قالو كويت الماضي .. امارات الحاضر .. قطر المستقبل

[لولوة هيون]

منورين حبايبي

انزيييييين كنتي تقدرين تمدحين الكويت بدون ما تطرينا او تطرين قطر !!!!!!!!!!!!!!!

حبيبتي اانا ماسبيت قطر ولا الامارات
قطر والامارات واهلها كلهم فوق راسي

وسبق وقالو لج خواتي ان هذي المقوله مكتوبه لوحه بمطار قطر
حبيت اوضح الموضوع لا اقل ولا اكثر :eh_s(7):

 

[q8 بقلب اماراتى]

فديت تراب ديرتى الكويت الله يحفظج لنا ومايهمنا انتى بعيون غيرنا شنو انت بعيونا تاج راسنا موووواه
وان شاء الله خليج كله مستقبل مو دوله معينه كلنا دم واحد وشعب واحد

 

[Freakya]

ديرتي ما مثلها من ديرة

اهيا الماضي و الحاضر و المستقبل

كويتية وافتخر

 

[الكويت k]

فديــــــــــــــــــــــــــــــــــــــــتج ياأغلى ديـــــــــــــــــــــــــــــره في العاااااااااااالم
الله يحفظج ياكويــــــــــــــــــــــــــــــــــــــــــــــــــــــت من كل شر

الله يعطيج العاااافيه

 

[ام شيخوه]

الله يحفظ الكويت

 

[انسام الكويت]

اي صح مكتوبه بمطار دوحه بس عادي ماكتبوا شي

غلط قبل الكويت كانت دره الخليج لكن الحين ما اعتقد انها بتوصل

لمستوى دبي او حتى قطر بالتطور والتقدم اللي اهم فيه وبعدين شحقه بس الكويت تزعل

هم حطوا اسم دبي الحاظر ماشوف اماراة دبي زعلوا من الكلمه

فتقبلوا هالشي

 

[غدووور الكويت]

الله يحفظج يا ديرة ما مثلها ديره

 

[tt2tt]

:q8::q8:الكووووويت الماضي والحاضرر والمستقبل:q8::q8::q8::q8::q8:

 

[<<المها>>]

فعلا قطر المستقبل .. كل مالها من تقدم لتقدم يستاهلون والله
ناس تهتم بديرتها وبالتعليم والصحه فيها مو قاعده تتهاوش وناس تاكل ناس على مصالح شخصيه ومصلحه البلد ضايعه

الله يحمينا ويحفظنا من كل سوء *

 

[happydays]

من قال ان في مطار قطر هاللوحه

الرجاء التأكد من المعلومات

لان قطر مستحيل تكتب هالكلام و تحطه في المطار

انا قطريه و اقولج ان اللوحه مب مكتوبه

وكل حد يشوف بلاده احس شي فمافي مجال للمقارنات اللي تسبب الحساسيات

كل البلاد الخليجيه يارب تتطور لاعلى وأعلى وتصير احسن بلاد في العالم

و خليجينا واحد

 

[ضوى قطر]

صراحه انا قطريه ولا شفتمثل هاللوحه بالمطار


اصلا مستحيل دوله تحط لوحه بشعار ماينفع ينحط الا بالحملات الانتخابيه والشوارع


يعني لوحه مالها اي معنى من وجهه نظري

وانا راح اتاكد اليوم بعد


وبالاخيرر خليجنا واحد ونفرح التقدم والعمران

 

[سنـــابل]

ما اعتقد حاطينها
بعدين من حقهم يحاولون بطورون من نفسهم ويصيرون احسن منا حق مشروع لهم والميدان يا حميدان

 

[ريري1]

خليجنا واحد سواء الكويت أو امارات أو قطر

 

[هجووورة]

والله لو خرااااابه راضين فيها عندنا جنه الله على الارض

 

[classicyah]

الله يحفظ الكويت . .

،

فعلاً الكويت سآبقاً كآنت من أرقى الدول الخليجيه و أكثرهآ تطوراً

و ان شآءالله كل الدول الخليجيه مع الأيآم توصل لنفس المستوى مـن التطور و العمرـآن . .

،

دبي . دبيْ

هدي أعصـآبج ، مآ قآلت شي الأخت !!

 

[فوق الثريا محلي]

انا اماراتية اقول الكويت بترداحلى من قبل ان شاء الله و كلنا واحد

 

[كريستال]

من قال لكم هالعباره موجوده في مطارنا كذاب

هذا احنا ندخل ونطلع منه ماشفناها ماعرف شالغرض من هالكذبه

الكويت والامارات وقطر كلنا واحد واي تقدم في اي بلد خليجي تقدم لنا كلنا

الله يديم المحبه والاخوه بينا

ويبعد عنا كل شر ورجاء ابتعدوا عن هالمواضيع اللي تسبب حساسيات بين الاخوان

 

[Madrideya ~]

يآ إن بعض الناس ذابحتهم الغيرة من الكويت
وعندهم مرض نفسي مزمن اسمه الكويت

اتمنى لكم الشفاء العاجل عاجلاً
والموضوع ما فيه شي لا حزازيات ولا هم يحزنون
بس انتوا ما تحبون المواضيع اللي فيه مدح للكويت ؟!
ما تعجبكم الا المواضيع الا فيها سب وذم
كيفنا نحب ديرتنا ونموت فترابها ونبي نعبر عن حبنا لها فمنتدانا انتوا شحاركم !!!!





ديرتي الكـــــــويـــــت حاضر وماضي ومستقبل
ولا عزااااااااااء للحاقدين

 

[@نوره@]

ما في اي خليجيه تكره اي دوله خليجيه ثانيه
الا اذا كانت دخيلة هذا شي ثاني
وما في اي خليجيه تحس بانه هناك خليجيه تغار منها
الا اذا كانت ناقصه
وقالو الخوات هالجمله مو موجوده في المطار
يعني مدري من وين يايبينها
انا عاصرت الخليج في الثمانينات
احلى ايام الخليج وايام دول مجلس التعاون وايام ابطولة الخليج لكرة القدم
وايام تبادل المذيعين
بس انتو غريبين بصراحه
كل وحده تكره الثانيه
كل وحده غصب يغارون منا
شو السالفه
حتى الاخت دبي دبي
ليش تطرونا!!!!!!!!
اللهم احفظ الخليج من كل شر
فديت الخليج من عمان لين الكويت

 

[مهرة الخليج]

من قال ان في مطار قطر هاللوحه

الرجاء التأكد من المعلومات

لان قطر مستحيل تكتب هالكلام و تحطه في المطار

انا قطريه و اقولج ان اللوحه مب مكتوبه

وكل حد يشوف بلاده احس شي فمافي مجال للمقارنات اللي تسبب الحساسيات

كل البلاد الخليجيه يارب تتطور لاعلى وأعلى وتصير احسن بلاد في العالم

و خليجينا واحد

بصراحه انا كويتيه ورحت لقطر اكثر من مره ولا شفت هالعباره مكتوبه لا بالمطار القديم ولا الجديد مع اني دورت عليها لاني سمعت بهالجمله من قبل بس اظنها اشاااااااااااااااعه مغرضة ... والله يحفظك يا لكويت ويالخليج كله​