بنات دشو وعطونى رااايكم

[كسرنى الهم]

مرحبااااا شخباااركم
بنات انه اعرف بنات من ربعى طيب
اهم مشالله اغنيا واايد ودوم يحبون شي اسمه
مشتريات وقلوووس وبلعكس اهم طيبوبين وحلووين
بس المشكله انهم ايذا يا احد خطبهم دوووووم يرفضوون
مشالله وايد جاو اخطبوهم بس يرفضوووون معنهم الى يجونهم بلعكس اخلاق ومافيهم شي
بس تدرون ليه يرفضوون
لانه وظيفتهم على قدهم بس تخيلو هاذه السبب
والمشكله الكبره انه الرفض مومنهم بس ؟؟
لا من الاب والام ومره انه تكلمت ويا الام
وقلت لها ليش جذى ترفضونهم قالت اهم شي
الجيب مليااان تخيلو هاذه ردهااا بس حرام
بعدين يتمون عمرهم كله بلبيت على حساب بس وظيفه
ولما مسكت صديقتى قلت لهاا ليش ترفضين حرام ماتدرين بعدين الله يرزقه بوظيفه
قالت لا ابى اتمشى واسافر واستانس معقوله فى ناس هاذه
تفكيرهم انتو شرايكم طيب تأيدون هشى ولا لا ؟؟

 

[أعشقه]

والله الفلوس ماتدوم العمر يمشي وبكرى تتحسر ع عمرها
في ناس صارو كذا الحين والله يدورون الرجال دواره
واولها في مديره مدرسه كل من خطبها جلست تتحجج انها مديره وفلوس ماتبي الا واحد بنفس مستواها
تخيلي اخر شي هي عرضت ع الفراش انه يتزوجها حارس المدرسه يعني
شفتي لوين وصل بها الحال بالاخير كل بنت بتدور الستر والزواج الي يصونها وتجيب منه عيال يشيلونها في كبرها
هذا الي يفكرون كذا تفكيرهم سطحي .. غرتهاا الدنيا بالمظاهر والفلوس بس بكرى تندم وبتشوفين

 

[طموحه بزياده]

اي في بنات تفكيرهم جذي تقول خل اعيش حياتي عند اهلي دام انهم اغنيا اسافر واطلع اوروح واشتري ع كيفي


وتخلي الزواج بعدين لان الزواج قيود وضيقه خلق وحكره وماكو شي تسوينه الا بأذن زوجج


طبعا هذي توقعي للبنات اللي جذي

 

[احساااااس انثى]

والله الوظيفة تجي مع الوقت انا متزوجة وزوجي جامعي وعاشين ومبسطوووين
الله يخليه يارب وانا شاء الله كلها كم سنه ويتوظف ارقى وظيفه...
الرسول عليه الصلاة والسلام قال من جاءك من ترضوا خلقه ودينيه فزوجه
فأن تفعلون تكون فتنة فالآرض وفسااد عظييم ...الدنيا مو كلها فلوووس

 

[نــgف]

ترى جد في بنات تفكيرهم كذا ..
وللاسف مايدرون انو كل هذا من عمرهم ..
وانا شخصين اعرف ناس كثير كذا ..

 

[سكوتي بذوقي]

فيه ناس ماياخذون الا اللي من مستواهم يعني

ظنهم اللي على قد حاله ماراح يعيشهم عيشه حلوه

بس بيوم راح يندمون على ضياع العمر

الله يهديهم يارب

يعطيكِ العافيه اختي

 

[بنت حظوظ]

عنجنا وعندج خير حتى احنا اذا واحد ما اشتغل يرفضون

 

[يابختي في علاوي]

طبعا هذا أكبر غلط
شنو أفلوس ودنيا لا طبعا الأفلوس أتروح بس مردها بتي والله كريم
والله سبحانه يقول ياعبد أسعى وأنا اعسى معاك يعني هذا الخير من فضل رب العالمين
وأهما إذا يبون الدنيا والفلوس ويبون الوناسه والسفر
لابالله راح أي يوم ويندمون وانا خيتج
لانه الدنيا والونااسه مو كل شي

 

[روان المطيري]

عنجنا وعندج خير حتى احنا اذا واحد ما اشتغل يرفضون

شي طبيعي يرفضون شلون يفتح له بيت ومسؤوليه واهو ما يشتغل !!!!

 

[amal ksa]

عنجنا وعندج خير حتى احنا اذا واحد ما اشتغل يرفضون

:eh_s(1):
يعني كيف تبينهم يتزوجون واحد حتى وظيفه ماعنده صعبه والفلوس بهزمن مهمه
الدنيا مو اكل ونوم