اللي يقول اداريات التربيه ما يشتغلون

[Shaik]

اللي يقول اداريين التربيه شنو شغلهم علشان يطالبون بكادر ..

نبدي من اول من ناحيه المعلم ...
اداري التربيه اهو اللي يفتح ملف للمعلم و يدخل بياناته و يحدد له مركز عمل و يضيف بياناته الماليه بالسستم علشان يصرف له المعاش ...
اداري التربيه اهو اللي ينفذ قرارات نقل و ندب المعلمين من مدرسه لي مدرسه ...
اداري التربيه اهو اللي يدخل علاوه الاولاد كل ما رزق المعلم بطفل ...
اداري التربيه اهو اللي سنويا يبحث حاله كل معلم من اجازات و تقارير و قانونيه و خبره تدريسيه علشان يدرج اسم المعلم بالاعمال الممتازه و ينفذها لتصرف له ...
اداري التربيه اهو اللي سنويا يبحث حاله كل معلم من اجازات و تقارير و قانونيه و خبره تدريسيه علشان يدرج اسم المعلم بقرارات الكادر للمسمى الوظيفي و يصدر قرار ترفيعي له و ينفذه بديوان الخدمه المدنيه حتى يصرف للمعلم ...
اداري التربيه اهو اللي يقوم باستخراج شهادات الراتب و الاستمراريه و لمن يهمه الامر و الشهادات الاخرى للمعلمين ...
اداري التربيه اهو اللي يسجل اجازات المعلمين من مرضيه او امومه و الاجازات الاخرى ...

ثانيا من ناحيه الاداريين ..
اداري التربيه يقوم بعمل جميع معاملات الاداريين اللتي يقوم بها للمعلمين ...

ثالثا من ناحيه الطلبه ...
اداري التربيه اهو اللي يفتح ملف للطالب من بداية تعليمه حتى تخرجه ...
اداري التربيه اهو اللي ينفذ قرارات نقل الطلبه من مدرسه لي مدرسه ...
اداري التربيه اهو اللي يستخرج شهاده تخرج الطالب و تصديقها له ...

اداري التربيه اهو اللي يستقبل و يرسلا لمعاملات و يوزعها للجهات المختصه لعمل اللازم ...

و كل ما سبق جزء من اعمال الموظف الاداري بوزارة التربيه و المناطق التعليميه فقط

 

[American.Life]

والله جهد كبييييير ............ والله يعطيكم ألف عافية كفاية أنكم تشتغلون ل90 ألف مراجع

 

[رقية حمرة]

صاجة والله نكرف كراف اليهد وعيونا انعمت من مجابل الكمبيوتر ولازم المعلومات اللي تخص المعلم وندخلها السستم تكون صحيحة من أرقام وجذي وهذي مسؤولية علينا يعني أي غلطة احنا المسؤولين عنها ،،،

 

[بانانا]

الله يعطيكم العافيه

 

[ام احلى خلودى]

يعطيكم العاااافيه والله تعب وعساكم عالقوه

 

[Shaik]

تسلموووون حبايبي على مروركم
و الله يعافييييكم يا رب

 

[أو عبوش]

انا اداريه بقسم محاسبه المنشآت الجديده والقديمه اللي تحتاج ترميم
قسم بالله ابي انقل من الكراف


لو نكرف بقطاع خاص يمكن عطونا اضافيات

اي اسلاك او ليتات او عتبه باب صف او انشاء طوفه او تركيب مكينه تكييف جديده او حنفيات او خلاطات او شرشوب للباب او برواز شباك او تمديد صحي او مياه او صبغ او مظلات او مسمار ناشب بالطوفه كله علينا حسابه وتخيلي بالسنه كم تجديد يصير بالمدرسه وكم مدرسه بالمحافظه وكم محافظه عندنا
بالملايين حسابات وميزانيه ومسؤؤولين عن كل غلطه وكل فلس بالغلط ينصرف غير شهايد الدفع اللي نطلعها للشركات اللي متعاقده معاها التربيه


الله المستعان


مانبي نفس المعلمين الله يرزقهم اهم يتعبون حيييييييل بعد مو شويه ......... بس احنا بالمره منسيين

 

[خيالة]

ما عليه حبيبتي هذي وظيفتكم اللي تاخذون عليها معاش
يعني شنو المطلوب ووين تبون توصلون بالديرة كل واحد نط وقال انا ابي كادر
منو يقيم المعاشات الموظف ولا الوزارة واذا ما عطوني بسوي اضراب
كل واحد ولا وحدة يسوون اضراب ويعطلون مصالح الناس خونة يخونون الديرة اللي ياما عطتكم قولو الحمدلله بسكم عاد شنو هالطمع
تقولين الاداريين يشتغلون
اولا المطلوب ان اي واحد على راس وظيفته ان يشتغل مو يحط ريل على ريل
انا رحت مع اختي وزارة التربية قسم التوظيف وقسم الرواتب تبين تعرفين شنو شفت
شفن باب متسكر الساعة 11 عشان يبون يتريقون
شفت ملفات ضايعة واحنا نقعد ندورها و6 بنات او اكثر قاعدين ياكلون حب ويسولفون وما تحركو الا لما صارخت عليهم
شفت معاملات متكدسة ولا 30 موظف وموظفة قاعدين على الفاضي مريت بكل المكاتب بالوزارة الكل حاط ايده على خده وسوالف
كل اللي قلتي عنه مو شغل يومي فلا تسووين فيها بطولة هذا شغلج وهالشغل مو على وحدة موزع ومقسم
بسكم عاد خافو الله بهالديرة
كل وحده دارستلي سنتين دبلوم ولا دورات ونبي ونبي ونبي بسكم قولو الحمدلله ما ادري متى بتشبعون واللي بتزعل تزعل

 

[جك جك جك]

في ناس تشتغل وتكرف من قلب

وفي ناس ماتشتغل

وتري مو كل الاداريين دورات والا دبلوم

في واااايد معانا شهاداتهم بكالوريوس

ومالهم زياده ولاشي،،،

وعلي فكره في معلمين القداامى شهاداتهم دبلوم معهد معلمين والحين نظااااار ووكلاء ومعاشاتهم توب

واهم دارسين سنتين بس



اذا لنا حق الله بيوفقنا ونااخذه ان شاءالله،،،


ًup

,

 

[هجووورة]

لاتزعلين يا حياتي
لهم حق يقولون اللي يقولونه دام الكل وياهم اذا انت في منطقة انا احتك فيهم كلللللللللل يوم
يبون وحده توقع عنهم
وحده تحضر لهم
وحده تحضر الوسائل
وحده تحضر الدروس
وحده تحط الامتحان
وحدهتصلح الامتحان
وحده تشيل الاحتياط
ومايبون مناوبه
ما يبون مراقبه امتحانات
ما يحبون الاحتياط مع انهم السبب فيه
وزارة التربيه تركض وراهم
والنتيجة
دروس خصوصيه- تلاميذ فاشلين- قله البحث -عدم المقدرة على القراءة
وغيرها

 

[Miss Cherry]

ايه هذي وظيفتهم شنو الجديد بالموضوع

عندنا السكرتاريه بمدرستي والله غيابهم اكثر من حضورهم اسال مرات عن وحده على بالي ماخذه اجازة اكتشف مقزرتها مرضيات اسبوع سبوعين عادي الحياة حلوة

ادخل مرات اطلب تصوير وهذا شغلهم ادخل اشوفهم يسولفون ويضحكون ولا وحده تتلحلح من مكانها جنه اللي واقفه لوح .. كل يوم الوكيلة تزفهم على هالسالفة ماكو فايدة غير الاوراق اللي يضيعونها

وكل يوم ينادوني الادارة اطبع لهم لانه السكرتاريه ما يطبعون ينامون على الورقه اذا عطوهم ولا يستهبلون يسوون روحهم ما يعرفون .. تقولي ماعرف ادرج جدول .. منو يعرف يعني انا ؟ وين دارسة سنتين ادري جم على شنو

وبالمنطقة الاداريات نفوس خايسه و كل وحده تقط الشغل على الثانية اكثر من مره اراجع المنطقة لا الوزارة اكره نفسي بسبة اللي اشوفه

 

[أو عبوش]

الاخت خياله يعني اسلوب مثلا صرختي عليهم وقاموا يشتغلون؟


مادري داشه مكتب خدم

لو بيدي اعطي بدلات للموظف اللي يتحمل المراجعين اللي نفس هالطينه غير المغازلجيه اللي يمرون علينا


وحطيها بذمتج انج مريتي كل المكاتب اللي بالوزاره ومو قاعدين يشتغلون


يعني بذمتج تشترين قوطي بيبسي ب 3 دنانير وانتي معاشج 10 دنانير مثل اللي تشتريه وهي معاشها 100 منو بيتأثر؟؟

خلاص تكفلين لنا عدم غلاء المعيشه اكثر من جذي!!

مراح نطالب عشان خاطرج بس

 

[Shaik]

انا اداريه بقسم محاسبه المنشآت الجديده والقديمه اللي تحتاج ترميم
قسم بالله ابي انقل من الكراف


لو نكرف بقطاع خاص يمكن عطونا اضافيات

اي اسلاك او ليتات او عتبه باب صف او انشاء طوفه او تركيب مكينه تكييف جديده او حنفيات او خلاطات او شرشوب للباب او برواز شباك او تمديد صحي او مياه او صبغ او مظلات او مسمار ناشب بالطوفه كله علينا حسابه وتخيلي بالسنه كم تجديد يصير بالمدرسه وكم مدرسه بالمحافظه وكم محافظه عندنا
بالملايين حسابات وميزانيه ومسؤؤولين عن كل غلطه وكل فلس بالغلط ينصرف غير شهايد الدفع اللي نطلعها للشركات اللي متعاقده معاها التربيه


الله المستعان


مانبي نفس المعلمين الله يرزقهم اهم يتعبون حيييييييل بعد مو شويه ......... بس احنا بالمره منسيين

هذا اللي نبيه يفهمونه المعلمات
مانبي نفس المعلمين الله يرزقهم اهم يتعبون حيييييييل بعد مو شويه ......... بس احنا بالمره منسيين
ما قلنا نبي كادركم عليكم بالعافيه و لا قلنا نبي كثرهم هم احنا عارفين انتو شكثر تعانون و يعطيكم الف عافيه

 

[Shaik]

ما عليه حبيبتي هذي وظيفتكم اللي تاخذون عليها معاش
يعني شنو المطلوب ووين تبون توصلون بالديرة كل واحد نط وقال انا ابي كادر
منو يقيم المعاشات الموظف ولا الوزارة واذا ما عطوني بسوي اضراب
كل واحد ولا وحدة يسوون اضراب ويعطلون مصالح الناس خونة يخونون الديرة اللي ياما عطتكم قولو الحمدلله بسكم عاد شنو هالطمع
تقولين الاداريين يشتغلون
اولا المطلوب ان اي واحد على راس وظيفته ان يشتغل مو يحط ريل على ريل
انا رحت مع اختي وزارة التربية قسم التوظيف وقسم الرواتب تبين تعرفين شنو شفت
شفن باب متسكر الساعة 11 عشان يبون يتريقون
شفت ملفات ضايعة واحنا نقعد ندورها و6 بنات او اكثر قاعدين ياكلون حب ويسولفون وما تحركو الا لما صارخت عليهم
شفت معاملات متكدسة ولا 30 موظف وموظفة قاعدين على الفاضي مريت بكل المكاتب بالوزارة الكل حاط ايده على خده وسوالف
كل اللي قلتي عنه مو شغل يومي فلا تسووين فيها بطولة هذا شغلج وهالشغل مو على وحدة موزع ومقسم
بسكم عاد خافو الله بهالديرة
كل وحده دارستلي سنتين دبلوم ولا دورات ونبي ونبي ونبي بسكم قولو الحمدلله ما ادري متى بتشبعون واللي بتزعل تزعل

حتى المعلمات هذي وظيفتكم االلي تاخذون عليها معاش
و له اهم يشتغلون وظيفتين و ياخذون معاش واحد

انتو لما طالبتو بكادر احنا ما قلنا ما تستاهلون او لا تاخذون و لا قلنا انكم طماعات
ليش لما احنا طالبنا قلتو ان احنا طماعات

و خليها بذمتج ان الاداريات ما يشتغلون
و انا لما كتبت قصدت اداريات الوزاره و المنطق و قلت فقط لان انا عارفه شنو احنا نشتغل
بس صراحه ما اعرف اعمال الاداريات بالمدارس شنو

و بالاخير اقول لو مو الاداريات جان لا تعيين و لا نقل و لا معاش للمعلمات و الاداريات

 

[ساندريلا]

^
-
-
-
الله يرزقكم بس انا سمعت مقابله الوطن مع وحده تقول نبي نفس كادر المعلمه ورافعين لافته مطالبين بكادر 340 للمبتدئ
اذا اردت ان تطاع اطلب المستطاع

 

[Shaik]

صاجه جك جك جك و فجورووووره
و يسلموووو على المرور

 

[| تفاصيل |]

رفيجتي تشتغل اداريه ب مدرسه
دقت علي قبل شهرين " عفيه شلون اشوف افلام من الايباد قلت لها ليش
قالت ماكو شغل من اداوم الصبح لما الهده ماعندي شغل بقزر وقتي ب الافلام
امس داقه علي تقول احنا نستاهل الكادر انا تعبت تعبت من الشغل

الاخصائيات اهم صج الي يستاهلون كادر صج يتعبون
وغيرهم الله يرزقهم من عنده اذا ع الكادر الله اهو الرزاق لا الحكومه ولا المجلس
بس لايقولون نشتغل وتعب وكراف يبه والله شوف عيونا

 

[| تفاصيل |]

اللي يقول اداريين التربيه شنو شغلهم علشان يطالبون بكادر ..

نبدي من اول من ناحيه المعلم ...
اداري التربيه اهو اللي يفتح ملف للمعلم و يدخل بياناته و يحدد له مركز عمل و يضيف بياناته الماليه بالسستم علشان يصرف له المعاش ...
اداري التربيه اهو اللي ينفذ قرارات نقل و ندب المعلمين من مدرسه لي مدرسه ...
اداري التربيه اهو اللي يدخل علاوه الاولاد كل ما رزق المعلم بطفل ...
اداري التربيه اهو اللي سنويا يبحث حاله كل معلم من اجازات و تقارير و قانونيه و خبره تدريسيه علشان يدرج اسم المعلم بالاعمال الممتازه و ينفذها لتصرف له ...
اداري التربيه اهو اللي سنويا يبحث حاله كل معلم من اجازات و تقارير و قانونيه و خبره تدريسيه علشان يدرج اسم المعلم بقرارات الكادر للمسمى الوظيفي و يصدر قرار ترفيعي له و ينفذه بديوان الخدمه المدنيه حتى يصرف للمعلم ...
اداري التربيه اهو اللي يقوم باستخراج شهادات الراتب و الاستمراريه و لمن يهمه الامر و الشهادات الاخرى للمعلمين ...
اداري التربيه اهو اللي يسجل اجازات المعلمين من مرضيه او امومه و الاجازات الاخرى ...

ثانيا من ناحيه الاداريين ..
اداري التربيه يقوم بعمل جميع معاملات الاداريين اللتي يقوم بها للمعلمين ...

ثالثا من ناحيه الطلبه ...
اداري التربيه اهو اللي يفتح ملف للطالب من بداية تعليمه حتى تخرجه ...
اداري التربيه اهو اللي ينفذ قرارات نقل الطلبه من مدرسه لي مدرسه ...
اداري التربيه اهو اللي يستخرج شهاده تخرج الطالب و تصديقها له ...

اداري التربيه اهو اللي يستقبل و يرسلا لمعاملات و يوزعها للجهات المختصه لعمل اللازم ...

و كل ما سبق جزء من اعمال الموظف الاداري بوزارة التربيه و المناطق التعليميه فقط

هذا شغلكم
هذي طبيعة عملكم
مو زياده عليكم

عيل باجر يقول الطبيب ابي وابي وابي
لاني اعالج الناس واسوي عمليات !!!

 

[Shaik]

حبيبتي ساندرلا اللي مسوين اضراب من الاداريات مو من قسم معين او تخصص معين

المعلمات الكل عارف ان شغلتهم تدريس و اللي ادرس مسماها معلمه

اما مسمى الاداري يتفرع منه كذا مسمى و كذا تخصص

يعني مثلا عندج الاخصائيات غير و السكرتاريه غير و المحاسبه غير و صائغ البرامج غير و غيره و غيره و غيره
و كل تخصص و له مطالباته

فلما المعلمه تتكلم و تحتج فهي تتكلم عن كل المعلمات
اما الاداريه لما تتكلم فهي تتكلم عن اللي لهم نفس تخصصها

 

[Shaik]

رفيجتي تشتغل اداريه ب مدرسه
دقت علي قبل شهرين " عفيه شلون اشوف افلام من الايباد قلت لها ليش
قالت ماكو شغل من اداوم الصبح لما الهده ماعندي شغل بقزر وقتي ب الافلام
امس داقه علي تقول احنا نستاهل الكادر انا تعبت تعبت من الشغل

الاخصائيات اهم صج الي يستاهلون كادر صج يتعبون
وغيرهم الله يرزقهم من عنده اذا ع الكادر الله اهو الرزاق لا الحكومه ولا المجلس
بس لايقولون نشتغل وتعب وكراف يبه والله شوف عيونا

ارد اعيد و ازيد و اقول
الاداريات مو كلهم نفس التخصص و نفس الشغل يشتغلون فلا تجمعون بكلامكم