سوالف طلبات النت (( مكياج و أغراض تنظيم المكياج ))

[مراوي22]

أخيرا بنات فتحت موضوع حق قرقتنه إلي ماتخلص مع إني ليحين مانزلت الصور إلي وعدتكم أنزلها بس إن شاء الله كل يوم أحط لكم جم شغله وهالموضوع عشان نحط فيه تجاربنه وخبراتنه وكل وحده تفيد الثانيه

طلبتي شي من النت وعجبج حطيه مع الموقع إلي طلبتي منه آنه عني دايم أطلب من أمازون وإن شاء الله راح أنزل الصور

أول صوره بتكون من سفرتي لديرة الخير الكويت فديت الديره وشعبها والله عسل وسوقها ومطاعمها وكلشي وهذي صوره أهديها لكم

[URL="http://www.qzal.net"]تحميل

[/url]http://www.qzal.net

أحس زاد وزني 5 كيلو بسبته :eh_s(16):

[URL="http://www.qzal.net"]تحميل

[/url]http://www.qzal.net

أول ماوصلنه رحنه كلينه منه وبالليل رجعنا له وثاني يوم أخذناه معانه المطار كليناه بالطياره :rerrerek:

[URL="http://www.qzal.net"]تحميل

[/url]http://www.qzal.net

[URL="http://www.qzal.net"]تحميل

[/url]http://www.qzal.net

ترا الموضوع مو حق حلويات بس هاي قدوعي

 

[مراوي22]

رحت الكويت يوم واحد وأكيد لي رجعه لأني الصراحه ماشبعت منها

أول يوم رحنه مجمع 360 مثل مارشحو لي أغلب البنات في هالمنتدى وأشكرهم جزيل الشكر لأنه صج يستاهل الزياره هالمجمع حبيته وايد مجمع راقي وهادئ وغير إنه هالكوفي شوب موجود فيه يمي يمي

ورحنه الافنيوز وبعد قضيناها شوية تسوق مع بلع ياي على مطاعمكم أحتج ليش ماعندنه مثلكم في البحرين :rgewrg: بس تدرون أحسن حفاظاً على الوزن أحسن خلنه جذي على ماكدونلز وربعه :eh_s(10):

ثاني يوم قبل مانروح المطار مرينه على سوق المباركيه وخذيت منه الرفوف إلي طال إنتظارهم وكنت مفكره أطلبهم من النت والحمدلله إني ماطلبتهم لأنه مع الوزن راح أدفع ضعف سعره وماتسوى الصراحه

[URL="http://www.qzal.net"]تحميل

[/url]http://www.qzal.net

عذروني التصوير مب واضح بس حبيت أوريكم الفكره وإن شاء الله راح أصورهم من كيمرتي الثانيه

[URL="http://www.qzal.net"]تحميل

[/url]http://www.qzal.net

وهالرفوف حطيت فيها السنقل آي شدو ويا البينت بوت إرتحت من عفستهم عالطاوله وغير إنه تعالي نظفيهم كل يوم عن الغبار

إن شاء الله بنزل باقي صور أغراضي وأبي تفاعلكم

 

[غناااتي]

وناآاسه أول وحده ارد هالموضوع انطره من زماآان
انا طلبت من بنات بالمنتدى بس اذا تعلمت اشلون انزل الصور بنزلهم

 

[بحرينيه كشوخيه"]

ياحياتي بنت ديرتي

وبعد ماتقولين لي رايحه الكويت جان وصيتج على هلأرفف تبع الميكب

وشسمونه احنا عندنا كوفي شوبات هلون بس كله مخششين لوووول

عندنا لاشوكلا وليلو ومايا وبالي وبول ووايد تبع جوكلت أنتي بس طبي وتخيري وأنا أقولج

ولي باك مع صور من ميكبي إلي طالبته من النت إن شاء الله

 

[مراوي22]

وناآاسه أول وحده ارد هالموضوع انطره من زماآان
انا طلبت من بنات بالمنتدى بس اذا تعلمت اشلون انزل الصور بنزلهم

يا هلا ويا مسهلا شرفتيني حبيبتي جوفي الطريقه كلش سهله بس إن شاء الله أعرف أشرح عدل نزلي الصور من موبايلج للجهاز بعدين إختاري لج أي موقع حق تنزيل الصور وعندج من نفس المنتدى فوق مكتوب تنزيل الصور دشي عليه وأختاري الصوره وهو بيحول الصوره لج لرابط تنزلينه إهني وبس إن شاء الله فهمتي علي :eh_s(22):

ياحياتي بنت ديرتي

وبعد ماتقولين لي رايحه الكويت جان وصيتج على هلأرفف تبع الميكب

وشسمونه احنا عندنا كوفي شوبات هلون بس كله مخششين لوووول

عندنا لاشوكلا وليلو ومايا وبالي وبول ووايد تبع جوكلت أنتي بس طبي وتخيري وأنا أقولج

ولي باك مع صور من ميكبي إلي طالبته من النت إن شاء الله

فديت بنت ديرتي أفا عليج إن شاء الله إجازة العيد الوطني باروح وتامريني أمر ماطلبتي يالغاليه تعرفين ماشبعت من المباركيه ولا الافنيوز يبيله كل واحد منهم تخصصين له يوم كامل في وايد أشياء ماخذيتها من المباركيه في وايد أشياء حق ترتيب المكياج المقسمات إلي تخلينها حق البلاشر وشي ثاني حق الباليتات وايد أفكار إن شاء الله راجعه

وعن ليلو ومايا ولاشوكولا كلهم كوم وهالمزيون إلي رحته لادور كوم رووووعه حلوياتهم مب ثقيله خفيفه يعني عادي آكل نوعين ثلاث مع بعض وتحسين بإنتعاش لمن تاكلينه وغير الماكرون مالهم ماكرون على أصول عمري ماكلت مثله هالمره باخذ لج منه وجربيه :rerrerek: أقولج لي الطياره وإحنه نهف فيه ههههه

يالله أنتظر صورج

 

[M!$$_BLinG]

فديتج والله انج عسل عالقلب
احب اسلوبج فالكلام
اصلا هل البحرين كلهم جي عسل عسل وربي
=====
اول شي طاحت عيني عالكوفي هههههههههههههههه عليكم بالعافيه يا رب
والرفوف لي خذتيهم روعه والله ترتيب
وان شاء الله تزورينها لمده اطول

انا امنيتي ازور الكويت وقطر البرحين عاد زرتها بس كنت مراهقه خخخخخ
ربي يحفظ دول الخليج يا رب

 

[مراوي22]

فديتج والله انج عسل عالقلب
احب اسلوبج فالكلام
اصلا هل البحرين كلهم جي عسل عسل وربي
=====
اول شي طاحت عيني عالكوفي هههههههههههههههه عليكم بالعافيه يا رب
والرفوف لي خذتيهم روعه والله ترتيب
وان شاء الله تزورينها لمده اطول

انا امنيتي ازور الكويت وقطر البرحين عاد زرتها بس كنت مراهقه خخخخخ
ربي يحفظ دول الخليج يا رب

نتشرف فيج حبيبتي إنتي عزمي وإن ماشالتج البحرين تشيلج عيوني إنتي إلي عسل

يالله همتج حطي لنه جمن شغله من أغراضج الروعه النظيفه المرتبه تراني ما أنسى كلما أجوف إسمج أتذكر نظافة أغراضج :rerrerek:





بنات بدينه بالحركات 45 وحده داشه ولا جفت رد يالليل الليل :bbbiu:

 

[ضماي انت]

حيا الله مراوي عليج بالعافيه وحمدالله على السلامه شهيتيني على اللي تاكلينه
واهل لكويت شهادتنا فيهم مجروحه ديرتهم ماتنمل ولا تنعاف ويازين اهلها من يسمعونج بحرينيه لو تبين عيونهم بيعطونج وكفايه وقت الفزعات ماقصروا معانا عسى الله يحفظنا خليجنا ان شاءالله
وناطرين باقي الرفيووووووووووووو بشوف شنو خذتي ماخذتي
لاتذكريني يدي قارصتني ابي اخذ جم شغله بس انا مسويه تقشف وبفتل بعد تاريخ 26 لما يخلص المعرض المجوهرات ان شاءالله ما اشتري منه شي وارجع فليساتي حق الموووووووكياااااااااااااج

 

[بحرينيه كشوخيه"]

حبيبتي والله مراوي خيرج سابق بس أإبي سلامتج ياروحي

أنتي عسل وأسلوبج عسل جدا راقي ياراقيه

وهذول لعيونج أغراضي



إلي على اليمين باليت من موقع صيني بلشرات وشدوات حبيته وألوانه ثابته إلي على اليسار إيلف ليمتد ادشن بعضه حلو بعضه لوعه




بلشرات إيلف



ألوانهم وسواتش حبيتهم وجريب يكملون وبطلب يداد



مثبت الميكب البودر من إيلف وبرايمر للعين حبيتهم من قلب



تاتو للحواجب نفس بدي شوب ضبط



برونزاج وأنا أستخدمه لنجت الويه



فرشاه تهبل من قلب طقت على ماك



رموش من الموقع صيني بعد



وروجات من تش

وبث ياقلبي

وإلي عندها أي إستفسار تخبرني وعن الأسعار موذاكره بضبط بس مع شحن وكل شي وأغراض ثانيه صارلي ب66 دينار وجم ربيه يابلاش

ولتكبير صور ضغطو عليهم وبث يابعد جبدي

 

[مراوي22]

حيا الله مراوي عليج بالعافيه وحمدالله على السلامه شهيتيني على اللي تاكلينه
واهل لكويت شهادتنا فيهم مجروحه ديرتهم ماتنمل ولا تنعاف ويازين اهلها من يسمعونج بحرينيه لو تبين عيونهم بيعطونج وكفايه وقت الفزعات ماقصروا معانا عسى الله يحفظنا خليجنا ان شاءالله
وناطرين باقي الرفيووووووووووووو بشوف شنو خذتي ماخذتي
لاتذكريني يدي قارصتني ابي اخذ جم شغله بس انا مسويه تقشف وبفتل بعد تاريخ 26 لما يخلص المعرض المجوهرات ان شاءالله ما اشتري منه شي وارجع فليساتي حق الموووووووكياااااااااااااج

الله يسلمج حبيبتي يا هالمعرض إلي ذابحنه الحمدلله إني ماحب المجوهرات هههه غريبه لا مجوهراتي مكياجي :d يالله إن شاء الله تاخذين إلي يسرج من المعرض وبعد صوري لنه إشبتاخذين يمكنأحول إدماني للمجوهرات وبعدين مالي إلا أبيعهم وأروح أشتري مجوهرات لأني إفلاس

حبيبتي والله مراوي خيرج سابق بس أإبي سلامتج ياروحي

ماشاء الله أغراضج وايد حلوه وبلشرات إيلف وايد يقارنونهم بنارس إنتي رحتي محلهم في مدينة عيسى ذيج المره رحت وخذيت إيلاينر الكريمي ألوان وخذيت شادو باليت مو نفسج مع إنها أقنعتني إلي تبيع قالت لي هاي وايد يمشي بس حسيت عندي نفس ألوانه بس دامج تقولين مب شي بس زين ماخذيته وكنت أبي بروشاتهم الصراحه حلوين بس كله مخلص إنتي لو تبين بلشرات روحي لهم لاتطلبين بتدفعين أكثر من النت إذا ماتدلينه يصير الصفه إلي مجابله محل صبايا مال أغراض الصالونات

شوقتيني آخذ منهم باقي الاغراض

 

[ميس هارودز]

متابعكم موضوع وحوار يشوق انا بالبحرين هالاسبوع ..قاعدين نتبادل السفرات

 

[JvvvC]

مراوووي مشكوره حبيبتي على الموضوع كنت ناطرته من زمان :**

وبالعافيه عليج مشترياتج و الحمدلله على السلامه



و مثل ما وعدتكم طريقه التسجيل و الطلب من ماك uk

اول شي ندش السايت

http://www.maccosmetics.co.uk/

بعدين تابعي مع الصور

كل شي واضح والي متعوده تشتري اون لاين ما بيصعب عليها ان شاء الله وان شاء الله يفيدكم واي سؤال من عيوني

بالنهايه الموضوع متعوب عليه و الي تستفيد منه تدعيلي ان الله يحقق الي ببالي

 

[q8 83]

موضوع عجيييييييييييييييب ان شالله بنزل لكم صور مشترياتي من سيفورا نيويورك بس خل اصورهم

 

[قطوووة]

انا طلبت مكياج اريبن ديكاي نيكد البااليت

من النت ..

ؤقاعده ااحاؤل اطلب من elf بس مؤ راضي مادري ليش

 

[بحرينيه كشوخيه"]

الله يسلمج حبيبتي يا هالمعرض إلي ذابحنه الحمدلله إني ماحب المجوهرات هههه غريبه لا مجوهراتي مكياجي :d يالله إن شاء الله تاخذين إلي يسرج من المعرض وبعد صوري لنه إشبتاخذين يمكنأحول إدماني للمجوهرات وبعدين مالي إلا أبيعهم وأروح أشتري مجوهرات لأني إفلاس

حبيبتي والله مراوي خيرج سابق بس أإبي سلامتج ياروحي

ماشاء الله أغراضج وايد حلوه وبلشرات إيلف وايد يقارنونهم بنارس إنتي رحتي محلهم في مدينة عيسى ذيج المره رحت وخذيت إيلاينر الكريمي ألوان وخذيت شادو باليت مو نفسج مع إنها أقنعتني إلي تبيع قالت لي هاي وايد يمشي بس حسيت عندي نفس ألوانه بس دامج تقولين مب شي بس زين ماخذيته وكنت أبي بروشاتهم الصراحه حلوين بس كله مخلص إنتي لو تبين بلشرات روحي لهم لاتطلبين بتدفعين أكثر من النت إذا ماتدلينه يصير الصفه إلي مجابله محل صبايا مال أغراض الصالونات

شوقتيني آخذ منهم باقي الاغراض

حبيبتي عيونج الحلوه شسمونه انا أطلبهم أون لاين ياقلبي

أيي زين ماخذتيه تخيلي بلموقع ب 10 دولا ويوم شحنوه لي وعفسه كلفني 10 دينار وهو مايسوى 5 وبلشراتهم صج نفس نارس أول مره أسمع عنه إلي بمدينه عيسى بروح له إن شاء الله إذا الله كتب وأيي هلماركه تسوى صراحه تاخذين منها عاد سنه معرض المجوهرات بروح اتطمش ماباخذ شي لنه كل سنه أصرف صرف فيه على أسواره وله خاتم مايسوى علي هلمره بس تطمش خخخخخ يله ياقلبي ناطره أغراضج الباقيه أنا وأنا طالبه طلبيه بتوصلني بعد أسبوع بنزلها هون إن شاء الله

 

[بحرينيه كشوخيه"]

مراوووي مشكوره حبيبتي على الموضوع كنت ناطرته من زمان :**

وبالعافيه عليج مشترياتج و الحمدلله على السلامه

و مثل ما وعدتكم طريقه التسجيل و الطلب من ماك uk

اول شي ندش السايت

http://www.maccosmetics.co.uk/

بعدين تابعي مع الصور

كل شي واضح والي متعوده تشتري اون لاين ما بيصعب عليها ان شاء الله وان شاء الله يفيدكم واي سؤال من عيوني

بالنهايه الموضوع متعوب عليه و الي تستفيد منه تدعيلي ان الله يحقق الي ببالي

ياحياتي كفيتي ووفيتي شرح مميز وبسيط للي مايعرفون يطلبون صراحه وإن شاء الله الكل يعرف يطلب

والله يحقق لج إلي ببالج دنيا وآخره

 

[مراوي22]

مس هارودز

تشرفينه حبيبتي إن ماشالتج الارض عيوني تشيلج وأي خدمه ترانه حاضرين وإذا تبين أطرش لج رقمي حاضره يمكن تحتاجين شي أو مساعده :eh_s(9):

تعالي ويبي بروشات سيجما وياج عيزانه أطلبهم أو بالاحرى مب عارفه شاطلب يشوقون كلهم :eh_s(22):

JVVVC

شرحج سهل فديت الخبيره آنه إنزين بسألج ألحين لو بطلب من أمازون بما إني دايما أطلب منهم أبي أطلب كريمات من ماركة لورا مرسيه أطلبهم من أمازون ولا موقع لورا الاصلي وإشلون أعرف إذا الموقع يوصل دايركت للبحرين أو لا لازم أحط صندوق البريد مال أمريكا :eh_s(10):


q8 83

شوقتيني حق أغراضج يالله صوري وزيدي لهيب الادمان هههههه

قطوه

آنه النيكد باليت طلبته من أمازون بس إلف ماعمري طلبت منهم إن شاء الله ترد عليج بحرينيه كشوخيه


وألحين بحط لكم شوية صور من أغراضي ببتدي بالترتيب اليوم بحط الفاونديشن وملحقاته باجر الشدوهات وآخر شي البلاشرات والبرونزر بما إنهم الاكثر

 

[مراوي22]

أول شي ببتدي بمجموعة العنايه بالبشره

[URL="http://www.qzal.net"]تحميل

[/url]http://www.qzal.net

من اليمين صابون الويه من افين كتبه لي دكتور جلدي قالي يناسب البشره الدهنيه إلي فيها مسامات وصار لي أستخدمه فوق الـ 5 سنوات ومرتاحه عليه

الثاني غسول المكياج أحب أغسل فيه ويهي بعدين فوقه أنظف بالقطن مع المحلول إلي يمه فضيييع لايحرق العين وخفيف عالبشره وينظف عدل

الرابع حبيب قلبي المقشر اليومي من بدي شوب بفيتامين سي ينعم الويه مو طبيعي وايد حبيته بس ماقمت أستخدمه كل يوم سمعت خبيرتنه سباركل تقول مب زين تقشرين ويهج كل يوم فقمت أستخدمه مره لي مرتين بالاسبوع حسب الحاجه

[URL="http://www.qzal.net"]تحميل

[/url]http://www.qzal.net

هالكريم من الصيدليه إسمه سكن فيتاميكس أمممم ماقدر أمدحه توني إسبوع باديه فيه وماجفت فرق بس حبيته عشان فيه فيتامين E وسعره 19 دينار :eh_s(10): مو جنه وايد هههه

[URL="http://www.qzal.net"]تحميل

[/url]http://www.qzal.net

الثلاثي المرح من اليمين مادري شاقول عنه بيس برايمر سموه إلي تسمونه أهو أصلا مب مكتوب عليه غير محسن للجلد بس آنه أحطه حتى لو بدون مكياج ينعم الويه ويطفي اللمعه جونااااااان وغير إنه بفيتامين سي يعني :rerrerek:

الوسطي غني عن التعريف مسترايزر من كلينيك أحبه ودايم أحطه قبل الفاونديشن وايد بنات يعتقدون إنه هالكريمات ماتصلح للبشره الدهنيه بالعكس البشره الدهنيه لازم تحطين لها مسترايزر قبل الفاونديشن

والاخير مست أند فكس من فور إيفر أحب أحطه إذا حسيت ويهي مغبر بما إنه إضاءة غرفتي مأساه لمن أحط مكياج وأطلع أجوف ويهي أختبص أقوم أرش هالمزيون ويخففه بس عدا عن ذلك ماجوف له أي لزمه :eh_s(4): رايي الشخصي

[URL="http://www.qzal.net"]تحميل

[/url]http://www.qzal.net

الفاونديشن

من اليمين الطينه إستي لودر إلي يحبونه يعذروني بس آنه ماحبيته كلش طينه عالويه جربته مرتين ومافكر أعيد الكره ليش محتفظه فيه ليحين مادري حلو شكله عالطاوله جربته بكذا فرشه بكذا إسفنجه حاولت أقنع روحي بس بعد لالا ماحبيته

الي بعده حبيب قلبي من ريفلون فوتو فنش روووعه مع إنه بشرتي مختلطه بس وايد حبيته ماحب الفاونديشن المات أحب لمعه خفيفه ذربه غير إنه درجاته تهبل :rerrerek: يقولون مقارب HD من فورإيفر وناويه آخذه

الثالث بوبي براون حلو خفيف رقيق ناعم وقميل بس يبيله بشره خاليه من التصبغات والعيوب لأنه تغطيته صفر

الرابع وايد أحبه ويناسب بشرتي بس يوم خلص إلي عندي رحت خذيت غيره وماكان عندهم تستر خذيت لون مايناسبني أصير جذي لين حطيته

آخر واحد تنتد مسترايزر من لورا مرسيه المدح إلي سمعته عليه مب طبيعي خذيته من بانكوك وماكان في تستر فقمت خذيت درجتين وللأسف كلش ماحبيته حده يدهن :eh_s(14):

 

[مراوي22]

[URL="http://www.qzal.net"]تحميل

[/url]http://www.qzal.net

من اليمين MSF ماك روعه أحب أستخدمه بروحه الصبح أحط شوية كونسيلر على الاماكن إلي أحتاج وأطبطب فوقه بهالبودره روعه عندي منها درجتين درجه غامجه أحطها مع فاونديشن إذا كان أفتح مني

الثاني برونزر بوبي براون رووووعه وبعد كريم فاونديشن لوووعه حرلم عليه كل فلس والقهر إنه غالي بعد طييينه عالويه عندي إياه من زمان لو تلاحظون مبين إني جربته بس مره وبس مابي أقطه خله زينه عالطاوله

الثالث بودرة ميبيلين إذا ماخاب ضني ماحبيتها خذيتها حق السفر كنت أبي شي في نسبة حمايه من الشمس وذي في 20 النسبه بس كلش ماحبيته

الاخير بودرة ماكس فاكتر هاي ثاني علبه آخذها آنه من النوع إلي ماخلص المكياج ما أحط وايد يعني الشي يتم عندي مليان وينتهي وأقطه وأهو ليحين فيه بس هالمزيون خلصت منه واحد وهاي الثاني و آنه لما أخلص الشي معناته إنه عاجبني مووووت

[URL="http://www.qzal.net"]تحميل

[/url]http://www.qzal.net

كونسيلراتي

من اليمين ماك ماحبيته أبد أحس وضيفته مو كونسيلر لا وضيفته بس إنه يخطط تحت العين مع إنه مافيني خطوط بس لمن أحط ذي أحس إنه عمري 50 من الخطوط :eh_s(4): خليته حق البقع إذا طلعت لي حراره أغطيها أو شي من هالقبيل

الوسطي من إيف سان لوران خفيففففف حده وبايخ ولايسوي شي لايخطط ولا يغطي ولايفتح ولايغمج آنه ماخذه الدرجه إلي المفروض تعطي نضاره لاجفت نضاره ولاهم يحزنون حده فاشل

الاخير من ريميل أحسنهم ماجربت وايد ماركات بس هذيلا إلي جربتهم وهاي من بينهم إلي حبيته مايخطط وتغطيته حلوه آنه ماعندي سواد وايد فحسيته حلو آنه مايهمني التغطيه كثر إنه مايخطط :eh_s(14): بس ذي عجبني مع إنه سعره ربع سعرهم بدينارين ونص جنه بس يستاهل

 

[مراوي22]

الحين بروشاتي

[URL="http://www.qzal.net"]تحميل

[/url]http://www.qzal.net

حطيتهم كلهم بهالعلبه هالعلبه مالت أي لاينر أربن ديكي المجموعه شلتهم وحطيت بروشاتي إهني عن الغبره كانو قبل في
[URL="http://www.qzal.net"]تحميل

[/url]http://www.qzal.net
بس شلتهم لأنه مو طبيعي إشلون يتوصخون بالغبره وجونه ماشاء الله عليه مايحتاي

هاي المجموعه خذيتها من أمازون ورخيصه بعد وايد حلوه
[URL="http://www.qzal.net"]تحميل

[/url]http://www.qzal.net

بس الدبدوب إلي فوق من ماك هههه حلاته نتفه

[URL="http://www.qzal.net"]تحميل

[/url]http://www.qzal.net

هذيلا أحبهم للفاونديشن

من اليمين من ماك أحبه حق الفاونديشن السائل الخفيف إلي جنه ماي مثل بوبي براون

الثاني من سيجما أحبه هم حق الفاونديشن السائل بس إلي أغلظ شوي مثل ريفلون والطينه إيف سان لوران دبل وير

الثالث إلي عندها منه تبيعه علي هالاسفنجه كانت مع بودرة كانيبو القديمه العلبه المدوره الرصاصيه الفاتحه جهه خشنه وجهه أنعم روووووعه عندي إياها من سنين بودرتها حلوه في أول الايام بعدين تغيرت مادري ليش بس تحسفت إني ماخذيت أكثر لأنها أحسن أسفنجه جربتها في حياتي تنفع للبودره للكريم السائل لكل شي راضيه آخذها مع البودره بس عشان أحصلها للأسف رحت إلا منزلين نوعيه أجدد وغيرو الاسفنجه

الاخيره جفت ريفيو عنها إنها أحسن شي تستخدمينها حق الدبل وير الفاونديشن بس للأسف ماحبيتها لأنه أساسا الفاونديشن مو حابته وماجربتها مع فاونديشن غير الصراحه فما عرف زينه أو لا

[URL="http://www.qzal.net"]تحميل

[/url]http://www.qzal.net

فرشة أم علي ههههه

حلوه حبيتها بس عيبها إنها وايد تطيح شعر يعني بعد ماتخلصين قعدي شيلي الشعر والوبر مع إني غسلتها أكثر من مره أعتقد إنه فرشهم مو كلهم نفس الشي لأنه بنات حبوها وقالو ماتطيح شعر

[URL="http://www.qzal.net"]تحميل

[/url]http://www.qzal.net

مسكراتي

ماحب آخذ وايد لأنه ينتهون بسرعه جربت من لوريال ثنتين إلي عاليمين واليسار ثنتينهم فاشلين بس إلي عاليمين السوده حبيتها حق الرموش التحتيه عشان بروشها ضعيف الي بالوسط حبايبي من لانكوم

وباجر بحط صور غير بعد إن شاء الله أفضى وأصور