تجاربي بعالم البشره والشعر مع تقييمي ( متجدد )

[رورو 88]

رقه الاحساس

العنود البلوي

مس بي كي

فيونكه

كريستال

مس اينجل

فراوله

عطورات المطيري

طفله كبيره

عبقريه

مشكوووورين على ردودكم فديتكم

 

[*Lune*]

تسلمن على الموضوع الحلو و المفيد بصراحه

بس بغيت اسالج شنو الاكسجين اللي ذكرتيه اول شي ؟؟
هو نفسه الاكسجين اللي ينخلط مع التشقير و الصبغات ؟؟

 

[رورو 88]

lune مادري اذا نفسه بس اهوا خفيف حيييل مسوينا تونك ماي الاكسجين يعني

 

[الاء حسين]

تسلمين حبيبتي من ذوقج :eh_s(17):

بشرتي مختلطه جافه عند ال t zone ودهنيه بالباجي

هالايام ارطب بويهي بكريم اللولو من gutto

بس اذا بشرتج دهنيه حيل انصحج بكريم لوريال الازرق اللي مع المجموعه

ينشف ويهج بدون مااتحسين ان يتشقق

ربي يسعدك يارورو ربي يبارك فيك ان شاءالله بس اقدر اشترية لوحدة بدون المجموعة

ربي يسعدك والاقية فين ربي يوفقك

 

[A.N.L]

عليج بالعافيه قلب

عاد تصدقين كنت بجرب كريم بالمرز سكسس بس سويت عليه سيرج

وطلع من ضمن الكريمات اللي فيهم زئبق عاد خفت وهونت

 

[رورو 88]

ربي يسعدك يارورو ربي يبارك فيك ان شاءالله بس اقدر اشترية لوحدة بدون المجموعة

ربي يسعدك والاقية فين ربي يوفقك

تسلمين حبيبتي عالدعوه :eh_s(17)::eh_s(17):

اي تقدرين تشترينه بروحه المجموعه ما تي مع بعض انتي تختارين منها

وتلقينه بالجمعيات روحي صوب الكريمات ستاند لوريال

نورتي :eh_s(7):

 

[رورو 88]

عليج بالعافيه قلب

عاد تصدقين كنت بجرب كريم بالمرز سكسس بس سويت عليه سيرج

وطلع من ضمن الكريمات اللي فيهم زئبق عاد خفت وهونت

وي وي يا حسرتي :eh_s(16):

عاد تصدقين استعمله من فتره ونتايجه صج سريعه

عاد انا كلش ولا هالسوالف يا ليت اتحطين السيرج

ونورتي اموت على مواضيعج

 

[غيرتي نار]

موضوعك حلو وننتظر المزيد ومشكورة

 

[foshia girl]

الموووضع رووووووووعه

يعطيج العافيه على هالمجهووود

 

[رورو 88]

ماسك من soap and glory ​

​

تقييمي 8 من 10 اهوا ينظف الويه حيل اتحسين ​

جنج حاطه معجون اسنان على ويهج عرفتوا الاحساس ​

حلو تستعملينه بين فتره وفتره ينظف ​

كريم الريل من هامالايا ​

​

تقييمي 9 من 10 حلو وينعم الريل استعملوا وراه ​

جلوسليد الاحمر ولبسوا دلاغ وشوفوا النعومه ​

ونصيحه بنات: اذا مافيج يلد ميت لا تفركين ريلج ​

حيل من تحت بمالت ال scrub لان جذي راح يطلعلج ​

هالكلام قالتلي ياه وحده كانت اتسويلي بدكير ومنكير ​

كريم العين من ديور ​

​

تقييمي 9 من 10 انا اشتري وايد ميكاب منهم ​

فعطوني سامبلز منه يهبببل وايد حلو ​

منتجات ماركه biosphere ​

​

وحده تيج البيت اتسويلج تنظيف بشره ببلاش وتعرض منتجاتهم​

الغسول 9 من 10 وايد حلو ويصفي واتحسين بنعومه​

التونك 3من 10 ما ناسبني وقطعته طلعتلي حبه من قمت استخدمه​

وحطتلي مثل ماسك قالتلي بعد ساعه غسليه اينننن خفيف حيل ​

ومن اول مره بتحسين بفرق بس حسافه ما خذيته وناسيه​

اسمه ومن اي مجموعه​

عيب هالمجموعه اسعارها وايد غاليه لان الماركه سويسريه​

غسول جونسون اللي يشيل الميكاب ​

​

تقييمي 10 من 10 يهبل ومن زمان متكلمه عن بقسم الميكاب ​

يشيل الميكاب وبثانيه وينعم الويه باختصار اينن ​

بس انا مااستخدمه على عيني استعمل مناديل جونسون​

كريم فيتامين اي من بودي شوب ​

​

تقييمي 9 من 10 وايد حلو الكريم واتحسين فيه لمسه ورديه​

يعطيج نضاره واللي تشتغل قالتلي استخدميه قبل الميكاب​

حبيته خفيف وحلوو ​

لوشن فيتامين سي ​

​

تقييمي 6 من 10 حسيته عادي ولوشن بلوك اند وايت ​

اللي بالبابايا احلى منه بمليون مره ​

غسول وبخاخ من فيم فرش​

​

تقييمي لهم 10 من 10 يهبلون انتعاش ونظافه والبخاخ ​

ريحته اتينن وقويه​

 

[رورو 88]

foshia girl وغيرتي نار مشكورين حبايبي :eh_s(17):​

منتجاتي بعالم الشعر ​

​

شامبوات ماركه alterna ​

استعملت منهم ​

شامبو الكافيار حق الشعر الاشقر ​

​

شامبو اللمعه ​

​

شامبو الفوليوم ​

​

تقييمي لهم 10 من 10 ريحتهم اتيييينن ووايد حلوين ​

عالشعر خصوصا مال الشعر الاشقر وفي حق الوان ثانيه يهبل ​

حتى وحده يايه تصبغ شعري وغسلت منه اتقولي من وين شامبوج​

بس مال الفوليوم ما حسيته يعطي فوليوم يعني ​

ماسك اللمعان المكثف من نيفيا ​

​

تقييمي 10 من 10 لو في شي فوق العشره جان عطيته لووووول​

ريحته جنها عطر من حلاته وينعم بس اتغسلينه بالماي اتحسين شعرج يزلق​

شامبو هيربال اسينسيز ​

​

تقييمي 4 من 10 صج ريحته حلوه بس احس ينشف الشعر​

ماسك غارنيه الفسفوري ​

​

تقييمي 9 من 10 وايد حلو وينعم بس نيفيا احلى بصراحه ​

اليديد غطاه احمر الحين ​

شامبو دووف ​

​

تقييمي له صفر لوووول امبيه جد فاشل جنج متسبحه بكريم ​

يخلي الشعر ملحس اذكر شامبوي كان مخلص وخذيته من امي ​

حتى اهيا قالتلي قطيه .. هالشامبو يمكن ينفع حق ​

الشعر التاالف ​

شامبو وبلسم فيكتوريا سيكرت so sexy ​

​

تقييمي 10 من 10 وايد حلو وخفيف عالشعر حبيته ​

صبغه لوريال مع البلسم اللي ايي معاها ​

​

من سنين مره صبغت اسود مزرق مادري شطاري علي لوووول​

وترى ما يدوم هالصبغ اذكر جم اسبوع وخف بس البلسم اللي ​

مع الصبغه خيااااالي جان زين لو يبيعونه بروحه ​

تقييمي له 10 من 10 وبجداره يخلي شعرج ناااعم ​

بس منفوش شوي عرفتوا قصدي :rerrerek:​

شامبو الحصان ​

​

تقييمي 6 من 10 عيبه ينشف الشعر بصراحه يعني ​

يبيلج ماسك او بلسم قوي وراه​

 

[a7вĸ мσσστ]

يعطيك العافية

 

[رورو 88]

تسلمين حبيبتي

 

[عبقرية]

مشاء الله

متايعكي ​

 

[ABEER FLOWER]

مجهود تشكرين عليه

يعطيج ربي ألف عاااااااااااااااافيه ​

 

[ايطاليه]

رووووعه الموضوع

كملي حبيبتي

 

[تعب-قلبي]

موضوعج حلو ووين الاقي شامبو الشعر الاشقر وبجم خذيتيه

 

[رورو 88]

مشكووورين بنات

تعب قلبي من هالسايت والحين نزلوا سعره صار 10 الا ربع

http://www.mybeautybar.net/client/product_details.asp?id=2126&category=hair



البارت الثاني راح يكون عن تعطير الجسم

 

[حنــين]

موضووعك رووعه ..

متآآبعه ..

 

[مسكارة كحلية]

اولا حبيت اشكرك علي الموضوع الحلو ...... بس عندي سوال ممكن تقولين لنا كيف طريقتج في استخدام الغسول مع الاكسجين مع الكريم هل تقصدين اول تحطين الغسول وبعدها الاكسجين وبعدها الكريم ..... والاكسجين اشكثر تخلينه على البشرة ....... ياريت توضحين لنا

وشكرا