مريـووم،،ومأساة السب والتتفل وقلة الادب لوول !!!!

[**وقفة فرس**]

الله يعينا وياج..الواحد صج ينقهر لما يضيع وقته وجهده وعمره في تربية العيال ويروح هالتعب في لحظة من إحتكاك عيالج في غيرهم خاصة إذا ما كان في مفر من هالإحتكاك والطامة الكبرى لما هالأشياء يلقطونها الصغار من الكبااااار يعني إنتي تقولين ياعيالي لا تقولون الكلام الوصخ وغيرج العكس يعلمهم كلمات منتقاه من قاموس الكلمات السوقية البذيئة ويجون يعلمون عيالج:rgewrg: كله يعتمد على الأم لأن الطفل مثل النبته إن سقيتيها خير بتجنين خير وإن سقيتيها شر بتجنين الشر..معروف الرصافي قال:
هِـيَ الأَخْـلاقُ تَنْبُـتُ كَالنَّبَـاتِ
إِذَا سُـقِيَـتْ بِمَـاءِ المَكْـرُمَـاتِ
فَكَيْـفَ تَظُـنُّ بِـالأَبْنَـاءِ خَيْـراً
إِذَا نَشَـأُوا بِحُضْـنِ "السَّـافِـلاتِ"

مريوم تبي تلفت إنتباهج نصيحتي روحي لإستشارية في التربية وسلوك الأطفال آنا مرة وديت ولدي الوسطي لإستشارية حيل حيل إستفدت منها وعلمتني شلون أتعامل معاه بس ألحين عندي الصغير زايد هباله وآنا عارفة السبب ومريت بفترة حسيت إني فقدت السيطرة عليه بس لله الحمد بدت الأمور تتعدل معاه خاصة إني خليت مدرسته تساعدني في تعديل سلوكه إيد وحدة ما تصفق وأنا إختج عيالنا يختلطون بناس في البيت وفي المدرسه وحتى الخدم لازم يكونون عارفين طريقتج إذا ماكنتي موجوده..وفي برامج تساعد مثل برنامج سوبر ناني حيل إستفدت منه لما كنت أتابعه وماينفع سرير بنتج عقاب جذيه تكرهينها بالنوم وتفتحين على نفسج باب..حطي زاوية في البيت أو كرسي للعقاب آنا إذا كنت بالصاله عندي زاويه أقعد اللي يتشيطن فيها لمدة دقايق تناسب عمره يعني عمره 5سنين يقعد 5دقايق وتزيد المدة بزيادة الشطانة وإذا بهالفترة "فترة العقاب" تشيطن أطنشه وأفهمه إن المدة راح تزيد..بعدها لاااااااازم يقدم إعتذار ويبوس راسي وإيدي وآنا بدوري أضمه واعلمه إن اللي سواه مفروض مايتكرر..
طبقي هالطريقة يمكن تنفع مع بنيتج...

 

[نبراس الكرامة]

- عاقبي سلوكها لا تعاقبين بنتج

بتعاقبينها اهي بترد تكرر السلوك 1000 مرة

* العقاب يكون ع حسب سنها

- عرفي مفاتيح شخصيتها

حرميها من شي تحبه واايد

و اذا سمعت كلامج كافئيها مو شرط تكون المكافئة مادية

عززي عندها السلوكيات الجيدة

تقدرين تعدلين سلوكها بطريقة غير مباشرة من خلال قصة مثلا

فهميها هالشي غلط و شنو راح يصير اذا كررت هالسلوك

و اذا بتعاقبينها خلج جادّه فيه حتى نبرتج تأثر !

نفذي العقاب ع طول لا تتساهلين فيه

 

[noynoy]

روحي مركز الدانه عندهم استشاريين
د حياه تهبل تساعدج
انتي مدام ما فادوج الحلول اللي بموضوعج اللي قبل فاعتقد انج بحاجه مساعده من احد متخصص
هذا رقمهم 25351221

 

[om MaRyooM]

مشكورين

ماانحرم من نصايحكم بعد عمري

 

[meen_ana]

وااي نفس المعانات للي اعانيها مع فااتي الله يكون بالعوون احسها من دخلتها الحضانه زادت وايد تفشلني كل انواع العقاب ولا اكو فايدة اشوي خفت من قبل بس بعدها شنو الحل برايكم

 

[ملسونه المصونه]

آآآه هذي بنتي وما ادراك مابنتي

فعلا متعبتني بس كل تصرفاتها السلبيه مع اخوهاااا وانا ادري كله غيره ، لكن انا لاني اعاقبها على تصرفها واطنشها مرااات احس الامر اهوووون من قبل
لما كنت اعاقبها على الصغيره والكبيره .
انا لاحظتها تبي تلفت الانتباه وتطلع غيرتها بالحقد على اخوها ...

الله يخليلك ماعندك ويعينا على الاطفال المتعبين ياااارب

 

[om_3azoz]

وااااي ام مريوم معانات نفسي مع ولدي ,, قليل الادب صاير حتى مع الخدامه يزفها امس ياي يقولي ماما شمس خبله هههه

مايحب الخدم لان توني يايبه خدامه انا فمومتعود ,, مايرضى لاتغسله ولا تبدله ماذيني وايد والحين وايد صاير دلوع وحساس

يوم ولدت سمله عليه شيطان ولسانه طويل وايد وايد

اعاقب ماكو فايده اساحل ماكو فايده كل شي سويت ماكو الحين قام يزيد شكله لان يغار من اخته


كل يوم والله يروح البقاله 3 مرات مع عمي يوديه يشتري ككاو البيضه اللي داخلها لعبه على ميكي وجذي سوالف ياخذ اللعبه وقط الككاو ميمع شكثر عمي مايرفض له طلب كل شي يبي وكل يوم ابوه يوديه محل العاب ياربي مادري شنو نسوي معاه بس عشان لايغار من اخته

 

[عيالي ذيابه]

وااااي هذا وللدددي جنني
والمصيييبه اخوه صاير يقلده وبنت حماتي بعد
وحماتي كل يوم الثاني تقولي شنو هذا ولدش خرب بنتي

 

[ام شملاني]

نفس مشكلتي عانيتها مع بنتي كل شي سويته معاها صرت اقول لها اذا يوم واحد ما قلتي كلام مو زين او اي شي غلط اوديج اشتريلج هديه استمرت على هالحال شهر عقب ارجعت قمت اطقها على حلجها اخر حل و الصراحه اهو اللي فاد معاها بس ادري بتقلونون مجرمه بس حق مصلحتها حطيت لها فلفل الغراش بصبعي وحطيته على السانها ومن عقبها ما كو سب و الحمد الله بس صار اسبوع البطل يمي و ارتحت

 

[om MaRyooM]

طللعنا كلنا نعاني ههههههه









ام شملاني

يالمجرمة ههههههههههه

بس ترا مرة قريت ان لسعه اللسان اللي يسببها الفلفل او الليمون ممكن تاخر النطق عند الياهل

بس اذا الياهل اصلا قاعد يسب يلا خل يتاخر نطقه مومشكله لووووول

 

[حوررريه]

واااي ازيدج من الشعر بيت ولدي قام يطقني بعد وينسدح ويتفل عللى الارض قداااام الناس..

عطوووونا حل يا اهل الخبرررررررررره

 

[أحـلام * ورديـة]

واااااي حتى انا اعاني من هالمشكله

من يبت ولدي والصغير والعود بس فصل يصارخ ويسب

ويطق ويتفل شي مو طبيعي

كلنا نبي حل لووول

 

[قلبي القرآن]

وااااي الله يعينج كلش ولا البنت تكون جذي
تفشلج أنا بنتي عمرها سنة وسبع شهور
وتخيلي متعلمه كلمة " جب " وما تعرف اتقولها
تقول " بب " وااااي احس ودي اذبحها مابيها أتعلم هالسوالف

 

[um khaled]

انا اللي عندي جليل الحيا عمره سنه ونص
وعمه يقوله تفل على ابوك واهو يحاول جاهدا يتفل يعني متفلجي صغير ..خخخخ
وكل ما طقيته على حلجه تفل اكثر بس ادري لازم احاول معاه اني اعلمه انه غلط

لكن مريومه بما انها كبيره كل ما تفلت قوليلها انا زعلت منج وما احبج ومن هالكلام وبعد خلي ابوها يكلمها
وهدديها في ابوها
او احرميها من لعبه او شي اهي تحبه
المشكله مو هني المشكله لما يتفلون جدام الناس الكل يبطل عينه ويقول شنو تعلمون عيالكم
بالله يعني انا ماكو شغل ماسكه عيالي ومسطرتهم واقول يلا ماما 1 .. 2 تفلوا ..
بعد ياهل ويتعلم من اللي حوالينه واللي يحبهم

عسى الله يخليها وتشوفينها عروس

 

[om MaRyooM]

مشكورين بنات

والله عجزت معاها .. لدرجة اني دقيت عالراديو على قناة القران يحطون استشارية بالعلاقات الاسرية ام سلمان
قالتلي لازم بنتج تودونها لمختصين عشان اعرف اتعامل معاها

ببجيييييييي

 

[shak!shoka]

ام مريوم طولي بالج
هاذي التربيه مو سهله !

لو تشوفين بنت خالتي والله تحبين ايدج ويه و قفا
مسمينها المتوحشه مع ان شكلها ناااعم و ذربه
بس عليها صوووت يبط اذونج بط و ايد ثقيله تقولين ايد ريال عمره ٦٠
و قليلة ادب و ما تستحي كلللللش
و ما تخاف من احد
غير ابوها لانه مره قالت كلام وصخ و طقت ياهل و اهما طالعين مني والطريج قام و طقها هذيج الطقه الي من عقبها صارت تموت خوف منه

احنا بزوارتنا اذا سمعناها قالت شي مو زين او طقت عيالنا سيدا نقولها راح نعلم بابا تموووت بمكانها و سيدااا تقول اسف

و ولدي بعد توه شهر و يكمل سنتين متعلم يتفل بس انا علا طول لطقه ع حلجه طبعا ابوه يزفني. ما يرضا بس من قام يطلع مع ابوه حس بالفشله و قام يطقه خفيف ع حلجه
ومع هذا مستمره المعاناه

الله يعينج و يعينا
يكبرون و يعقلون انشالله

 

[swanyway]

بس بنبهج على شغله , غلط يصير مكان العقاب السرير لانه ياواحد من اثنين

ماتشوفه عقاب لانه السرير معروف للنوم او
راح تكرة السرير والنوم ويكون عندها رده فعل عكسية

كرسي العقاب يكون بالصالة وبالغرفة اللي تجلسون فيها ويكون بزاوية او على الطرف يعني مو عند التلفزيون ولا شئ و انزلي لمستواه وعيونج بيعونها بحزم وهدوء تقولين لها انت بتجلسين كذا لانج سويتي جذي وجذي وهذا غلط وقومي وعطيها طاف

والله يعينج يارب

 

[أنا الثريا]

ام مريوم جربتي الطناش.......؟؟بنتج تبي تلفت انتباه
بس ها طناش من امه..يعني تسب تفل..ترفس..ماكانج تشوفين
حتى لو بمكان عام ..طالعيها ولفي ويهج ولاكانها مسويه شي
بس فترة لمابتشوفج ماقاعد يهمج راح تترك هالطريقة

 

[*مطبخ الذواقة*]

انا اللي عندي جليل الحيا عمره سنه ونص
وعمه يقوله تفل على ابوك واهو يحاول جاهدا يتفل يعني متفلجي صغير ..خخخخ
وكل ما طقيته على حلجه تفل اكثر بس ادري لازم احاول معاه اني اعلمه انه غلط

لكن مريومه بما انها كبيره كل ما تفلت قوليلها انا زعلت منج وما احبج ومن هالكلام وبعد خلي ابوها يكلمها
وهدديها في ابوها
او احرميها من لعبه او شي اهي تحبه
المشكله مو هني المشكله لما يتفلون جدام الناس الكل يبطل عينه ويقول شنو تعلمون عيالكم
بالله يعني انا ماكو شغل ماسكه عيالي ومسطرتهم واقول يلا ماما 1 .. 2 تفلوا ..

بعد ياهل ويتعلم من اللي حوالينه واللي يحبهم

عسى الله يخليها وتشوفينها عروس

لووووووووول

والله انج صاجة




أم مريوم مالج الا حل واحد

ماكو طلعات

ماكو وناسة

ميزي بيبي ثاني جدامها او اشتري هدية حق بنوتة ثانية جدامها وقوليلها ليش

سوي يمعة حق بنات بعمرها

وسألي الامهات منو اشطر وحدة ما تسوي جذي وجذي وتاخذ هدية

وخليها عرف اسبوعي

غصبا عليها بتلتزم حبا في الهدية

استمرت؟؟ احرميها من شغلة تحبها


بس انتي لا تضعفين


بس لا تحاتين بكل الاحوال هذا كله راح يروح لا تشيلين هم :eh_s(7):

 

[Beyoncee]

الله يحفظها ويحفظ عيالنا
والله يا حلو حتى قلة أدبهم يكبرون ويعقلون
ما عليه تحمليها لا تاخذين اللي تسويه بعصبيه وحساسيه
ياهل وتتدلع والله ولدي مبدع ما يحشم لا بسوق ولابجمعيه ولا بزواره بس بعدين صار أهدى وأعقل
يبيلها صبر الله يعينج