الساحه
اممممم
وفي كتيبين حلوين ومجكنمين تلاقونهم بمكتبة جرير اقروهم راح يساعدونكم وايد اذا حصل حوار بينكم و بينهم
هذي وجهة نظري اتمنى انكم تتقبلونها :eh_s(7):
بس اسأل مشايخ الدين المسلمين اهم يدلونك عليه
